今日係第三日返工啦，今年的新年都係同之前一樣－勁訓

難得有假期我仲唔訓餐飽就奇，因為對我黎講假期等於訓覺時間，仲要係可以訓好內個隻，最幸福就係咁簡單；雖然人哋講訓得多唔健康，但係因為我實在實在太．．．．懶啦，無計！

今個新年都估計有2千至3千到的利是，算係唔錯，我會留返佢備用，唔會好似之前咁用黎買哂嘢；因為黎緊4月我參考咗教會舉辨的短宣團，地點係－柬埔寨。其實都幾驚家，因為我好怕好怕污漕！不過為咗我親愛的父我會大膽嘗試，總之就一切交比神啦；不過仲有一樣擔心係唔知有冇錢同假，話哂我份人都幾唔識理財，所以．．．．冇乜儲備，加上4月公司又係忙的時期，希望去得成啦！

靜靜地同你哋講，我可能會唔做哩份工，不過計劃中同努力中，一切都睇神的心意啦，唔好話比人知ar（不過哩度咁公開，都唔洗講啦，真係）

今期貓貓我一句講哂：忙！

工作又忙，教會都忙，仲要做埋姊妹，真係忙到人都.......不過話時話，都唔明點解，以前都唔係咁，呢排真係勁想放假；可能係想逃避吓又或者真係想放吓假，我 06 年黎計真係一個長假都冇放過，又冇去旅行，原來放假都好重要家！

依家淨係希望可以快D完成哂手上的工作，因為 2/13 號要做姊妹，我個中學同學結婚。不過今年都好多人結婚，我一共要參加 4 個婚禮（需然仲有一對未公佈，但係都知家啦）；所以正在努力減肥中，希望以最靚靚的樣出席家！

之於依家我就開始賣緊我 D 女，因為太多，所以之前有D未開又唔係一定要的就想賣返出去；賺返 D 錢都好家，不過都唔捨得家，希望新媽媽對佢哋好 D 啦！

今日現同大家介紹我個新女女，係排行第十四的 Crystal。

點解改哩個名，因為佢係一隻喊 B 黎家，佢個樣好可憐咁，真係忍唔住想去呵吓佢ar

終於......終於.......貓貓我終於蒲頭啦　有冇掛住我先

其實我哩排真係忙到無時間上黎探你哋，唔好以為我失蹤呀；所以我都好乖咁黎同大家講聲

HAPPY NEW YEAR

今年我有好多計劃，不過唔講住，因為仲有人想同大家 say 吓 Hello...... 就係我 D 寶貝女女們啦！

好，係度祝大家新年快樂，係新一年個個都進步，快樂，身體健康同埋最緊要係賺多D ar~~~~~

最近真係好忙，所以都冇時間 update 同大家傾吓計；今日終於有返時間上黎一陣，第一時間轉咗個新音樂，我好中意哩首歌，因為佢比咗好多愛的訊息，唔知你哋點睇，希望你哋中意啦！

我最新的一隻女女叫棉花糖，人如其名，好 Sweet 好甜的，你哋睇過就明家啦，Ho Ho

嘩，真係唔明 CWC 出完一隻又出一隻，仲要係咁快。今次佢仲同日本人氣 Lolita 品牌 "Bady The Stars Shine Bright" 搞 crossover，哩隻女女的造型以 Lolita 為主，又一出血之作。

依家出咗真公仔圖，比大家睇ar正唔正先，Ho Ho！

哩個係５週年後第２個新 Body，所以佢個樣同之前個 D 又有 D 唔同，大家又分唔分到先；不過我估平常人就實分唔到，各位 B媽一定冇問題的，係咪！

好長時間冇上黎啦，因為忙到死吓死ar，病都病到死吓死吓。事關上星期我公司開 show，我有份要出，連星期日都要返工冇得返教會；再之前個禮拜我咳到胸骨發炎，呼吸同咳都痛到不得了，依家都仲痛緊。

跟住唔單止咁，開完 show 之後仲要感冒發燒，真係一樣未好一樣又黎啦；哩幾日都係咁忙，因為 show 後都好多嘢要跟返。好多單同埋 email 要覆，個胸骨炎又未好返，真係都唔知點好。

不過收到風九龍城廣場黎緊 11/5 開始會有 Blyhe 女展，到時我實去，照多D相返黎同你哋分享啦！不過出 show 我都有照相，比你睇吓我公司個 booth 係點啦！

嘻嘻，今次約咗公司的同事一齊帶 B 女返黎開 Party，有好多女女，佢哋都玩得好開心！其實我淨係帶咗我隻新女同埋基絲返黎玩，另外隻 PWP 係第二個同事的，之於其它的當然係我個上司啦；佢有勁多女女 Lo，亦都係因為佢我先開始玩 B，都唔知係好事定係唔好事。因為要養一隻女都唔少錢家，同埋都要用心家，因為你買佢返黎又唔理佢都好慘家；當然緊有 D 係得寵的，但係我都唔會太偏心，要公平先得家。都係唔講咁多，你哋自己睇吓啦！