<奶茶同椰果祝大家中秋節快樂，係 website 度 Dowload 落黎家>

嘩，又到中秋節啦，今年個月光都係咁圓，大家有冇食月餅先？想問吓大家，你哋多數會食傳統個隻雙黃白蓮蓉定係食冰皮月餅？我比較中意冰皮多 D，因為我唔太中意白蓮蓉，太甜啦；同埋冰皮有好多味可以試，所以都係會食冰皮！

今個中秋節前我就食咗 2 隻味的冰皮：朱古力咖啡同埋栗子咖啡綠豆蓉。不過我中意朱古力個隻多 D，因為食落似 Mocha，都唔錯！你哋又會中意食咩味的月餅呀，我最期待係年年都食唔到的雪糕月餅；因為太貴冇人會送 LO，自己又唔拾得買，真係好想食一次呀！

係度祝大家有個愉快的中秋節，今晚我屋企做節，不過最大希望係公司今日早 D 收就好啦～～

今次個做型好正ar，襯哂貓貓我，係一套好似白色的晚裝（不過我覺得似婚紗多D）。最最中意係佢個白色貓貓眼罩，好靚。唔講咁多，比你嘢睇吓先！

有一次係同事介紹吓第一次見到哩個公仔，佢個樣真係笑死我，最攪笑係佢個表情－無表情；跟手上咗佢個官網度睇佢的短片真係好抵死攪嘢，你哋有冇見過哩個公仔呀！如果係話比我知邊度有佢 D 嘢賣等我得閒去睇吓都好，依家哩張相係 Copy 落黎家，造形分別係 4 個唔同主題的圍裙爸爸。唔好以為我打錯ar，佢係男來的，有腳毛家（即係佢D根），係咪好攪笑先！

貓貓好希望大家都幫吓我，因為踏入第三個星期啦，貓貓個病都仲未好，仲係係咁咳，真係好辛苦！我都盡量叫自己唔好食唔應該食的嘢，唔好飲凍嘢，但係仲係咳得好辛苦；依家個頭仲開始痛痛地，真係唔知幾時先會好。

大家有冇D好的良方幫吓我快D好，你知啦，個喉嚨比我咳到都開始痛痛地，仲要時不時就係咁咳，咳到氣都透唔到；好想快D好返ar，咁攪個人都無哂精神，Help Me~~~~~

不過都講返D開心嘢啦，我同事家姐隻狗又有新肉照，請大家細心欣賞。

本大少好熱ar，開大D個風扇啦(注意佢條利)
再黎一張長舌男，HA HA
咁靚仔的大頭Look益吓街方啦
細路，知唔知我係邊個，一哥咪我LO，仲唔叫大老
最後黎張美股，係本大少美麗的Pat Pat(睇真D好似個心形wo)

尋日真係過得好開心，隨咗係正日生日之外，仲有成大班弟兄姊妹同我一齊過生日，所以今年係最多人同我慶祝的生日；計計埋埋我食咗成３個蛋糕，星期一舞隊１個，尋日下午公司１個，同埋尋晚開組１個，仲要係有２個都係芒果蛋糕，有朱古力脆脆個隻；真係好開心，同埋都有好多禮物收，估唔到係同事有２個會送禮物比我，因為平時都只係１個會，但係最估唔到係另一個都有送禮物比我，真係令我覺得好出奇！

太子女都有禮物比我，除咗生日禮物，仲有手信；因為佢前排出咗 Trip 去歐洲玩，亦都係因為咁攪到我病咗２個禮拜，所以有得必有失。不過多少成因都係自己冇好好休息夜訓所以先咁，所以都唔怪得邊個！仲有就係組長都有禮物比我，不過就係攪笑D係07的月曆；我今晚會再返去慢慢研究吓有咩特別先，因為尋晚都攪到好夜，差不多 12 點先返到屋企，所以都好快就訓咗。

不過尋日都發生咗 D 事，就係其中一位組員唔知點解走咗先，仲要冇講聲，所以都有點介意唔知係咪佢唔開心定係發生咗咩事；不過响我返到屋企準備訓的時候發現 miss call，原來係佢打比我，咁我就打返比佢但係都一路祈住禱希望神會係當中帶領。電話打通咗後比我估中咗原來佢真係有點唔開心，同埋佢都同我講唔好意思，我正日生日佢突然走咗同埋同我講生日快樂。

其實係傾談的當中貓貓我都知道佢因咩時唔開心，但係哩個係有少少佢個人的問題係度，我又不太方便講太多嘢，所以好多時我都用比喻同埋叫佢自己反省吓；因為最重要係我想佢明白到佢返黎教會的目的係應該將目光着眼係神度而唔係响人度。應該以神為本，以神為首，哩個先係重點。我都好希望佢可以成長，改變自己一貫的做法同睇法，因為我都唔想佢比惡者利用使得大家互相有沖突，希望神大大的工作同祝福啦！

今日係貓貓我生日，首先係度祝自己生日快樂，同埋希望個病快D好返，因為都病咗成 2 禮拜 lu。今日貓貓都算精神返，話哂自己生日wo；第一件事開心係收到利是，係屋企比家，YEAH！

第二件開心的事係收到好多禮物 ar，有公司同事送的，有上司送的；今晚返到去再影相 post 比你哋睇 ar！同埋好多同事都同我講 Happy Birthday，所以好開心 ar。

第三件開心的事係今晚正日都有好多人同我過，因為今晚會開組，所以我估都係有蛋糕食；不過可惜的係我個好知己同唔到我過生日，因為佢星期二出咗日本工作，星期五先返，所以係咁多年黎第一個冇佢份的生日！不過佢話會補返數比我家，所以都好期待。

第四件開心的事係自從開咗呢個 Blog 後好多嘢都可以係度同大家分享，所以今年係我第一次係度過生日，係咪好值得記念先；所以貓貓我係度多謝大家的支持同鼓勵，我會繼續努力多D打日記，同大家分享我的喜與悲。（不過當然係希望喜多D啦）

歌手：周杰倫 | 作曲：周杰倫
填詞：宋健彰 | 編曲：林邁可 (Michael Lin)

＊天空灰得像哭過
　離開妳以後　並沒有　更自由
　酸酸的空氣　嗅出我們的距離
　一幕錐心的結局　像呼吸般無法停息

　抽屜泛黃的日記
　榨乾了回憶　那笑容　是夏季
　妳我的過去　被順時針的忘記
　缺氧過後的愛情　粗心的眼淚是多餘＊

＃我知道妳我都沒有錯
　只是忘了怎麼退後
　信誓旦旦給了承諾
　卻被時間撲了空

　我知道我們都沒有錯
　只是放手會比較好過
　最美的愛情　回憶裡待續＃

REPEAT＊＃＃

有時感情呢家嘢好難講，淨係知道好多時係因了解而分開，但係點解唔可以係因了解而結合呢？唔，問題太難太深啦，貓貓唔明，都無想過去了解，因為依家貓貓淨係知道一切隨緣，會按神的心意啦！

貓貓我好慘呀，唔單至工作忙到頭都出哂煙，仲病埋添，真係想做死貓貓啦！事原係我上司出外遊玩順路去 visit D歐洲客，不過就係因為咁，攪到貓貓好多嘢做；都唔知 D 客係咪夾埋的，佢一唔係度就係咁落單，家陣貓貓有好多單未出，又好多關未報，又有 D 船期未排好，真係生多幾隻手出黎都做唔完！

就係因為咁，體力不支，先２日終於病咗，依家仲要都未完全好返，仲有２聲咳！加上貓貓自己又唔乖，仲要打機無乜點休息，所以我估今次又要咳好內啦。

貓貓我真係有種沖動想一走了之，去逃避，因為好多嘢好煩；好似做極都仲有咁，好想放吓假真真正正咁休息吓。不過我都知咁係唔得的，因為都係自己貪玩同埋唔勤力先係咁的；所以我都要叫自己加油積極返，唔好失禮神 ar ma，話哂都係神的乖乖女，點可以咁懶家！