好耐都無嚟呢喥打日記lu~hehee

因為開咗個新blog,呢喥就差唔多忘記咗lu..

近排都無咩特別(其實發生咗好多嘢)..

但係就成日都去玩呀...飲嘢呀....

個黑眼圈大喥就嚟去到條頸啦.....

不過我間唔中都會post相上嚟ga~!!

早幾日放假同咗豬姐返大陸,我又去揼骨,第一次同自己D friend返大陸....好好玩呀

第二日我地就返香港去咗中環行街,本來諗住入LV行下...點知好忍唔住手就拎住一袋出番嚟,一睇到個袋就好鍾意啦,雖然好貴,但係最未都買咗...

夜晚我地食日本嘢,好好食好正,但係就食咗7百幾蚊,只係得4樣嘢加兩杯嘢飲....:.

我公司因為搬舖嘅關係..攪到呢個星期都要狂OT,好辛苦呀,終於踩咗五日有得放假啦...

臨放假前一日收工..就同咗肥豬一齊返大陸揼骨,不過幫我揼個女仔好似唔識咁...亂咁嚟~

唉~算啦...都當舒服咗好過無啦..

第二日就返香港喺屯門行街睇戲,我地睇~寶貝計劃,好攪笑又好感人喎,好好睇!

前幾日收工,我地攪咗個BBQ大會,有我地izzue..double park...ETE...b+ab...5cm嘅同事一齊燒,好多人哦~好開心,不過就好鬼熱,個火大勁啦,連搽蜜糖嗰陣都好辛苦(因為喺個爐邊~)

好想攪多D呢類活動tim~好好玩呀!!

開始感覺到壓力啦,因為上個月我hit唔到個target,今個月佢地開始迫得我好緊,好驚呀!不過我都好有信心今個月一定可以做到100%,但係我個目標係130%,如果做唔到又會比人話啦...唔可以衰比人睇ga~

要努力D啦................

今日同Wing去咗遊車河首先我地先去銅鑼灣I.T. shopping因為一連兩日""激安""大減價~~真係超抵!!我買咗兩件原價成千幾蚊嘅衫..折咗都只係幾百蚊

之後我地就上山頂行街本來諗住玩"信不信由你"...點之原來已經無咗啦好失望呀咁我地就影下相食下嘢我仲買咗GODVIA朱古力tim~雖然好鬼貴但係好好味ga

我地再落旺甬接埋豬收工一齊返去屯門食糖水跟住就返屋企lu

由16號開始..我正正式式成為一個full time啦哈哈~因為之前佢地係請我part tim嘅而睇表現睇下幾時轉好開心呀D同事都話我轉得快呀不過轉咗full time之後..都無咩唔同只係少咗幾日假啫但係返工嗰陣..投入感就大咗好多

要努力D先得!!

尋日放假但係一早就要去元朗開會今次同埋元朗鋪一齊開話就話shop meeting..其實又幾似上堂因為佢係教我地點樣喺電話喥約熟客嘅技巧都幾好呀~又學多樣嘢lu

開完會就同爸B媽咪帶Mini去沖涼之後我地就去太古城行街好耐都無去過啦~記得細個嗰陣..姑姐會帶我同埋表弟堂家姐一齊去踩冰大個咗就無去過lu

有時同屋企人一齊行街都好開心多D陪下佢地都好呀!