好開心呢兩日朋友仔幫我搞嘅生日～～雖然只係簡簡單單嘅一餐飯，但我知道要籌辦＆抽時間嚟（尤其是係死亡星期）都唔係易事～～今年我諗真係經一事長一智，我比任何一年都更珍惜我嘅朋友，同往年一樣都係充滿感激嘅心～～原來收到人嘅祝壽係咁開心，只係講句生日快樂我都咁開心＆感激～～睇怕我真係大個咗啦～～我真係大人嚟架啦～～

我以後都唔會信男人 !!! 男人都好賤 !!!! i hate cheap man very much !!!
i just hope he has 報應 !!!! 你地好快散架啦,而我一定唔會用棄兵 !!
never active again !!!

今次差少少就成功,又係咁,唔好比我知你係邊個,我唔想咀咒多個人 !!!

擒晚係我地hist annual dinner~~今次有舅父仔車我同彩暉同學仔們去天水圍，又係姑姐對面間酒店，我嘅目標仍然係食大餐＆抽大獎～～食甜品同魚生真係無蝕～～抽獎雖然只係抽到一本書，如果係現金獎就好啦，送本講泰國嘅書比我都唔知做咩．．．算啦，好難得我兩年都有獎，而且我而家又好鐘意睇書～～原來我都有抽獎運架喎～～

之後雖然無唱k，但去佢地個竇玩都幾好啊，我仲學識玩鬥地主～～好開心，佢地都對我好好，明明好累，又要做paper，但我想玩通頂，佢地都會陪我玩～～好開心有呢班朋友仔～～

jasry~~你睇吓我幾重視你～～呼唤咗你３次～～sorry r~~你今日個生日活動好似無咩特別．．．個蛋糕仲要係我choose~~~但其實我係覺得好味架～～好在份禮物你鐘意～～其實生日洗咩咁計較＄＄，最緊要你開心～～我落足本架～～但如果我話貴係個摺紙度你會唔會話我蠢？？

今日攞返份３０頁paper個時，估唔到又有另一個奇蹟～有B+~~開心死～我會努力改好個final draft架啦～～我唔會放棄每一個令我過３嘅機會架～

呢期我好想珍惜同公公婆婆相處嘅機會～因為我只要一諗到佢地唔係度，我就即刻知要珍惜～畢竟人生都唔知下一刻發生咩事～好似我無啦啦都生咗粒纖維瘤係手～都係不知名～好在呢粒野唔會對我有影響～所以今晚同我啊婆一齊睇台慶～～個感覺都幾好～我相信年年台慶我都會諗返起呢個畫面～～

唔知係咪paper影響，我呢排都唔係咁想講野，淨係想快d做完d paper～完晒考試我要gathering with my fd r !!!

同埋忙晒d野，就知你係咪真係會行動, this is the deadline for us~i really tired of our unknown relation

昨天，我創造了多個奇蹟～～因為要寫３０頁paper

今日lunch同琪琪，秋東，阿wing去咗藍地大街間茶餐廳食，好抵，好耐都未試過食常餐可以飽成咁，秋東仲要扮契女～～好耐無試過食lunch食得咁開心～～無辦法啦，慳錢返屋企係咁架啦～

夜晚同琪琪去睇新生匯演，原本只係諗住陪琪琪去，點知幾好睇～～當然仲要去支持我地個女－－盛虹啦～～我地仲買咗支假花比佢架～～之後同琪琪去食野個陣，我發現琪琪真係好了解我，佢不單止成日比到新鮮感我，而且佢係令我增進智慧＋知識嘅人．仲比到好多意見我～～原來我講大話已經講到無知覺，好恐怖～～為咗鞋抽仔，我要準時＆講真～～

好　！！　我要努力做３０頁paper 　!!　其實當我咁忙嘅時候，我好怕講電話，我唔聽嘅話，你唔好怪我啊～～有重要野？？sms咪得囉，我會選擇性地覆架啦～～　而呢期同我最夾嘅係hamyu~~好少打嚟，但用sms~~我其實好怕人地迫我做我唔想做嘅事，可能我成日要面對呢d人，所以我先會好小事都講大話，多謝你令我醒覺，琪琪～～我唔會再亂作野～～

送完蛋糕比佢之後好似又停滯不前咁，如果佢可以再進取少少就好啦．．．不過可能佢忙呢．．．
因為我自己都忙到死，唔夠１個星期嘅時間寫３０頁嘅paper，不過我會試下比心機做架啦～～要好似琪琪同鞋抽仔咁努力先得啦　！！
朋友仔，好想見你地啊　！！！　又再一次深深感受到一齊返學讀書嘅好處－－日日見～～