我好憎奶奶,憎死佢!!!!

Howard 無呢個亞嘛!!!

Howard 唔知化了係咪落錯藥,化到佢又興奮又high,成日療姑娘,跳跳札札..樣樣野都好聽姑娘講,例如姑娘話: Howard, 量血壓啦, Howard即刻伸隻手出黎話: 好! 無事既, 姐姐!賴得戚咁既樣.

見到佢咁硬淨,我個心都舒服d, 希望一直都keep住咁啦.

Howard 後尾枕出現左"鬼剃頭"既情況,有一達頭髮無左,有點擔心他身體是否有另一種問題,之後係網上找了到些info,原來是因為抵抗力突然減弱,免疫系統失調或過大傷後後遺症,只要搽上些類固醇便可以很快好返.當然最好問下E生先,所以明天Howard 會回TMH化療順帶問一問Dr.Rever....

近日為了howard 的醫療費都很頻樸,因為兒童癌病基金都很有心為我們爭取各方面資助,但審核也有很程序,尤其收入及資產的supporting document.至於保險公司仍未confirm 是否能claim 這個自費chemo.所以我同李爸都比較busy.

係現公司大大話做左 加埋re-join 都5年幾,從中感受良多,有恨仍有恩,所以轉工既念頭一直都很猶疑,但近日我開始為細B打算....下年可能會有另一打算.

Howard 的近照,最愛玩hide and seek



今日Lunch收到TMH Dr.Rever 的電話.她說今日已和QMH開完會決定Howard 下星期一做化療,但由於今次須要用新藥去減抵cancer 指數,所以療程是自費的,每次HKD4000,十日為一個療程,最少要做三個,之後要看指數的進度,現階段Howard 還有7000度.這一刻突然感到有很大的壓力,因為我很清楚來緊幾個月會面臨經濟上的問題,一切的計劃又要先放下一邊.Howard,努力啊,捱完這一關,就能重獲自由了(雖然也不能100%肯定,但仍要充滿希望)...

這幾天Howard說話能力開始強了,句子仍多了很多...很容易明白他的意思,這種真正的交流令我們多一些了解他的世界.哈....很奇妙呢...

近來胃口好到不得了,很易餓,甚麼都想吃,晚飯可以吃下三碗大飯,十分驚人,希望明天產檢不會超重吧

Howard 出院之後,精神一直麻麻,食得唔好,瘦左好多,加上又痾,食得飽d就嘔...明天返E院拆傷口d釘,順便同E生傾下howard依家咁既情形,恐怕有機會留院觀察.

呢星期我都down down地,一來howard情緒差,成日發脾氣,唔肯洗白白,半夜大叫大喊,令到大家都無乜精神,二來 ,原定Howard 今年9月適齡讀K1,但由於治療時間未confirm,我地仲心大心細未決定俾唔俾佢讀,還是下年先做大仔遲一年呢.屋企人意見一半一半,婆婆唔贊成今年讀,因為howard 係11月出世,而且說話能力仲未追到同齡,怕追唔上, Howard 會唔開心.其實我同李爸都有考慮到呢d因素,但如果唔返,仲驚佢發展仲慢,如果俾howard 今年返N1,開支會好大...所以現階段都仲未決定到...黎緊23號howard要再返健康院做語言評估..如果fail 左,就決定下年先讀K1啦......我唔想再煩

今日係公司聽到消息話黎緊加薪7-10%...太興奮啦...可以鬆動d 夠細B做奶粉錢lu..

另外,我要係呢度安慰一下幾個現職 甘泉航空既朋友仔,今日我一聽到呢個清盤消息,都嚇左一跳,我知你地好慘,之前一D都唔知情,希望你地唔好咁傷心,仍希望甘泉為你地安排得妥妥當當

自Howard 出了ICU,他的精神愈來愈好,今天可以下床走兩三步.雖然還未知出院日期,相信待三日後打完抗生素,應該很快知道 加上E生們都很滿意howard 的康復進度,所以我們一家也鬆了一口氣.

李爸為了配合婆婆的接更時間,好讓她晚上能回家睡覺,他特意請了5天假來照顧howard.而且李爸仍叮囑我不要擔心,好好休息身體.Howard,你要繼續努力,媽媽其待你回家.

先update 一下李小B狀況,現在14 week 多, 比上2 week 增長了2cm,Total:8.51cm了.她很活躍,現在我已感受到她的腳力,很有生命力.多謝你帶給哥哥幸運.

特意多謝二妹在杜拜買了支比香港平好多既肚紋膏給我.

仔,辛苦左你了,捱了6個鐘.....今次打勝仗.........全世界都為你而驕傲..!!!

爸爸媽媽婆婆一直在手術室外等你....一邊為你打氣一邊談及你平時的有趣事...有你做媽媽的孩子真的很滿足...因為你係我地一家既開心果.

今晚你留在深切,爸媽不可以陪你,但不要怕啊,姑娘佢地會好好照顧你...明天爸媽會再黎....所以你要乖,好好休息吧....

Howard 由細到大都好大汗,於是前幾天幫他剪了個游水裝,,haha,,,,屋企好似多左個和尚仔咁.近排說話多了很多,雖然句子還是不多,但我知howard 已經很努力,連ABC歌& 月光光都唱到兩嘴...

李細B真的很活躍,我己經成日feel到佢郁,加上呢胎我頭三個月既反應真係好辛苦,唔似得howard 果時我食得訓得行得...唔知呢次會唔會係女呢?但女無理由咁活躍架............?! 奇怪?!  有次我問Howard,你想要弟弟定妹妹....他竟然說: 姐姐!...哈...........講真..仔女無謂,至緊要健康,所以呢胎我會比較緊張,任何額外既checking 都會做......至於食野方面,都會飲多d湯水例如:花膠,魚尾,木瓜為主,盡量吸收最好營養...