看到你的那句話後，心情不禁低落了不少，更有想哭的衝動，可是其實即使面上無淚，心已落下了..........，但深深明白這是你的決定，我決定相信你在有決定後會告訴我.........；決定等你，因真的愛你..........

記得我那日在做決定要繼績和你在一起的那日，別人大都勸預我和你分手(別人都說我們會分開)，可是我最後都沒有理會，因那一刻我明白到，自己只想與你在一起(只要和你在一起)，要是那時就這樣結束，我相信我會更難過!

就這樣，我選擇做一個笨小孩，明知故犯........

說真的，我到現在還是想不到為何自己能那樣愛你(那麼愛你為甚麼)，也不懂你(我不懂你)現在的所思所想，可是我還是願意等(我願等)，因我知道你要是你還有一點愛我(如果你還愛我)，你一定會願意去告訴我你的決擇，不論結果是好與壞........

先說回昨晚先啦，昨晚休息左陣後就同媽出左去找我個死人老豆吃飯拎錢(買手機的說~~)。

吃完飯後，佢就開口問我晤係有野同佢講嗎? 我就開始反串佢啦~~，以下是佢與我的簡略對話:

我：是你有野想同我講吧!

父笑)我何時答應你買成6千蚊電話給你

我: 你當時答應時，我就跟你說很貴呀，是你說，得啦得啦的，我沒有迫你喔~~

父無言了一會)，你有無儲蓄的，你返工返得咁辛苦，就咁就洗晒，你晤會話想做下投資的嗎.............(說了很久，所以省略了)，但我說買還是會買給你的，這裡有張支票，要多少錢你就寫下去，但寫後要告訴我，因我要入錢ok?

我: (心想)其實我同佢講左咁耐，佢都無聽我講的，光是要我聽他的，想儲蓄都要我有動力至得的，動力都無又點會去做呢?  說真的，動力的來源主要有三大種： 1. 是有興趣而引發  2. 是環境所迫而做  3. 是受到重要的人說才會去做，  我三種都沒有又怎會去做呢，說真的，我還想趁我現在還是學生時開開心心地去過活，暫都不想為錢而煩惱，而且我又無甚麼打算，短期都只是以讀完書為目標，所以儲錢這種事，還是得我遲些再想啦~~

但手提我還是會買的，我等了那麼久，要是那麼簡單被你說上幾句我就不買的話，我一早就轉左啦，洗你講咁耐咩~~，但你說真咁樣俾張空白支票我，當我咩呀\ . /，要不是見你快60，就無得做，我當場幫你張支票寫上實價添呀\ . /，我俾面阿媽炸，扮晒野\ . /，真是咁多年的脾氣都無變過，一樣是有佢講，無人講，最討厭佢啦\ . /

之後同阿媽行左陣幫助消化後，就回家做功課了。

今日起身後就去上學，怎知出門時才找不到鎖匙 =o=, 馬上發瘋了=.=

突然想起，昨晚媽好像有提及過，於是便打電話問，她竟說，原來她放在袋裡忘了還我=o=，頓時禁不住話佢，真是吖，幹嘛拿我的鎖匙，又晤出聲, 攪到我差點遲到=.=

幸好回到校，剛好趕上=.=v

今日F.math 堂阿sir, 無返，轉左上FA ，好彩我因書少，好一個file 裝晒咁多科，轉咩科上課都晤驚ja,如果晤係都晤知點算，不過今日都好輕鬆，因Miss 梅教左之後就走左出課室，所以無人管。

之後上Comp，又是練倉頡=.=，無奈，又是好多晤識，不過我自己都好努力地解，但無奈最後都是要抄才能準時下課，看來真是要多練習才行=.=

回家，同Bruce&孫悼坐MTR，途上被Bruce 的「爛Gap」打敗了，真是服了他，不過其實每天都多得佢的一大堆「爛Gap」，我才能快樂地過上每一日快樂的上課日，所以都要謝謝他^-^

回家沖左個涼後就休息了一下下。

過埋今晚的12 點, 就是Ivan 的生日，所以今晚要出去幫佢慶祝，要玩過痛快^_^

P.s. 今日Ringhk 終於都有I908的試玩介紹Post 啦，真是越睇越正，越來越愛佢啦 ~~ =^ 3 ^=

希望可以真的在本星期得到佢啦~~

I908 你要等我呀>.<，我一定會帶你回家的~~

另外今日在校時，和Bruces他們和Oram 說上昨晚的事，大家都笑說，佢咁大方，我不如開埋我電話的價以外的錢，如開上萬幾兩萬的說，但我又無咁衰的，開幾多由我媽話事好了，我只要最後達到我的目的便行，於是便繼續歡談了

星期六日，又是上班日，真是越來越晤想上班啦，唉，究竟幾時先講得出口呀>.<

星六仲要俾人GBS ，超慘，又俾人話了>.<

唉，灰~~，講真，我真是有好多standard 野都晤記得啦，問我，咪等扣分，都晤知點解今日要排我返的說/ . \

晤得，一定要快d 講，要不是我會死的>.<

另外呢兩日，又晤知點解累死咁滯，其實都晤係做左好多野ja,人地話有時人會因要逃避壓力而愛上睡覺，難道我也是患上了?.?

今日又上演了Rush Hour ，差點遲到，幸好最後趕上了。

之後上FA，因教緊的野都懂了，所以只好邊抄筆記邊夢遊。

吃飯，馬上跑去提錢，再吃過飯，便去交錢了~~

下午上CBC，ok ，安心地渡過~~

MA -- 上到差點想死=.=，又再不明白阿sir 講咩=.=

下課，去左接貓貓，之後行左陣CB，就回家了。

P.s.今年不知怎的，竟十分想去Disneyland 的Hallween，但身邊比較要好的，都無人想去=.=，有點失望，所以現在這裡呼籲一下，請大家陪一下我去啦>.< ，貓貓我真是好好好好想去呀>.<

今日對你終於忍不住，發了一下脾氣，其實不多不少有點後悔，可是人家真是好無奈嘛~~，每天都不時會看一下電話，看你有沒有打來，可是每次都落空了，雖知道你返工辛苦，但不知怎的就是想知道你每日過得怎樣呀>.<，但你每次都在忙，我都不好意思再說下去的說>.<

看來，我真是傻了，要馬上去休息一下才行。

明天再寫好了，大家晚安~~

今日返學，又是好開心咁過左一日，現返學一d都晤覺辛苦，仲好開心添，因認識左人，而且d 老師都好生鬼好攪笑，只有幾個阿sir 是除外的說。

回家休息左一下，就拎左相機的叉電器去整，幸好趕得切，如果晤係聽日又要整過啦^-^

整完就行左陣，然而王子因今日趕晤切去補習，所以就走來和我吃飯行街。

吃左好耐無吃的Pepper Lunch，漢堡扒好好吃呀^-^，而且可能行得太多，所以肚子餓的關係，我竟吃光了整個餐+飯呢@o@，真是不得不讚下自己，因終於無洗野啦^-^

而且今日都買到禮物俾Ivan 了，希望佢鐘意啦，不過其實我第一次買d咁攪笑的野俾人，所以買完都狂係度笑，好耐都無買禮物俾人買得咁開心啦，可能真是身邊好多fd都不大玩得，所以無買到d咁的野的關係啦~~

買完之後就回家了~~

P.s. 今日終於都見上你一面，談了一陣子，開心是開心，但當你說上會打俾我時，我不得不感到無奈和生氣，說回這差不多兩個星期，你可是每次都說會回我，使我不禁有點希望地等電話，就只望你打來和我談上一會兒，說說你今天的事，讓我了解你一些，可是每次我都失望啦，你每次都沒有打來，可是我知你近來忙碌，應該會很累，所以都沒跟你抱怨，可是我真的感到有點無奈，難道你真是忙到不能打過我一會兒嗎?  究竟你心裡還有沒有我?

今日因打風晤洗返學，所以俾王子捉左去石塘咀自修室溫書。

不過其實好在佢有捉我，要不是我在家又是晤溫書，傻傻咁洗左一日。

今日終於都做晒d功課，俾王子攪掂左少少我d F.Math，所以有所得著^-^

溫到五點幾多，因佢要準備去補習，所以就同佢去左M記吃野。

想不到，佢咁到會撞到同學，雖然我都知西環是佢的地盤的說=.=。

可能大家都是明愛出生的關係啦，所以都幾好傾吖^_^，而且佢個fd都幾得意呀，真是好高興今日會識到佢~~

回家，沖左個涼，就做護膚和睇《魔戒首部曲》，第一次睇，感覺還不錯呀^_^，雖然長左d就是了~~

睇完睇下仲有無時間去溫下書先，好~~ ，睇戲，不說了，明天再寫啦，See you^-^

P.s. 今日上網終於見到啦@O@ , I 908 出啦，好野^-^，睇下聽日捉晤捉到媽陪我去買先^-^

太好啦，終於都等到啦^-^， 希望聽日可以買到^-^

不過其實聽日最想的都是希望見到你，也希望要是我真的買到手機的話，希望你能與我拍上手機的No. 001號照^-^

另外今日好無聊地拍上一張照片，不過其實我自己自長大後都好耐無咁著過咁鮮豔的衣服了，不過其實是好的開始吧? 因其實自己都看悶了自己穿黑白衫的模樣。

相信真的是時間改變下了。  時間的流動，使大家一步一步咁長大，沒有人是停滯不前，自己亦然。

回想起來，其實呢三年，我真是遇到很多人與物，然而在這中間，我都循環著幾樣事情，相遇、認識、學習和失去。  身邊的人與事不斷在轉動，我所學到的，見到的，都多了不少，雖不知自己有沒有成長到，但自己敢確定的一樣野是，我對自己所行的每一步路，所做的每一件事，所遇到的人都從不後悔，因我相信命運，命運帶我/他們走到這裡，證明我們有緣，也是命中注定，相信在相處的期間，我們也互相在對方的身上學習了不少，在這裡，我要謝謝所有我所遇到的人，因你們不多不少是引領我走向成長的道路...........

謝謝你們~~，希望在將來，我能再遇上你們，再和你們一起談天說笑啦............

特別嗚謝： 阿勇、阿Tam、阿昕、Oram 和King Wong，因你們在我最無助的時候，見上曙光。  特別是阿昕、阿Tam 、Oram 和King Wong ，謝謝你們聽我說話，給我鼓勵，承諾無論我做任何事都會精神上支持我，我會永遠記著你們這句話，也會記著你們，努力去繼續行我往後的路.........

雖我們不會經常見面/交談，但也希望你們會永遠作我的好朋友...........

Best wish~~

Yvonne~~

今日打風，一大早就一號，但都是要返學，所以就出門了。

今日鄰座無返，本以為要悶上一整日，怎知原來都不是呀^-^，反而同前面的三個同學仔-- Bruce、Carol和Jessie 傾得好快樂^-^，仲因佢地的關係，使我今日識左d隔離班的同學仔，不過講真，其實我現連我班d人都未識得晒，為何還要走去識隔離班呢=.=，不過算啦，都因佢地的關係，使我今日平淡的生活，添上了不少色彩，所以真是謝謝他們呢^-^

之後放學幸好無下雨，於是馬上走去Coup Kitichen 報名，不過原來佢上面大多的面積都用晒來做整野吃的枱，報名的地方只有一張小桌，但環境都不錯吖，希望那日上的作品會好吃啦^-^

乘電車回家去，幸好上車後落車前都無下雨，所以平安回到了家^-^

想不到回到家不久就掛上8號風球，本來約了Oram 去吃飯都要取消了，所以只好在家打電腦渡日~~

P.s.好多日都無同你好好通電了，不過你忙也是沒有辦法的，但我萬萬想不到，原來布歐受傷了，希望佢可以快d 好返啦，然而你都要小心身體呀，當心捱壞了呢。 仲有呀，開車要小心點呀，當心給人炒牌呢~~ (說笑ga ja, 別生氣哦^-^)

今日返學，無遲到了~~

但上第一堂就悶死左=.=，個死人阿sir 真係好晤得，講野晤清的=.= ，坐係後面，咩都聽晤到的說=.=，都晤知佢教緊咩，要不是佢有寫broad的話，我相信我今堂又是白坐=.=

第二堂就是computer ，狂練倉頡，好彩都有練過下，勉強是可以開始解上簡單的連體字了，但當然都是要繼續練啦，因還是有不少字未識解，仲要練到有我現在的九方咁快，相信真是要花多d時間，不過其實真是覺得好煩，要我由記9個鍵，改到記二十幾個鍵，講真真是幾有難道，不過我會努力的 \ . /，目標是上學期考試要練到 \ . /

放學，去左拎返本借左貓好耐的Account 簿比佢，之後就去Coup Kitichen交學費報名啦，點知佢今日原來放假囉=.=，唉，白行左添，不過算啦，都知係邊，聽日放學會識去的了~

之後乘地鐵去左中環的渣打，問左點過數後，就去左恆生入和整好返張Credit card就去左Monster burger ，今次點左雞，又是那句-- 超好吃^-^，可能因是昨晚無吃飯+今早又無吃早餐啦，所以吃得晒個包，但又是吃剩d暑條~~，看來我是怎樣都不可能吃光一個餐的了~_~，不過佢真是超好吃的，雖然價錢是貴d，但物有所值的，因真是超足籵，好過M記吖，年年都加價，但就越來越晤好食的說~~

所以現誠邀各位朋友們要是想吃好野又晤怕貴的，找我啦~~

讓我們好好地去品嘗一下美食，發掘一下新的美食地點吖^-^

吃完，就去左買膠布和借VCD就回家了。

可是回到家都不知怎的，又好累了，所以又睡上了一覺，不過都是那句啦，不知怎的，睡醒後也是覺得像背後揹著不少重物，好重好重，可是又放不下來，使自己訓左好似無訓咁，好辛苦呀>.<，究竟自己發生了甚麼事呀>.<

訓醒後，因真是好想見佢一下下，所以就乘車打算出去接佢啦，怎知白走了/ . \，佢一放學，就自己開車回公司，連撞也撞不上呢/ . \，唉~~，而且今日又是一個電話都沒有，還以後你不多不少都會打個電話告訴我一下的說/ . \

算~~，回家去~~

回家前去左滿記吃糖水讓自己打起精神來，點上了新出的雪山楊枝金露，麻麻，有點九晤搭八的說，不過算啦，因自己晚上根本又是甚麼都無吃。   講真，可能近日真是因天氣太熱了，使我已吃得不多的胃口，現更是連甚麼食慾也沒有了，要不是有人督促，相信我又好大機會，兩日才吃上一兩餐的說=.=，雖省下了不少錢，可是再這樣下去，相信我會倒下的吧=.=，看來真是要勉強一下自己，讓自己吃多一點才行~~

美味的Monster Burger 的烤雞burger set ，不要單看相片只為好少，其實吃完真是會好飽的~~

雪山楊枝金露，中間的是抹茶雪糕，有很重的抹茶味，但兩樣一起就麻麻，下次都是配返豆腐花好了~~