超緊張! ! 又冇去到上堂，臨時臨急吹左2個氣球搵個毛公仔，係咁易練習下。點知又抽中大人，唉~~當堂咩心機都冇晒....好彩! 除左第一次吹唔到，之後都冇問題，如果考官唔係咁嚴謹都可以過骨既。

放工之後去左荃灣麗城搵阿介佢地，我冇落場打羽毛球呀，因為佢地有d朋友係度，我怕"生保"。打完之後佢地去介屋企沖涼，我本來都想去參觀下，不過我又冇出汗...唯有自己去灣仔搵熹佢地先。唔知點解今年冇上幾年咁好睇，冇晒d cosplay 人，最好睇都係睇d 7、8歲小朋友玩勁舞...實在..無言以對。最後一站就係去尖東睇戲，2點幾3點先落床訓...搞到第2朝唔記得左上急救補堂。

好多人以為我同屋企人住得咁近，我地一定係返屋企食飯，但實情係出街食既多。一來佢唔想去我屋企，二來阿媽話唔好...初初我未搵到野做，都可以行下街市，煮下飯仔。但我一開始返工就要加班，根本冇可能買到餸，所以都係佢煮得比較多。到目前為止，我只煮過3次，分別係...

          淥菜、蒸蛋、冬瓜湯

當中經過...飯要食過幾次爛飯/飯焦，水蛋變mcdonald半生熟蛋，冬瓜湯只有肉味，2個人飲成斤菜湯同食一隻燒鵝....先有咁既成績

由於咩都唔識煮，淨係識得煎，搞到2個人成面豆豆

7月11 12:00 數碼港 Ever Global HK Ltd secretary

7月12 10:30 上環 Diesel administrator

           2:30 長沙灣 Pro-cookware personal assistant

           4:00 朗豪坊 PCI secretary

7月16 10:00 葵涌 Lee Handerson HK Ltd secretary

7月17 5:00 灣仔 Servier HK Ltd secretary         

旺財都出左名貴，擇日咁大件事緊係要收$600。好多程序架~入伙前一晚係舊屋度燒一大疊三代衣，新屋唔洗講都要燒天神衣、地主衣、土地衣、門神衣，仲要準備雞、豬肉、生果、素菜(搵唔切酒樓煮= =)、10隻紅包(有少少紅既壽包頂替)、蔥頭、蒜頭、生菜、芹菜、花生、糖果、鮮花(賣薑花/白蘭花d阿婆唔知去晒邊....)、3杯荼、3杯酒、新碗、新筷、3碗湯圓(白開水煮住先)、2盞燈(已經裝左上天花)、算盤(好彩旺財比左)、間尺、剪刀、鏡、11:00-12:00拜神，另外四角擺d豆、32/56歲唔黎得拜神、大廳開燈3日3夜、3日唔洗頭/掃地/飲喜酒。咁就大吉大利、吉星高照、丁財兩旺、老少平安~~

明明訂2個衣櫃都可以送漏一個、掛衫條"通"又短左成cm、個梳妝枱又爆左玻璃、個抽屜又拉唔出、張床又比雨淋到有水漬，仲夠膽死收我$300上樓費#@#$%$^@#!

好辛苦咁抺左一日，勉強可以比笨鋪地下....有d後悔冇退貨添

講好左我度既係窗size，我都唔明點解d窗簾長度都可以差咁多= =好彩佢肯收返同我放長d，如果唔係又繼組合櫃放唔落電視機後錯多樣...

雖然$18000裝修好多人都話平，但搞到d傢私送貨日一改再改，就唔係咁好。幾經辛苦終於等到佢地搞掂，比個場人地油油。本來琴日都可以清場，點知星期日鑽牆比人報警投訴，真係唔衰攞黎衰。