昨晚的我跌到落谷底，今天又是你把我拉上天堂，心情好的我會不自覺哼歌，這點都給你發現～試問我又怎能從你手中逃走呢？

１６號個晚幫１１哥搞左個驚喜生日會？！其實都無咩驚喜可言，因為我事前口疏疏講曬大約詳情佢知^口^當然有些小保留喇～如果唔係邊好玩呢！

１７號．．．晨早見到一對情侶好嘔心咁係條街到咀左十幾分鐘，都算～後期唔知邊度搵條絲巾包埋個頭再咀～痴線架！！

夜晚，去左ｉｓｌａｎｄ　ｓｅａｆｏｏｄ到食飯，有人鍚住我荷包所以無咩點叫生蠔～多得呀ｖｉｃ既幫忙，成餐飯都好順利，特別係臨尾個女侍應拎住個插支蠟燭既甜品，應該最驚喜吧？

停左一個禮拜有多無打羽毛球，尋日一戰，兩個對手都唔係打開既，而家對腳近ｐａｔ位置行路有０的痛～不過最大問題係隻耳仔，無啦啦好鬼痛～加上喉嚨又有點痛，唔通我作感冒？！

呢場世界風暴卒之殺到埋身，大佬波要求我地清假，清曬所有大假補假例假之後，就開始放無薪假．．．唉～認真係世界難撈！！為左未雨綢繆，由而家開始要節衣縮食喇～

暖左幾日,唔知係我唔夠訓定係作病,我覺得今日又凍返~

尋晚屋企食打閘蟹,是好平的那種~第一次食,雖然係細隻但都覺得好好味,遲幾日叫呀媽再買先得,今次要買大隻0的既~原來食大閘蟹真係會上癮...^_^

之前買左本書,睇左大半又放左係度,可能係因為係散文,無咩追看意慾~台劇又係睇到第十集既一半又停左無睇,冬天就快黎,人變得更懶><日記都唔係好想打,不過上網已經睇到無野睇,就上黎寫幾句黎打發時間吧~

09-11-08

真係凍左好鬼多,之前買落既長袖衫可以拎出黎著lu~~今日著既個件桃紅色既衫,有個呀姐話好睇呀！但eddie聽到就係度笑我同0的呀姐差唔多品味囉...唉~真係唔知講咩好!

我覺得而家0的司機好無禮貌,有事要你幫個陣0的態度都一樣好差,仲成日喂喂聲,勁唔鍾意同佢地講野~

收工同左winnie & 企鵝食飯,winnie唔係幾開心,所以我地陪佢囉~總之就一言難盡喇~其實好好咁傾下唔得咩?點解個個都咁偏激呢....?!之後去左影貼紙相,其實我對呢個活動而家興趣大減,不過見難得就無所謂啦~

5號個晚同企鵝winnie食糖水,當係同企鵝慶祝生日,大家都要返工就唔到一齊食飯~個日我同winnie都岩岩收工又肚餓,叫左$48腸粉=口=3個人合力KO左佢,哈~

6號晚收工,睇住個女人衝出馬路俾個巴士撞到,嚇到我呆左一晚~

真係病左,不過沒有很嚴重,當日一時氣憤,以為病左咩都唔駛做,其實係錯的~工仍然要返,氣仍然要受~個唇瘡仲未好,個口擘得太大會爆裂,哈哈~

十幾日都拍唔到更,人都癲~今日放假終於見到面傾到計,呼~

凍左好多,冬天要來臨囉~而家秋天變得好短,係因為全球暖化問題嗎?可能到我老左個陣香港都無左冬天lu~

平時好小會有機會同呀媽坐埋一齊傾計，今日同佢一齊放工坐巴士，就傾起屋企最近發生既問題，大家都好擔心呀爸對於份新工應唔應付到，見佢每日返黎個樣都好累，而且周身痛咁既樣，我地都唔係幾開心，但又無辦法～呀媽都話想出黎做野，希望呀爸唔駛咁辛苦～所以而家份ＰＡＲＴ　ＴＩＭＥ都叫佢做住先，至少佢搵到俾自己駛，咁佢都唔駛咁辛苦左計右計。而我都唔可以置身事外，或者係時候好好想下應該點做。

我的工作很忙很忙很忙，破了一個新紀錄～我又為著自己的工作哭了，沒事的，就偶爾發洩一下情緒～

我想病～請快一點病！！生了一小個唇瘡～沒有用的～我要的是傷風或感冒～病就會想訓，訓著我就會咩都唔記得～

其實事情並不如我們想所的。

成個禮拜都訓得唔好，差不多日日都發惡夢，仲要唔係普通俾鬼追個種，而係世界末日，死人”冧”樓，次次都嚇醒左就唔敢再訓，不過第二朝諗返起又有點笑料囉～低能到爆燈．．．

唉～返早對我黎講真係好痛苦已經訓得唔好，好死唔死呢個禮拜又好忙；食飯又要同人迫，自己又得一個人～快發癲喇我～

尋日臨收工先衰收尾，好彩趕得切返元朗睇戲，約左ｃａｔｈｙ睇＜歌舞青春３＞，頭二集都想睇，不過到而家都未睇，成套戲志在睇唱歌同跳舞，都ｏｋ既。ｃａｔｈｙ話戲入面既情節同佢係美國既差唔多，又係成日開ｐａｒｔｙ，真係開心～

呢兩日有0的運滯...還好唔係咩大問題,過左去就算了~

周董隻碟我未得閒買,雖然已經聽緊,有幾首都唔錯,特別係"說好的幸福呢?"喜歡個歌名係一個問句。

打完羽毛球後既周身痛已經好得七七八八,星期一已經約定再打過,希望到時ok喇~運動對身體好丫嘛^﹏^

p.s 呀叔,我就唔到同你一齊online,4號我未必去到同yuki,kiki慶祝生日~更表未出,我應該2號放假...