今日同陳生去行西貢...食o左好美味o既排骨飯同埋皇后多士，係食多士時我遇到一個好可愛小朋友，佢好惡o架不停嘈要飲可樂...但佢個樣加埋o的動靜真係好cute好可愛。哈哈加埋佢個look實在太得意喇....o個一刻我有諗過如果我生一個小朋友會唔會同佢一樣可愛同埋惡....不過一直無計劃生育o既我都只係想想罷了。即使見到小朋友幾可愛說真的你叫我生一個要養大佢我諗我無咁利害....加上遲少少做完手術哈哈可以生o既機會較微...不過i don't care

反正要擔心的事更多都唔得閒去擔心有無得生囉......

而7搭車返屋企時諗到.....與其政府排期到一月係十月份.我根本抽唔到時間入院做手術，咁倒不如自己係呢兩個月盡量小心到一月去醫院睇好。反正.....由急症室浪費幾個小時，都未必可以即時解決，我先更加唔想去到最痛之前就要係急症室坐到痛。見步行步好了......

今日係星期一；明天又得到一日假期，我想去探媽咪，但我真係....痛得有少少難以行百級樓梯。不過我會試下整紅豆糕(我第 一次整)放係屋企媽咪個位度俾佢試下，只希望佢真係會試得到!!

近日心情有少少矛盾，上星期收到醫院幫我所排o既期....2009年1月9日下午2:30。其實以政府醫院期o黎講算好快好快o架，只係我個位比較痛而已，所以今朝已經call去醫院留言等緊佢o地callback時我會問可唔可以再早少少，雖然我估到答案會係

『小姐而家人人都等緊，好多人都想早少少但真係無期，如果你真係太痛可以去睇急症等醫生再安排』

其實哥哥及嫂嫂都話可以幫我俾住先，不如我考慮下係私家做至少....擔心會少好多。點解咁講，大家記唔記得之前有新聞話一個女人係政府醫院被誤會係乳癌而將乳房切除嘛? 我好擔心如果佢o地又誤會我係癌將我唔應該切除地方切o左咁點算?同埋上次隻腳做手術雖然無咩恐怖事，但我諗起佢o地想幫我打豆豆時，明知血o個個位唔work都夾硬拮，攪到我被拮三四次隻手瘀哂喇先拮到就覺得可怕.......同埋今次唔同隻腳....始終係內臟我好擔心會有危險。所以想到私家；之前擔心私家好貴，但既然哥哥願意幫我點解唔接受?  不過我要先問下佢知唔知手術費係咁貴先? 我擔心佢一時之氣話幫我啦，但唔知手術費係咁勁....到時佢聽到打退堂鼓咁點算? 始終四萬蚊唔係小數目，雖然我公司醫療有得claim，但.....之後仍然有6800我要攤還俾哥哥，所以都諗緊係咪要同佢講我下年未必可以俾返佢住，要慢慢還呢? 如果佢問起點解會咁窮時，我會將重組件事講佢知，希望佢會體諒我啦。再唔係，我幫嫂嫂part time時扣返起o的錢都可以，雖然唔會有好多錢亦可能扣好耐，但好過拖住丫....係咪?

不過我知家姐又唔想我負擔太重而叫我等政府；不過......我而家拖住個瘤真係好唔舒服，雖然『control emotions』係有用，但有時唔小心無唸咒時激氣，個瘤都會痛痛o架。而且我對政府好無信心，不過點都好睇埋今個月先再算啦。我諗一個十月唔會有咩事掛? 反正我要去私家做十月份我都行唔開啦.....十月過後再算啦。

近日我都處於較苦惱狀態，雖然我都盡量叫自己唔好太擔心影響個瘤，但......有時好難避免。如果可以我真係想聽日就去切o左佢唔好咁煩....越快越好，攪到晚晚訓覺要左就右就，晚晚係床典個幾兩個鐘先訓到....簡直可怕。

原先今朝無咁痛，但頭先俾班大陸同事激親即時個小掩就好痛好痛。佢o地真係成班野人o黎o架，好嬲呀而家我。唉....算喇再提又痛，我都係唔好再提....我要control emotions、control emotions、control emotions、control emotions、control emotions

食完飯後繼續攪上午大陸可怕事件，唉最後暫時總算解決....剛剛又動了氣....control emotions、control emotions、control emotions、control emotions而家我只係好想快少少放工，因為今日o的holiday mood出哂o黎，咩都唔想做囉.......懶懶，又痛又懶，哈哈哈.......

近日我個人無哂智慧，只係想悠悠閒閒過活......唔知點解咩都唔想諗咩都唔想理....最好可以攤係床度望住個天由日頭變夜晚，之後思考一下.....我需要做o既行動、計劃。我正在計劃一件事，但....未係時候動手再等多一陣先.....

更新於六點

(呢個係CD+DVD COVER)

【CD+DVD】
01:あしたの空
02:SOMETHING NEW
03:WHITE LOVE～STEADY～BODY&SOULメドレー(予定)
04:あしたの空(Instrumental)
05:SOMETHING NEW(Instrumental)
06:WHITE LOVE～STEADY～BODY&SOULメドレー(Instrumental)(予定)

☆DVD☆
01:あしたの空 Music Clip+OFF SHOT(仮)收錄予定

(呢個係初回版)

【CD】
01:あしたの空
02:SOMETHING NEW
03:WHITE LOVE～STEADY～BODY&SOULメドレー(予定)
04:あしたの空(Instrumental)
05:SOMETHING NEW(Instrumental)
06:WHITE LOVE～STEADY～BODY&SOULメドレー(Instrumental)(予定)

http://www.visionfactory.jp/news/news_archives/0809240500_speed.html

頭先上網見到....SPEED新SINGLE「あしたの空」會係11月12日推出，會有兩個封面，一隻係CD+DVD，另一隻係初回版CD(好懷念初回版CD呢個字眼)，我一定揀買CD+DVD因為有MV睇，好期待o既一隻碟呀，2008年最後一隻nIx必定引入唱片。期待中，不過兩個COVER比較我較鍾意初回版呢....但只可買一隻啦...所以都係.....CD+DVD啦，有得聽又有得睇。唔知會唔會出港版呢?

今日起身時落好大雨，仲諗緊會唔會有更高風球；點知係無o架~~只係黃色暴雨囉....之後睇o左一陣電視再訓返...起身時已經差唔多四點見到有線第一台《活得很滋味》講挪威....介紹三文魚，好想食呀於是走落新城市一間餐廳食了三文魚三文治，好好味呀。之後行一陣係Jill Scott睇幾米銀包....好靚但無我最最最最最想要o既pattern，我最鍾意o既畫面就係《地下鐵》入面女主角坐係一個圖書館入面有好多好多書，而女主角坐係窗台望出窗(雖然她是盲的)，外面是黃昏時間好靚，而呢一頁的一句話係『誰願意為我在黃昏的窗邊唸一首詩。』好像有呢個畫面o既銀包我就會努力儲錢買一個俾自己。因為我太愛呢個畫面。

突然好想快點聖誕，因為好想收禮物

今日出去Gathering，去o左小肥羊飲茶因為$45任食，我居然癲到一個人食o左六個....流沙奶黃包，真係超好味。而今日亦係我胃口最好o既一日....唔知點解(=.=)lll可能個奶黃包超好味之故......而我近日都感到自己越來越腫....反正都係，算啦肥與唔乳在我眼中開始越來越無所謂....

尋日收到醫院通知信，排o左個期係2009年1月9日，其實以政府排期已經好快，但陳生、家姐等都覺得我應該打電話去醫院問問係咪一定要咁遲，因為而家巴晚咁痛唔係辦法，如果再唔係就要自己去急症睇病，因為如果醫生發現有問題會即時安排入院做手術。但其實我唔想咁樣入院呢.....最主要原因如果咁樣即時安排我入院....我o的工作會安排出現問題而得出好多麻煩....所以都係星期一再打電話到醫院問問先啦....如果改唔到期再算。

雖然晚晚無得訓好辛苦，但我總擔心如果特登push醫院....會有反效果，始終而家係內臟問題，我會怕影響到自己身體呢.....

其實而家打緊呢份日記時我個小掩又痛喇....但無同家人或者陳生講，始終而家仲可以頂得住，盡可能我都唔想係急症到吽幾個鐘浪費時間同埋我知會越坐越痛呢....到時仲衰

返埋今日，星期六、日有兩天假期；好開心呀，因為這星期睡眠不足，令我精神越來越差，幸好這世界還有水份面霜...令到我個樣望落無咁殘，唉........但心靈上似乎已經支撐不住了。始終『它』令我太痛喇；尋晚同埋今朝唔知撞咩鬼，架巴士都超"登"攪到我超痛呀，好唔舒服甚至想嘔(不過而家晚晚都會嘔=.=")；但搭火車好易被人撞，真煩。

而星期六及日我都已經計劃好自己行程：

(星期六) YOHK第一次Gathering，家姐話我要出席，認識下班同事，無所謂我咪當開完聚會，去銅鑼灣玩陣Holga至返沙田囉；不過唔知第一次Gathering會係點o既呢?雖然暫時所做都無支薪，但....我知只要家姐成功，我就有收入。捱一陣子.....就成功。加油! !

(星期日) 睇下星期六卷菲林影哂未，影哂就連同之前一卷菲林一齊拎去八月度曬相，好心急想睇下新相影成點，有無進步呢?見唔見得人呢?好緊張...............

不過....如果聽日、星期日打風就所有計劃取消.....因為根本出唔到去，點影到相同埋曬相? 至於開會嘛，要睇下家姐通知囉；所以一切計劃是否順利只睇打唔打風。

其實如果真係打風，唔知可唔可以捱到星期一先打呢?咁咪連住四日假囉.....發下夢先。

今晚放工約o左Wan，哈哈我尋日都係沉唔住氣同佢講o的好好笑說話，激死佢(^00^)v

突然收到哥哥個電話，哈哈稀客呀，都無諗住佢會call我添；一聽電話佢好緊張係咁問我做咩有個瘤，點解唔即刻切o左佢呀?我話無錢嘛，佢即刻話我幫你俾住先囉，你公司有得claim o架嘛，你claim俾返我囉。咁我咪話個尾數我都唔知幾時先俾得返你呀，一個月幾百蚊都有呀......之後我話其實私家話而家我可以用兩星期等政府醫院個期，睇下係咪太耐，如果太耐先考慮私家做手術都可以。哥哥先肯放心... ...

之後我call陳生同佢講，一路講一路笑話自己哥哥緊張大師，其實我個心好開心，因為感覺到哥哥關心，而且好似之前無試過佢咁緊張我咁.....其實我都諗緊佢o地知唔知切個瘤係私家要成四萬蚊? 好貴o架....同埋我係無能力咁快將尾數俾返佢o地呢?雖然我而家個位置真係好唔舒服，又咩都唔食得令我更加想快快解決佢，但經濟上始終唔容許，即使我知道家姐、哥哥同埋嫂嫂唔會見死不救，但之後我點還俾佢o地?我重組之後生活係好少少但只係足夠生活....再有額外支出我唔得呢....不過都好開心收到哥哥呢通電話，佢終於做到媽咪叫佢睇住兩個妹呢part，雖然唔係成日做到但以佢唔識點同兩個妹溝通o既性格，間唔中發生都好喇。

同埋佢o地放心啦如果政府醫院個期長到好過份，我又唔想再忍痛；自自然然會搵佢o地傾；因為一家人嘛。

今日有少少發燒，不過我會努力支持；因為返埋聽日就放假啦，哈哈我好期待呀，因為我會揀星期....日去IKEA買一個物品，整一個之前完全未整過o既食物。希望成功，我一定會影相o架，不過懶懶o既我唔知幾時放相分享係事實。

有時我慶幸身邊永遠會有一兩個朋友會不離不棄支持我；我好開心自己有事她們會第一時間聆聽及幫助我；不管是心靈或金錢；但最重要是她們愛我的心。其實星期一好開心收到妳的電話，(我唔指明道姓了，你自己知就算)；開心係因為你睇到我個blog定sms，死我唔記得；而對我個病情慰問，感謝妳對我慰問；更感激你對我幫忙。你幫我之時正正係我聲名狼藉之時，但你仍然信任我，仍然對我不離不棄，真係幫我打了一支強心針。而今次這個病，我唔敢說是嚴重但總不是小事吧?我真係好擔心之後發生的事，現時每晚睡不著的我，星期一收到你的電話總感到窩心。感謝你，我的朋友。

今日唔算太忙，只係悠悠閒做下reports，不過好想快少少放工。因為尋晚訓得勁差而且又發燒，好想早少少回家睡一覺，係早少少睡一覺...........星期六有gathering，但同時我會拎部holga去影下相....好耐無玩holga喇。

更新於lunch後

食完飯囉，頭先食飯前係街見到嫂嫂，我同佢講o左有個瘤o既事；佢好緊張，嘩哈哈講真我未見過佢咁緊張我o既樣子，佢不停叫我先到私家做手術，我話無錢呀....佢就話可以幫我俾住先。但.....我都想等政府醫院個期；始終可以平好多，同埋......即使公司保險有得claim都唔係全份，咁仲有幾千蚊我點還俾嫂嫂呢?  有人提議話叫嫂嫂係我薪金(part time)度扣囉，但要扣幾耐呢?我都係第埋下星期睇下醫院有期未再決定啦........始終想慳得就慳啦。

其實今日個心真係唔想工作，好懶，因為發燒同埋痛；但我都會盡力做好工作。打埋呢篇日記得就繼續做reports喇，雖然望到堆invoice好唔想做.......但都要做o架啦，既然係我責任就要做得好好睇睇。加油吧nIx~~~~~

而家仍然諗返起尋日見到基仔的開心，哈哈無意中見到真係好驚喜同埋開心呀。而家正諗緊阿頭返到....點同佢講有瘤件事呢?

更新於下午六點後

未放得工呀，因為剛剛做完reports，但仍然有一堆memo要update落電腦，但對住o的單都對到傻喇，我要休息下先。而家除了《control emotion》外；仲要間唔中《relax~~~》如果唔係影響自己呢。而家做埋少少o野就等陳生接放工，近日辛苦佢喇，但唔叫佢接我真擔心自己會係街暈到，個人總係虛虛浮浮咁.....好唔自在。但我知唔可以成日叫陳生接啦，不過....暫時麻煩佢囉。

其實今日好想搵wan同埋另一位朋友傾偈；但她們都忙......只好遲少少先啦.....不過突然感到同wan有少少疏離感。應該係因為佢忙我又忙導致o既錯覺啦，始終忙到見唔到電話又講唔到一定有呢種感覺。始終同佢識差唔多廿年應該唔會無啦啦話疏離到完全無哂感情呢.....哈哈我又開始胡思亂想......《control emotion》

今日終於快放工喇，感到好幸福。因為....哈哈終於捱完一日，而且reports做哂更加開心。聽日....要跟埋o的報價喇，Sally唔係度好驚做錯，希望無事發生啦....加油呀nIx，我要學習為自己打打氣，不論工作定身體。而家聽緊古巨基~花不痛。好好聽呀~~~~~~

今日放假nIx去了apm點知去到俾我見到佢，我最愛呀~~~~~~~~~古巨基，但可恨我唔知佢今日攪簽唱會所以只可以遠處不停影影影影影，有關相片會盡快更新到無名，請給nIx時間多謝各位。好開心呀，見到基仔實在令我心情加倍雀躍，亦都唔駛唸咒語Good

剛剛將要交俾家姐放上網o既稿交好喇.....打好blog就訓，因為我好(支力)喇，聽日又係開工日........好彩大陸放假所以星期四、五唔會忙，可以悠悠閒做reports，準時收工返屋企休息。

而今日nIx追看了一段時間《魔界小金毛加旋》亦都結局了，我又少了一本漫畫睇喇。最後加旋當然係王啦；但中間過程睇到成班朋友現身幫佢我覺得好感動呀......睇到爭少少喊，但當然無啦因為我搭緊巴士返屋企時睇嘛。

返多兩日又放假，星期六有Gathering，期待!!

今朝約kathy食早餐，點知係行緊去買早餐途中無啦啦有個『盲毛』boom一聲撞落我度，中哂.....撞中左手邊小掩位我即時痛到流眼水。食完早餐一路都痛，直到十點幾我頂唔順喇就call返婦科問問醫生，咁姑娘話今日醫生full 哂 booking但都可以抽少少時間幫我睇睇，等好耐終於到我喇。醫生幫我check完後好彩無穿到，只係因許多因素令我被撞後痛得咁緊要。我好擔心個瘤有事，我都唔明o的人行咁快撞到人，對唔住又無而且我想知究竟可以快幾多呢?如果撞到老人家或者大肚婆真係好危險，我真係希望大家行路都小心o的唔好周圍撞。

聽日放國慶假，太好喇nIx可以好好休息一下。我呢幾晚訓得太差喇.....精神簡直可以用惡劣形容，每日都死頂住.....但nIx會加油的。

而近日當我想發火或者被人激親想鬧人時我會同自己講出一句咒語，讓自己冷靜就係『control emotion』我要控制情緒，唔可以俾負能量影響荷爾蒙再影響自己病情。哈哈又幾有用，我尋日有幾次想鬧人就同自己講『control emotion』哈哈咁又冷靜到一陣子。唔錯唔錯，成績還可以。

今晚放工nIx約alicia、cherry同埋vicky到我屋企雀局，打到十二點就解散，希望今晚可以唔好輸到暈就足夠喇。但基於alicia唔識打vikcy要教佢關係，所以陳生都要落場同我們四個女生對打，嘩哈哈，陳生祝你好運喇。

聽日假期亦係我最後趕稿日我會加油o架。