終於......終於.......貓貓我終於蒲頭啦　有冇掛住我先

其實我哩排真係忙到無時間上黎探你哋，唔好以為我失蹤呀；所以我都好乖咁黎同大家講聲

HAPPY NEW YEAR

今年我有好多計劃，不過唔講住，因為仲有人想同大家 say 吓 Hello...... 就係我 D 寶貝女女們啦！

好，係度祝大家新年快樂，係新一年個個都進步，快樂，身體健康同埋最緊要係賺多D ar~~~~~

最近真係好忙，所以都冇時間 update 同大家傾吓計；今日終於有返時間上黎一陣，第一時間轉咗個新音樂，我好中意哩首歌，因為佢比咗好多愛的訊息，唔知你哋點睇，希望你哋中意啦！

我最新的一隻女女叫棉花糖，人如其名，好 Sweet 好甜的，你哋睇過就明家啦，Ho Ho

嘩，真係唔明 CWC 出完一隻又出一隻，仲要係咁快。今次佢仲同日本人氣 Lolita 品牌 "Bady The Stars Shine Bright" 搞 crossover，哩隻女女的造型以 Lolita 為主，又一出血之作。

依家出咗真公仔圖，比大家睇ar正唔正先，Ho Ho！

哩個係５週年後第２個新 Body，所以佢個樣同之前個 D 又有 D 唔同，大家又分唔分到先；不過我估平常人就實分唔到，各位 B媽一定冇問題的，係咪！

好長時間冇上黎啦，因為忙到死吓死ar，病都病到死吓死吓。事關上星期我公司開 show，我有份要出，連星期日都要返工冇得返教會；再之前個禮拜我咳到胸骨發炎，呼吸同咳都痛到不得了，依家都仲痛緊。

跟住唔單止咁，開完 show 之後仲要感冒發燒，真係一樣未好一樣又黎啦；哩幾日都係咁忙，因為 show 後都好多嘢要跟返。好多單同埋 email 要覆，個胸骨炎又未好返，真係都唔知點好。

不過收到風九龍城廣場黎緊 11/5 開始會有 Blyhe 女展，到時我實去，照多D相返黎同你哋分享啦！不過出 show 我都有照相，比你睇吓我公司個 booth 係點啦！

嘻嘻，今次約咗公司的同事一齊帶 B 女返黎開 Party，有好多女女，佢哋都玩得好開心！其實我淨係帶咗我隻新女同埋基絲返黎玩，另外隻 PWP 係第二個同事的，之於其它的當然係我個上司啦；佢有勁多女女 Lo，亦都係因為佢我先開始玩 B，都唔知係好事定係唔好事。因為要養一隻女都唔少錢家，同埋都要用心家，因為你買佢返黎又唔理佢都好慘家；當然緊有 D 係得寵的，但係我都唔會太偏心，要公平先得家。都係唔講咁多，你哋自己睇吓啦！

話說今日真係勁驚，因為係返工以來最遲的一日；尋晚貓貓我又成點先訓，所以都好 Tried。咁到今早，正當我睡得最舒服的時候，突然係度想點解個閙鐘冇響，咁咪去望吓 Lo；點知一睇先知原來成 9:09am，嘩，個時嚇到真係彈起身，再睇吓個鐘，原來我冇開到聲（因為我用手機做閙鐘），真係比自己激死！

好啦，咁咪拿拿聲去洗頭換衫出門口 Lo，但係出得門口黎都成 9:30am啦；好采係我住個度同返工的地方近，座MTR３個站就到，如果唔係仲要遲。

最慘係我上司叫我今日早 D 返去，因為要交業積比老細睇，不過我都有祈禱求神比平安我，所以我一返到黎就係咁做無停過手；都算係咁，老細又冇乜出聲，可能因為今早一早佢要見客，最後都係交到工課，真係要感恩啦！

我睇我今晚都係要早 D 訓，同埋要整多個閙鐘先得！

<奶茶同椰果祝大家中秋節快樂，係 website 度 Dowload 落黎家>

嘩，又到中秋節啦，今年個月光都係咁圓，大家有冇食月餅先？想問吓大家，你哋多數會食傳統個隻雙黃白蓮蓉定係食冰皮月餅？我比較中意冰皮多 D，因為我唔太中意白蓮蓉，太甜啦；同埋冰皮有好多味可以試，所以都係會食冰皮！

今個中秋節前我就食咗 2 隻味的冰皮：朱古力咖啡同埋栗子咖啡綠豆蓉。不過我中意朱古力個隻多 D，因為食落似 Mocha，都唔錯！你哋又會中意食咩味的月餅呀，我最期待係年年都食唔到的雪糕月餅；因為太貴冇人會送 LO，自己又唔拾得買，真係好想食一次呀！

係度祝大家有個愉快的中秋節，今晚我屋企做節，不過最大希望係公司今日早 D 收就好啦～～

今次個做型好正ar，襯哂貓貓我，係一套好似白色的晚裝（不過我覺得似婚紗多D）。最最中意係佢個白色貓貓眼罩，好靚。唔講咁多，比你嘢睇吓先！