尋日放假但係一早就要去元朗開會今次同埋元朗鋪一齊開話就話shop meeting..其實又幾似上堂因為佢係教我地點樣喺電話喥約熟客嘅技巧都幾好呀~又學多樣嘢lu

開完會就同爸B媽咪帶Mini去沖涼之後我地就去太古城行街好耐都無去過啦~記得細個嗰陣..姑姐會帶我同埋表弟堂家姐一齊去踩冰大個咗就無去過lu

有時同屋企人一齊行街都好開心多D陪下佢地都好呀!

哈哈~又比我見成工啦今次係做IT派咗去izzue返咗就嚟一個星期lu..都幾好呀又做得幾開心喎D同事又好肯幫我同教我仲要返工好近..唔洗晨早起身搭幾個鐘車先返到公司喎真係幾好~如無意外..我諗今次應該返得長掛嘻嘻~

星期日同咗爸B媽咪公公婆婆去咗慈雲山探嫲嫲都好耐無去lu~嫲嫲嘅精神好好呀自從轉咗過嚟呢喥之後~嫲嫲就精令咗好多我都好開心真係要多謝晒D職員照顧我嫲嫲照顧得咁好Thanks!

之後我地就去咗尖沙咀行街喺海港城有個寶馬車展竟然有mini cooper呀我即刻沖咗去車手位影番張相真係唔捨得起身不過實在太多人啦

有錢嘅話一定會買................不過........................無錢!!

唉發覺自己嘅轉工速度就嚟快到連我自己都跟唔到做咗2個月左右..而家又無做lu可能我真係唔適合喺咁復雜嘅人際關係地方做啦

唔明點解D人唔可以好好相處平時都無咩兩句又攪唔到佢都可以對你有嘢擺到明針對..留難你講嘢又超級無禮貌都唔明佢地諗咩?......都係搵番D普通sales算啦

無嘢做...前幾日就同爸媽返大陸抖下訓到下2,3點先起身跟住狂煲碟好似完全忘記晒時間嘅存在好free好自在呀

終於又到我生日啦今年都係去咗唱K有一大班我嘅好好好朋友陪我真係開心到唔知點講大家都玩得好開心我仲收到好多禮物tim

• 肥豬送咗靚靚GUCCI銀包


• 我最好好嘅朋友們就送咗GUCCI皮帶


• 無嚟到嘅好好朋友們送咗WESTWOOD火機


• 美琪親手整咗個超好味嘅蛋糕

大家對我都好好呀

第二日正日肥豬就同我去咗行街街今日佢特別就我我講咩佢都聽咩都好如果日日都係咁就好啦

返咗工一個禮拜lu~無咩特別返到公司都係行行企企....幫下手整下D嘢...有D覺得自己似實Q不過都幾好...又唔算太辛苦(暫時)...但係就真係好遠要返到銅鑼灣搭車都用咗成個半鍾啦不過聽佢地講..呢間搵到錢喎希望真係啦~

今朝一早就出去見工第一間見嘅係一間J字頭嘅護膚品公司...佢叫我用英文講有關之前間公司嘅工作唉...............即刻啞咗

唯有見過第二間啦咁就去見SaSa...見咗好耐..又問D好難答嘅問題以為又係衰得點知佢竟然請我不過聽個friend講...話SaSa係一個地獄................

算啦~試下囉...有間大公司請已經好好架啦

呢幾日復活節假期同咗爸B..媽咪一齊返大陸我地首先去咗番禺搵媽咪個friend,喺佢屋企住咗晚佢帶我地去咗市橋行街第二日我地三個就出發去廣州行街lu我都有好多好多年無去過啦~夜晚返嚟嗰陣差D無車返嚟好彩最未都有車

我地喺天澤訓多晚(第三日)先返嚟因為爸B..媽咪要返工,第二朝((第4日)佢地就返香港先我就訓多一晚先返,因為我無電話,所以無話比佢地知點知佢地原來好擔心我以為我有咩事...攪到肥豬走上嚟搵我tim

呢幾日都好開心不過而家開始就要努力D搵工lu