呢輪返工好冇心機

完全投入唔到做野

好辛苦!!

所以中途睇左1集<<飛黃騰達>>

邊睇邊做野可以分散主意力

旦旦又推介Give me five比我地聽

咁先至捱到1日ja~

我想係度講我搵到另1個日記

都好似幾唔錯咁

想係度post出lay睇下大家覺得邊個好d

http://www.share-moment.com/diary/?userName=ernestsiu

請比d意見la~

如果冇錯sharemoment個個應該係冇得放歌

唔該晒~~

今日唔知乜事好多同事都冇返到
孖寶同陳景豪都請左假
Sara同Rita應該請左假去旅行
Victor朝早成日都唔係度
Tobi全日都冇乜點係個位度
搞到成team好冷清

朝早都係照常電台
下晏同旦旦1齊去開會
基本上食完飯之後我好似已經訓左成個鐘覺
開會個陣仲可以係本睡覺狀態中
真係爽ar!!!

仲要開完會去左M記買左個餐同旦旦share食
d時間咁就1分鐘1分鐘咁過左la~
見到食完個M記已經5點
真係好鬼開心!!!
全日到底做過d乜我自己都唔係好清楚

夜晚ar公生日
去左稻香食飯
估唔到姑丈仲以為我係讀緊書lor~
我個樣唔係真係細到咁ma~

今日戴左尋日收到gei旦旦頸巾

仲特登帶左相機係公司度影相

Panal 3寶 - 我、孖寶同旦旦

我今日真係成身都係藍色lor~~ haha~

係屋企用左唔少時間係facebook度

都仲係好似唔知做緊乜野咁

我想快d整晒d request

真係花左唔少時間

今晚睇左<<綁架>>

港產片lay講真係好唔錯

正如我之前講過而家d港產片片量越lay越

但就好似質量就好左!!

起碼可以有d吸引到我去睇gei衝動

或者有時候我都應該支持下香港電影

愛情本來係好簡單

愛一個人就好似係冰箱留個生果等另一半返lay食

愛一個人就係係夜晚為佢鍾意gei人係隻杯度添d熱水

愛一個人就係有權好霸度咁話「唔好再著個件衫! 著呢件, 呢件我新買gei」

愛一個人就係一本正經咁叫佢做野但又忍唔住同佢倒蛋

愛一個人就係打電話gei時候唔知講乜野只知道想聽到對方把聲

愛一個人就係將佢gei相放係銀包入面1日睇幾次或者掛念gei時候喊幾次

愛一個人就係係佢遲返gei時候諗1千種gei壞可能, 諗住等佢返lay個陣要鬧佢但到見面個陣又忍唔住擁抱對方

愛一個人就係想1刻鐘將美麗gei戀情收得密1密但下1刻鐘又想話晒比全世界人聽

愛一個人就係無論佢既好興壞你都會咁愛佢, 係心目中佢就好似一個細路仔

愛有時出於1種衝動有時出於1種本性有時出於1種吸引力

愛情講起上lay真係好似好簡單

但簡單gei愛情到底係邊度可以搵到lei?

又到底係咪真係有簡單gei愛情?

定係人類將簡單gei愛情諗得太過複雜?

不過點樣都好

愛就係包含住甜酸苦辣

今晚企左係百老匯收銀個度附近

望住個播預告gei電視

都企左成3個字度

睇左好多個預告

發現好似有好多套戲都好吸引咁

我諗我真係好鬼鍾意睇戲la~~~

P.S. 今日仲收到旦旦織gei頸巾!!!

多謝晒!!

呢個星期又凍返

岩晒_~

成個月冇唱到k

跟住呢2個星期就唱左2次

不過唔緊要

反正上1次唱得唔夠喉

今日約左肥馬騮同埋賤人去大角咀個度唱k

都知佢2個會遲ga la~

好彩我遲得lay大家時間上都差唔多

大家本身約2點半gei

點知成3點先到lor~

真係癲!!

不過唔夠我癲

淨係著左件短衫加件外套

原先話淨係得2個半鐘真係唔多

點知我地唱唱下唱左4個鐘

真係夠晒喉la~~

中間唱關心妍個2首歌仲要又中文又普通話

真係笑到肚都痛埋!!!!

好彩出面都唔太凍

盡量食完飯快少少返到屋企

今晚同呀Jun去左旺角睇<<死神狂嚇>>

本身想去睇<<集結號>>

不過呀Jun遲放工冇買到飛

咁近排都好似冇乜好戲睇

根本上我淨係睇過1次trailer

我根本上係唔知套戲講乜野

1開頭都ok gei~

唔知做乜事個主角要死完又死

係咁死個唔停

仲要1次快死過1次

又唔知點解d死神要殺死佢

睇左大半場先知道個原因

好似有d牽強

如果計西片lay講呢套都算唔掂

不過更唔掂gei我都睇過

但相比起港產爛片呢套都會好d gei~

P.S. 開左個facebook而家先用

但發覺自己好似唔多識用

好似幾煩咁

今日聽到1單新聞真係好想同大家分享

地點係發生係大陸

有1個叫做ar福gei男人同1個女人結左婚15年

而前題係呢個男人gei睪丸素偏低

咁ar褔就出去工幹

係個度識左個男人

佢鍾意左呢個男人

仲打算去做變性手術

係做手術之前個醫生就同ar褔講唔可以同佢做呢個手術

原因有2:

第1係結左婚

第2佢做變性手術前係要得到佢老婆gei准許

佢即刻打電話比佢老婆同佢講離婚

而佢老婆即時gei回應係「好ar」

咁佢就返去同老婆簽紙離婚

殺出個奶奶(ar褔媽)

佢當然唔比佢個仔做d咁gei野la~

就係咁打佢

呢1刻ar福同佢老婆好似姊妹咁抱住對方喊晒口

ar褔邊喊邊講住「我真係好想做女人ga~~~~」

最後佢老婆停止左個奶奶gei行為

同佢奶奶講佢會去政府度同佢老公簽字離婚

果然真係「中國真巴閉」!!!

我覺得如果我講出口應該會好笑d

愛呢個字包含住1個乜野字

就係個心字

如果1個人愛另外1個人冇用個心咁又算唔算愛lei?

愛係1個人對1個人

所以做任何事都係出於個心

少左個心字

愛會變成乜野字

係接受個受字

係咪冇左個心愛就淨係可以接受?

對方個心都抽離左我地可以點

唯有選擇默默去承受1個冇心gei受情

咁到底係咪心甘情願

如果係點解係夜闌人靜gei時候會1個人暗自流淚

點解睇到心裏面個個人去搵另外1個人個陣會感到難過

或者我地仍然有個心係度

選擇承受自己難過以為係1種愛

以為為佢承受咁多佢就會愛返我

係咪真係咁lei?

心已經唔存在咁gei愛又可以支撐幾耐lei?

我地gei傷心難過眼淚寂寞1個人獨自承受

其實所有負累都係自己比自己

對方已經冇左心

我地所受gei只係單方面無法支撐gei愛

係自尋gei煩惱

承受住只有我愛你同我願意咁又算唔算完整gei愛

或者冇左心gei愛我地可以學習接受

冇心又點會有根

如果今日你所得到gei愛係1個受字

你就應該好好咁諗下究竟幾時幾刻冇左個心

搵唔搵得返又等唔等落去?