向北京出發~!! 水立方&鳥巢體育館我嚟喇~!! 仲有我要食北京田鴨~!! 一個禮拜後中秋節見啦~!!

PS. 娜娜&恩恩, 當然唔少得妳地嘅手信(北京田鴨)啦~!!

今日一早去咗醫院覆診, 個結果令我不敢相信_{?!  醫生話... 話我... 話我唔知係咩原因影響到條神經線}?! 所以先會咁_{!? (咁即係有冇答我呀}?!) 之後佢話我應該只會痛兩個禮拜左右就會冇事_{!? 但如果過左兩個禮拜之後仲係咁, 咁就再返嚟睇過啦}!? (吓_{?! 唔係fa}?! 咁咪又要再排過_{!?) 之後我問佢, 咁我仲駛唔駛食埋D藥}?! 咁佢就叫我食埋佢啦_{!! (吓}?! 但唔係唔關事嘅咩_{?!) 咁佢又話, 因為現在都唔知係咪真係嗰種病毒入咗神經線}!? 以防萬一都, 食住先啦_{!! (但我個腎開始向我complain咯喎}?!) 咁之後佢見我仲未收鼻水, 咁佢就開咗隻抗敏藥比我_{!! 咁我就走咗去攞藥諗住走人, 點知又要等... 等咗成大半個鐘之後先走得}!! 走嗰陣先發現原來我只係要拎一包藥, 就係嗰包抗敏藥only~!! (因為我之前D藥都未食晒_{!!) 今次覆診嘅結論就係”冇結論”囉}!! 即係因為唔知咩原因頭痛_{?! 而驗血結果又証明我好健康}?! 啤_~~~~ 不過算啦_{!! 總算明天都可以安心咁飛喇}!! 咁我諗一個禮拜後就可以返到嚟啦_{!! 咁預祝埋大家中秋節快樂啦}!!

早兩朝因為個頭勁痛, 所以連瞓都瞓唔到, 最後頂唔順走咗去睇急症_{!! 本應話等120分鐘就可以睇, 但唔知點解嗰日有咁多車禍}?! 不停要急救D傷者, 最後等咗三個幾鐘先輪到我依個 “非緊急”嘅病人_{!! 咁我一見醫生, 咁咪講咗我有咩症狀比佢聽... 但最後都係唔知咩事}!? 但佢懷疑我左耳後面條神經線有病毒入咗去_{?! 咁佢就話比D藥我返去 “試下” 有冇效}?! (白老鼠_{?!) 咁我即刻問佢D藥有咩負作用}?! 咁佢好似冇咩嘢嘅語氣同我講: 冇_{!! 會幾傷個腎啫}!! (吓_{!! 腎喎}!! 咁都冇咩嘢_{?! O晒嘴}!!) 但佢話如果等個病再嚴重D, 咁食藥都未必有用_{!! (吓}!! 咁大劑_{!?) 咁我謂有食啦}!! 之後醫生仲幫我抽咗血去化驗_{!! 咁等過兩日再去覆診睇下咩事}!? 不過依兩日食咗D藥都好似真係好咗D, 但代價係不停食藥, 因為有幾隻藥要食, 但幾隻藥嘅食藥時間都唔同, 有一隻仲要一日食成五次_{!! 咁除咗第一次食藥可以一次過食晒之外, 之後差唔好每隔一個鐘就要食藥}!? 記時間都記到暈_{!! (仲好似試過幾次Double “Park” 添呀}!!)   過幾日仲要飛添架_{!! 希望快D冇事啦}!!  

左邊頭頂到耳仔&後頸痛到好似比針拮咁~!?  又不停流鼻水~!! 慘~!!

今日一收工, 本應諗住去做gym, 但去到蘭桂坊附近嗰時突然間S/F痕想去食個早餐, 腦海立即諗起一間好耐之前已經想去嘅地方~!! 就係美倫街斜路嗰間大排檔~!! 一去到就叫咗碗蕃茄牛肉午餐肉麵&凍奶茶~!! 其實不用多介紹, 因為依間大排檔都出名好食~!! 但我最欣賞嘅係佢嘅氣氛&環境~!! 一坐下, 就發覺依度係做熟客生意, 而且D人係好熟絡, 因為只有我要睇餐牌叫嘢食, 而其他人就唔駛自己叫都有伙計幫佢哋落單~!! 好似我同枱嘅婆婆咁, 一坐下,  伙計已經問佢係咪要豬扒米&熱奶茶~!! 而且D客人都係相熟嘅, 一坐下就會傾計~!! 依D感覺喺現時依個 "感情沙漠"真係好難揾到~!! 真係諗唔到喺中環依個競爭咁大嘅地方, 居然有一個地方可以咁和諧&寧靜~!!

而我發現一樣嘢, 就係依間大排檔應該係好有性格~!! 因為佢冇show晒D周刊or報紙嘅報導出嚟~!! 而附近嗰間蘭X園就相反喇, 上咗鋪之後我覺得冇咗嗰種平民FEEL~!! 仲要賣到鬼死咁貴添~!!

PS. 突然間又湧起買相機嘅念頭, 好想留低一D記憶~!! 而且好想四圍去睇下有咩好嘢食~!!

鼻子終於嗅到我至愛的秋天味道, 亦帶來懷念的初戀感覺~!! 每逢秋天就會變得多愁善感~!!

其實每逢八月, 一過咗我生日, 喺唔夠兩個禮拜內, 我成家人就會不斷慶祝生日_{!! 噚日就係媽咪嘅生日}!! 咁我同家姐就請媽咪去食飯, 去咗銅鑼灣 “羽壽司” _{!! 因為媽咪鍾意食嘛}!! 但今年仲未食過生日蛋糕喎_{!? 不過我覺得現在D人都唔係咁鍾意食生日蛋糕喎}?! 我就冇咩所謂, 開心咪得囉~!!

嘩~!! 真係好鬼大架呀~!! 747拍埋去都差一截呀~!! 咁啱泊咗係我公司對出個機位~!! 正~!! 一朝早咩都唔做就走咗去睇架飛機~!! 但係落雨~!! 攪到成身濕晒~!! 超低B~!!

好肥嘟嘟呀~!!

喺後面睇就可以看到A380最美麗嘅線條~!!

個尾部好似鯊魚呀~!!

前面睇就好似海豚喎~!! 好Q呀~!!