忙是今日動詞，
基於今日auditor要查所做部份o既數，
所以今日只係不停搵文件、影印、應對。
口同腳都累了....

今日終於星期五喇，GOOD
聽日後日兩日假期好好利用吧。
好好休息吧；好好放鬆吧，
但聽日下午應該要幫嫂嫂做少少工作。
不過都唔駛好大壓力，影影相而已。

今晚好想好想好想好想....不停重覆聽住
古巨基首《下次再見》好好聽一首歌。

漫遊天地 因偶然結識你
現實允許一起走幾千百里 親疏也有限期
別離滋味 只怕無法緊記
日後你跟多少新相識一起 憑何妒忌

講再會太多 有幾多再會
密友幾多可挽回 時間不到你我後悔

懷疑下次再見已七十歲
遺留被你我放棄的情趣
斷線風箏散失風裡
軌跡改變哪有錯或對

從前讓我進佔你生命裡
來年自會各有各的伴侶
離離合合多麼瑣碎
誰亦向前看 誰也難向後退

懷疑下次再見已七十歲
遺留被你我放棄的情趣
斷線風箏散失風裡
大家都變了那可追

情份沒法永遠也同握手裡
來年自會各有各的伴侶 
懷念剩下多少根據 
時代向前去
時間難往後退 
最可忍到眼淚

除了《下次再見》，我突然諗起........
楊千嬅《再見二丁目》的歌詞...

原來我非不快樂 只我一人未發覺
如能忘掉渴望 歲月長 衣裳薄
無論於什麼角落
不假設你式會在旁
我也可暢遊異國 再找寄託

突然只諗起呢段........

深夜時我的壓力糟湧出許多許多壓力......

我知你想我做到你所要求....但我無能力無技巧我自問滿足唔到你....我好辛苦，壓力病再出現.....係我不能受壓.....我真係做唔到你所想所要所望.....我明白你想我可以做足100分令你可以自豪....但我能力只可以做到咁多....再多我都無哂辦法，我所學只有咁多......

之前我已經想放棄，因為呢件事我晚晚訓唔到.....無哂信心於PART TIME同埋正職....我對所有事都失去信心...包括寫文章。

我好喜歡你給我的工作....但亦害怕你給我的壓力......一種無形壓力，我知你所面對壓力更大更恐怖，但我得到你發給我的壓力...更可怕因為揮之不去，我為了你好想盡力做好....攪到睡唔安....最後要靠藥物....我好怕好憎這種感覺。

我再次想放棄，我都好想盡快投入你的部份....但始終有工作完成唔到就難以投入，但我真係做唔到......你所想得到的期望......就當我是廢人 一個吧.....少少事都做唔到......反正我已經信心全失.....我有的就只有這一丁點......就說去幫人何其好笑.......最好笑仍然學習中就跳哂level做極難的事.......我憑什麼做這一部份?

最後令全部人失望更加可笑.......

今日除了這篇日記下面放了一篇係有關早兩日元朗一宗慘不忍睹的命案，多隻小貓小狗被活生生燒死，而事主彭女士亦因為呢宗火災導致失去了許多家人(小貓小狗)及自己的家，希望大家可以伸出援手幫助一下這位女士，多少唔緊要，最重要有心幫忙。另外希望小貓小狗可以得到安息於極樂世界唔好再受苦。

星期四...終於星期四....好累。到達一個極點o既累，近日胃同隻腳不尋常痛....令我好唔自然唔舒服。加上因感冒引起的頭痛....好想早走半日睇醫生，但因為怕招人話柄而打消念頭。同埋始終而家非常時期都係唔好諗早走、請假喇....忍耐忍耐。

不過尋日都有開心事o架，就係收到陳生送給我的一隻CD，一個我好愛的日本女藝人，SPEED入面最愛的Eriko CD。係佢個朋友係日本幫佢搵到，香港好難搵呢.....隻碟係之前無意中同佢提起...但無諗過佢會靜靜叫朋友幫佢係日本搵，因為陳生有朋友係日本讀書，所以先有人幫佢。而見到Eriko產後首隻Album我覺得好開心呀，而且首首歌都好鍾意，我又再次為她們瘋狂了。

不過都發現唔開心o既事，尋日我搵哂成間屋都搵唔返之前SPEED SOLO後所儲o既剪報同雜誌......我懷疑自己連埋Twins剪報一齊送哂俾個婆婆拎去賣.....唉....好彩SPEED四人初出道至到解散時都仲有KEEP住唔係我喊到癲都似呀....不過而家Eriko solo 無哂.....勁down............

有得必有失....我得到了一隻Eriko CD但失去儲多年剪報.....唉。

但尋晚睇返之前買落SPEED、ERIKO、HIROKO同埋TAKAKO Trading Card諗起自己何其瘋狂時更發現自己老了。以前儲SPEED時係中學...而家都畢業差唔多十幾年....有時點到自己唔認老?

我好想係度呼籲一下，如果大家有SPEED雜誌、VCD、DVD唔要可以係度留言俾Nix，我會於電郵跟你們收購，但大家請有心理準備，因無太多錢的我，只會用超平價錢收購，但如果大家諗住掉或者賣俾二手CD店不如幫幫我。Thanks

其實VCD我只係最想最想搵返SPEED TOUR《RISE》《REAL LIFE》同埋《STARTING OVER》因為呢三隻碟都俾俊俊BB時玩到爛哂花哂.....有部份都睇唔到.......而雜誌只要係SPEED(特別係ERIKO SOLO時)，同埋我無就會要o架(只限要日本magazine)。

至於價格....我諗大家唔好太高期望，但都衷心希望大家留言俾我，我一定會一一回覆大家。

另外大家鍾意SPEED o既fans都可以留言係度同Nix一齊支持SPEED o架

元朗30貓狗被燒死


縱 火 案 　 燒 死 31 貓 狗
31貓狗燒死列縱火 倖存11狗兒 受驚路邊亂跑

【明報專訊9月2日 星期二 】一場無情火吞噬31條小生命。一名愛心爆棚婦人與42隻流浪貓狗，同居於八鄉高埔新村有「貓狗天堂」之稱的鐵皮屋，昨日凌晨鐵皮屋突然冒煙起火，消防將火撲熄後現場一片凌亂，多頭貓狗燒成焦炭，慘不忍睹。剛離家的女主人接報趕返家園了解，驚聞21隻貓10頭狗活活被燒死傷心痛哭。到場的愛護動物協會人員說﹕「未見過咁多貓狗同葬身於火場內。」

《 蘋果日報9月3日  》 元 朗 村 屋大 火 燒 死 31 隻 貓 狗 （ 應 為 30 隻 ） 事 件 發 生 一 日 後 ， 昨 上 演 一 幕 感 人 的 劫 後 重 逢 。形 容 自 己 痛 失 貓 狗 如 失 去 至 親 的 彭 女 士 ， 昨 一 早 便 到 後 山 的 貓 狗 新 墳 拜 祭 ， 失 聲 痛哭 ： 「 你 投 胎 記 住 做 人 呀 ！ 」 其 間 一 隻 她 以 為 已 葬 身 火 海 的 雪 橇 狗 「 Handsome 」 ， 突 然 負傷 出 現 ， 叫 她 激 動 得 流 下 快 樂 眼 淚 ， 人 狗 相 擁 。 加 上 在 大 火 中 逃 出 生 天 的 11 隻 愛犬 ， 現 時 彭 女 士 的 「 貓 狗 樂 園 」 已 有 12 名 成 員 ， 她 希 望 終 有 一 天 可 以 回 復 昔 日 貓狗 成 群 的 歡 樂 場 面 。

「 以 為 佢 已 經 燒 死 」

至下 午 2 時 許 ， 彭 婦 在 義 工 陪 同 下 到 上 水 狗 房 領 回 前 日 大 火 後 被 漁 護 署 帶 走 的 三 隻 狗「 仔 仔 」 、 「 豆 豆 」 及 「 Ricky 」 ， 一 下 子 得 回 四 隻 「 屋 企 人 」 ， 彭 婦 開 心 得 漸 露笑 容 ， 多 名 義 工 其 後 到 來 協 助 清 理 火 場 。 此 外 ， 亦 有 市 民 親 自 送 來 300 元 ， 幫 助 她解 燃 眉 之 急 。
彭 婦 說 ， 發 生 大 火 的 兩 層 高 村 屋 ， 每 層 約 400 平 方 呎 面 積 ， 她 和 義 工 昨 日 整 日 清 洗 後 ， 大 致 經 已 洗 淨 ， 讓 12 隻 狗 居 住 。 她 表 示 ， 由 於 現 時 屋 內 沒 有 水 電 ， 不 宜 她 和 所 照 顧 的 女 童 居住 ， 所 以 她 們 會 暫 到 親 友 家 中 寄 住 ， 希 望 村 屋 盡 快 回 復 原 貌 。 她 續 稱 ， 平 日 在 家 時會 讓 貓 狗 在 屋 內 自 由 活 動 ， 出 街 才 將 牠 們 鎖 在 房 間 。

請幫幫元朗30貓狗被燒死的佛教徒彭女士

（各位網友請幫忙將此消息廣貼、上載。）

COPY FROM http://hk.myblog.yahoo.com/lawrence-chou?suc=1)

胃酸不停係我個胃流動流動.......好辛苦....想嘔!!  但幾辛苦...我都想盡自己最大努力留守係公司....繼續自己公作....Sally係度我當然放心請半日假回家休息；但而家唔同...我返到屋企一樣要工作；咁不如係office留守算.....胃，你令我坐唔安你知道嗎? 

心情，今日都唔太好，始終仍然受住月餅事件影響；尋日我有同陳生講....佢費盡自己最大努力去安慰我。但心情仍然唔算太好啦.....於是尋晚send個mail俾人都到今朝先發現send錯，而更可怕係我好似之前錯手將o岩o既delete......咁點算? 今晚刊搵搵先，唉....多災多難的九月，希望中秋時月亮可以幫我帶走苦難。

我真係要好好搵減壓方法.....因為我知自己胃痛係源於壓力.....呼~~~~如果減唔到壓我知自己會越來越唔舒服之後又出現唔食情況....之後胃再出現問題又食成個月藥.....我唔要呀~~~我要減壓、減壓、減壓呀........

呢一刻....好想好好睡一覺.........我好想進入一整日睡眠狀態；最好可以聽住宮崎駿音樂CD，於一片充滿幻想音樂下好好睡一個優質的覺。宮崎駿就快有新戲上，我好想睇，除了宮崎駿《崖上的Ponyo》另一套好有入場意欲O既就係.....我好欣賞日本男星松山研一新戲《爆粗BAND友》，如果有早場睇就好。

《崖上的Ponyo》官網：

http://www.ghibli.jp/ponyo/

《爆粗BAND友》介紹：

http://www.moviesuper.com/big5/movie_comingsoon.asp?hLight=ComingUp&hMovie_ID=IN-4348

同埋今日成日諗起呢首歌：

KARY 《最後一秒鐘》但只係諗起副歌部份

大地靜下 但求擁抱你一秒
海角枯乾 但求戀愛到破曉
淚水氾濫似浪潮
淚水淹沒那座橋
你我至少(愛過一秒)

夕陽下臨別 但求聽到你講笑
輕吻一秒鐘 未曾嗟怨太過少
若果愛亦會動搖
或許震撼過暴潮
世界太小(你最緊要)

明天或許日出
再沒法愛多一秒
預早撥走鬧錶
喝令秒針永遠不准跳

臨天光一刻抱緊你(愛到了最後時期)
明天的地球都拋棄(哭著吻別你)
臨離開捨不得傷悲 來好好欣賞你
臨別至發覺你背面何樣美

明天路軌裂開
注定與你分開了
日出遇到大風
抱實你恐怕你吹走了

臨天光一刻送走你(愛到了最後時期)
無呼吸亦無需空氣(哭著吻別你)
連時光亦開始灰飛
人生中消失你
臨別至發覺這麼的需要你

臨天光一刻送走你
無呼吸亦無需空氣(哭著吻別你)
連時光亦開始灰飛
人生中消失你
臨別至發覺這麼的需要你

仲有兩日就放假，Nix努力支持住呀

今日打兩篇日記，但呢篇我絕對更加想打出o黎，因為係差唔多放工呢一刻我好唔舒服.....係個心好唔舒服。

今日同同事食飯傾開今日得到張月餅券.....但點知最後演變為全公司都知道....大老闆秘書就怪罪於Suzanne(即我們manager亦係HR負責人)....我覺得好唔舒服係因為我同朋友間言語害到Suzanne俾人責怪.....好對唔住。

而家攪到人人以為Su偏心我o地部門......好唔開心，好自責.....因為我攪到滿城風雨....慚愧.....。

好想喊因為覺得自己害o左人一樣.....累到Suzanne成為眾矢之的....

好唔開心唔舒服同埋覺得想喊。我做咩咁累人o架.......

無諗過只係同朋友閒言....會變到咁樣.....其實到下午朋友問我時我都即刻話可能係供應商俾Su之後由她轉交我們部門呢? 我已經話是但啦....有無都OK囉....但點知....會變成咁.......唉......人言可畏..........

我都係罪魁禍首，我唔同人講就無事啦.................................................................

雖然我好驚貓....但摺耳貓樣子真係好可愛，但估唔到可愛背後所承受的痛苦是如此可憐，希望大家多多注意摺耳貓的缺憾，亦請大家不要因為一時喜愛而購買，令到未來更多痛苦貓貓誕生。

摺耳貓之痛

要數香港人喜愛的貓咪品種中，蘇格蘭摺耳貓（簡稱摺耳貓）必佔一位。圓碌碌的面孔加上一雙摺曲的耳朵，非常可愛，還有其溫純活潑的性格，深得主人歡心。不過美麗的背後總是要付出代價的，原來摺耳貓天生就帶有嚴重基因缺憾，因此不少摺耳貓咪一生要承受著不為人知的痛苦。



摺耳貓的基因是有嚴重的缺憾! 貓咪會出現嚴重的骨骼變型, 極之痛楚, 所以摺耳貓絕大部份都是很乖的, 不會四處亂跳和搗蛋, 有些更會好像人一樣的"坐"起來, 其實是因為(後肢僵硬)。

原來在英國及美國已禁止繁殖摺耳貓30多年!! 但在香港, 亞洲和澳洲仍有人繁殖及售賣!! 基於很多香港人都不知道看起來「超級可愛和性格文靜」的

今日新聞頭版....四十幾隻貓狗慘遭活生生燒死，點解可以有人咁殘忍? 牠們都是生命，點做得出咁殘忍去燒死.....點解人可以咁滅絕人性咁做?簡直係令人感到可怕。

而之前娛樂的江阿姐令香港蒙羞的新聞....唉....佢真係影衰香港，點可以咁無禮貌? 雖然節目時間好緊張但唔等於可以唔理人感受；咁無禮又失儀啦。而最唔應該係明明錯仲死撐，先最乞人憎。無錯運動員唔係大哂；唔通你江明荃就大哂?

呢兩日都好累；好唔想返工。覺得壓力好大....而且....好辛苦。不過自問自己無能力話唔做就唔做....只好硬住頭皮捱下去；我要努力、加油。即使身邊無人為我打氣，我都會為自己堅持。

(工作上)

我好想盡自己最大能力；做得幾多得幾多，不過好多時事與願違。唉.....算了做到幾多就幾多....迫得自己太緊太重只會弄巧反拙。

(金錢上)

始終重組未完全解決....還有兩個月辛苦。而家正苦惱下個月點算? 我仲有少少問題未解決呢.......不過我會搵到出路。只希望十月快點到我重組快點攪掂。我好想生活正常返少少呀.....

(感覺上)

唔好受....個人對好多事都毫無興趣；老了累了，始終我快到三十歲，所見所聞都變得不同，加上突然把自己生活一一調整步履，為工作為生活為自己為將來努力的我，雖然感到吃力，但仍然好想好想好想好想好想好想好想好想滿足到身邊唔同人所期望；例如：

我會好想幫嫂嫂整到好靚好靚o既設計；

我會好想幫家姐做好我所得到工作，雖然技巧上好多做唔到；但我都好想盡自己最大能力做；

我會好想自己雙腳唔痛晚晚企係廚房煮飯俾陳生食，同埋研究其他唔同新菜式...等大家唔好再食公仔麵度日；

我會好想工作可以忙之餘是可以每日清哂，但即使解決好自己部份....還有其他同事工作要幫手要一齊進行，但我仍然想好好解決，唔想等阿頭返到就責怪我們；

我會好想突然去台灣，好想去relax，因為我感到自己好Tense好辛苦，我唔想係香港咁迫咁辛苦。我好想放一個大假呀......

但一切都只是空想....幻想....唔夠實際。

仲要返多八日工就有三日假期，好想八日快o的過。