仲未退燒.....燒左五日啦...真係擔心.!!.......呢幾日無你係屋企,無你既歡笑,爸B又要當夜更,好寂寞.

媽咪好掛你呀,EE舅父都掛住你,希望你快d出院...

加油呀!

Howard 星期六己經完成了第三次chemo,可惜因為他無胃口,無精神,又痾,所以E生建議留院吊下水,等Howard吸收下水份.而今日我要同婆婆替更,照顧Howard. Howard 有些脾氣常嚷著我要抱抱捱在我身上睡覺...雖然我現在腹大便便,但還是ok喔,大家不用擔心.

今朝因為Howard 的大便有些血,於是抽了些來驗,之後下午howard又發燒,所以姑娘call 了E生來看他,可能現在正值流感高峰期,E生即刻幫Howard 打抗生素及抽血,並吩附我們穿紫袍防止被感染.

臨走時Howard 竟然話想吃面面.我唯有去樓下買給他,幸好他還可以認真地吃了些,令我今晚有點安心.希望明天繼續轉好.....加油!

今日係雙重喜事.既係父親節又係howard婆婆生日.

晚上一家人去了酒樓吃飯,雖然無李爸上次母親節既九大鬼來得有心思,但一家人齊齊整整,希望每年父親都咁滿足. 其實一直都想同老豆外出吃飯,可惜他的古怪性格始終未能解開,今日特意同媽子去買了兩條新褲給他,算係少少心意啦.

Howard 第三次化療仲有五日就搞掂lu,呢次佢既精神反而好好,又食多左野.成日扎扎跳.開始覺得Howard 可以好快做返一個健康既小朋友. 努力呀!

照片後補...

難得今日可以一次過見到bbhk 三位媽咪&佢地小朋友( 東東,Isaac,錡錡,揚揚).真係好開心.開頭Howard 比較霸道,sorry,失禮哂lor...好彩之後都control到.加上羽仔哥哥既耐性,終於可以影到一輯靚靚相.希望快d可以再見到你地la~~hehe\

Howard 太百厭了,上星期六晚我俾佢嚇死,係我地張床用個枕頭夾係大脾中間扮騎馬,彈下彈下..我已經叫佢唔好玩會跌落床痛痛,點知唔駛4秒成個人仆左落去,好彩前面有張chair 擋－擋, 但個囗撞到chair 角,當堂流哂牙血,面又腫埋....
唉...之後第日佢話俾婆婆聽: 我墮馬呀..激死我喇.
原來墮馬事件,尋日先發現howard唔見左隻上虎牙,得返丁屎 點算好呀?岩岩先出齊,依家就甩牙,做咩唔可以樣樣野齊齊整整呀.我呢幾日都好炆.但屋企人就話唔駛理住,但我好worry咁樣會唔多唔少影響發音,同食野既咬力.....最慘－笑就見到有個窿...今個friday會見牙E檢查,睇下有無撞壞入面d組織..可能你地會覺得我過份worry左,但 Howard 既病令我知道及早醫治係好重要,唔可以放過任可一個可能性.

老公,希望你可以諒解我!!

Howard 既藥物反應好差,我地已將佢送返入院,吊水休養.

佢－日只食到5安奶,又O 又嘔, 又流牙血,呢3晚半夜'O' 到成床都係,真係好辛苦,眼見自己個仔咁,做亞媽又幫唔到乜,我好沒用.
仔,你要頂住呀!! 亞媽無左你唔得!!!

終於等到封加薪信了....................結果係失望.................同之前所講既好唔同.如果唔係因為公司失貨既關係,可能會好d,真係好黑仔!算啦,好過無

今日Howard 完成左第二次化療了,相比上一次,明顯辛苦好多.......成個人謝哂, 我地見到咁樣真係好心痛,但佢好堅強,每次落藥/洗喉仔都同我地講: 無事,無事.明天開始有2 weeks 假, Howard 可以好好抖下......再接再勵........ 

小B己踏入五個月了,我個人變得笨重起來,加上pat骨痛令我寸步難行.我諗係時候做多d伸展運動減輕下壓力...好想快d生呀..........好想快d見小B.....一家四口一定會好幸福.

近排好多人去旅行,尤其日本,搞到我心郁郁,而最大目的係想帶Howard 去 日本 disney. 好, 既然到時生完小B已經完成左我既任務, 我一定要去crazy下...

Japan, Please wait for me!!!

昨晚放工,已經見到howard 光頭仔很累地趴在sofa上.眼眶紅紅,鼻水流流很淒涼, 今朝仍發現有低燒,.明白今次笫二次化療藥力比較勁,抵抗力一定差,所以辛苦是難免,唯有盡量遷就他.明

仔,頂住呀