今日仍然唔多想說話....累了....尋晚四點先訓....仍然趕工中.....

今日家姐出o黎搵我....之後一齊食飯食完行西田，見到有間叫OLIVE des OLIVE減到一折，之後家姐入去睇買條裙好靚o架我都好鍾意但無我size，o的衫原先幾百蚊而家減到.....三四十有件衫...七十幾有對boot。之後家姐送一件好靚o既衫俾我，但無得試身呀所以唔sure o岩唔o岩，度身時係ok o架。Thank You my Sister。

之後去陪家姐買銀包，跟住家姐返屋企我就同陳生再行多陣新城市就返屋企。而家好累了......好想睡但休息多一陣要幫嫂嫂工作工作工作

頭先上網無意中搵到....一o的SPEED網：

呢個係紀念SPEED十周年，於2006年SPEED已經陪我們過了十年，而今年第十二年意義重大，因為她們重組了，我實在難掩對她們重組的興奮、雀躍及萬二分期待呀。

http://www.toysfactory.co.jp/speed/

這是仍然有更新的SPEED日文網，睇新聞一欄仲會見到各成員近來樣貌。但點解Hitoe變得最利害? 有點唔似佢個樣呀，不過Eriko仍然係我最愛的可愛笑容，做o左母親的ERI仲瘦過speed時期呀，至於hiro同埋taka都無點變，但我更期待係兩位主音ERI同HIRO o既唱功而家唔知係點呢?聲線又會唔會再成熟一點點呢?另外於美國生活一段日子的Hitoe唔知舞功有無再強勁一點呢?又唔知Taka跳舞又有進步?好緊張好想睇佢o地24小時o既演出~~~~~~~~~

http://speed.chu.jp/

左から上原多香子、今井絵理子、島袋寛子、新垣仁絵の4名。

第二個仍然更新SPEED日文網：

http://www5e.biglobe.ne.jp/~topspeed/

以前SPEED的網有好多好多但經過她們咁長時間解散....好多都無o左，但我相信她們的完全重組，一定一定可以讓支持SPEED的fans再次活躍起來，十分期待她們的新演出、新歌、新表演作風，超期待~~~~~~ 

我唔知將說話講哂後果係點；只知道唔講可能到死o個刻都只會收埋落棺材...唔講我會更唔舒服。雖然....講哂會令你感到心痛；但唔講你會繼續亂想我情願你睇完會覺得我任性而嬲我總好過你胡思亂想....至少痛痛快快講哂唔好收埋我會放鬆一丁點。

返埋今日聽日又再次放假，突然好想好想唱K....尋晚我癲到係屋企開住隻VCD跟住唱都覺得可以宣洩一下。但好想好想唱下K睇下戲....減下壓。

今晚放工去探Sally，同埋睇下BB，不過而家BB未睇到似媽媽定爸爸遲多一陣啦就睇到，到時我估Sally一定會將BB相e-mail發放俾我o地睇。但因為今晚探完Sally會同Kathy、Cary等去食晚飯，所以無得睇溏心，呀~~~~今晚徐子珊出呀....好想睇.......不過唔緊要我總有辦法。

繼續偷偷聽歌中....聽緊楊千嬅《直覺》好舊一首歌，但我好鍾意千嬅呢隻CD，好好聽。而且係呢首歌之後越來越鍾意千嬅...

而家先十一點半....Nix已經好眼訓......眼好累好澀.......唔知係咪星期五人特別懶? 因為掛住放假嘛，同埋好想快o的放工。

o岩o岩執好個位，又將o的o野移位，不過執完感覺俾之前好似仲亂少少，但.....唔緊要啦反正年尾我會o黎一個大掃除自己辦公位置....暫時頂住先啦。同埋如果年尾office真係搬....到時都可以就整得更好少少啦。執完後終於十二點幾....Good就食飯；食完飯頂多半日放工；不過今日因為要就時間探Sally所以要先OT下，今日六點後我會整定2009年工作上所需的Excel，因為要整好耐，而家整差唔多喇...上年我係十月整o架，但今年十月Sally未返....所以有時間就整o左o的先，慢慢整囉。

尋晚諗住仲有半個鐘睇《十月初五的月光》但.......我居然係房睇睇下《購物狂》系列訓著o左....之後只知陳生幫我整好一切...但我諗住抖抖起身睇電視但一訓就到今朝鬧鐘響都唔願起身，近排好少咁好訓......但尋晚我記得自己發o左個幾長o既夢......好似一套變態殺手電影咁.....同時我夢到自己對一些人作出反抗，可能現實的我無膽...係夢入面就當作宣洩。

而家食住珍寶珠o既我，哈哈好開心....不過要食得好小心費時整到個嘴會勁痛.....而家早上十一點唔算好忙，繼續偷偷聽歌o既我，聽緊Eriko第一首Solo歌，好好聽，不過一陣十一點半後應該有排忙....今晚OT走唔甩o架喇，不過而家偷到一刻悠閒.....唔理喇。

唔知大家有無試過三角戀o架? 乜人真係可以投入落多一段、兩段、三段感情? Nix無試過....不過近日同個朋友傾偈發現佢身邊有個大男人男朋友，佢又話覺得無私穩...但佢又覺得個男仔係緊張佢先會咁；之後佢出面又有一個風趣幽默有情調又浪漫男生，佢enjoy同呢個浪漫型擁有曖昧感情，一時話雪藏與浪漫男的感情但第二日又一齊進餐....咁咪即係佢唔想放手囉；咁大男人點?佢咪慘被自己女朋暪住囉；我位朋友不停用朋友過橋同浪漫男出街，我覺得無問題，但你要決定；揀定一個囉....再拖拖拉拉唔係傷到自己而係傷到別人，只為自己一時開心唔揀定最後傷到人，值得嗎?與其要搵好多好多唔同理由俾自己兩個要哂點解唔認真揀定呢?

我總覺得感情一拖拉會變得好煩，鍾意就鍾意唔鍾意就Say No，兩個都鍾意兩個都想要不如全部唔要。但我位朋友想要大男人對佢的緊張、好及被愛感；更想要浪漫型o既風趣幽默及金錢上穩定，說真的即使口中說自己不是這種物質主義者，如果對方請你到一個浪漫餐廳進食一個頗貴的晚餐，你enjoy嗎?又試問如果對方沒有咁上下財力，可以做到咁浪漫或者可以用許多物品打動你嗎?但請想清楚浪漫男是否因為未完全達到目的是對你咁好呢? 佢達到目的之後呢?會繼續對你好定淡淡然咁唔再熱情?自己又要擔心這些問題咪揀定大男人囉，但又話大男人過份著緊而且自己始終想搵最好，咁即係有最好就唔要大男人啦?

總覺得有時女生太拖拉係好煩...而且愛玩火的性格實在令人難以接受她們種種理由呢.....始終要出軌的人總會有萬二百種理由。這些理由不是幫助自己揀定一個而係等自己穿梭係二人之間活得舒服一點的理由而已。我在想如果有一天浪漫型跟大男人在樓下接佢放工，個女生會跟拖邊個隻手走?佢始終要揀...但如果要到被迫去揀時就會影響到大家關係變得更差更惡劣，唔通佢咁簡單道理都唔明?

更新LUNCH 後

睇住SPEED 《REAL LIFE》Tour，好多感觸，因為她們給我的回憶有許多；不只是單單圍住她們四人的回憶還有更多...更多...例如哈哈Nix媽咪都曾經陪我睇過《RISE》Tour o既VCD同埋無數SPEED MV.....而且俊俊BB時都係SPEED fans，所以Nix好多SPEED VCD都花哂...好想好想搵返....但好難搵呀......大家知邊度會有更多SPEED VCD搵返嗎?請告知.......始終好想要返整齊完整無花睇到的SPEED各VCD....其實更想買DVD但太貴了吧........嗚~~~嗚~~~~~

最愛最愛的一個Tour一定係《Real Life》因為夠感動之餘係四人經過多年表演這個Tour可以發揮得更淋漓盡致，令人睇到拍爛手掌；最重要係呢個Tour好多好聽o既歌都有.....而最愛她們的MV一定係首推《LONG WAY HOME》太靚太型的一個MV；之後係《Body Soul》因為我係呢個MV鍾意她們，不過當時無咁多錢買她們的SINGLE只有讀中五時慢慢儲返哂......仲有好鍾意《my graduation》最愛是四人圍住一個特別的mic激昂地唱住副歌，超正的。

為了迎接SPEED重組.....Nix已經將四位成員官網連結放於HOMPY，愛她們的可以去留意一下幾時再有返SPEED官網同四人資訊；未了解她們的可以嘗試欣賞。期待的心情越來越重.....好想好想聽到SPEED新歌同新MV.....到時Nix又再次要到旺角巡邏囉。

唔想出聲...因為個嘴勁痛...因熱氣o既飛滋痛到好緊要...飲飲食食痛....連講o野都痛；咁點樣出聲? 所以電話唔想聽...係office hours避唔到但放工我都係靠SMS通知陳生放工...真係好想俾自己抖下....

呢兩晚都睇《十月初五的月光》哈哈太好睇喇。

尋晚我將之前SPEED其中一場Tour VCD轉成MP4放落iPod度睇，今朝睇住搭車返工，好正。Eriko~~~~~我而家iPod o既係SPEED解散前一場Tour 《Real Life》好好睇好感動一個表演，亦係令人難忘一個Tour。唔知重組的SPEED會唔會o黎香港?一直好期待好希望見到一次SPEED同睇到一個SPEED Concert，但唔知有無機會?始終SPEED係我由小至今最最最最最愛的日本藝人，對她們的感覺始終好深。期待著她們的重組及新歌呀~~~~

近日發現自己對某些事情熱度冷卻(不是指影相或設計)，而係唔知點解自己越來越防一些人，及一些事；個人o既防護罩唔知點解開啟了...發生咩事?我越來越唔相信某些人，對他們之前所做、所說的話都抱有重重懷疑態度。點解會咁o既?我仍然相信好多人，但對你我已經不想再信；是因為失望了...不明白為何你辰對我誠實?就因為你...我連許多人都變得不信...因為你令我起了許多懷疑...因為你...令我對自己失去一些做事信心...你所做所說只要有邏輯一點根本唔會信...只係我覺得唔明白點解做這些事會係你?

星期六會同陳生返佢屋企晚飯，是我計劃的因為我想飲湯...自己無時間煲只好去陳生屋企食啦。當日會係旺角先join陳生...行一陣之後就搭車入佢馬鞍山屋企痴餐。

而聽晚應該會見到SWEET，同埋我要同SWEET講唔好意思，尋日發現公司開始Check我o地o既mail，所以只好狠心忍心唔同你mail呀...SORRY......希望你唔好怪我啦。

而之前所困擾都已經解決，只欠重組方面消息...仍然擔心中。始終好驚會唔成功....可能我太杞人憂天吧?等到十月底就有消息了....心中好緊張....好擔心。

今日Sally第一個愛情結晶品，一個六磅半BB誕生喇，Nix希望她們母子二人健健康康肥肥白白呀，BB要快高長大。

而我們班同事暫定星期五會去探Sally同BB。所以呢幾日要將工作係呢幾日清哂佢，唔係星期點準時或早少少走探Sally??

今日上午好忙，但同時我知道公司有o的部門正在check o的同事e-mail，今日Vicky先話我知有人見到佢個主管睇緊佢o地部門每一個人mail內容，不論私人還是公事的通通都看，太過份了吧一點點私隱都無我一陣Lunch都要提提其他同事唔好用mail傾偈喇.....太可怕喇。

今朝起身都而家個胃都好唔舒服.....做咩呢?

尋晚原先好期待睇《烈火雄心》因為睇雜誌話會重播嘛，點知係做返《十月初五的月光》雖然我已經有套碟...但都坐定定睇，因為太好睇喇。同埋我知無線經典台正重播我最愛之古巨基一套劇《總有出頭天》好想睇呀，大家如果知邊度有得download記住話我知呀，真係好想重溫呀.....

近日Nix俾飛滋困擾，嘴好痛呀.....連說話都唔想講...help!!

通告：今日Nix打了兩篇日記，呢篇係其一；仲有一篇係下面《難道阻街就是表現出戲量?》，請大家可抽時間一看。

近日心情有點點動盪，是忙還是亂?我承認上星期真的忙得不可交關，完全休息時間都沒有半點；幸好一個風球讓我可以在家整少少Part Time Job總算減輕少少，但仍未完本星期繼續努力吧。近日都忙到亂到好多o野都唔記得，尋日早早就訓....累了。到點幾起身睇到明珠播緊我愛的一套《SCHOOL OF ROCK》睇睇下就累了....只睇到中段...搵日要煲返呢套電影先。

而阿頭放假呢段日子，我正在努力尋找於呢份工作上方向，究竟繼續或是放棄正正纏繞我腦袋，但...我想暫時都不能放棄，即使份工令我幾咁失自信都要好好保住，因為瀟灑兩個字唔o岩我用。我唔同身邊好多人他們有學歷、經驗、良好經濟背景、甚至唔需要擔心突然連試用期都過唔到咁生活點算呢一切顧慮，所以想幫我搵工朋友們，我只可以說一聲：『心領』但我唔需要。

魚唔過塘唔肥道理我好細個就識就曉，但我更加了解咩叫唔可以因理想而自私。總不能說走就走，始終走了之後可以如此穩定嗎?即使份工人工唔高...但至少唔會炒我，每月準時出糧解決生活，無錯我正正係為了不想影響生活而不轉工，大家可以睇唔起我，笑我可悲，但如果沒有包袱我都可以瀟灑，但我自知不能瀟灑是我自取，我正努力面對，至少我自己唔會怨有這種要擔憂生活的人生，因為只是一段時間的苦惱，慢慢它會走。

還有介紹我做Sales o既朋友更加不用游說，我討厭見客討厭Sales人任何物品。只愛寫字影相，或者坐於Office做paper works，加上易壓力大者不適宜做Sales的，如果想我壓大過大死亡者請繼續介紹Sales俾我吧。

近日養成一個壞習慣，愛上了在上班時帶著一邊head  phone聽歌，我知咁做唔o岩但唔聽歌....點減到壓力?而且聽住歌做時間會更快過o架....所以先偷偷地聽一邊工作.......

你認為藝術是什麼？任何藝術也是值得欣賞。可是，表演者就可以任意獨佔行人專用區一類的公共空間嗎？

　　各位有沒有留意，自上年六月起，每天在旺角的行人專用區，好戲量的橫額愈來愈多，參與的演員也愈來愈多，擺賣的衣服的攤檔突然出現，甚至他們所佔的範圍，也由本來小小一隅，變成三分二的行人道。原先擠擁不堪的行人區，被好戲量的藝術表演強佔了，這個公共空間被他們無故私有化。不過，他們卻把阻街的因由推在圍觀者身上，換個角度想，是誰吸引這麼多的觀眾呢？是不是他們的人、道具、貨品擠在路上，強迫路人減慢步伐，讓行人區更水泄不通？

　　另外，各位、或是你的女友人有被他們「招募」過？許多人也有這樣的經歷，好戲量的人無故一手捉著路過的女士，有的就算答應協助他們演出，也在毫無心理準備之下被劇團的人親臉。雖然有很多街頭表演會邀請旁觀者協助，但是，他們有沒有問過別人願意否，卻一口氣衝過去牽著別人的手，還親吻別人，這是藝術嗎？藝術是不是可以犧牲各位先生女士的意願呢？

　　我們並不是想趕走好戲量，只是希望他們交還我們的行人專用區，這路是公眾的，不是任由他們打正「藝術」的旗號霸佔，他們大可縮小活動範圍，減少演出的人數，收窄擺賣攤檔，或者搬到較寬敞的地方表演。我們沒有蔑視藝術，我們歡迎不同的表演，但絕不歡迎侵害他人使用公共空間權利的表演。如果是專業的劇團的話，我們的要求，是可以做到的吧？

以上文字唔係Nix打o架，只係上網睇到。其實好戲量的問題已經存在好耐，有時係旺角行人專用區見到他們表現，只係覺得嘈雜同埋唔知做咩，而最最最最最大問題係好阻街。行人專用區俾佢o地佔用了一大半，而且霸住正中間部份，又有一張二張大大Banner，而且有時他們強拉行人參與他們的藝術表現更令人反感，難聽點說比起在街上做問卷謀生的更討厭。

星期日，有一班網友去去討伐好戲量，說是討伐好像嚴重了少少，不如說是討論會好少少。但可怕人家好戲量楊生已經一早call定警察，並且將阻街二字毫不客氣安落一班網友上，這次討論明顯網友準備不足，但亦令人覺得楊生兩頭蛇怕死的性格，之前他自己都話覺得警察對他多次口頭警告話佢阻街而令佢覺得香港無甚表現空間，但這次可笑地要聯絡警方維持秩序。唔通佢覺得網友會對他動武嗎?還是他要把責任通通推落網友身上自己就全不用負責?可笑

而尋日看過楊生同埋一位馮生的Blog更覺不知所謂，說的盡是夢想理想，但請問周街「招募」女行人強力拖手錫錫，咁係咩理想夢想?只係有人想一飽私慾吧?怪只怪有時香港女生怕事不會報警告他們非禮而助長他們的膽子。而近日他們更把阻街程度擴展，更於街上有攤子賣自己劇圖Tee同物品，可謂過份。

當初將西洋菜街劃分行人專用區是有見旺角人流多如果有汽車同埋人係同一條路行第一會影響交通，第二會令大家都有危險而劃分。但唔知幾時開始一間二間銀行、寬頻都大行其道擺檔，慢慢有人唱歌表現，但他們都只係於一邊唁傍，而且盡可能不阻街道，點會似得好戲量霸住正中間如此霸道?

日本有好多呢類街頭表現，但係人家在街道上表現係得政府或者商店批准以及唔會阻到行人道路而表現，如果毛孟靜想用日刺街頭表現跟所謂好戲量比較，未免太差天共地，人家表現是賞心悅目，而且不會是一大班人叫囂或者強拉途人做他們不想的表現，惹人反感，咁請問毛小姐點解可以用兩者相比?
(題外話：上星期我睇到蘋果網有段係有毛小姐份o既辯論，但毛小姐只懂不停望鏡頭睜大自己眼睛時的樣子，說實在你是想幫好戲量討伐有關議員，還是只懂望著鏡頭流露出自信樣子?但你知嗎，你當時個樣令我感到不安。)

其實好戲量我覺得你們的理想夢想請繼續於新伊館演出吧，再唔係等多一段時間西九文化徑可供你們用時再作街頭表現，再唔係不如你o地縮減一大半啦。至少唔好阻街，同埋唔好再強行拉人入去陪你們「表現」既然表現已經不甚討好何苦要再惹人反感?而且香港越來越地少人多，你們好戲量覺得自己憑什麼可以不用付租金而且只係佔用他人土地?難道是靠你們都表現還是你們夠膽阻街的氣量?