呢week真係過得快, Howard 今日落完最後一支化了針lu....好yeah!!!但要留院觀察下..預計Monday 出院...太好了,呢幾日見唔到HowB 真係好掛住佢..今晚老公過左E院陪佢,明早先返來陪我.

老公,知道你每日公司同E院兩邊走好辛苦, 但可能細b 日漸長大, 個肚又大,放工回已經累到唔想郁,所以好少慰問你, sorry~~我真係好好彩有個咁諒解我既老公.

前幾日去左馮E生度照4D, 好開心呀,見到細B 果樣好cute, 完全係女版Howard, 好明顯都係似李爸...haha...B 女重量依家有3.3磅,預計出世有7磅...都唔錯,係我心目中數字. 只要健健康康就得la~

今日同舊同事chat msn,佢同我一樣做Logistics,但佢呢排讀緊個wedding planner. 嘩!我之前都有諗過做呢行架....夠創意又有意義.希望有機會學習下...

公司終於搬左la....講真呢度真係好吊腳...返工同放工都要花多半小時,交通 & 饍食都會貴左 ..無計啦...我地要回歸集團....不過好彩我地係採取一個兩制制度,有d野我地比起其他group 自由好多.今日係第一日, 可能尋晚失眠,搞到自己暈暈地唔知自己做緊乜,加上地方大左,行黎行去真係有d吃力架.自己department d 野又未完全整理好,好多box file 都未上架...睇怕要過左呢week先安定到.

點都好啦,希望新既開始,工作順順利利...!!!!

Howard 呢幾日終於肯開口話痾尿尿痾屎屎,除埋褲自己走去坐痰罐...戒片呢個過程真係好漫長,希望keep 得住啦....好開心

Howard 明天要開始落最後一次既化了 from 8/7 to 18/7...撐埋佢,就打完杖啦, Yeah!!

Howard 終於出院了,,,,太好了! 雖然又瘦了,頭髮稀疏了,面也青了,但也難掩他出院的喜悅興奮的心情......小朋友的確是小朋友.

呢個仔無錯是比其他小朋友很的路特別辛苦漫長,學習進度也被病魔拖延大半年,但Howard 有一個優點就係細心,大概是李爸的遺傳.相反Howard 既硬頸性格就似足我...哈!

小B將踏入七個月,前兩天跟李爸行街買了些小B誕生的衣服及入院的物品,可能有了第一胎的經驗,知道那些是比較需要才買,所以花費也不算多,哈原來買女仔衫的感覺特別暢快,比男孩的款色特別多...怪不得李爸也恃別愛B女啦,太偏心了!

仲未退燒.....燒左五日啦...真係擔心.!!.......呢幾日無你係屋企,無你既歡笑,爸B又要當夜更,好寂寞.

媽咪好掛你呀,EE舅父都掛住你,希望你快d出院...

加油呀!

Howard 星期六己經完成了第三次chemo,可惜因為他無胃口,無精神,又痾,所以E生建議留院吊下水,等Howard吸收下水份.而今日我要同婆婆替更,照顧Howard. Howard 有些脾氣常嚷著我要抱抱捱在我身上睡覺...雖然我現在腹大便便,但還是ok喔,大家不用擔心.

今朝因為Howard 的大便有些血,於是抽了些來驗,之後下午howard又發燒,所以姑娘call 了E生來看他,可能現在正值流感高峰期,E生即刻幫Howard 打抗生素及抽血,並吩附我們穿紫袍防止被感染.

臨走時Howard 竟然話想吃面面.我唯有去樓下買給他,幸好他還可以認真地吃了些,令我今晚有點安心.希望明天繼續轉好.....加油!

今日係雙重喜事.既係父親節又係howard婆婆生日.

晚上一家人去了酒樓吃飯,雖然無李爸上次母親節既九大鬼來得有心思,但一家人齊齊整整,希望每年父親都咁滿足. 其實一直都想同老豆外出吃飯,可惜他的古怪性格始終未能解開,今日特意同媽子去買了兩條新褲給他,算係少少心意啦.

Howard 第三次化療仲有五日就搞掂lu,呢次佢既精神反而好好,又食多左野.成日扎扎跳.開始覺得Howard 可以好快做返一個健康既小朋友. 努力呀!

照片後補...

難得今日可以一次過見到bbhk 三位媽咪&佢地小朋友( 東東,Isaac,錡錡,揚揚).真係好開心.開頭Howard 比較霸道,sorry,失禮哂lor...好彩之後都control到.加上羽仔哥哥既耐性,終於可以影到一輯靚靚相.希望快d可以再見到你地la~~hehe\

Howard 太百厭了,上星期六晚我俾佢嚇死,係我地張床用個枕頭夾係大脾中間扮騎馬,彈下彈下..我已經叫佢唔好玩會跌落床痛痛,點知唔駛4秒成個人仆左落去,好彩前面有張chair 擋－擋, 但個囗撞到chair 角,當堂流哂牙血,面又腫埋....
唉...之後第日佢話俾婆婆聽: 我墮馬呀..激死我喇.
原來墮馬事件,尋日先發現howard唔見左隻上虎牙,得返丁屎 點算好呀?岩岩先出齊,依家就甩牙,做咩唔可以樣樣野齊齊整整呀.我呢幾日都好炆.但屋企人就話唔駛理住,但我好worry咁樣會唔多唔少影響發音,同食野既咬力.....最慘－笑就見到有個窿...今個friday會見牙E檢查,睇下有無撞壞入面d組織..可能你地會覺得我過份worry左,但 Howard 既病令我知道及早醫治係好重要,唔可以放過任可一個可能性.

老公,希望你可以諒解我!!