沒有刻上文字　天天不會忘懷 自我深愛著你　遲早也會活埋 像這風眼移近　捲走一對愛的人 沒有比這樣更對　還給你今天的身份 沒法讀　的眼神　當中千古奧秘不可解 但再讀　一顆心　就看見一個我　亦看見一個你 原來真愛共生　哪怕與你共死去　真心不可理喻 沒法分開半天　有著愛人生變甜 原來真愛共生　你我下世共生　看著美夢變成真 在這刻不再分　My heart my soul my dream 沒有刻上文字　天天感覺窩心 自我深愛著你　遲早也會活埋 沒法讀　的眼神　當中千古奧秘不可解 但再讀　也開心　就看見一個你 原來真愛共生　哪怕與你共死去　真心不可理喻 沒法分開半天　有著愛人生變甜 原來真愛共生　你我下世共生　看著美夢變成真 在這刻不再分　My heart my soul my dream 沒有假裝　當碰到以後 共你熱情　放了沒法可收 願共抱天天也不憂　我讓每一秒停留 愉快的心聲一一接收 原來真愛共生　哪怕與你共死去　真心不可理喻 沒法分開半天　有著愛人生變甜 原來真愛共生　你我下世共生　看著美夢變成真 在這刻不再分　My heart my soul my dream 在這刻不再分　My heart my soul my dream

我寫Hompy已經差不多成四年啦！

呢四年裡面我衷心多謝所有曾經到訪嘅每一位朋友，令到我呢個怪獸部屋嘅遊灠人次達到160000人次以上，160000人次真的不是一個少的數字。

亦要多謝曾經響呢度留過言、俾過意見我嘅朋友們，多謝你哋每句真心嘅建議、提醒及意見。

要離開Hompy確實有點唔捨得，因為，我響度花咗不少心機兼用心去寫每篇文章，但既然這個已是不能改變的結果，我只好另找一個好地方讓我落地生根。

下面個網址就係我將會落地生根嘅新Blog地址啦！我一定會繼續努力同用心去寫我嘅日誌，當然亦希望你哋會繼續去支持我啦！

等待你哋嘅到訪....

http://www.amymagazine.com/amyblog/christyma7

親愛的客戶：

首先多謝各用戶對hompy, avatar及mini-games* 的支持．由於PCCW與合作伙伴韓國NHN Corporation合約屆滿， 因此由NHN Corporation提供的３項服務包括hompy、avatar及mini-games* 將於2009年10月5日起終止運作 (詳情)。我們明白是次改動將會為用戶帶來不便，因此我們已經與NHN Corporation商議，於未來數月盡力協助用戶，將終止服務的影響減至最低。

Hompy 方面，我們理解到用戶最希望可以為所有曾於hompy內發表的文章作存檔，所以我們將會推出『備份小工具』，透過此工具大家一按即可為自已曾於hompy內發表的文章作存檔，而工具將於7月6日推出，希望為大家帶來方便。

為方便聆聽各用戶的查詢及需要，我們已特別開設一個全新的電郵nowforum@netvigator.com，歡迎用戶就是次服務的改動提出查詢及意見；此外，亦歡迎大家到我們討論區內的專區發表意見。

*mini games 網上遊戲包括：上海、keep住拆、四川省、四川省多人玩、3D美式桌球、9balls美式桌球、啤牌美式桌球、五子棋、步行棋、捉錯處、鑽石方塊，BINGO、採地雷、魔法圖案接龍。

稍後時間將公佈有關詳情，敬請留意。

電訊盈科媒體有限公司

。。。。。。。。。。。。。。。。。。。。。。。。。。。。。。。。。。。。。。。

有無搞錯嫁....？！如果唔係因為呢度可以放歌的話，我都唔會用呢度寫Blog，亦唔係因為響度寫開Blog的話，鬼得閒用你呢個台上網，貴夾唔抵....。最令人討厭的是剛續約，搞到走唔到....Cheap爆！

『聽話的男人不用管，

   不聽話的男人，要管也管不到。

   對你好的男人不用管，

   對你不好的男人，不會讓你管。

   愛你的男人不用管，

   不愛你的，你管不來。』

轉載自：小嫻部落   http://www.amymagazine.com/amyblog/siuhan

。。。。。。。。。。。。。。。。。。。。。。。。。。。。。

哈哈...我係一個多多要求、多多意見、多多挑剔、多多想法、多麼主觀嘅人，其實我嘅性格確實有點難頂呢。

睇完小嫻呢段文字，忽然好似點醒咗我喎！

無錯...如果對方是愛妳的，又怎會讓妳感到擔心、操心、傷心、痛心、失望、缺乏安全感覺呢？！他眼中只會希望妳活在幸福感覺當中。

要管人...其實並不快樂，要管一個並不懂珍惜妳的人...更加令人痛悲！

別人沒有珍惜妳，還需要那麼堅持嗎？如此下去...只會令大家相處得更痛苦...生不如死呢？

如果大家曾經努力過，仍不能挽救呢段感情，其實分手比任何方式更來得快樂和開心呢！

死不信命...只會帶來更多的痛苦與不快。

愛情是愛與愛的溝通，情與情的呼應，它無須形影相隨，卻要求心心相印。

我現在覺得很幸福，因為身邊有位很愛我的蜜糖，我心足了。

尋晚十點幾我已經攰到死，於是，機都唔打就走咗去沖涼，然後，9秒9攤上床...趴咗唔夠1分鐘已經瞓著咗lu！

我點知？呵呵...因為尋晚蜜糖幫我揼骨果陣，諗住同我傾計...我已經熟睡中無應佢啊嘛！所以，佢知我真係好攰。

今朝一早又俾佢摷醒，要我同佢食早餐，食飽飽我好識做地自動自覺請食早餐，話曬我尋日贏錢嘛。

跟住佢返工...我就走去Welcome買雞同免治豬肉，因為，蜜糖恨食我整嘅焗蜜糖鹽焗雞，同想飲魚肚粟米羹喎！見自己放假梗要有點作為啦！

今日返早...比預期輕鬆得多...因為平時星期五會算係比較忙碌的一日，點知一個醫生都無出現過喎！呵呵~~

放工俾姐姐撩打牌，打到夜晚九點幾，最終小勝$370蚊。多得蜜糖遙遠發功咋！

最內咎嘅係...陪唔到蜜糖食晚飯，攪到佢有點失落，Sorry~~

尋日同蜜糖一齊放假，倆個人食飽飽早餐便返屋企hea，到晏晝兩點零先再出動，走咗入元朗嘆我至愛車仔麵，蜜糖真係好有記性，咁都記得我哋已經兩個星期無食過lu！

食飽再走去揾巴士搭去銅鑼灣，唔洗九個字已經可以由元朗出到香港，走去IKEA行咗陣，食埋hotdog + 軟雪糕，滿足曬lu！

之後，再搭地叉去奧海城Join埋Fion同釗哥，食日本任食放題，每位$149 + 1服務費，埋單成$660蚊，不值一試...重有點呻笨0添。

差不多10點左右便埋單鬆人，一行四人坐西鐵，去到元朗Fion叫我哋跟車，等我哋倆個唔洗轉來轉去，點知未上到車已經落大雨，但到落車果陣又出奇地停咗雨喎！

返到上樓未夠十分鐘，又閃電...又行雷...又落住傾盆大雨...橫風橫雨，嚇到BB同黑妹走返入籠。

麻煩釗哥載我哋外，亦多謝曬Fion嘅八哥杯、八哥公仔及手信，Thx！

終於收到灝霖嘅好消息，恭喜曬！記住等大哥鴻外遊返來約食飯呀！

。。。。。。。。。。。。。。。。。。。。。。。。。。。。。

半夜被隻衰蚊襲擊我隻腳背，搞到我瞓得唔好，眼瞓嘅我俾蜜糖叫醒，我好想繼續瞓，但係佢話今日無水，要中午一點先有番食水，我一聽到咁嘅情況當然即刻彈起啦！再唔起身的話一陣咪無水刷牙、洗面同洗頭囉！

搞掂曬落樓...一入電梯一望張通告，唉！6月11號啊大哥，你都好大整蠱啫？！個衰人話記得係星期四，所以先咁講。係囉！真係星期四...不過係下個星期四啫。

同佢食埋早餐，就走咗去買料煲湯，今日好簡單...煲青、紅蘿蔔豬骨湯。

尋日病假...所以...除咗去搞一d私人事務同睇醫生外，其餘時間都留響屋企。

今日放假...同蜜糖食過早餐便返屋企。

下午要出外走走，睇定d野！

夜晚同Fion & 亞釗食晚飯。