已經好耐冇寫過嘢喇, 因為公司既嘢永遠都好似做唔完咁, 加班又加班, 攪到連同兩隻寶貝去街既時間都冇, 以前佢哋見我出街會即刻自己担狗繩o架嘛, 而家都費時理我, 最慘已經好耐冇去寵物樂園玩, 蝕埋會費添. 都係時候抽多d時間陪佢地, update 返d相, 否則,佢哋愈來愈大, 冇精力又冇咁得意d樣就唔靚喇!

最近兩個星期日,都帶了我2隻可愛小狗Bobo(史納莎) & QQ(查理斯)到元朗寵物樂園玩, 那兒有泳池供狗狗用,又有燒烤場, 它們與其他狗狗都玩得很開心呢!

不過Bobo己經第二次游水,但都仲係好驚,唔肯自己落水,每次都要我捉佢落水, 攪到我成身濕晒添, 眼見其他狗狗不知游得幾開心,下次我一定要它學識自己游.