My new blog: http://hk.myblog.yahoo.com/creamy-winnie

由於hompy將會close, 煩請大家稍移玉步到我的新blog參觀吧, 感謝大家多年來一直支持, 希望大家會繼續睇我既blog喔

被公司一同事苦苦追求, 其實我並不喜歡他, 但不知為何他對我是特別的好. 他時常想約我食飯, 剛才又致電給我問我甚麼時候有空跟他吃飯 (說是想謝謝我給了他一張免費的gym pass同埋慶祝我過咗既生日), 我由於未訓醒既緣故, 在不太清醒的狀態下一口應承了他, 唉, 今次真係大鑊, 都唔知點算. 幸好我沒有confirm佢一個實際日子, 我只是說要再check schedule, 我諗之後都係不了了之算咯, 如果佢再提的話我只有回答他說我六月既schedule已經full咗...等七月啦...

昨夜做完gym興起上磅, 一看之下竟然輕咗六磅. 呢兩個月响好食好住冇咩壓力既情況底下還以為自己會肥咗, 點知冇肥到仲要唔見咗啲磅數, 很surprised耶~ 其實我有點擔心身體係咪有病所以輕咗, 不過都係果句啦: 好多時食幾多﹑著幾多﹑玩幾多﹑o訓幾多都係整定既, 所以要响有生之年盡量令自己開心. 正所謂人生得意需盡歡﹑莫使金樽空對月, 大家要珍惜生命同埋活得有意義喔.

Frankly speaking, 我雖然已經過咗生日, 但o黎緊六月唔知點解仲有好多飯局要食. 淨係下星期已經有三餐, 其實都係見下frd﹑跟由外國回來既朋友聚舊﹑同埋與舊同事慶祝已過既生日. 好, 我要積極做運動同埋食少啲, 公司飯已經夠肥膩, 我唔可以俾自己有肥胖既機會~

好想快啲到下星期, 冇王管

如題...呢幾日肚皮很漲~ 不過好開心, 可以跟不同朋友見面同埋食飯, 食咗差不多兩個星期. 好喇, 跟住落o黎既一段日子要積極做運動消耗多餘既脂肪, 响公司已經成日食免費好豐富「五餸一湯﹑白飯任添」既lunch, 如果再係咁落去的話好快我會增長一個size, 好, 我要去做cross trainer仲有上多啲Body Combat既class

今年生日正日收到花, 原本我估唔到係咩人送, 但細心一想記得上星期阿深鬼祟地問我囉name card, 所以即刻估到係佢地, 好surprised. 扎花係阿深Kimmis佢地一大班frd送o架, 真係好開心, 同事們看到我既花仲問我係邊個送. 早前同Carmen仲有鬼仔instructor食飯, 佢地仲送咗條貓貓bracelet俾我, 而家日日戴住. 然後呢幾日又買咗好多o野乙水自己, 昨天買咗個新既Gucci袋作為生日禮物同埋轉工加人工既獎勵, 很滿足

於是乎今年生日就响一大堆surprise之中渡過, 多謝各界既B'day wishes. 呢個星期係我既B'day week, 遇到好多開心既事情, 令我想到原來簡簡單單同朋友出去食飯見面﹑大家聚首一堂已經係一件樂事, 加上舊同事的離開更能令我體會到人生短暫﹑要及時行樂. 所以我會盡量在往後的日子快樂地渡過, 好等將來回想現在的時光不會覺得後悔~

在facebook中看到很多post, 得知去世舊同事的那位女朋友亦好像已魂歸天國, 覺得有點唏噓. 原來閰王要人, 一刻都不會遲.

其實站在那位女孩的角度看, 隨男朋友而去未曾不是好事, 活著要承受失去的痛苦﹑也許, 他倆真的很相愛很相愛, 所以一起共赴黃泉. 也許他倆的家人都會很傷心, 但從另一方面看, 這是一個令人很感動很心疼的故事...

我不明白, 究竟是活著的痛苦﹑抑或死去的遺憾? 難道人世間的悲歡離合﹑生離死別是必須諒解的事嗎?

這幾天的心情就如陰暗的天氣般, 心中萬千愁緒~

今日接到一個開心同一個唔開心既消息.

講咗開心既o野先, 今晚同Dorothy仲有Rachel响AppleGreen食飯, 我地幾個女仔好耐冇出o黎聚餐咯. 一別三秋, 大家都已經轉哂工同埋有自己既去向, Dorothy宣佈佢會同佢男朋友明年結婚, 得知後真係好戥佢高興. 希望佢同佢fiance會好幸福美滿地生活~ 今晚食飯時又撞到我既舊公司client, 佢地一如以往好nice地同我打招呼, 其實我蠻喜歡這個client, 因為佢地好casual, 唔會太拘謹, 好期待佢地七月新餐廳開張喔~

今晨上網睇報紙, 看到一場在吐露港既車禍造成一對準新人男死女昏迷, 起初並沒在意. 回到公司後坐在我身旁的同事突然叫我埋去佢個位度, 他指著facebook相中的人激動地跟我說:「佢過世了, 妳知道嗎?」我看了看相中人...天呀, 這不是我的舊同事嗎? 我呆望著身旁的同事, 心想他一定在說笑, 但他續道:「佢就係今早新聞報導吐露港車禍那位去世的準新郎...」那一刻我真的不知該如何反應, 因為我接受不了這個事實. 上星期我還接到該位舊同事的電話詢問我某一幢大廈的vacancy, 然後他說他會介紹tenant過來租的, 誰料竟然發生這樣的事. 唉...

雖然我唔係同佢好close, 不過大家有都當過一年同事的緣份. 感嘆原來一個人食幾多﹑著幾多﹑玩幾多係整定o架. 但願身邊既朋友每日都過得開心, 希望那位正在昏迷的女生甦醒過來勇敢地活下去﹑同埋我的那位舊同事會早日安息~

是日我阿姐同我team-mate一齊sick leave, 所以得o番我一個, 好悶, 成日都冇咩做過o野~ 所以六點鬆啲就放工lu.

今日上facebook...我發覺我依然唔係好能夠放低佢, especially當見到佢同佢女伴响facebook一唱一和, 其實我真的很難受, 明知自己唔能夠再同佢有任何關係, 但我就係忘記唔到佢, 好辛苦, 不過我又唔可以同佢講, 因為我地已經再冇任何牽連o架啦. 我深知我唔會同佢有任何結果, 所以...我決定今次係最後一次為佢傷心, 我一定要擺脫思念佢既感覺, 我相信前面既路一定會有等待我的那位...

上星期剛啱收到報稅單, 又係時候要繳稅咯, 上年我報咗二千幾蚊稅, 今年我轉工, 人工大躍進咗不少, 睇o黎幾千蚊都係走唔甩啦 一轉眼就已經一年, 又到咗我既B'day month, 好多飯局呀, 好開心. On the other hand我又老一年lu, 事業係我一直以來都想做既﹑我有一班待我很好的朋友﹑至於感情...我還是樂於永沒決定權, 我不確定, 我想等待一個無了期的承諾, 不知我是否要等待下去?

今個week開始返兩日新工, 放咗五日大假, 超爽~ 加上由寶島回來還在relax狀態中, 我呢幾日都在吃從那兒買回來的小食, 好開心. 不過下次我想去別處, 例如台南又或者其他風光明媚的地方. It's time to plan for my next trip

新工作so far都OK, 同事們對我很好, 我阿姐佢主張我自己探索所有新事物 (簡單啲講即係唔理我), 搞笑的是同事們跟我說我阿姐响我黎咗之後已經勤力咗, 因為佢要教我o野. Anyway咁等我自己學啦, 我相信以我响前公司既experience加上呢度同事們既指導係可以應付到既.

剛才跟我的舊同事响網上傾計, 我問佢忙唔忙, 佢話其實唔太忙, 不過我前manager就忙到死, 我得知後真的覺得很心涼, 哈哈, 鬼叫佢地請人請得咁麻煩, 明知唔夠人就對啲staff好啲啦, 這便是名副其實既law-li-jean (攞o黎賤). 好啦, 我走咗啦, 佢地發生啲咩都唔關我事lu. 真的好想向佢地大嗌一句:

"You look a little distressed
Am I looking my best, now"

呢幾日去咗台灣散心, 謝謝我的朋友在台灣跟我meet up同埋陪我好一陣子. 今次去咗台北同埋台中, 買咗好多手信回來, 心情好咗啲啦, 好似冇以前咁成日諗起佢, 其實返o黎後我覺得好支力, 好似成個人仲係holiday mood咁, 明天便上新工作了, 會响灣仔返工, 心情有點緊張, 終於可以做自己一直以來都想做既工作, 好期待喔.

然後我好像已經plan緊下一次要去邊度玩lu~