好好笑..好好笑.....

我媽媽攞咗我支gel嚟搽面

仲要用咗幾次

笑到我死

之後講講下

原來之前佢又攞我支mask當lontion搽

搽足全日tim~好嘢!

真係笑到我死啦....

今年過咗一個不一樣嘅聖誕節

無出去同幾萬人一齊迫

無比人用嘖雪嘖到全身一撻撻白色

只係留喺屋企

做一樣廿一年嚟都未做過嘅事

煮飯

我自己都估唔到我竟然都可以做到

仲要可以食落肚

真係好犀利.....好感動....

對我嚟講

呢個係一個好難忘嘅聖誕夜

見到你地咁多人留言比我都幾開心

原來都仲記得我woo~

前幾日同D同事同埋我D friend一齊唱歌..

又幾好玩woo~都未試過咁嘅組合

hehee~~好開心呀

好耐都無嚟呢喥打日記lu~hehee

因為開咗個新blog,呢喥就差唔多忘記咗lu..

近排都無咩特別(其實發生咗好多嘢)..

但係就成日都去玩呀...飲嘢呀....

個黑眼圈大喥就嚟去到條頸啦.....

不過我間唔中都會post相上嚟ga~!!

早幾日放假同咗豬姐返大陸,我又去揼骨,第一次同自己D friend返大陸....好好玩呀

第二日我地就返香港去咗中環行街,本來諗住入LV行下...點知好忍唔住手就拎住一袋出番嚟,一睇到個袋就好鍾意啦,雖然好貴,但係最未都買咗...

夜晚我地食日本嘢,好好食好正,但係就食咗7百幾蚊,只係得4樣嘢加兩杯嘢飲....:.

我公司因為搬舖嘅關係..攪到呢個星期都要狂OT,好辛苦呀,終於踩咗五日有得放假啦...

臨放假前一日收工..就同咗肥豬一齊返大陸揼骨,不過幫我揼個女仔好似唔識咁...亂咁嚟~

唉~算啦...都當舒服咗好過無啦..

第二日就返香港喺屯門行街睇戲,我地睇~寶貝計劃,好攪笑又好感人喎,好好睇!

前幾日收工,我地攪咗個BBQ大會,有我地izzue..double park...ETE...b+ab...5cm嘅同事一齊燒,好多人哦~好開心,不過就好鬼熱,個火大勁啦,連搽蜜糖嗰陣都好辛苦(因為喺個爐邊~)

好想攪多D呢類活動tim~好好玩呀!!

開始感覺到壓力啦,因為上個月我hit唔到個target,今個月佢地開始迫得我好緊,好驚呀!不過我都好有信心今個月一定可以做到100%,但係我個目標係130%,如果做唔到又會比人話啦...唔可以衰比人睇ga~

要努力D啦................