開始感覺到壓力啦,因為上個月我hit唔到個target,今個月佢地開始迫得我好緊,好驚呀!不過我都好有信心今個月一定可以做到100%,但係我個目標係130%,如果做唔到又會比人話啦...唔可以衰比人睇ga~

要努力D啦................

今日同Wing去咗遊車河首先我地先去銅鑼灣I.T. shopping因為一連兩日""激安""大減價~~真係超抵!!我買咗兩件原價成千幾蚊嘅衫..折咗都只係幾百蚊

之後我地就上山頂行街本來諗住玩"信不信由你"...點之原來已經無咗啦好失望呀咁我地就影下相食下嘢我仲買咗GODVIA朱古力tim~雖然好鬼貴但係好好味ga

我地再落旺甬接埋豬收工一齊返去屯門食糖水跟住就返屋企lu

由16號開始..我正正式式成為一個full time啦哈哈~因為之前佢地係請我part tim嘅而睇表現睇下幾時轉好開心呀D同事都話我轉得快呀不過轉咗full time之後..都無咩唔同只係少咗幾日假啫但係返工嗰陣..投入感就大咗好多

要努力D先得!!

尋日放假但係一早就要去元朗開會今次同埋元朗鋪一齊開話就話shop meeting..其實又幾似上堂因為佢係教我地點樣喺電話喥約熟客嘅技巧都幾好呀~又學多樣嘢lu

開完會就同爸B媽咪帶Mini去沖涼之後我地就去太古城行街好耐都無去過啦~記得細個嗰陣..姑姐會帶我同埋表弟堂家姐一齊去踩冰大個咗就無去過lu

有時同屋企人一齊行街都好開心多D陪下佢地都好呀!

哈哈~又比我見成工啦今次係做IT派咗去izzue返咗就嚟一個星期lu..都幾好呀又做得幾開心喎D同事又好肯幫我同教我仲要返工好近..唔洗晨早起身搭幾個鐘車先返到公司喎真係幾好~如無意外..我諗今次應該返得長掛嘻嘻~

星期日同咗爸B媽咪公公婆婆去咗慈雲山探嫲嫲都好耐無去lu~嫲嫲嘅精神好好呀自從轉咗過嚟呢喥之後~嫲嫲就精令咗好多我都好開心真係要多謝晒D職員照顧我嫲嫲照顧得咁好Thanks!

之後我地就去咗尖沙咀行街喺海港城有個寶馬車展竟然有mini cooper呀我即刻沖咗去車手位影番張相真係唔捨得起身不過實在太多人啦

有錢嘅話一定會買................不過........................無錢!!

唉發覺自己嘅轉工速度就嚟快到連我自己都跟唔到做咗2個月左右..而家又無做lu可能我真係唔適合喺咁復雜嘅人際關係地方做啦

唔明點解D人唔可以好好相處平時都無咩兩句又攪唔到佢都可以對你有嘢擺到明針對..留難你講嘢又超級無禮貌都唔明佢地諗咩?......都係搵番D普通sales算啦

無嘢做...前幾日就同爸媽返大陸抖下訓到下2,3點先起身跟住狂煲碟好似完全忘記晒時間嘅存在好free好自在呀

終於又到我生日啦今年都係去咗唱K有一大班我嘅好好好朋友陪我真係開心到唔知點講大家都玩得好開心我仲收到好多禮物tim

• 肥豬送咗靚靚GUCCI銀包


• 我最好好嘅朋友們就送咗GUCCI皮帶


• 無嚟到嘅好好朋友們送咗WESTWOOD火機


• 美琪親手整咗個超好味嘅蛋糕

大家對我都好好呀

第二日正日肥豬就同我去咗行街街今日佢特別就我我講咩佢都聽咩都好如果日日都係咁就好啦