今日有少少發燒，不過我會努力支持；因為返埋聽日就放假啦，哈哈我好期待呀，因為我會揀星期....日去IKEA買一個物品，整一個之前完全未整過o既食物。希望成功，我一定會影相o架，不過懶懶o既我唔知幾時放相分享係事實。

有時我慶幸身邊永遠會有一兩個朋友會不離不棄支持我；我好開心自己有事她們會第一時間聆聽及幫助我；不管是心靈或金錢；但最重要是她們愛我的心。其實星期一好開心收到妳的電話，(我唔指明道姓了，你自己知就算)；開心係因為你睇到我個blog定sms，死我唔記得；而對我個病情慰問，感謝妳對我慰問；更感激你對我幫忙。你幫我之時正正係我聲名狼藉之時，但你仍然信任我，仍然對我不離不棄，真係幫我打了一支強心針。而今次這個病，我唔敢說是嚴重但總不是小事吧?我真係好擔心之後發生的事，現時每晚睡不著的我，星期一收到你的電話總感到窩心。感謝你，我的朋友。

今日唔算太忙，只係悠悠閒做下reports，不過好想快少少放工。因為尋晚訓得勁差而且又發燒，好想早少少回家睡一覺，係早少少睡一覺...........星期六有gathering，但同時我會拎部holga去影下相....好耐無玩holga喇。

更新於lunch後

食完飯囉，頭先食飯前係街見到嫂嫂，我同佢講o左有個瘤o既事；佢好緊張，嘩哈哈講真我未見過佢咁緊張我o既樣子，佢不停叫我先到私家做手術，我話無錢呀....佢就話可以幫我俾住先。但.....我都想等政府醫院個期；始終可以平好多，同埋......即使公司保險有得claim都唔係全份，咁仲有幾千蚊我點還俾嫂嫂呢?  有人提議話叫嫂嫂係我薪金(part time)度扣囉，但要扣幾耐呢?我都係第埋下星期睇下醫院有期未再決定啦........始終想慳得就慳啦。

其實今日個心真係唔想工作，好懶，因為發燒同埋痛；但我都會盡力做好工作。打埋呢篇日記得就繼續做reports喇，雖然望到堆invoice好唔想做.......但都要做o架啦，既然係我責任就要做得好好睇睇。加油吧nIx~~~~~

而家仍然諗返起尋日見到基仔的開心，哈哈無意中見到真係好驚喜同埋開心呀。而家正諗緊阿頭返到....點同佢講有瘤件事呢?

更新於下午六點後

未放得工呀，因為剛剛做完reports，但仍然有一堆memo要update落電腦，但對住o的單都對到傻喇，我要休息下先。而家除了《control emotion》外；仲要間唔中《relax~~~》如果唔係影響自己呢。而家做埋少少o野就等陳生接放工，近日辛苦佢喇，但唔叫佢接我真擔心自己會係街暈到，個人總係虛虛浮浮咁.....好唔自在。但我知唔可以成日叫陳生接啦，不過....暫時麻煩佢囉。

其實今日好想搵wan同埋另一位朋友傾偈；但她們都忙......只好遲少少先啦.....不過突然感到同wan有少少疏離感。應該係因為佢忙我又忙導致o既錯覺啦，始終忙到見唔到電話又講唔到一定有呢種感覺。始終同佢識差唔多廿年應該唔會無啦啦話疏離到完全無哂感情呢.....哈哈我又開始胡思亂想......《control emotion》

今日終於快放工喇，感到好幸福。因為....哈哈終於捱完一日，而且reports做哂更加開心。聽日....要跟埋o的報價喇，Sally唔係度好驚做錯，希望無事發生啦....加油呀nIx，我要學習為自己打打氣，不論工作定身體。而家聽緊古巨基~花不痛。好好聽呀~~~~~~

今日放假nIx去了apm點知去到俾我見到佢，我最愛呀~~~~~~~~~古巨基，但可恨我唔知佢今日攪簽唱會所以只可以遠處不停影影影影影，有關相片會盡快更新到無名，請給nIx時間多謝各位。好開心呀，見到基仔實在令我心情加倍雀躍，亦都唔駛唸咒語Good

剛剛將要交俾家姐放上網o既稿交好喇.....打好blog就訓，因為我好(支力)喇，聽日又係開工日........好彩大陸放假所以星期四、五唔會忙，可以悠悠閒做reports，準時收工返屋企休息。

而今日nIx追看了一段時間《魔界小金毛加旋》亦都結局了，我又少了一本漫畫睇喇。最後加旋當然係王啦；但中間過程睇到成班朋友現身幫佢我覺得好感動呀......睇到爭少少喊，但當然無啦因為我搭緊巴士返屋企時睇嘛。

返多兩日又放假，星期六有Gathering，期待!!

今朝約kathy食早餐，點知係行緊去買早餐途中無啦啦有個『盲毛』boom一聲撞落我度，中哂.....撞中左手邊小掩位我即時痛到流眼水。食完早餐一路都痛，直到十點幾我頂唔順喇就call返婦科問問醫生，咁姑娘話今日醫生full 哂 booking但都可以抽少少時間幫我睇睇，等好耐終於到我喇。醫生幫我check完後好彩無穿到，只係因許多因素令我被撞後痛得咁緊要。我好擔心個瘤有事，我都唔明o的人行咁快撞到人，對唔住又無而且我想知究竟可以快幾多呢?如果撞到老人家或者大肚婆真係好危險，我真係希望大家行路都小心o的唔好周圍撞。

聽日放國慶假，太好喇nIx可以好好休息一下。我呢幾晚訓得太差喇.....精神簡直可以用惡劣形容，每日都死頂住.....但nIx會加油的。

而近日當我想發火或者被人激親想鬧人時我會同自己講出一句咒語，讓自己冷靜就係『control emotion』我要控制情緒，唔可以俾負能量影響荷爾蒙再影響自己病情。哈哈又幾有用，我尋日有幾次想鬧人就同自己講『control emotion』哈哈咁又冷靜到一陣子。唔錯唔錯，成績還可以。

今晚放工nIx約alicia、cherry同埋vicky到我屋企雀局，打到十二點就解散，希望今晚可以唔好輸到暈就足夠喇。但基於alicia唔識打vikcy要教佢關係，所以陳生都要落場同我們四個女生對打，嘩哈哈，陳生祝你好運喇。

聽日假期亦係我最後趕稿日我會加油o架。

今日係公司點坐都好都覺得好痛好唔舒服，唉.....好討厭、憎恨呢種感覺。今日打電話去公司醫療保險度問有無得claim做手術及住院費用，感謝上天呀，原來有呀。如果該年度無做過手術最高可claim到.......三萬零蚊，都好好啦，但我都想睇埋政府個期先再算....始終要先俾四萬再等claim是痛苦的。所以而家希望政府個期OK就好喇.........雖然等都是痛苦的。

尋晚又點訓都訓唔到，而家坐係度但好眼訓.....好彩唔太忙唔係就慘上加慘。突然好想返屋企好好睡一覺呀........勁累，只好食古古力頂住眼訓先啦。

其實今日返到公司都覺得氣氛唔太對.....點解怪怪；之後至知原來Kathy聲浪太大，以致我坐o個半邊office都知我有個瘤，唉正正諗住唔想咁多人知....偏偏唉......算了算了算了.........近日胃口一般一陣同Vivian出去食....都唔知食咩好?

更新於下午三點至四點之間.......

頭先去食飯有八個餐，但... ... ... ... 有六個餐係雞同牛；剩返兩個係魚同海鮮飯，但基於個間餐廳o既魚太難食關係，我只好揀興趣不大的海鮮飯，不過真伙31無胃口.....早知不如只叫飲品算=.="到而家坐係公司越來越痛.....今日係女生不適第一天加上個瘤o既痛....嗚嗚苦上加苦呢.....好痛呀。

而家我正問緊HR係咩情形下會被扣錢，但未收到回覆，我始終想問清楚哂一系列問題到時有需要時就可以STEP BY STEP做哂咁我就唔需要一直擔心不同問題影響到自己。

不過而家nIx都正正計劃緊睇多一個婦科拎多少少意見囉......始終，多方面評估會好少少。我身邊朋友同事都叫我除了等政府醫院不如睇多一個公司有優惠婦科睇下結果先。咁都係.....始終多少少意見會更好。況且......睇一次是$50，還可以啦。

而家我正在眼光光等放工，好眼訓；近日訓得唔好令到我不停放蚊.....諗埋今晚要交電費....嗚嗚又無一舊錢喇；更加想睡著一覺咩都唔理最好。

今日原先約家姐陪悠悠入Disne...最後有少少發燒要睇醫生而取消了....Sorry呀家姐....但我下星期會買玩具陪悠悠。

而今日陳生幫我上網睇發現我好多o野都唔食得因為會影響荷爾蒙而令到個瘤變大突然我陷入樣樣唔食得階段真係苦呀...例如雞鴨鵝都唔食得只可食豬牛羊但本身我自己已經戒o左羊....而牛亦戒緊，最後發現只得返豬魚菜...哈哈真係好清呀......

而呢兩晚我個小掩位係訓覺時都好痛....不過我都盡量小心，因為佢頂住令我感到唔舒服....我好擔心會唔小心整到佢而破裂就大件事....所以都盡量小心小心小心，而陳生話上網睇連燕窩同埋雪蛤都唔食得(不過我都無錢食啦)。

其實今日都痛到扭哂偈(因為唔可以去到Disney要睇醫生食止痛藥)攪到陳生話答應我會係萬聖節期間陪我去一次Disney而且揀平日去，咁我就可以由早玩到晚影哂咁多人物玩哂咁多萬聖節古怪玩意同埋由開動至今我都未玩o既小小世界。而家好期待呀，我好耐好耐無入Disney同埋係同陳生一齊去喇。

而家好傻咁期望會中一個六合彩唔多丫幾萬元好嗎?俾我快少少做手術唔好咁痛就足夠....但可恨尋日同家姐一齊夾o既...一個字都無呀可惡呀，如果唔中六合彩都唔知點可以用最快方法做手術解決呢個可惡的瘤。

尋日NIX去睇婦科，發現了於某位置上有一個4cm X 3cm的瘤....而且並不是水瘤，而係朱古力瘤(唉=.="Nix係好愛食古古力但總唔需要貼題到有個咁o既瘤掛?).....私家醫生同我講要儘快考慮做手術，因為我而家都feel到佢痛都有少少問題....但手術費要四萬，聽到呢個數字令到我睇完出去等俾錢時喊出o黎攪到o的人以為我好嚴重，其實我feel到自己好唔舒服....好痛，但未至於喊，再者我喊都唔係怕手術而係個數目。之後約家姐出o黎傾同埋lunch....佢叫我問私家拎轉介信去政府醫院排期睇....但尋日排要等兩星期醫院先會寄預約紙去我屋企.....唉兩星期後我至知道個日期；但姑娘話如果呢段時期我真係好痛....就要即刻去急症室睇睇。

今日去做訪問，個訪問遲少少會係一個網上出現。到時Nix會話俾大家知。而去完灣仔訪問我就同家姐去中環睇下另一位同事(我part time job)影相過程，再之後陪家姐去西環見客。見完客就同佢去銅鑼灣行街食飯，家姐今日買o左部lenovo Mickey電腦，係為了方便佢係屋企做文書工作，因為佢屋企係無電腦所以好唔方便呢。

其實今日做訪問同埋行去搭車時我個小掩位好痛....幸好頂得順。同埋始終唔想俾家姐知我好唔舒服而要我返屋企休息，始終我唔太想俾人當病人看待。況且而家我又唔係絕症.....只係係唔應該有事地方發現一個瘤.....不過手術可解決問題就不是大問題。不過痛事小....最大問題係我總感到個肚同女性位置總係漲漲咁而令我更加痛...好唔舒服感覺得自己再肥o左少少咁....麻煩。

我記得年頭我係算命，大師話我無大毛病....但而家睇落唔多準囉...無啦啦又發現呢個問題而且係要隨時做手術，都叫無大毛病??下年都係唔睇唔算唔理喇....慳個錢好過，最多求求簽好了。

其實當日聽完醫生講話我有瘤，我第一件事諗死啦係咪被人咀咒? 哈哈係咪好白痴呀? 周時我係度諗邊個同我咁大仇要咁樣咒我，到而家我發現o個刻自己真係癲o左....亂咁諗，而更癲係我係診所喊到只記得俾完錢就走但假紙.....都無拎，傻了

同埋我好想同Syk講呢你星期五晚call我問我問題時，我話忙緊，其實.......好對唔住呀，我只係因為好唔舒服但又當日心情又好差而唔想講太多就話自己好忙而收線....唔好意思呢，但請體諒我一下子得到咁樣消息而心情變壞....同埋我實在當時比起重組問題我覺得個瘤暫時更鷓纏繞我....Sorry。

我真係發現太監生存係這世界是無聊、廢、多餘及(請容我俗少少講一句)麻Q煩；我真係發現佢越來越低能喇。

尋日．．．．．．．．．．．．．

早上有份件係送俾第二個部門同事，但佢o地搬返去新世界office，咁太監怕瀨o野而唔幫人簽收；就只係同速遞講份件送返去新世紀啦，好之後就打發個速遞走，以為人o地一定知地址咁....之後隔一陣o個個部門同事call過o黎問係咪有份件送俾佢o地但無收。之後太監仲理直氣壯話『係呀』，之後電話筒另一邊個女仔話....『下~~~你點解唔幫我收住下午叫阿姐送份件俾我咪得囉，份件我急o架』之後太監就好淡定話『得啦佢下午會送返新世紀俾你』

最後到四點幾o個個部門大佬call過o黎搵太監，第一句就已經話『你係咪玩o野呀，點解唔幫我o地收份件，都算你又唔俾正確地址人，而家份件返去送件人公司呀』太監仲扮死雞，繼續撐。之後有第二份件送俾o個個部門，太監就問alicia收唔收呀，Alicia話關我咩事，之後個太監自己俾人鬧完心情差，就話照收囉但"黎"手將份速遞簽收掉俾alicia，之後拋低一句『簽o左佢』，alicia就簽住話明明你收又掉俾我簽。太監聽完咪黑面囉....低能，收份件都驚瀨o野，我尋晚同陳生講返佢一聽完即刻話『如果呢種人俾佢做阿頭就算自己做錯o野都會推自己o的o靚出o黎，低能』

大家會覺得點解我會知道佢同人對話內容? 因為佢低能嘛俾人鬧完仲覺得自己好o岩，就走去同alicia講；咁我咪知囉。做錯事仲要周圍講........有病。

最後到尋日放工前呢份急件都無到o個個部門手。

尋日佢仲大大聲話東亞執笠，我即刻話唔係呀我之前一晚睇電視仲見到醫亞銀行優先訂購蘇永康concert ticket；點會呀，如果你係paco都收到風而且即刻抽起個合作啦唔通等到出事先補救就死啦。佢即刻話咁間銀行執笠都唔會大大聲話我執喇咁啦；之後講出好多point，我就上網睇尋日3:25 yahoo即時新聞先話東亞發出強烈聲名銀行好穩健而且一切謠言只係惡意中傷，並無此事。太監就話『我個friends係三點鐘話我知o架』我就話『但yahoo 3:25更新o架喎即係你單料out o左啦，即係流o架啦』我覺得誤信流言無錯，但硬要將流言發大就唔知為咩囉。

而且近日alicia、cherry同埋我發現隻死太監咩都要管，包括我們三人跟他無關的工作、我們三人去邊度食飯、我們三人同邊個食飯、我們三個傾咩話題...諸如此類啦。我想問佢憑咩管我o地?佢係manager? Executive? leader? 佢咩都唔係只係同我們三人一樣只係一個cleark，咁佢認為何得何能管制我們做什麼、講什麼、吃什麼甚至去邊度?唔好低能啦好唔好?

而且今朝佢更乞人憎到見到我返，平時佢會按開門制幫人開門，今朝我拎住份早餐一把遮佢唔按制呀；要我企係門口將o的o野轉哂一隻手度自己按password囉，做男人係咪無品到咁o既地步呀?

一個男人最討厭係：小氣、小家、老士、無品、無風度、胡亂搭訕、講o野無point、亂咁黑面、船頭驚鬼船尾驚賊，佢齊哂囉。只係我唔明一個咁嘔心男人點解可以生存?

救命.....我同佢做同事，我會爆哂o的血管囉。

而更嘔心係點解男人之家衛生常識咁差，o個件黃黃臭臭恤衫，見到都唔開胃；再加上佢日日拎o黎抹面o既毛巾，灰灰黑黑咁.....唉點可以咁污糟o架?嘔心.....

加上每日話好忙好唔得閒，但佢只係上網、msn、打online game同人吹水，工作佢無忙過，至少我做三年幾我無見佢係正正經經工作囉。成日只係懂得話忙忙忙，但永遠唔會如期交到o野出o黎，咁佢咁忙係做咩呢?

我已經好耐無咁呻，但真係好頂佢唔順，嘔心難頂麻煩集一身....點頂呀?

尋晚黑格比強勢登陸，雨大風大....到今朝天文台掛返三號風球；到我更新時咩風球都無哂，黑格比GOOD BYE。講真....有少少失落....但算了有時額外的假期不可強求，努力吧。

其實尋日有少少失落....緣於尋日Cherry同Alicia話想睇我幫家姐design o既Logo，咁我咪show俾佢兩個睇睇，Cherry就話OK呀唔錯o架，以無學過而言唔錯呀。但Alicia o既每一個答案講真....我感到好唔開心，佢o既答案第一個：『嘩咁花巧o架乜logo係咁花o既咩?』第二個：『點解個logo最後兩個字要疊字?』最後總結佢都係覺得太花巧，聽完我係有少少唔開心。

但最後諗下諗下.....算做design就預o左受人批評，如果無批評咁自己設計點會進步。我太細路女喇，而且個design係俾家姐揀選，最重要佢滿意鍾意已經用o左就ok啦。但Alicia o既意見我會記住! !

今朝早越來越發現.....繼續係呢間公司工作我沒甚得著，學習?升職?加薪?算了吧.....根本係呢間公司做就唔會對以上種種再有任何奢望，如果我已經三十幾歲其實係唔係度做都無問題，反正準時出糧就係啦。但我近日成日諗人唔可以維持原狀，永遠企係原點不進步不改變是不行；我好想唔做而家呢份工，但再諗深一層...我暫時仍未有得揀....始終重組方面，如果突然話守就轉太危險。唉.....不過我仍然祈盼緊我家姐計劃，如果穩定下達成目標，我就可以離開而家間公司。所以等她召集前....我都只好安份守己做好自己先啦....加油吧! !

唔知點解今日公司個地下成日震.....震到我想嘔.......

星期六家姐會同我做一件事；我而家心情好緊張始終第一次嘛，係做咩?暫時要保持咪咪(秘密國語)當時機成熟時我會話俾大家知。但好擔心自己會表現勁差....始終對住家姐好難無壓力唔緊張.....呼~~~~(深呼吸)希望順利。