經過尋日睇多一個婦科後我即時call嫂嫂傾，今日家姐覆我後就即刻約婦科醫生排期做手術；我會於本月廿日入院做手術，阿頭雖然27號就返工但....我身體似乎唔能夠忍到佢返到先做手術....因為今日成日都好痛....不過最好笑係alicia話你唔好形凝住就唔痛，我想講即使無凝住都好痛好痛食埋止痛藥都痛....幸好vicky同cherry聽到alicia咁講即時連環幫口，因為o個刻我無咁好氣同佢講呢........而我知道因為我突然入院增加了alicia同埋cherry o既work flow但....Sorry呢我真係太辛苦喇.....

今日我已經call o左阿頭同佢講聲我廿號做手術，好多謝sally你對我包容，亦感謝佢同kathy無怪我突然有呢個病麻煩了她們許多許多，而且sally叫我做完手術要call佢匯報佢話會抽時間去醫院探我....而ling ling同埋siesie都會探我，我諗我唔駛怕悶喇。因為住院四日nIx最擔心會好悶好悶呢.......

仲有一星期度...nIx就做手術...心情好緊張又有少少擔心，但幫我做手術醫生係幫諾諾同悠悠接生o架，因此家姐同嫂嫂都對佢極有信心，所以我都要對自己醫生有信心手術先會百份百成功，而家我擔心反而係工作上o既事....不過我能力有限擔心好似無咩用呀...只好信任alicia能力吧!

今日jessie話公司無o左我唔會停，其實我唔係擔心個公司有無影響，只係覺得增加o左好多工作俾人，同埋我好怕自己辛苦去好哂o既程序會亂哂呢....不過我會乖乖咁做好手術好好休養，請各位朋友放心。

尋日太累，所以返到屋企未可以話返俾大家知我咩事.....其實事緣係星期二深夜訓訓下覺時我覺得個位置好痛....痛到訓唔到而且比平時更痛；於是陳生就帶我去威爾斯睇，咁o個晚去到心諗死啦仲有十幾人未睇我咪有排等，點知分流完之後唔駛十五分鐘我就可以見醫生，之後醫生做完初步檢查後就叫我出去等等佢會安排婦科落o黎睇我。經婦科睇完後....醫生就叫我留院觀察一日，其實我勁唔想留院....我第二日好忙o架嘛；又放一日假再請埋病假唔得o架....但醫生話觀察下會好好多始終我咁痛。於是我只好答應住院一日.......好彩尋日下午無咁痛喇，唔係又再留我就叫苦喇。不過醫生都幫我排期做手術，係四月八日係北區醫院，但我超唔想係北區做我問幫我排期位醫生可唔可以去第二間政府，佢話無喇因為新界區做呢項手術o既醫生過哂北區，如果我真係要做手術我諗我會問哥哥借一筆錢去做。雖然家姐話個瘤會有機會消失，但要等幾耐?我晚晚痛，家姐話係心理作用，但我係切切實實咁痛；我知家姐都有生水瘤...但始終係兩種唔同o既瘤點可以比擬?而且我唔知佢會消失定變大，點解唔等佢變大之前解決?我今日下午再約多一個婦科睇下係咪得出結論同私家及政府一樣，如果係的話我會考慮快快做手術解決。反正公司有得claim同埋我相信只爭哥哥尾數幾千元....佢應該唔會追我o既，而且嫂嫂可以係我做part time中扣除欠數。但再拖我會好辛苦呢...........

咁留院事件就匯報完畢。

今日返到公司，剛坐低太監就話尋日大陸打電話o黎講o個事件，咁佢又講到天一半地一半，之後我call上電腦部搵朋友問問啦，咁我同朋友傾電話講緊個事件時候，太監就係度叫話：『PhoenIx不如你打上大陸問下咩事啦』我唔理佢繼續同朋友傾返件事，睇下佢打上去問會唔會較為方便，因為始終呢件事佢跟進會好少少，始終佢係熟手嘛，咁太監又無啦啦叫囂：『唔係呢PhoenIx我覺得你應該打電話上大陸問清楚好呢』我即刻同朋友講叫佢等等，我就發哂火同太監講：『我而家處理緊啦，你唔好再嘈，我得一對耳我聽緊電話又聽你係度嘈』，之後就拎返起電話同朋友跟進件事。之後朋友話會幫我處理，只叫我休息下啦，因為佢知我尋日先出院，都叫我唔好激氣。個太監明知我尋日係院就應該要衡量我而家唔係小病呀，佢可唔可以唔好煩住哂呀?我而家尋日個mail box完全爆哂...今朝清mail清到半死，好彩得到alicia同埋cherry幫我手先做得咁快。真係唔該哂佢o地呀(^0^)

今日我都覺得好累....可能係醫院訓得太差啦....再加上自己尋晚訓待唔太好始終周身骨痛咁.....不過我頂得住。況且返埋聽日都放假啦，星期日先好好休息；點解星期日先休息?星期六我要幫人家做替工一日由早上十一到晚上十一，所以無得抖。不過可以係人家店度睇下碟又一日都算休息一種。而且有得休息，又幫到人加上有少少零用袋下都唔錯呀。

而家差唔多七點.....我尋晚個肚突痛(個瘤影響)之後三點幾入急症室....好快呀我第一次唔駛半個鐘見醫生...最後做一堆check up....醫生話要觀察...係醫院訓得奇差o既我一陣食完o野就訓....詳細情形...明天再講....再會

今日同陳生去行西貢...食o左好美味o既排骨飯同埋皇后多士，係食多士時我遇到一個好可愛小朋友，佢好惡o架不停嘈要飲可樂...但佢個樣加埋o的動靜真係好cute好可愛。哈哈加埋佢個look實在太得意喇....o個一刻我有諗過如果我生一個小朋友會唔會同佢一樣可愛同埋惡....不過一直無計劃生育o既我都只係想想罷了。即使見到小朋友幾可愛說真的你叫我生一個要養大佢我諗我無咁利害....加上遲少少做完手術哈哈可以生o既機會較微...不過i don't care

反正要擔心的事更多都唔得閒去擔心有無得生囉......

而7搭車返屋企時諗到.....與其政府排期到一月係十月份.我根本抽唔到時間入院做手術，咁倒不如自己係呢兩個月盡量小心到一月去醫院睇好。反正.....由急症室浪費幾個小時，都未必可以即時解決，我先更加唔想去到最痛之前就要係急症室坐到痛。見步行步好了......

今日係星期一；明天又得到一日假期，我想去探媽咪，但我真係....痛得有少少難以行百級樓梯。不過我會試下整紅豆糕(我第 一次整)放係屋企媽咪個位度俾佢試下，只希望佢真係會試得到!!

近日心情有少少矛盾，上星期收到醫院幫我所排o既期....2009年1月9日下午2:30。其實以政府醫院期o黎講算好快好快o架，只係我個位比較痛而已，所以今朝已經call去醫院留言等緊佢o地callback時我會問可唔可以再早少少，雖然我估到答案會係

『小姐而家人人都等緊，好多人都想早少少但真係無期，如果你真係太痛可以去睇急症等醫生再安排』

其實哥哥及嫂嫂都話可以幫我俾住先，不如我考慮下係私家做至少....擔心會少好多。點解咁講，大家記唔記得之前有新聞話一個女人係政府醫院被誤會係乳癌而將乳房切除嘛? 我好擔心如果佢o地又誤會我係癌將我唔應該切除地方切o左咁點算?同埋上次隻腳做手術雖然無咩恐怖事，但我諗起佢o地想幫我打豆豆時，明知血o個個位唔work都夾硬拮，攪到我被拮三四次隻手瘀哂喇先拮到就覺得可怕.......同埋今次唔同隻腳....始終係內臟我好擔心會有危險。所以想到私家；之前擔心私家好貴，但既然哥哥願意幫我點解唔接受?  不過我要先問下佢知唔知手術費係咁貴先? 我擔心佢一時之氣話幫我啦，但唔知手術費係咁勁....到時佢聽到打退堂鼓咁點算? 始終四萬蚊唔係小數目，雖然我公司醫療有得claim，但.....之後仍然有6800我要攤還俾哥哥，所以都諗緊係咪要同佢講我下年未必可以俾返佢住，要慢慢還呢? 如果佢問起點解會咁窮時，我會將重組件事講佢知，希望佢會體諒我啦。再唔係，我幫嫂嫂part time時扣返起o的錢都可以，雖然唔會有好多錢亦可能扣好耐，但好過拖住丫....係咪?

不過我知家姐又唔想我負擔太重而叫我等政府；不過......我而家拖住個瘤真係好唔舒服，雖然『control emotions』係有用，但有時唔小心無唸咒時激氣，個瘤都會痛痛o架。而且我對政府好無信心，不過點都好睇埋今個月先再算啦。我諗一個十月唔會有咩事掛? 反正我要去私家做十月份我都行唔開啦.....十月過後再算啦。

近日我都處於較苦惱狀態，雖然我都盡量叫自己唔好太擔心影響個瘤，但......有時好難避免。如果可以我真係想聽日就去切o左佢唔好咁煩....越快越好，攪到晚晚訓覺要左就右就，晚晚係床典個幾兩個鐘先訓到....簡直可怕。

原先今朝無咁痛，但頭先俾班大陸同事激親即時個小掩就好痛好痛。佢o地真係成班野人o黎o架，好嬲呀而家我。唉....算喇再提又痛，我都係唔好再提....我要control emotions、control emotions、control emotions、control emotions、control emotions

食完飯後繼續攪上午大陸可怕事件，唉最後暫時總算解決....剛剛又動了氣....control emotions、control emotions、control emotions、control emotions而家我只係好想快少少放工，因為今日o的holiday mood出哂o黎，咩都唔想做囉.......懶懶，又痛又懶，哈哈哈.......

近日我個人無哂智慧，只係想悠悠閒閒過活......唔知點解咩都唔想諗咩都唔想理....最好可以攤係床度望住個天由日頭變夜晚，之後思考一下.....我需要做o既行動、計劃。我正在計劃一件事，但....未係時候動手再等多一陣先.....

更新於六點

(呢個係CD+DVD COVER)

【CD+DVD】
01:あしたの空
02:SOMETHING NEW
03:WHITE LOVE～STEADY～BODY&SOULメドレー(予定)
04:あしたの空(Instrumental)
05:SOMETHING NEW(Instrumental)
06:WHITE LOVE～STEADY～BODY&SOULメドレー(Instrumental)(予定)

☆DVD☆
01:あしたの空 Music Clip+OFF SHOT(仮)收錄予定

(呢個係初回版)

【CD】
01:あしたの空
02:SOMETHING NEW
03:WHITE LOVE～STEADY～BODY&SOULメドレー(予定)
04:あしたの空(Instrumental)
05:SOMETHING NEW(Instrumental)
06:WHITE LOVE～STEADY～BODY&SOULメドレー(Instrumental)(予定)

http://www.visionfactory.jp/news/news_archives/0809240500_speed.html

頭先上網見到....SPEED新SINGLE「あしたの空」會係11月12日推出，會有兩個封面，一隻係CD+DVD，另一隻係初回版CD(好懷念初回版CD呢個字眼)，我一定揀買CD+DVD因為有MV睇，好期待o既一隻碟呀，2008年最後一隻nIx必定引入唱片。期待中，不過兩個COVER比較我較鍾意初回版呢....但只可買一隻啦...所以都係.....CD+DVD啦，有得聽又有得睇。唔知會唔會出港版呢?

今日起身時落好大雨，仲諗緊會唔會有更高風球；點知係無o架~~只係黃色暴雨囉....之後睇o左一陣電視再訓返...起身時已經差唔多四點見到有線第一台《活得很滋味》講挪威....介紹三文魚，好想食呀於是走落新城市一間餐廳食了三文魚三文治，好好味呀。之後行一陣係Jill Scott睇幾米銀包....好靚但無我最最最最最想要o既pattern，我最鍾意o既畫面就係《地下鐵》入面女主角坐係一個圖書館入面有好多好多書，而女主角坐係窗台望出窗(雖然她是盲的)，外面是黃昏時間好靚，而呢一頁的一句話係『誰願意為我在黃昏的窗邊唸一首詩。』好像有呢個畫面o既銀包我就會努力儲錢買一個俾自己。因為我太愛呢個畫面。

突然好想快點聖誕，因為好想收禮物

今日出去Gathering，去o左小肥羊飲茶因為$45任食，我居然癲到一個人食o左六個....流沙奶黃包，真係超好味。而今日亦係我胃口最好o既一日....唔知點解(=.=)lll可能個奶黃包超好味之故......而我近日都感到自己越來越腫....反正都係，算啦肥與唔乳在我眼中開始越來越無所謂....

尋日收到醫院通知信，排o左個期係2009年1月9日，其實以政府排期已經好快，但陳生、家姐等都覺得我應該打電話去醫院問問係咪一定要咁遲，因為而家巴晚咁痛唔係辦法，如果再唔係就要自己去急症睇病，因為如果醫生發現有問題會即時安排入院做手術。但其實我唔想咁樣入院呢.....最主要原因如果咁樣即時安排我入院....我o的工作會安排出現問題而得出好多麻煩....所以都係星期一再打電話到醫院問問先啦....如果改唔到期再算。

雖然晚晚無得訓好辛苦，但我總擔心如果特登push醫院....會有反效果，始終而家係內臟問題，我會怕影響到自己身體呢.....

其實而家打緊呢份日記時我個小掩又痛喇....但無同家人或者陳生講，始終而家仲可以頂得住，盡可能我都唔想係急症到吽幾個鐘浪費時間同埋我知會越坐越痛呢....到時仲衰

返埋今日，星期六、日有兩天假期；好開心呀，因為這星期睡眠不足，令我精神越來越差，幸好這世界還有水份面霜...令到我個樣望落無咁殘，唉........但心靈上似乎已經支撐不住了。始終『它』令我太痛喇；尋晚同埋今朝唔知撞咩鬼，架巴士都超"登"攪到我超痛呀，好唔舒服甚至想嘔(不過而家晚晚都會嘔=.=")；但搭火車好易被人撞，真煩。

而星期六及日我都已經計劃好自己行程：

(星期六) YOHK第一次Gathering，家姐話我要出席，認識下班同事，無所謂我咪當開完聚會，去銅鑼灣玩陣Holga至返沙田囉；不過唔知第一次Gathering會係點o既呢?雖然暫時所做都無支薪，但....我知只要家姐成功，我就有收入。捱一陣子.....就成功。加油! !

(星期日) 睇下星期六卷菲林影哂未，影哂就連同之前一卷菲林一齊拎去八月度曬相，好心急想睇下新相影成點，有無進步呢?見唔見得人呢?好緊張...............

不過....如果聽日、星期日打風就所有計劃取消.....因為根本出唔到去，點影到相同埋曬相? 至於開會嘛，要睇下家姐通知囉；所以一切計劃是否順利只睇打唔打風。

其實如果真係打風，唔知可唔可以捱到星期一先打呢?咁咪連住四日假囉.....發下夢先。

今晚放工約o左Wan，哈哈我尋日都係沉唔住氣同佢講o的好好笑說話，激死佢(^00^)v

突然收到哥哥個電話，哈哈稀客呀，都無諗住佢會call我添；一聽電話佢好緊張係咁問我做咩有個瘤，點解唔即刻切o左佢呀?我話無錢嘛，佢即刻話我幫你俾住先囉，你公司有得claim o架嘛，你claim俾返我囉。咁我咪話個尾數我都唔知幾時先俾得返你呀，一個月幾百蚊都有呀......之後我話其實私家話而家我可以用兩星期等政府醫院個期，睇下係咪太耐，如果太耐先考慮私家做手術都可以。哥哥先肯放心... ...

之後我call陳生同佢講，一路講一路笑話自己哥哥緊張大師，其實我個心好開心，因為感覺到哥哥關心，而且好似之前無試過佢咁緊張我咁.....其實我都諗緊佢o地知唔知切個瘤係私家要成四萬蚊? 好貴o架....同埋我係無能力咁快將尾數俾返佢o地呢?雖然我而家個位置真係好唔舒服，又咩都唔食得令我更加想快快解決佢，但經濟上始終唔容許，即使我知道家姐、哥哥同埋嫂嫂唔會見死不救，但之後我點還俾佢o地?我重組之後生活係好少少但只係足夠生活....再有額外支出我唔得呢....不過都好開心收到哥哥呢通電話，佢終於做到媽咪叫佢睇住兩個妹呢part，雖然唔係成日做到但以佢唔識點同兩個妹溝通o既性格，間唔中發生都好喇。

同埋佢o地放心啦如果政府醫院個期長到好過份，我又唔想再忍痛；自自然然會搵佢o地傾；因為一家人嘛。