http://hk.myblog.yahoo.com/conifer-0918

這是新屋企既地址～
請各位多多光臨寒舍！！！

琴日去APM
見到有個肥仔玩OSIM 扭扭纖體師部機～
勁好笑～～～

阿誠拍底左～
仲配埋首廣告歌....

勁正～!!!!

琴日同佢再去診所度睇睇個傷口～
原來已經埋左口，
不過因為仲有小小結焦未甩，
所以伊利莎伯頭罩還是要繼續戴....

一星期咁多啦～
不過唔洗再去診所度覆診lu～

哈～伊利莎伯比比女皇駕到～

但畀我夾實，走唔到～

畀大家睇睇個傷口啦～
埋左口啦！

一星期後比比女皇就可以從獲自由啦～

p.s.比比最新體重又重左～
承惠4.36 kg ,可喜可賀～

經過前排畀比比發情時既折磨之後，
即刻拿拿臨同佢去絕育囉～

2008年2月27日係比比絕育既大日子～
我早在一星期前已BOOK左最近屋企既獸醫診所

黎昌生獸醫診所
Dr. Eric's Animal Clinic

我同阿誠一早連早餐都未食
就唸住將比比放低係診所等做手術

點知去到一睇....
點解變左空鋪既.... 0 !!!
我地係將軍澳中心兜左兩個圈都搵唔到間診所...
唸住打電話去問啦....
個電話竟然話打錯.... = 0 =!!!

最後問返商場職員
佢話D街坊話搬左去寶盈花園個頭
搬左成兩個幾月囉～

咁我地又拿拿臨趕過去啦...
搵左一輪終於搵到..

但去到診所門口個時
個櫃位一個職員都冇.......* - * !!!
淨係有兩個客人係度等緊....
間鋪細過以前好多
眼見門口只放得落3張摺椅同一個磅.....

等左10min.左右先有職員係房度行出黎...
我梗係既刻衝上前登記啦..
點知佢又叫我等等先...

我開始有D火起...
之後問佢

我 : 點解我BOOK個時你冇同我講你地搬左既?

職員 : 你幾時BOOK架？

我 ：上星期

職員 : ...唔好意思呀..

不過鬼叫佢近屋企咩...
點都要畀佢做...

再等左20min左右先輪到我地...
發現原來醫生係香港人～
仲要係女仔！態度都幾NICE～

不過我唸佢地人手真係嚴重不足
所以都冇乜檢查到比比就叫我放低走得.......@ - @ !!!
(淨係問左佢飲食正唔正常，有冇空肚等簡單問題....)
佢話大概4,5點鐘會打畀我～
咁就可以帶比比走～

結果我個日得到7:00pm
一個電話都冇
心唸唔會有D咩事呀.....
即刻打去問下得未啦....

職員 : 係呀，攪惦架啦，你可以黎帶佢走架啦
           不過要快D，因為我地收7:30pm

我 : ...............(我真係無言）

結果比比返黎第二晚又屙嚴重爛屎又嘔...
好彩第二日冇事...
問返醫生話可能係麻醉藥既反應，叫我唔洗擔心...

講左咁耐
畀返大家睇睇比比戴頭罩既靚相啦～

因為以防佢扎扎跳扯爆個傷口
唯有忍心困佢入籠啦....

係有D唔開心架啦～
不過冇法子啦～要忍耐下呀～

個傷口畀我想像中細...

因為個頭罩係忌廉細個絕育個時用過既
所以好似細左D....

結果上星期比比未夠10日已自行拆線再加舔傷口
唯有再去醫生度睇睇～
結果發現有小許腫同有小小積水..
好彩冇爆到...
醫生用針筒抽返傷口D水出黎～
再買左個勁大頭罩畀佢....
叫我下星期 (即係聽日）再帶佢黎睇下個傷口...

希望比比聽日可以拆個頭罩啦..

p.s.總括黎講，
如果唔係因為近屋企，絕對唔會幫襯呢間診所喔～

2008年2月22日
係忌廉佢5歲生日
希望佢健健康康，快高長大啦！

買左忌廉最鐘意飲既奶
同日本美食～(見圖左）

仲係聖安娜訂左個蛋糕添～
(個蛋糕當然係我地兩個食啦～)

結果盒奶，忌廉飲左兩啖就冇飲...
濕糧忌廉又麻麻地鐘意食..

結果好似變左比比生日咁～
畀比比食鬼晒..... = _ =!!!

同場加映
麻甩的廉.....

以下係我既小小心得..
(話晒我都真係考左4次咁多麻...)

衣著篇

1.女仔一定要著得成熟D，加一點性感也沒有問題的！
最緊要畀考官個感覺穩重一點！不要太低B !

男仔都係啦，千其唔好MK LOOK去..
最好都係穩重點好D～

言行篇

同考官講野時，最好每句句子前都加上
''請問'' / ''唔好意思''
句子後也最好加句
''唔該''

e.g.

我 : ''唔好意思 , 請問係咪轉左呢？''
考官 : ''係''
我 : ''唔該晒''

學院課程選擇篇

如果你考自動波的話，
唔洗報佢個咩智尊課程（但職員實SELL你報）

智尊唯一既好處只係
1.每次同一部車
2.同一個阿SIR教你
3.上堂時間可以靈活D...

1.學棍波的話..每次同一部車的確會比較好～
因為每部車個極力子鬆緊度都唔同，
所以同一部車會比較易掌握～

自動波就冇乜所謂～架架車都一樣咁楂...
分別不大～

2.我覺得每次唔同阿SIR教會仲好，
可以吸收每個人唔同既知識同意見～

3.除非你工作時間非常唔穩定，
要時常更改上堂時間，
否則呢樣更加冇必要...

我只報普通的課程 (重考生）
（我係出面PASS左泊位掉頭）
9堂 (2堂理論課 ＋ 7堂路面課）

$3,280


之後再肥左...
又要畀過錢重考..
(唔洗上理論....只有7堂路面課）$3,xxx

同埋如果你想報
沙田駕駛學院的話請留意！

如學車時間係2:00pm以後..

原來係唔可以練河畔線架...........
我都係上車阿SIR同我講先知....

報個時個職員完全冇講過............ = _ =!!!
結果個日只練左大涌橋線..........

各位未報又唸住報的話，
請留意啦～

駕駛技巧篇

1. 我唸大部份學神們都會試過畀呀sir叫你

''望遠D....望遠D啦...''

我開始學個時都有同樣問題～
覺得望得咁遠咪好易出界同唔知周圍既野....

後尾阿SIR話我知，
你望得遠先唔會咁易偏離自己條行車線，
因為你視線遠左，先可以睇清楚黎緊條行車線究竟係點！
咁你先會有足夠既時間畀你自己思考架車要左D定右D～

至於要望幾遠...
大約要望到盡頭左右吧～

另外周圍身邊既事物，
就要靠望鏡啦～
所以望鏡同視線遠D係非常重要的！！！

2.究竟望鏡點先夠

雖然我學車＆考車途中已經有起碼3分之2既時間係望鏡..
但最終都畀人細tick左 ''未能充分使用駕駛鏡''

但阿SIR話過每逢以下情況都要望鏡

-  所有路口 or 安全島等
 （所有有機會有行人出入的位置）

-  停車前後

-  切線前後

-  前車開車或停低前後

如果做足的話，
應該都唔會tick你嚴重的...

3.速度方面

時速最好保持30km-40km左右為最理想，
同埋考車時,時速不能超過50km

4.望鏡拎頭

最好有咁誇張得咁誇張
學PM話齋，
拎到好似驅魔人咁就最完美啦～

like this..

祝各位學神考車成功啦～

(以上可能有講漏的，如有錯請指點！謝謝）

返到酒店執行李～
跟住就搭機場巴士去機場～

臨走前影左好多相（但太多唔POST啦～）
精選兩張算了～

打開遊戲機既應該認得呢兩棟建築物係咩啦～

由於我地搭西北航空既關係～
d人話早D CHECK IN穩陣D
我地搭 6:30pm 機
結果我地3:30pm已經到左機場.....
(1:55pm 搭機場巴士由新宿出發）

上網睇D人話西北CHECK 行李勁麻煩
過關勁耐....
結果..
半粒鐘都唔洗已經CHECK IN 好...........
(全程冇話要拎晒D野出黎搜...等等)
好輕鬆～

但過關時枝綠茶唔畀帶上機
我即場飲多兩啖先畀佢沒收......個關員仲要笑我...
(枝綠茶我岩岩買架...慘）

話咁快過晒關
你睇我幾輕鬆 ~

即刻搵間餐廳醫肚啦～
但我地呢邊數埋只得3間餐廳有野食..
我地決定食呢間！

我地兩個都叫左蝦天婦羅烏冬～

因為大家都好肚餓，
所以極速食完～

我覺得好好味呀～
雖然咸左小小～

食完無聊周圍行...

唔知點解次次走個陣
日落都係特別靚既..

富士山下?

hea 下 hea下
終於捱過呢兩粒幾鐘
唸住上到機冇死啦.....

點知等下又三個字
等下又三個字..
點解架機都仲未開既???

原來有位人兄仲未登機.... = _ =!!!
但行李又寄左艙....
我唸呢個時候已經全機場人員都挖黎呢位人兄架啦...
攪左好耐...
終於起飛...(唔知搵唔搵到呢..)

但已經畀預定時間遲左粒幾鐘...............
( 早知我唔好咁早上機啦..)

你睇我隔離行呢位哥哥仔訓到咁就知有幾悶同累啦...

起飛無耐
空中姐姐已經非常醒目
拿拿聲派餐～
（我地已經餓左渴左粒幾鐘...)

頭先唸好想食炒飯
點知真係有... 3
正！

我覺得呢個飛機餐係我搭過咁多間航空公司中
最好味既！！！

（我其實只搭過國泰，華航，泰國東方，
同呢間西北航空）

真係好味喎～
我地兩個餐份量岩岩好～
味道都好好～
D燒汁牛肉真係有肉汁...唔太咸！

結果我食地食晒～～～（除左個包..)
正！

而家唸起都想食....

D人講到西北咁差..
我覺得都唔係呀..
下次我都一定揀西北黎搭！
平靚正！

不過有件遺憾事既
就係我地掛住拎兩件大行李
唔記得拎返把遮.... > 3 < !!!
(早知唔寄艙啦..)

好啦～
旅程完畢～
有機會再黎！

上個星期這個時候
遠在中山的公公去世了..
因我和妹妹的回鄉證已過期
(只怪我沒有去續期吧...
問過朋友星期日也是沒有快證辦的)
所以只得媽媽在星期日那天趕了回鄉...

事緣是公公在凌晨時分
獨個兒踏單車把大頭菜拿去批發商那裡賣
誰知回程就到家門的時候遇上修路工程
單車不小心失了平衡
公公的頭剛撞上了一塊尖石頭....
就這樣公公由鼻樑至額頭的位置被破開了兩邊...

舅父們見狀已趕忙叫了救護車
但上了救護車以後，
救護人員竟然說他沒救了..
儘管...公公還是有心跳的..........

以上的也是從我媽媽口中轉述才得知..
如果換轉地點在香港
我想公公未必會沒得救....

回想兒事回鄉時
公公也會將最好的食物留給我..
時常也會問我吃得飽嗎？
擔心我會餓肚子..

地點依舊 ， 人面全非
我想起了''爸爸的花兒落了''這課書...

祝大家新年快樂