自從用左xanga,已經封塵好耐喇呢度

要用5-7日先整得好......唔係要咁耐呀嘛...我以為做野好高效率架嘛

尋日老公放假,夜d黎左我屋企整電腦,因為我以為自己電腦神左

最後當然知點解啦

食埋飯就出荃灣,以為個度仲有哈迪c.....

點知出到去....原來已經變左味千......

本身想轉去馬安山.....但係想像到入到去都收...所以算.....

最後一日...都食唔到.....我既磨姑飯同埋薯圈....

上完堂返到屋企喇....好攰...唔知點解

好多野要做.......超多個projectt都係呢兩個星期交.....

粗粗地計.....都有5份.......唉...

仲要practise下我既IELTS,我要以CAMILLA既7分為目標
我以為某人既英文真係咁勁(聽某某人講佢好似好talk得咁),點知原來都係5.5之嘛~
我而家呢排已經開始做exercise同每日對住空氣講下英文(都係照書讀姐)咁
希望d咬字要好好好好好d~
8月之前一定要攪得掂,上UC yr3.........><

尋晚本來要上裝搵six-sigma......點知眼訓到死早早上床訓
又係d藥作怪啦......唉.....
遲d要去做body check至得....不過又要洗一筆了

尋日上完IELTS行銅鑼灣,好多野想買喔.......BUT....要慳D了~
算啦......買買買買個死人頭,鬼叫你生得窮,一副窮樣

下星期既IELTS將會有一次mock俾我地,前一晚一定要早d訓,投入d做一次睇下有幾多分
唔可以再好似上堂咁冇心機亂做,嗯嗯

6月中考試.....8月頭要考好哂IELTS 6.5去apply UC
即係....呢一排都唔洗點休息....仲要返工.....
真係得閒死唔得閒病

所以,hea埋呢個星期,下星期開始叫三佬send上堂錄音俾我聽,用黎溫書
星期二放左IELTS CLASS之後去拎form報考~
一定得既!!(做埋手勢)

各位,一定要祝我成功~成功上到UC~~

_今晚再續

迷迷糊糊咁而家先醒,而家5點半....

頭先放學返黎又係唔知做咩咁...係度行"凌波微步"
完全唔係直線囉.....

唉...好胃病....一弭都係叫醫生寫定假睇下今晚用唔用得著
11點到3點....都唔知咩時間來的

而家去搵d野食先.....今晚再講

__________________________________________

剛剛收線了.....很辛苦的說....

好掛住你.....好想好似尋日咁一撐大眼就見到你.......

可惜....剛剛同你傾電話......你既態度依然好冷........

我覺得......我既病又加重了幾成............

好想見到你......................................................

去發個夢吧現在唯有....起碼可以見到你....................

p.s:知道你今日多野做係因為尋日為左早d返屋企睇我,積一堆野未做...
好感動.......多謝林生.....我知道你係有付出過的
但我尋晚又話你.....冇付出個個係我就真...
對唔住......我愛你丫林生....
唔好嬲我丫.................................
聽到你同我傾計個晚個番說話...我好開心
真係好難得........穩定.......所以我地一定要珍惜,知嘛?
你可以多d關心我愛我,坦白話我知,就夠了

______________________________________________

報告報告

食第二輪藥......嘔 =口=  難頂
衰佬叫我了俾佢,喂左兩聲又不醒人事
我都估到啦.....仲話夜d打俾我叫我起身食藥,而家掉返轉頭
多野做,攰就休息喇嘛...仲叫我打俾你 =..="
嗯..我知你辛苦架喇,你都係繼續訓啦~
我而家食埋藥藥,早d上床了~

好想見到你

剛剛講完電話

絕對失望

不過又令我知道"珍惜",係唔洗作任何改變唔洗做任何事
真係心痛...............帶一點無奈
我都唔明自己做咩一次又一次就佢原諒佢返返轉頭做傻瓜

唉...............算了...

其實早由個一堆野俾我掉左出去個時,我地已經完結
只係我心軟返轉頭
如果咁樣都叫珍惜.我都唔知自己以後要揸住d咩標準做人同代人接物

"我真係唔想要(妳)"
哈哈......原因我冇人要要淪落到迫人要
"你唔鍾意我就要改架喇?你可以唔改架!"
我一箱情願
""我係唔改架喇,以後都係咁架啦~"
呢d叫珍惜?

果然大家都係中產家庭出身,大家個腦都係唔成熟大唔透
唔怪之得可以咁埋咁close
我諗我終於都明點解d印度人揀伴侶都要同level"竹門對竹門"
如果唔同智商唔同諗法唔同成長環境又點可以生活埋一齊?

我..........只能佩服,亦學會左一個做人道理

如果大家都唔會改變,只會落得"累鬥累"既下場
恃住人地個心態會為自己去變而橫行無忌自把自為
為左玩,為左一個人為左訓一覺可以"冇所謂"可以放棄一段感情
珍惜?你珍惜什麼?

我,的而且確,做錯了.....
都係食個藥訓一覺算吧...............

當發左個夢

p.s:而家仲有d痛痛地.....下次都係咁攪.....爆左都唔知咩事...

星期三,星期四同星期五,我去左林生度訓.叫極都係唔會起身個隻
即係我既意義冇左啦.都係叫唔醒

尋晚我地冇打交添~今晚再開戰吧,呵呵
我一定打得嬴你

呢兩日都算過得平靜,障左中間既一d小插曲
咩事我都唔想再提.

to my mr. lam:

我發覺原來除左我需要向你講對唔住之外,我更加要對自己講對唔住
我欠自己既野太多,對唔住自己既野都太多
有好多矛盾.我估唔到你仲記得個一張紙仔,一張唔顯眼既紙仔
你著緊我對你做過既每一樣野,寫既每一張便條,呢一點,我實在感動
但要係呢種方式呢一個時間先去發現到,就係一件好可悲既事
對於自己,就算其實你對我點衰點唔好都好,個d都係我既記憶我既野
點解會為左你去親手毀滅佢地?我應該帶走佢地
究竟記憶,回憶對我有幾重要?我要重新定位

或許平時既你,對身邊一切都太好,好到自己都唔知到
尋晚我同你講,我唔鍾意你同其他人講電話既態度,
如果人地唔知道,仲以為你同緊你老婆講緊電話,好似氹人咁,好bb仔
而你對住我,往往都係好似唔識我咁,同我講電話好惡好冷冰冰
就好似星期四晚我去接你放學,你係電話度既語氣你記得嘛?
這些都令我很介意
很多時你對別人做的比對我做的更多
你會情願陪一個"唔係咁熟既朋友"連續兩個星期直到人走,
都唔肯花一分一毫既時間係我身上
明明係陪緊我,人地一個電話話唔開心,你就要落去
一個唔開心既人變開心;另一個本來好開心既人變到好唔開心
你到底係好心另一個人開心定係要存心令一個人變唔開心??
人地咩心態,點解明知你陪緊我仲要你落去我唔想理
但係我比較想知你個心諗緊咩點解要咁做
需知道我個日係等左幾耐?!
或者我既心態只有我一個人清楚,你永遠都唔會明
而你,甚至其他人所謂既"清白行為"到底對身邊既人傷害有幾深,你地係唔會知
因為,被傷害既人唔係你地,只有我
兩星期以來,我要無奈屈服,唔知有幾多隱瞞同欺騙,我都要屈服
到頭來,我既接受同容忍,被你說成虛假
睇到你對人做既每一件事每一舉一動
係個一刻,我知道自己不能再容忍
你說我在生事,我係攪事者.我有既會係無奈
你說如果我冇係 地度留言人地根本唔知自己咩事
咁樣做好咩?我認為一個人做緊一d連自己都唔知唔察覺既事係好可悲
就好似你每次都唔知自己做野過左火一樣,不知就裡地傷害到身邊既人,好咩?
如果"我"係攪事者,咁"你"呢?,"她"呢?到底一開始係邊個攪事出來?
我自問人不犯我我不犯人,你唔攪我我一定唔會攪你
你都知道我既性格,接受能力高,會容忍你,係一個安於現狀既人
所以我都希望你明白今次點解會咁,點解我唔再坐以待斃
因為我認為我需要去解決呢一個問題,唔會再重覆又重覆去"被害"
重覆又重覆有唔開心唔愉快既事發生

我唔知你到底有幾想安於現狀有幾想穩定.
但我有幾想你係應該知道同明白
到底係你俾緊一個機會我,定係我俾緊一個機會你,我都唔清楚
或者大家都唔想彼此既感情死係呢一樣野上面
畢竟我地都過左好多個難關,特別對我黎講,每次都係好難過,但我都要去爭取
也許這次我既心態係"之前咁難打都打得過,今次做咩要縮?"又係好勝心作祟
對於我們之間既感情,我記得你對我講既每一句說話,我希望你會做得到

我希望你會花多d時間去明白我既感受
你說別人精神有困擾,你會主動安慰別人,你從字裡行間就可看得到別人的問題?
我精神極度困擾,壓力大,生病了,你會來安慰我嗎?
你話我唔同你講,我同左你講,你一句唔記得就算,我一句安慰既說話都得唔到
其實無形中,你變相加大左我既壓力同精神困擾,更我更難過
尋晚我無啦啦喊出黎,就可見一班
而家.我可以隨時隨地,無啦啦都喊得出....因為太多事圍繞住我
而我面對既,,一日比一日多.正常要面對既學業,家庭,工作唔在講
而家每一日都好似又多一樣野俾我去煩,而呢d野根本就不必要
我唔想呢d野出現的,但為何又要說這些事是我攪出黎,我係"攪事者"?

向來我都唔將我同你既野講俾任何人聽,因為我認為係我地兩個人既事
所以,我既朋友同家人眼中,你係一個好好既男人,好錫我既男人,嫁得過既男人
但係有某一兩個心水清既朋友,我冇講過一句說話,佢都好似知道發生咩事....
曾經有人同我講:
"我都唔知你為左d咩,甩左佢啦"
"你又唔係冇人要冇市場冇人追,做咩要揀呢個即?"
"佢講咁多藉口,想做既就點都會做得到啦,係你先會幫佢撐!"
諸如此類...........

對於以上既答案,我都唔知點答,最後個一條問題,我確實係撐到底
"佢忙嘛","佢要休息嘛","咁又真係出得去都冇咩時間既.....".....之類
或者我真係存心維護你,其實都可能係維護緊自己,唔想俾人覺得我可憐
之所以我發生過所有野我都唔同人講,我唔想人同情我可憐我又或者覺得我見識多
對於我咁多年黎發生過既事,我覺诊唔需要 作太多分享,又或者係呢d野度令人覺得我思想同心態成熟
我只係想呢一刻我可以收埋佢地,可能既時候,做返一個行為幼稚思想單純既"小朋友"
必要時,工作時,面對其他野既時候,無可奈何地,我要做返個一個我,挖返我既過去出黎
呢d我都係唔想既.......我只係想做人單純少少幼稚少少,趁我仲年輕仲可以俾自己咁做既時光
引用人地一句"趁後生好去做"
唔通我到左成30歲仲可以扮思想單純幼稚咩?更何況我都就20了
能做的都好去做了............................................
但係,對於我既過去,終有一日你會知道哂
到到有一日你有心機去聽我講既時候,就係我要講出黎既時候.

暫時講到咁多先.

your wife.

未出碟,所以唔洗咁好聲

不過都聽住先~

今日得兩場波咋~呵呵

不過坐足7個鐘真係辛苦,都幾悶下,不過悶有悶好既

今日睇新人...不過可以話係佢mon返我轉頭
因為佢坐5個鐘完全唔洗做,淨係聽我落......shit
仲要扮哂識野教返我轉頭,話說條粉腸做開馬個邊而家撈埋我d波
我仆你個街,雖然我都唔係做左好耐,但係我諗我熟呢邊d野多過你囉
教我做野？嘩哈哈.....我全程唔想同佢講一句野,係咁懿去廁所蛇
d客講得好快咩？我唔覺喎~
仲要係度刷我鞋討好我,話說我講野錯覆錯野
就熟老手都總有一次半次好平常,佢竟然話"你今日狀態唔好姐~~"
食屎啦！錯咪錯囉~有幾閒呀？狀態唔好...你估我係馬呀？晨操緊咩!狀態唔好=.=
正一痴孖根...................
我教緊另一邊係一個好緊張既男仔做野有d咩要注意
我屌你,你又插咀！你而家係我呢度係新人既架先生！第一日返工講咁乸多野？！

anyway~今日d客多數都好好~xdd

1點走,轉左好多程車......煩

仲有我報左"颱風特別組",除左平時我仲會係打大風既時候上班
原因係咩？
一返工有額外一舊水,返夠8個鐘又俾多一舊水,唔洗錢有野食,平時既休息時間同埋時薪唔在講.仲有好多好好既條件~
呵呵呵....不過一年都冇幾多次打大風姐....
唔緊要囉~

___________________________________________________________________

死人ricky又話聽日有IELTS班返,原來又改左.....FUCK......
算囉~唉

其他野我暫未諗到有咩要打落黎
不過,咩人講過d咩我係記得的~嘩哈哈

好啦~飲湯先~

再見!