好長時間冇上黎啦，因為忙到死吓死ar，病都病到死吓死吓。事關上星期我公司開 show，我有份要出，連星期日都要返工冇得返教會；再之前個禮拜我咳到胸骨發炎，呼吸同咳都痛到不得了，依家都仲痛緊。

跟住唔單止咁，開完 show 之後仲要感冒發燒，真係一樣未好一樣又黎啦；哩幾日都係咁忙，因為 show 後都好多嘢要跟返。好多單同埋 email 要覆，個胸骨炎又未好返，真係都唔知點好。

不過收到風九龍城廣場黎緊 11/5 開始會有 Blyhe 女展，到時我實去，照多D相返黎同你哋分享啦！不過出 show 我都有照相，比你睇吓我公司個 booth 係點啦！

嘻嘻，今次約咗公司的同事一齊帶 B 女返黎開 Party，有好多女女，佢哋都玩得好開心！其實我淨係帶咗我隻新女同埋基絲返黎玩，另外隻 PWP 係第二個同事的，之於其它的當然係我個上司啦；佢有勁多女女 Lo，亦都係因為佢我先開始玩 B，都唔知係好事定係唔好事。因為要養一隻女都唔少錢家，同埋都要用心家，因為你買佢返黎又唔理佢都好慘家；當然緊有 D 係得寵的，但係我都唔會太偏心，要公平先得家。都係唔講咁多，你哋自己睇吓啦！

話說今日真係勁驚，因為係返工以來最遲的一日；尋晚貓貓我又成點先訓，所以都好 Tried。咁到今早，正當我睡得最舒服的時候，突然係度想點解個閙鐘冇響，咁咪去望吓 Lo；點知一睇先知原來成 9:09am，嘩，個時嚇到真係彈起身，再睇吓個鐘，原來我冇開到聲（因為我用手機做閙鐘），真係比自己激死！

好啦，咁咪拿拿聲去洗頭換衫出門口 Lo，但係出得門口黎都成 9:30am啦；好采係我住個度同返工的地方近，座MTR３個站就到，如果唔係仲要遲。

最慘係我上司叫我今日早 D 返去，因為要交業積比老細睇，不過我都有祈禱求神比平安我，所以我一返到黎就係咁做無停過手；都算係咁，老細又冇乜出聲，可能因為今早一早佢要見客，最後都係交到工課，真係要感恩啦！

我睇我今晚都係要早 D 訓，同埋要整多個閙鐘先得！

<奶茶同椰果祝大家中秋節快樂，係 website 度 Dowload 落黎家>

嘩，又到中秋節啦，今年個月光都係咁圓，大家有冇食月餅先？想問吓大家，你哋多數會食傳統個隻雙黃白蓮蓉定係食冰皮月餅？我比較中意冰皮多 D，因為我唔太中意白蓮蓉，太甜啦；同埋冰皮有好多味可以試，所以都係會食冰皮！

今個中秋節前我就食咗 2 隻味的冰皮：朱古力咖啡同埋栗子咖啡綠豆蓉。不過我中意朱古力個隻多 D，因為食落似 Mocha，都唔錯！你哋又會中意食咩味的月餅呀，我最期待係年年都食唔到的雪糕月餅；因為太貴冇人會送 LO，自己又唔拾得買，真係好想食一次呀！

係度祝大家有個愉快的中秋節，今晚我屋企做節，不過最大希望係公司今日早 D 收就好啦～～

今次個做型好正ar，襯哂貓貓我，係一套好似白色的晚裝（不過我覺得似婚紗多D）。最最中意係佢個白色貓貓眼罩，好靚。唔講咁多，比你嘢睇吓先！

有一次係同事介紹吓第一次見到哩個公仔，佢個樣真係笑死我，最攪笑係佢個表情－無表情；跟手上咗佢個官網度睇佢的短片真係好抵死攪嘢，你哋有冇見過哩個公仔呀！如果係話比我知邊度有佢 D 嘢賣等我得閒去睇吓都好，依家哩張相係 Copy 落黎家，造形分別係 4 個唔同主題的圍裙爸爸。唔好以為我打錯ar，佢係男來的，有腳毛家（即係佢D根），係咪好攪笑先！

貓貓好希望大家都幫吓我，因為踏入第三個星期啦，貓貓個病都仲未好，仲係係咁咳，真係好辛苦！我都盡量叫自己唔好食唔應該食的嘢，唔好飲凍嘢，但係仲係咳得好辛苦；依家個頭仲開始痛痛地，真係唔知幾時先會好。

大家有冇D好的良方幫吓我快D好，你知啦，個喉嚨比我咳到都開始痛痛地，仲要時不時就係咁咳，咳到氣都透唔到；好想快D好返ar，咁攪個人都無哂精神，Help Me~~~~~

不過都講返D開心嘢啦，我同事家姐隻狗又有新肉照，請大家細心欣賞。

本大少好熱ar，開大D個風扇啦(注意佢條利)
再黎一張長舌男，HA HA
咁靚仔的大頭Look益吓街方啦
細路，知唔知我係邊個，一哥咪我LO，仲唔叫大老
最後黎張美股，係本大少美麗的Pat Pat(睇真D好似個心形wo)

尋日真係過得好開心，隨咗係正日生日之外，仲有成大班弟兄姊妹同我一齊過生日，所以今年係最多人同我慶祝的生日；計計埋埋我食咗成３個蛋糕，星期一舞隊１個，尋日下午公司１個，同埋尋晚開組１個，仲要係有２個都係芒果蛋糕，有朱古力脆脆個隻；真係好開心，同埋都有好多禮物收，估唔到係同事有２個會送禮物比我，因為平時都只係１個會，但係最估唔到係另一個都有送禮物比我，真係令我覺得好出奇！

太子女都有禮物比我，除咗生日禮物，仲有手信；因為佢前排出咗 Trip 去歐洲玩，亦都係因為咁攪到我病咗２個禮拜，所以有得必有失。不過多少成因都係自己冇好好休息夜訓所以先咁，所以都唔怪得邊個！仲有就係組長都有禮物比我，不過就係攪笑D係07的月曆；我今晚會再返去慢慢研究吓有咩特別先，因為尋晚都攪到好夜，差不多 12 點先返到屋企，所以都好快就訓咗。

不過尋日都發生咗 D 事，就係其中一位組員唔知點解走咗先，仲要冇講聲，所以都有點介意唔知係咪佢唔開心定係發生咗咩事；不過响我返到屋企準備訓的時候發現 miss call，原來係佢打比我，咁我就打返比佢但係都一路祈住禱希望神會係當中帶領。電話打通咗後比我估中咗原來佢真係有點唔開心，同埋佢都同我講唔好意思，我正日生日佢突然走咗同埋同我講生日快樂。

其實係傾談的當中貓貓我都知道佢因咩時唔開心，但係哩個係有少少佢個人的問題係度，我又不太方便講太多嘢，所以好多時我都用比喻同埋叫佢自己反省吓；因為最重要係我想佢明白到佢返黎教會的目的係應該將目光着眼係神度而唔係响人度。應該以神為本，以神為首，哩個先係重點。我都好希望佢可以成長，改變自己一貫的做法同睇法，因為我都唔想佢比惡者利用使得大家互相有沖突，希望神大大的工作同祝福啦！