唔想出聲...因為個嘴勁痛...因熱氣o既飛滋痛到好緊要...飲飲食食痛....連講o野都痛；咁點樣出聲? 所以電話唔想聽...係office hours避唔到但放工我都係靠SMS通知陳生放工...真係好想俾自己抖下....

呢兩晚都睇《十月初五的月光》哈哈太好睇喇。

尋晚我將之前SPEED其中一場Tour VCD轉成MP4放落iPod度睇，今朝睇住搭車返工，好正。Eriko~~~~~我而家iPod o既係SPEED解散前一場Tour 《Real Life》好好睇好感動一個表演，亦係令人難忘一個Tour。唔知重組的SPEED會唔會o黎香港?一直好期待好希望見到一次SPEED同睇到一個SPEED Concert，但唔知有無機會?始終SPEED係我由小至今最最最最最愛的日本藝人，對她們的感覺始終好深。期待著她們的重組及新歌呀~~~~

近日發現自己對某些事情熱度冷卻(不是指影相或設計)，而係唔知點解自己越來越防一些人，及一些事；個人o既防護罩唔知點解開啟了...發生咩事?我越來越唔相信某些人，對他們之前所做、所說的話都抱有重重懷疑態度。點解會咁o既?我仍然相信好多人，但對你我已經不想再信；是因為失望了...不明白為何你辰對我誠實?就因為你...我連許多人都變得不信...因為你令我起了許多懷疑...因為你...令我對自己失去一些做事信心...你所做所說只要有邏輯一點根本唔會信...只係我覺得唔明白點解做這些事會係你?

星期六會同陳生返佢屋企晚飯，是我計劃的因為我想飲湯...自己無時間煲只好去陳生屋企食啦。當日會係旺角先join陳生...行一陣之後就搭車入佢馬鞍山屋企痴餐。

而聽晚應該會見到SWEET，同埋我要同SWEET講唔好意思，尋日發現公司開始Check我o地o既mail，所以只好狠心忍心唔同你mail呀...SORRY......希望你唔好怪我啦。

而之前所困擾都已經解決，只欠重組方面消息...仍然擔心中。始終好驚會唔成功....可能我太杞人憂天吧?等到十月底就有消息了....心中好緊張....好擔心。

今日Sally第一個愛情結晶品，一個六磅半BB誕生喇，Nix希望她們母子二人健健康康肥肥白白呀，BB要快高長大。

而我們班同事暫定星期五會去探Sally同BB。所以呢幾日要將工作係呢幾日清哂佢，唔係星期點準時或早少少走探Sally??

今日上午好忙，但同時我知道公司有o的部門正在check o的同事e-mail，今日Vicky先話我知有人見到佢個主管睇緊佢o地部門每一個人mail內容，不論私人還是公事的通通都看，太過份了吧一點點私隱都無我一陣Lunch都要提提其他同事唔好用mail傾偈喇.....太可怕喇。

今朝起身都而家個胃都好唔舒服.....做咩呢?

尋晚原先好期待睇《烈火雄心》因為睇雜誌話會重播嘛，點知係做返《十月初五的月光》雖然我已經有套碟...但都坐定定睇，因為太好睇喇。同埋我知無線經典台正重播我最愛之古巨基一套劇《總有出頭天》好想睇呀，大家如果知邊度有得download記住話我知呀，真係好想重溫呀.....

近日Nix俾飛滋困擾，嘴好痛呀.....連說話都唔想講...help!!

通告：今日Nix打了兩篇日記，呢篇係其一；仲有一篇係下面《難道阻街就是表現出戲量?》，請大家可抽時間一看。

近日心情有點點動盪，是忙還是亂?我承認上星期真的忙得不可交關，完全休息時間都沒有半點；幸好一個風球讓我可以在家整少少Part Time Job總算減輕少少，但仍未完本星期繼續努力吧。近日都忙到亂到好多o野都唔記得，尋日早早就訓....累了。到點幾起身睇到明珠播緊我愛的一套《SCHOOL OF ROCK》睇睇下就累了....只睇到中段...搵日要煲返呢套電影先。

而阿頭放假呢段日子，我正在努力尋找於呢份工作上方向，究竟繼續或是放棄正正纏繞我腦袋，但...我想暫時都不能放棄，即使份工令我幾咁失自信都要好好保住，因為瀟灑兩個字唔o岩我用。我唔同身邊好多人他們有學歷、經驗、良好經濟背景、甚至唔需要擔心突然連試用期都過唔到咁生活點算呢一切顧慮，所以想幫我搵工朋友們，我只可以說一聲：『心領』但我唔需要。

魚唔過塘唔肥道理我好細個就識就曉，但我更加了解咩叫唔可以因理想而自私。總不能說走就走，始終走了之後可以如此穩定嗎?即使份工人工唔高...但至少唔會炒我，每月準時出糧解決生活，無錯我正正係為了不想影響生活而不轉工，大家可以睇唔起我，笑我可悲，但如果沒有包袱我都可以瀟灑，但我自知不能瀟灑是我自取，我正努力面對，至少我自己唔會怨有這種要擔憂生活的人生，因為只是一段時間的苦惱，慢慢它會走。

還有介紹我做Sales o既朋友更加不用游說，我討厭見客討厭Sales人任何物品。只愛寫字影相，或者坐於Office做paper works，加上易壓力大者不適宜做Sales的，如果想我壓大過大死亡者請繼續介紹Sales俾我吧。

近日養成一個壞習慣，愛上了在上班時帶著一邊head  phone聽歌，我知咁做唔o岩但唔聽歌....點減到壓力?而且聽住歌做時間會更快過o架....所以先偷偷地聽一邊工作.......

你認為藝術是什麼？任何藝術也是值得欣賞。可是，表演者就可以任意獨佔行人專用區一類的公共空間嗎？

　　各位有沒有留意，自上年六月起，每天在旺角的行人專用區，好戲量的橫額愈來愈多，參與的演員也愈來愈多，擺賣的衣服的攤檔突然出現，甚至他們所佔的範圍，也由本來小小一隅，變成三分二的行人道。原先擠擁不堪的行人區，被好戲量的藝術表演強佔了，這個公共空間被他們無故私有化。不過，他們卻把阻街的因由推在圍觀者身上，換個角度想，是誰吸引這麼多的觀眾呢？是不是他們的人、道具、貨品擠在路上，強迫路人減慢步伐，讓行人區更水泄不通？

　　另外，各位、或是你的女友人有被他們「招募」過？許多人也有這樣的經歷，好戲量的人無故一手捉著路過的女士，有的就算答應協助他們演出，也在毫無心理準備之下被劇團的人親臉。雖然有很多街頭表演會邀請旁觀者協助，但是，他們有沒有問過別人願意否，卻一口氣衝過去牽著別人的手，還親吻別人，這是藝術嗎？藝術是不是可以犧牲各位先生女士的意願呢？

　　我們並不是想趕走好戲量，只是希望他們交還我們的行人專用區，這路是公眾的，不是任由他們打正「藝術」的旗號霸佔，他們大可縮小活動範圍，減少演出的人數，收窄擺賣攤檔，或者搬到較寬敞的地方表演。我們沒有蔑視藝術，我們歡迎不同的表演，但絕不歡迎侵害他人使用公共空間權利的表演。如果是專業的劇團的話，我們的要求，是可以做到的吧？

以上文字唔係Nix打o架，只係上網睇到。其實好戲量的問題已經存在好耐，有時係旺角行人專用區見到他們表現，只係覺得嘈雜同埋唔知做咩，而最最最最最大問題係好阻街。行人專用區俾佢o地佔用了一大半，而且霸住正中間部份，又有一張二張大大Banner，而且有時他們強拉行人參與他們的藝術表現更令人反感，難聽點說比起在街上做問卷謀生的更討厭。

星期日，有一班網友去去討伐好戲量，說是討伐好像嚴重了少少，不如說是討論會好少少。但可怕人家好戲量楊生已經一早call定警察，並且將阻街二字毫不客氣安落一班網友上，這次討論明顯網友準備不足，但亦令人覺得楊生兩頭蛇怕死的性格，之前他自己都話覺得警察對他多次口頭警告話佢阻街而令佢覺得香港無甚表現空間，但這次可笑地要聯絡警方維持秩序。唔通佢覺得網友會對他動武嗎?還是他要把責任通通推落網友身上自己就全不用負責?可笑

而尋日看過楊生同埋一位馮生的Blog更覺不知所謂，說的盡是夢想理想，但請問周街「招募」女行人強力拖手錫錫，咁係咩理想夢想?只係有人想一飽私慾吧?怪只怪有時香港女生怕事不會報警告他們非禮而助長他們的膽子。而近日他們更把阻街程度擴展，更於街上有攤子賣自己劇圖Tee同物品，可謂過份。

當初將西洋菜街劃分行人專用區是有見旺角人流多如果有汽車同埋人係同一條路行第一會影響交通，第二會令大家都有危險而劃分。但唔知幾時開始一間二間銀行、寬頻都大行其道擺檔，慢慢有人唱歌表現，但他們都只係於一邊唁傍，而且盡可能不阻街道，點會似得好戲量霸住正中間如此霸道?

日本有好多呢類街頭表現，但係人家在街道上表現係得政府或者商店批准以及唔會阻到行人道路而表現，如果毛孟靜想用日刺街頭表現跟所謂好戲量比較，未免太差天共地，人家表現是賞心悅目，而且不會是一大班人叫囂或者強拉途人做他們不想的表現，惹人反感，咁請問毛小姐點解可以用兩者相比?
(題外話：上星期我睇到蘋果網有段係有毛小姐份o既辯論，但毛小姐只懂不停望鏡頭睜大自己眼睛時的樣子，說實在你是想幫好戲量討伐有關議員，還是只懂望著鏡頭流露出自信樣子?但你知嗎，你當時個樣令我感到不安。)

其實好戲量我覺得你們的理想夢想請繼續於新伊館演出吧，再唔係等多一段時間西九文化徑可供你們用時再作街頭表現，再唔係不如你o地縮減一大半啦。至少唔好阻街，同埋唔好再強行拉人入去陪你們「表現」既然表現已經不甚討好何苦要再惹人反感?而且香港越來越地少人多，你們好戲量覺得自己憑什麼可以不用付租金而且只係佔用他人土地?難道是靠你們都表現還是你們夠膽阻街的氣量?

靜靜地思考，我決定了一些事；一些我都不相信自己會想到的事。

自問一直以來我都沒有勇氣去反對一些人和事，

是懦弱、怕結果變壞什麼都好，

反正我只記得我媽咪跟我說只要開心問心無愧便可以，

我想自己可以簡單一點、清晰一點同埋再進步一點；

有時我會想是不是一直奢求著一些遠不可及的夢?

或者是追求著一些不能得到的關心?體諒?

我有時覺得人和人不論友情親情愛情工作講的都是信任，

如果沒有再落去只會對事件造成不可補救的裂縫。

我知自己從小都給許多許多人誤解或者不予信任...但我唔在乎，

反正我是說真也好真有病痛亦好，

身邊人一見我如此高大根本毫不相信我是易有病痛，

自小我已經想跟這些人：你們好荒謬。

到近日我發現能力被懷疑了...你既然不信我不要叫我試，

我所做所想都用盡百分百能力腦力及不睡時間去處理...最後呢?

結果是怎樣我不知更不想再管...

反正我一直也是沒有任何能力推卻你所說所想。

而且你在人前要做什麼角色我清楚，但不要傷害我。

以上是事實嗎?我不知道但不明自己為何腦袋會想到這些問題...與及文字

http://www.wretch.cc/album/phoenixty

放o左悠悠 之前美食節 我的家與公司 及之前一堆亂拍拍

大家有時間請一看

今朝七點半起身望下電視仲掛緊三號風球，但聽到出面o的風呼呼聲正諗緊咁大風點出門口?要唔要拎雨衣呢?不過再且多一陣七點九起身發現.....八號風球....我即刻打俾Kathy同Alicia因為怕佢兩個早早出門口返工...但Kathy電話唔通呀只係搵到Alicia幸好佢未出門口唔係就必囉......之後睇住風暴消息.....見到久違了的九號風球但望望窗....雨唔大風都無咩，諗緊鸚鵡真係咁利害??但而家九點鐘，出面o的風好勁呀...無咩雨但風好大...我望住窗出面個風車不停吹....好勁而且窗都拍拍聲...好耐無試過。亦因為打風突然間無紅色假期的八月突然多了兩日假。

放了一日假Nix決定休息一個上午下午，晚上先工作。今日我睇了奧運，高禮澤雖然輸了但唔算輸得難看只係睇得出佢好心急，但都算唔錯喇至少打到八強。之後睇o左兩他《籃球火》，好好睇o架有小豬重要有吳尊，同埋女主角蔣怡真係好靚好型其實套劇係誇張o架，但小豬真係幾好笑(雖然有時勁低能)但輕鬆下唔錯，之後我睇埋之前Download o既《NANA》動畫版...一睇睇o左三集...之後再睇埋今晚名下星期一晚《家好月圓》今晚呢集陳豪會好精彩，大家必要睇佢係甘家所講一番話...十分正今日都好充實

而家要工作喇

今 井 繪 理 子 SPEED 名 曲 獻 失 聰 兒

於 90 年 代 紅 極 一 時 的 日 本 女 子 組 合 SPEED ， 昨 日 宣 佈 將 於 本 月 30 及 31 日 在 慈 善 節 目 《 24 小 時 電 視 愛 心 救 地 球 》 中 復 合 演 唱 ， 今 次 也 是 組 合 自 99 年 宣 佈 解 散 後 第 三 度 重 組 ， 與 此 同 時 ， 去 年 7 月 與 樂 隊 175R 主 音 SHOGO 離 婚 的 成 員 今 井 繪 理 子 自 爆 其 3 歲 兒 子 自 出 生 以 來 ， 便 患 上 先 天 性 失 聰 。
今 井 繪 理 子 表 示 ， 希 望 今 次 重 組 能 讓 失 聰 的 兒 子 用 眼 睛 欣 賞 母 親 在 舞 台 上 唱 歌 ， 屆 時 SPEED 將 在 武 道 館 中 現 場 演 唱 《 WHITE LOVE 》 等 代 表 歌 曲 。

再次的重組讓人期待萬分，但我尋日睇到消息SPEED的重組不止是這次《24小時電視愛心救地球》而係明年會全面重組，並且進行有關音樂活動，雖然我知今次重組她們的聲勢未必好似以前咁強勁，但我仍然相信以她們實力仍會有支持者的，而且她們仍然有一大班fans，我相信許多人仍然會對有實力的SPEED繼續支持，Nix當然仍然好愛她們支持她們。

ERIKO HIROKO TAKAKO + HITOE ADD OIL

但同時得到開心的消息，亦得到令人覺得痛心的消息，就係Eriko三歲仔仔患上先天性失聰，他聽不到任何聲音，即使是自己母親美妙歌聲都聽不到，一個只有三歲小朋友就得到失聰是一件可憐的事，據知Eriko知道自己仔仔有呢個缺陷之後佢決定會努力幫助有這種問題的小朋友，所以這次重組的善款據聞都是用作幫助一班需要幫助的先天性失聰小朋友，希望呢班小朋友可以得到不只係幫助而係更多人關懷及愛護。

今日工作都算忙，而且都不是輕易可以解決...所以都比較難做。不過係每個工作中間仍可偷時間打下blog，呢篇日記我由早上九點每隔一段時間偷少少咁打....都打到差唔多十二點囉。今日先星期四，仲要返多日先放假....呼....累了；尋日Nix又整o野到兩點幾三點，眼都腫哂....不過為錢為學...努力吧。