今日返學，又是Rush Hour ，本來打算6點半起身沖涼，點知返訓，訓到成7點先起身囉=.=，發現時，即刻嚇到彈落床，火速地用左3個字去沖涼洗頭，3個字吹頭，執書包和換衫，3個字去執面，之後飛奔出門。

回到校，竟早了3個字，於是便坐下吃早餐等上課。

本來今日上課一d都晤悶，可是因又想起點事情的關係，使自己的心情突然回落了不少......

其實有時真是想不明，說真的，自己對你其實已經是盡了自己的能力去待你好，難這是錯了?  只是希望你每日打一次電話給我，是太多了? 還是要求過高了嗎?  希望能多留在你身邊，是在給你增加負擔?  這一切一切都使我百思不得其解.............

下課，回家休息了一下又出過去。

知道你喜歡吃甜食，然而自己又鐘意整野食，所以在之前報了一個整蛋糕的Course，本來打算夾岩時間送俾你吃，怎知.........， 算，不要想咁多，講返上課啦~~

原來無想像中咁難，還有點兒好玩，不過其實以前都學過下，所以都識識地的，而且我不惱都是個鐘意整晤鐘意吃的人，然而因家中都無咩人肯幫我吃，而且經常都晤得閒，所以就無咩整了~~，但現在整完都無人幫我吃，都晤知點算路~~

看來要找人幫幫手，攪掂佢至得............=.=，但其實已有興趣去報下一班玩了說^-^(伸俐)

上完堂，就去左找King wong 吃野後回家~~

P.s.今日的午飯，因Bruce的一時興起，我們的午餐竟是壽司，可是原來大家都晤吃青瓜的，所以最後剩晒下來，但晤吃又好洗，所以佢地就癲到加埋Wasabi之後一人一塊吃埋佢囉=.=，我咁大個女向來都ok 怕吃辣野，所以平時吃壽司都不會下Wasabi ，今次竟要俾佢地迫來吃，未吃已想死了=.=

一吃之下，仲想死，兩樣晤鐘意吃的野放下口，無言，仲要鬼咁「功鼻」，攪到我流眼水了，馬上拎起隔離杯咖啡沖口 >.<，第一次吃壽司吃得咁痛苦，下次絕對晤再同你們吃啦>.<

我整的蛋糕，漂亮嗎~? ^-

但我其實還未吃過，都不知好晤好味的~，試左後再話比大家聽吖~~

今日是國慶，我祝大家國慶快樂~~，可是貓貓我就不怎麼快樂啦 / .  \

本來今日晤洗返工，又放假，本想好好陪下你，和你一起出去一整日，可是竟發生了這樣的事，心情跌到谷底，於是就約了班朋友唱K，可是今日真是好對晤住班朋友，因我今次心情晤好，攪到成場有一半都是我唱，仲要唱到鬼咁大聲，使你們的耳仔受到虐待，真是不好意思 / . \

之後因大家都無咩想行，於是就乘車回西環。

陪雞和琪去剪頭髮，都幾好睇呀，給人好清爽的感覺。

之後同雞去信德吃壽司。

吃完準備回家時，祥(Ivan 生日那晚識的新朋友)竟打來叫我去灣仔睇煙花，咁岩阿雞剛剛話想去wo,於是就拉埋佢去了。

去到灣仔，竟失憶了=.=，忘記左灣仔188在那，看來我真是好需要有個地圖係手，要不是相信真的會經常蕩失路~_~，於是行到298都找不到，祥就來找返我地，想不到竟見埋Ivan 的說^-^，一問之下，原來佢地今日去左行山影相呢，下次要是不麻煩的話真是想去下，因有時行下山真是晤錯。

之後我地就行左去灣仔海濱公園找左個位set 機睇煙花。  第一次在現場睇煙花，其實之前都有一次，不過因最後都睇晤到，所以就晤計數啦~~，但想不到在現場睇真是晤同d，有種迫人的震撼力，而且今晚都ok ，有少少風，所以都睇得幾清楚呀^-^，要是可以同到你睇我相信會更開心ja...........

睇完煙花，我地就去左銅鑼灣2期間機鋪打機。  玩車Games ，選左揸巴土，成日撞，變左巴士狂屠，撞左成3次車=.=，看來我真是不能去揸巴士啦^-^，不過其實我不會選擇去揸巴土吧~~(笑)

打完機就去左義順吃糖水，點知Ivan 好慘呀，點咩無咩的說，下次入去前看來要問清楚佢有無先好入去坐呢~~

之後玩到成12點到，大家就分別回家了~~

P.s. 今日終於左Broadway(百老匯)落訂I908，希望能早日得手啦^-^

今日是Ivan 的生日，祝你20歲生日快樂呀^-^

昨晚玩到成5點先回家，不過都ok開心吖，由最初晤識的一班人，玩到有幾個可以交換電話No., MSN，Xanga 和Facebook的說，但因一整晚都想著事情，所以不時都影響了心情，相信要是沒有，我會更開心吧?

回家，不小心睡著了=.=，訓到成7點才起身，馬上沖涼洗頭回校，怎知都是遲到了=.=，真是黑仔=.=

不過今日因太累啦，而且個心好亂好多野煩，所以都不能用心聽課，無奈地過了一日。

放學，回去大陸很久了的雞終於都回港了，welcome to HK，而且你還送上了禮物給我，真是謝謝你^-^，講真呢隻玩具真是使我想起我和他玩樂時的不少回憶，不過我不知道還能不能和他一起玩了。  說真的，那時買上了一對的小鱷魚玩具，不但是我想說的一個月紀念禮物外，更想掛著佢能時常想起和他一起的快樂時光，那時他常常玩著大鱷魚的玩具逗我笑時的表情，我還歷歷在目.......

但回家後都是我欲哭無淚的時候，因竟在MSN 看上你那句說話，要不是雞雞在，我相信我哭了，相不到你會這樣說，難道我喜歡你使你覺得背上了重擔?  但這是你的決定，我會尊重你，讓你一個人慢慢的想，但希望你有決定時會告訴我.............

P.s.今日睇返Hompy 竟有人留了言給我，但因是網名，所以不知這是誰，但竟說撞上了我真人@o@，有點驚訝呢，不過算啦，但真是好suprise ，因竟有人會留意這麼平凡又醜陋的我說.......

雞雞送我的大鱷魚~~，真是好好玩呢，謝謝你^-^

看到你的那句話後，心情不禁低落了不少，更有想哭的衝動，可是其實即使面上無淚，心已落下了..........，但深深明白這是你的決定，我決定相信你在有決定後會告訴我.........；決定等你，因真的愛你..........

記得我那日在做決定要繼績和你在一起的那日，別人大都勸預我和你分手(別人都說我們會分開)，可是我最後都沒有理會，因那一刻我明白到，自己只想與你在一起(只要和你在一起)，要是那時就這樣結束，我相信我會更難過!

就這樣，我選擇做一個笨小孩，明知故犯........

說真的，我到現在還是想不到為何自己能那樣愛你(那麼愛你為甚麼)，也不懂你(我不懂你)現在的所思所想，可是我還是願意等(我願等)，因我知道你要是你還有一點愛我(如果你還愛我)，你一定會願意去告訴我你的決擇，不論結果是好與壞........

先說回昨晚先啦，昨晚休息左陣後就同媽出左去找我個死人老豆吃飯拎錢(買手機的說~~)。

吃完飯後，佢就開口問我晤係有野同佢講嗎? 我就開始反串佢啦~~，以下是佢與我的簡略對話:

我：是你有野想同我講吧!

父笑)我何時答應你買成6千蚊電話給你

我: 你當時答應時，我就跟你說很貴呀，是你說，得啦得啦的，我沒有迫你喔~~

父無言了一會)，你有無儲蓄的，你返工返得咁辛苦，就咁就洗晒，你晤會話想做下投資的嗎.............(說了很久，所以省略了)，但我說買還是會買給你的，這裡有張支票，要多少錢你就寫下去，但寫後要告訴我，因我要入錢ok?

我: (心想)其實我同佢講左咁耐，佢都無聽我講的，光是要我聽他的，想儲蓄都要我有動力至得的，動力都無又點會去做呢?  說真的，動力的來源主要有三大種： 1. 是有興趣而引發  2. 是環境所迫而做  3. 是受到重要的人說才會去做，  我三種都沒有又怎會去做呢，說真的，我還想趁我現在還是學生時開開心心地去過活，暫都不想為錢而煩惱，而且我又無甚麼打算，短期都只是以讀完書為目標，所以儲錢這種事，還是得我遲些再想啦~~

但手提我還是會買的，我等了那麼久，要是那麼簡單被你說上幾句我就不買的話，我一早就轉左啦，洗你講咁耐咩~~，但你說真咁樣俾張空白支票我，當我咩呀\ . /，要不是見你快60，就無得做，我當場幫你張支票寫上實價添呀\ . /，我俾面阿媽炸，扮晒野\ . /，真是咁多年的脾氣都無變過，一樣是有佢講，無人講，最討厭佢啦\ . /

之後同阿媽行左陣幫助消化後，就回家做功課了。

今日起身後就去上學，怎知出門時才找不到鎖匙 =o=, 馬上發瘋了=.=

突然想起，昨晚媽好像有提及過，於是便打電話問，她竟說，原來她放在袋裡忘了還我=o=，頓時禁不住話佢，真是吖，幹嘛拿我的鎖匙，又晤出聲, 攪到我差點遲到=.=

幸好回到校，剛好趕上=.=v

今日F.math 堂阿sir, 無返，轉左上FA ，好彩我因書少，好一個file 裝晒咁多科，轉咩科上課都晤驚ja,如果晤係都晤知點算，不過今日都好輕鬆，因Miss 梅教左之後就走左出課室，所以無人管。

之後上Comp，又是練倉頡=.=，無奈，又是好多晤識，不過我自己都好努力地解，但無奈最後都是要抄才能準時下課，看來真是要多練習才行=.=

回家，同Bruce&孫悼坐MTR，途上被Bruce 的「爛Gap」打敗了，真是服了他，不過其實每天都多得佢的一大堆「爛Gap」，我才能快樂地過上每一日快樂的上課日，所以都要謝謝他^-^

回家沖左個涼後就休息了一下下。

過埋今晚的12 點, 就是Ivan 的生日，所以今晚要出去幫佢慶祝，要玩過痛快^_^

P.s. 今日Ringhk 終於都有I908的試玩介紹Post 啦，真是越睇越正，越來越愛佢啦 ~~ =^ 3 ^=

希望可以真的在本星期得到佢啦~~

I908 你要等我呀>.<，我一定會帶你回家的~~

另外今日在校時，和Bruces他們和Oram 說上昨晚的事，大家都笑說，佢咁大方，我不如開埋我電話的價以外的錢，如開上萬幾兩萬的說，但我又無咁衰的，開幾多由我媽話事好了，我只要最後達到我的目的便行，於是便繼續歡談了

星期六日，又是上班日，真是越來越晤想上班啦，唉，究竟幾時先講得出口呀>.<

星六仲要俾人GBS ，超慘，又俾人話了>.<

唉，灰~~，講真，我真是有好多standard 野都晤記得啦，問我，咪等扣分，都晤知點解今日要排我返的說/ . \

晤得，一定要快d 講，要不是我會死的>.<

另外呢兩日，又晤知點解累死咁滯，其實都晤係做左好多野ja,人地話有時人會因要逃避壓力而愛上睡覺，難道我也是患上了?.?

今日又上演了Rush Hour ，差點遲到，幸好最後趕上了。

之後上FA，因教緊的野都懂了，所以只好邊抄筆記邊夢遊。

吃飯，馬上跑去提錢，再吃過飯，便去交錢了~~

下午上CBC，ok ，安心地渡過~~

MA -- 上到差點想死=.=，又再不明白阿sir 講咩=.=

下課，去左接貓貓，之後行左陣CB，就回家了。

P.s.今年不知怎的，竟十分想去Disneyland 的Hallween，但身邊比較要好的，都無人想去=.=，有點失望，所以現在這裡呼籲一下，請大家陪一下我去啦>.< ，貓貓我真是好好好好想去呀>.<

今日對你終於忍不住，發了一下脾氣，其實不多不少有點後悔，可是人家真是好無奈嘛~~，每天都不時會看一下電話，看你有沒有打來，可是每次都落空了，雖知道你返工辛苦，但不知怎的就是想知道你每日過得怎樣呀>.<，但你每次都在忙，我都不好意思再說下去的說>.<

看來，我真是傻了，要馬上去休息一下才行。

明天再寫好了，大家晚安~~

今日返學，又是好開心咁過左一日，現返學一d都晤覺辛苦，仲好開心添，因認識左人，而且d 老師都好生鬼好攪笑，只有幾個阿sir 是除外的說。

回家休息左一下，就拎左相機的叉電器去整，幸好趕得切，如果晤係聽日又要整過啦^-^

整完就行左陣，然而王子因今日趕晤切去補習，所以就走來和我吃飯行街。

吃左好耐無吃的Pepper Lunch，漢堡扒好好吃呀^-^，而且可能行得太多，所以肚子餓的關係，我竟吃光了整個餐+飯呢@o@，真是不得不讚下自己，因終於無洗野啦^-^

而且今日都買到禮物俾Ivan 了，希望佢鐘意啦，不過其實我第一次買d咁攪笑的野俾人，所以買完都狂係度笑，好耐都無買禮物俾人買得咁開心啦，可能真是身邊好多fd都不大玩得，所以無買到d咁的野的關係啦~~

買完之後就回家了~~

P.s. 今日終於都見上你一面，談了一陣子，開心是開心，但當你說上會打俾我時，我不得不感到無奈和生氣，說回這差不多兩個星期，你可是每次都說會回我，使我不禁有點希望地等電話，就只望你打來和我談上一會兒，說說你今天的事，讓我了解你一些，可是每次我都失望啦，你每次都沒有打來，可是我知你近來忙碌，應該會很累，所以都沒跟你抱怨，可是我真的感到有點無奈，難道你真是忙到不能打過我一會兒嗎?  究竟你心裡還有沒有我?