終於成五天日本東京之旅

大部份時間都係享受既

遲的打返晒個五日日記出來

洗左好多錢呀...

手信都用左1200- 1500hk....

日文加英文都叫溝通到....

人生中第一次坐飛機

第一次去...日....本....

會係點架呢

今日無記又做返龍鳯鬥 次次看親都哭一陣

傷感吧....

前排去澳門

洗左唔少錢... 但玩左小型賽車 去左九如坊食飯...

月尾去日本了

呢排好多飯局 盛八 1 同加欣 emily 佢地去食左

有餐 返來香港 就同公司同事食 都係盛八

下星期同事來家玩...

同學約食飯... 勁多飯局

錢呀... 錢呀

keith ... 希望你會開開心心....

轉自新聞組

做人做事, 要向內求, 唔好向外求

唔好諗住個世界有最低工資來保障你搵幾千蚊個月, 應該設法令自己離開最低工資的保障範圍

唔好祈求港女有一天會迴光反照愛上一個無錢無面的深情小毒男, 應該設法令自己變成有條件有能力令港女感到無你唔得的境界.

出黎做野人人都要受氣, 讀書多讀書少坐office做咕喱做老細做員工都一樣, 除非老豆本身有錢, 否則所有白手興家的人都受過氣, 捱過苦.

讀書唔會直接令人發達, 但可以培養, 訓練你的集中力, 專注力, 記憶力, 更加重要的是訓練推理, 邏輯思考的能力, 出到來搵食無咩法則規條可以照
住來用保你平步青雲, 大部份
要靠自己的經驗 + 所見所聞去預測, 分析環境, 自己所處位置, 從而決定面對的應有態度, 和處理方法. 即使你讀死書而沒有真正智商智慧, 一紙學
歷都可以幫到你, 所以讀
書無壞的, 趁年青沒有太多問題需要你去處理, 承擔時讀, 讀左將來可以唔用, 但調轉第時你想讀, 就唔係話咁易, 這是一個近乎不能逆轉的問題.

唔好成日屌鳩d無良老細, 老細款只是擺出來的, 實際上佢未必比你好受, 你唔駛帶錢番去打工, 但佢每日訓醒覺都要有錢先過到一日, 佢要諗辦法賺
錢來出糧比你, 你可以唔鍾
意拍下個欏柚唔做, 但佢按左層樓或借人錢來做生意, 唔做可能訓街同破產, 佢都好想可以話比行家知佢間公司請人比出面市場人工高. 如果你有本事
, 幫到手, 任何一個老細都荒死你唔撈, 所以如
果你覺得公司對你唔好, 老細對你唔好, 你要檢討自己的能力

上年既十月.. 哈 原來人真係有的記憶係唔想記起

但願冇開始, haah , 有點自打嘴巴

個人開始比以前更老積了... 死喇 26,27 已經成個3x yrs 既人咁...

一時時喇 我仲有時會發下傻的

今年好想有人陪我去helloween tim

今日同佢地講開結婚... 我雖然冇女朋友 但係我由23yrs 開始已經想結婚喇, haha

佢地真係好有錢... 我聽下就算 我同事建議既價錢 :

1) 求婚介指偠值6-7萬 我都係諗二至三萬咋買比我老婆...原來...咁既...

2) 擺酒去酒店擺 我都想 但佢地一擺就 11000 一圍.... 11000x 20 ...

3) 好似老闆咁 3百幾萬 一個單位? 哇.... 我? 一真諗 百令粒 已經好辛苦, 我過二年都會買樓 我計過條數 我一個人比左首期借一百粒要還7000 一個月呀... 一個人供係有難度, 但願有個老婆分擔下 (好事定壞事) 即係佢地比首期三十幾萬...

4)禮金 : 我知就68800 佢地我當係呢個價

5) 其他雜項... 我估要5 萬以內吧

佢地一結婚就成 4,50萬喎 我點追都追唔上喇 我頂晒龍20萬到咋我個plan... (我想像下, 我唔知自己係米用20萬既)

大家同一間公司 點解佢地咁有米? 香港咁多人咁有錢既... 我都想好似有位同事既老豆做醫生....我係有間屋 但唔知自己仲有冇能力再轉大的... 慘呀, 未拍拖 原來知道結婚咁有難度... 都係早點saving 多小小... 香港 世界難撈... 定我間公司多有錢人

點解我的朋友結婚都冇咁有錢? haha

其實好少事 都遇左個個ex女友 佢好醒的

會靜靜雞上來令返的野....

佢有通知我... 不過我突然間好心痛...

我知我仲係好掛住佢... 好傷心....

但冇得返轉頭 是嗎?

突然間 分手個一日個種痛出左來一陣...

jacky 幫左我一把... 我明白了

由佢過去吧 其實真係好少事....

快的消左個種感覺佢...

PS 仍舊一滴眼淚都冇流...為什麼...

街邊太多人與車 繁華鬧市人醉夜

害怕下班等很久的車 排隊兼帶雨遮

一經信和暴雨瀉 沿著長龍又不想貼近些

擦過的肩 發現看見那熟悉嘴臉

沉默對望在這幾秒 亦有簡單問好不過少

然後再次說告別 像重遇那天





多少往事甜在心頭 夜雨觸花這景致令我憂愁

望見她的身影已無法佔有 我未有想過絕望看她走

分手兩字情絕不留 為愛傷心的聲線變了懷舊

愛得轟動了 什麼都燃燒 最終這片段完了

專心看車外遠境 嘈雜人群極知多惹塵埃

我卻走失 遍尋腳印 欠命中指引

如若結局是可改變 願我好好愛她的切點

重遇再散也夠絕 但嫌路太短

今日都係訓唔著...n 晚了... 習慣左

所以去左看羅家良-志雲 個訪問

十六年既拍拖生活 十年既婚姻生活 換來...離婚

係換來?定係好似佢講係 緣份...

有幾夾 有幾開心 or 有幾唔夾 ... 好似真係有晒定數

今日比左篇用英文寫既email 比老師 (lee li)

講下自己係香港既生活 都好耐冇用英文寫野... 都唔算差

祝撈家 同埋佢 ex wife 生活好好吧... 我看完個一個訪問

我心好頂住... 真係好可惜 好可惜... 感情唔係你話做的乜

or 冇做的乜去決定你走唔走到下去... 我成日咁同人講

真架 唔關你做唔做過乜事 你去殺人放火 總會有人愛

只要遇到一個肯愛你既人... 不過好難好難

今日都同陳太傾左陣電話 佢都看到我太致上心情平伏了

都鼓勵講左句: 未係時候 未係對象(一個岩大家既) (大約既說話)

bill 都有講過 我知我只係會主動的 去看看乜人岩我

冇人知 ... 樑仔 我都係講多次 有冇女朋友 唔係你做過幾多野 會有

當然 都有用 但係... 呢個世界感情係其中一樣冇道理既事 ...

ha  等我地去睇下點  冇得分對錯既事 同樣既事唔同男友 效果係絕對不同  ... 可能佢介意前男友某的事 但又可能同第個又唔同...

我好信命... 我知我自己感情命比別人差... 但生活唔錯

各位朋友 本人 終於去人生第一次旅行了 ... 仲要去日本

終於可以去東京買返青蛙回來了...太感動了...

你要好好同我照顧佢地...得閒令一令出來抺下塵咁...

我真係好掛住佢地...希望你真係好好咁收藏佢地...

暫定 10 月25 日出發 10 月30 日返 ... 有乜事...大家要來探我呀...

wakakak... (我好驚撞機...)

終於冇比人煩了...避開左的人 佢鐘意玩其他人 由佢... 我當時運高

唔見...唔見.... 我自己繼續一個人係公司... 幾好!

聽完森之愛情 其實愛情係的乜...可能付出既

未必成正果 唔係要好開心好開心... 但好可能二個人未必一齊...

眼淚可能 就係呢一刻停左 ... 今日係第二十五天...

眼淚開始停了嗎...  我認真 走左之後 我冇哭過 一下都冇 但仲係唔開心既...

有冇人答到..我有幾鐘意佢... .點解我一下哭都哭唔出來

我真係咁想分手... 嗎? 係人地面前 我係好開開心心過緊弟二十五天 但... 真係咁開心? 四周識新朋友? 真係咁開心嗎? 我係好愛好愛佢(茅盾中).. 但我唔可以同佢起返埋一齊 因為冇可能... 根本冇可能 只會得一的唔好既事發生... 有開心 但大部份 都係唔開心...愛佢既 愛自己既... 一定要放手... 一定唔可以返轉頭 頭一次覺分手係咁用... 你真係愛大家 既然唔岩...放手未嘗不好 自己都好想走... 我分唔出我係愛定唔愛... 所以 不斷去識朋友去令自己唔想諗 ... 好可悲的一個男人呀... 我試過去找其他野充實 或者有效 或者無效 ...

我深知冇得返轉頭... 講左 講左 講左... 真係唔夾...唔夾...唔夾...

大家既愛都係真架 佢冇錯 我冇錯.. 邊一個 邊一刻 係唔岩timing...

我係一個失敗既情人 我通常係一的錯誤既時間去同一個人開始...

定係決定 一路決定係錯? 我既事 除左愛情 仲有好多事情等緊我...

可唔可以唔好比呢的野令我咁煩惱吧... 好痛苦 就係呢的野令我好痛苦... 有誰能共鳴... 可唔可以冇愛情... 好煩呀

我唔想比呢的野令到我唔開心呀成日... 有冇第二的野放係我心目中呀... 我想要有成就 我要充實咁過每一日... 有冇可能... 天... 比我可以做返一個似樣既男仔.. 我要每一日都開開心心 唔係一定要愛情 有也好 無也好 要每一日都開開心心...

呢二日過得唔錯 樑仔係好朋友 雖然佢好多野都未必太識 起碼

佢係我朋友... 人大左了 身邊既朋友 見少買少 真正既體會... 一個人係什麼 洗唔洗考慮轉下新環境... 都係一個可以令自己變一變既方法

呢排同好多朋友傾計, 唔關愛情既話題多, 佢地覺 成熟嗎? 我覺得我自己很假罷了 ... 但我的確係變得心思上有的野 外表我有自信ok (真係掂架 比的ex見到係成個唔同晒架我 有意者我比相你地ahah)... 有人教我做潮童 無理由拒絕 仲有做乜呢個世界既人 真係得愛情煩惱? 我又唔覺呢個世界上乜都要咁 ... (自打嘴巴中 但我真係好少同人講 得亞倩 樑仔 呢排喇係咁)(我肯定只係得同樑仔親口講我仲未痛夠)(其實同事中 有冇人看呢到? 咁看到既人 請still 扮唔知, haha )

我公司那位同事 我都唔知點講佢知... 你唔好立亂打來 講話你點識男仔... 好煩... 我有我識朋友都唔會立亂同人講你成日咁講你咁多人追.... 唔好煩我... 我好怕咁 ... 我只想好好咁一個人 傾下計 講下打band同keith 一個人 一係自己去思想下 ... 我呢排會買好多書去看借一大堆書 dl 又好乜都好 唔好比自己成日困係呢的咁情情塔塔 大x把野 可以做 你唔好成日提你點... 你會影響到我心情 我唔想理 比我好好咁識朋友  成日係我面前提愛情 我好難一個人去學習野 溝女我當然會溝 現在都一大堆 但 我要係正常生活 唔好成日煩q 我 正正經經我大把話題 天文地理 可唔可以唔好日日講男女... 好彩我fd個堆 唔係呢的人... 我自己都要改一改 唔... 太主動識朋友 係米錯

有女朋友更係好 不過呢... 大家夾到米好囉

冇既 一個人都可以好好 試下join下多的fd 活動