很多人會覺得幼稚, 但我覺得值得~!!

分手了... 但心情己和炎熱的天氣一樣變回清涼. 其實感覺就像放生一隻被自己困在籠裏的雀仔一樣, 最初是很不捨得, 但當看見她可以自由自在地飛翔, 而且活得比在籠裏開心, 其實這不是一件好是嗎~?! 可能是自己當初太自私, 而且還天真地覺得可以有美好的將來, 但原來只是一場夢~?! 但曾經可以和妳一起, 其實己經是我最大的福氣~!! 現在總算舒了一口氣, 我亦可以自由地做回自己想做的事~!! 而且, 妳答應過我妳會飛回來看我這個朋友嘛~!! 那已經真的很足夠~!!

唔知點解依排成日都病~!?  乜都做唔到~!! 好辛苦呀~!! 又發燒又頭痛~!!

今日收工又走咗去中環美輪街嘆奶茶~!! (越來越亞叔添~!?) 咁之後返屋企嗰陣口痕痕走咗去買蛋撻食~!! (其實我就係傳聞中嘅蛋撻王子~!!) 點知門口泊咗架老爺車喺度~?! 咁梗係第一時間影底佢啦~!!

不過唔駛咁激呀~?! 粉紅色~?!

第二日, Shopping日~!! 亦都食咗好多嘢喎~!! 一朝早就食咗三個人份量嘅早餐~!! 覺得對唔住自己, 所以走咗去做gym~!! 之後去咗西單行街, 不過之前睇書話有好多咗買~?! 都唔係嘅~?! 全部都係大型新商場~!! 又冇風景睇~!! 咁跟住就去咗...

就係中國美術館~!! 裏面都OK大啦~!! 不過就冇行晒, 因為行行下頭痛~!! 可能我都係唔適合依D文化嘢~!!

好似同我細過畫嗰D差唔好咋喎~!!

嘩~!! 好大部LCD呀~!? 當然唔係啦~!! 依度係攝影展~!! 主題係大漠~!!

跟住就行咗去王府井大街~!! 但好後悔~!! 因為如個Receptionist說: 這是不可能的~!! 行到我隻嘢咁~!! (只係由街頭行到街尾都行咗差唔多半粒鐘~!!) 但依張相最奇怪嘅係... 後面條柱個牌寫住"滿漢全席喎~?! 係咪真架~?! 咁咪即係食...

不知名教堂一 (因為掛住影, 所以唔記得咗睇叫咩名~!?)

雖然少人行, 但唔知點解D人係都要喺你面前行過~?! 影咗幾次先影到~!!

又估下依座係咩嚟~?! (答案: 係最底~!! 提示: 冇咩嘢都唔希望入去~!!)

王府井小食街 (評語: 裏面D嘢全部都係小食, 少食為妙~!!)

唔知點解好多人~?! 咁入咗去試下~!! (比群眾跣咗我一嘢~!?)

狗不理~!? 佢做到喇~!! (講笑啫~!! 其實都OK~!! 不過我覺得我留下檔 "生滋猫"好食D啫~!!)

全聚德~!! (鴨店一間~!!)

張床勁舒服~!! 不過唔知點解北京, 上海&杭州D酒店都有一個通病, 就係D床係就係好闊, 但就唔夠長~?! 對腳伸咗出張床出面~?! 咁姚明咪要加多張先夠囉~?!

PS. 答案: 北京協和醫院.

我坐嘅位~!! 估下前面嗰兩個箱咩嚟~?! (答案係最底)

居然有床喺度~?!

雪櫃, 焗爐, 咖啡機合體~!!

好多嘢食~!!

居然比我摷到隻蕉喎~?! Lucky~!!

前海, 荷花市場~!! (公園一個, 不過就有間Starbucks, 一邊飲咖啡, 一邊睇風景, 正~!!)

荷花市場內~!! (兩岸都係餐廳酒吧)

後海~!! (前海後面囉~!!)

留意個鋪名~?! (大概唔係廣東人開啩~?!)

宋慶齡同志故居~!! (間嘢大到吖~!? 真有錢~!!)

其實前後海只係一個湖~!! (和坤&紀曉嵐等...大官都係住附近, 古時高尚住宅區, 四合院是也)

The Forbidden City (依度就係成日都聽到嘅午門喇~!! 真係好邪架~!! 一張1G嘅SD卡要賣成三四百蚊, 講咗幾次價都要二百五~!! 我同佢講知唔知香港賣梗都係唔駛一百, 咁佢就同我講, 這裡是北京, 不是香港呀~!! 所以冇買到~!! 攪到影唔到相~!!)

PS. 答案: 個箱係放汽水嘅~!! 好似見到有啤酒喎~?! 唔會啩~?!

今次過北京嘅目的其實係幫奧委會運送奧運 "聖火火種"到北京(For傷殘奧運), 依個任務都係好有意義架~!! 咁嗰晚十一點搭 cargo機去, 點知諗住至少三個多鐘嘅機程, 點知兩個半鐘就到, 個機司好似仲急過我哋咁~?! 推機嗰架車仔都未走, 而且架機都未轉晒個彎入跑道, 佢已經開著晒D引擎, 沖咗唔夠半條跑道就已經飛起咗~?! 個感覺同玩過山車一樣~!! 之後, 我哋依架飛機係冇空姐service我哋嘅關係, 咁就要自己落手落腳整嘢食~!! (其實都係番熱啫~!!) 咁我都算可以扮下做 "空中少男"啦~!!   而機司原來真係上到半空就唔駛揸飛機嗰喎~!! 佢可以睇下書傾下計~!! (可能今次有三個機司輪流睇住啩~?!) 過到北京都係兩點幾, 咁同D機司&工作人員影咗相之後, 咁airline D人就接我哋去大樓: 北京機場比我嘅感覺係"大", 大得可以用一望無際嚟形容, 但中國一貫特色"亂"~!! 去到大樓, 其實我諗住會有好大排場咁歡迎我哋, 但個感覺就好似少林足球裏面, 星爺第一次出賽咁, 一出場同D觀眾揮手, 但原來只係得D清潔阿姐係度~!? 仲要D保安&海關佢哋可以話冇接過依個order~?! (我嗰時真係有D驚要比人槍斃嘅感覺~!!) 咁左攪右攪, 足足攪咗成個鐘先走得~!! (原來北京機場好早就收~!! 所以冇人知道~?! 咁都得~?!) 咁北京嗰邊D同事一早就到咗等我哋, 之後車咗去北京其中一間公司度參觀, 之後就送我哋返酒店休息~!! 唔知係累定係張床舒服, 我依個勁怕瞓生保床嘅人都一瞓就瞓著~?!  咁一起身就四圍行下~!! 咁因為個同事有兩個FDs都係去咗北京做嘢, 咁佢約咗其中一個地膽出嚟帶我哋四圍逛逛~!! 行咗好多地方, 之後就揾埋另一個出嚟食飯~!! 去咗食北京填鴨~!! 仲有燒雁腿~?! 龍骨湯~?! 兔肉~?! 炆遼參~!! 個鴨殼就拎咗去醬爆~!! 其實咁多樣我淨係食填鴨only~!! 但佢哋話我仲乜食咁少嘢, 就係咁夾比我~!! 嗰種感覺真係無法言喻~!! (當時諗起Mr. BEAN餐館經典嗰段) 之後因為佢地都要一早返工~!! 咁我同我同事就返咗酒店度飲嘢~!! 但佢第二朝要早起身, 就咁結束咗一日~!! 第二朝早食咗早餐, 咁個同事就要去工作~!! 我就繼續我嘅旅行~!! 而因為突然有D變動, 所以就改咗提早返嚟香港~!! 跟住我自己去咗酒店度做咗陣gym, 跟住番房拎番張地圖四周圍行~!! 咁因為之前問過D Receptionist, 問可唔可能由酒店嗰邊行到去地鐵站~?! 咁佢哋極震驚咁回答我: 這是不可能呀~!! (原來係真架~!!) 我發現咗張地圖有好多地方都唔合比例~?! 明明係一個街口, 但去到就唔係咁~?! 唔識點講~!? 總知唔好落錯車, 唔係就... 我諗我咁大個仔都未試過一日裏面可以行咁多路~!! 可能北京市真係太大, 一條街都閒閒地要行妳半個鐘~!! 唔係因為多嘢行, 而係真係好鬼長~!! 之後行咗都ok多地方~!! 仲買咗D奧運紀念品~!! 但其實都冇咩特色嘢可以買~?! 可能撞唔到啩~?! 我都試過問的士司機有冇D本地特色嘢睇~!! 但佢就指嚟指去都係D大型商場, 咁我不如返香港仲平啦~!? 但其實可能因為中國發展得太快喇~!! 好多嘢都同香港差唔多, 其實仲可以睇到D古代建築都已經好好架喇~!! 今次最後都去唔到長城同嗰D奧運體育場館~!! 咁希望下次有機會先再去過啦~!! 有機會嘅話~!?           

向北京出發~!! 水立方&鳥巢體育館我嚟喇~!! 仲有我要食北京田鴨~!! 一個禮拜後中秋節見啦~!!

PS. 娜娜&恩恩, 當然唔少得妳地嘅手信(北京田鴨)啦~!!