最近心情理應係好開心嘅,但事實上係又忐忑、又不安、又無奈,其實可能係我多疑又或者係多心啩,但總係覺得你有事瞞住我,知道出聲問你又會是大吵一場,無奈只好唔出聲,希望你可以對我坦白啲,只係想知道你嘅想法,結果係好定係唔好都已經有晒準備架喇,我想要嘅祗係一個真實答案!!

自問一直大家都好好,根本上係一個凹、一個凸嘅絶配,但原來當有其他嘢出現嘅時候,係會帶來沖擊架,你對其他人嘅關懷、細心、注意,我現在先知道原來係咁細緻架,但相反對我嘅了解又是否有咁細緻呢?

有啲嘢相同你講---我對你點,你知道嗎?你嘅想法係點架?你對其他人咁好,明白我嘅感受嗎?問題係咪會愈來愈多呢?係咪時間已經太耐喇?係咪已經今非昔比喇?......真係希望你會知道,你是最重要的~~

p.s.希望你留意下首歌啦...

由8月份開始,就係我嘅新生活,因為我由嗰日開始就會調去翠屏邨分行喇!

今次嘅調動係機於自己對行嘅不滿而產生嘅,亦係我自己主動要求嘅,雖然當中發生了好多問題如:現任主管唔肯放我走,但係我亦都好大膽同坦白咁同幾位主管話,如果唔可以幫我安排調行,我就會辭職,今次我係好認真架,連信都打埋,我一定要離開啲個地方!!

皇天不負有心人,我終於可以如願以常,但係件事仲未完結,由於現任主管仍然糾纏於放人嘅問題上,我現況只係限於借調,喺一個月後就要返去,但我現在已從多個方向埋手,我今次走咗出嚟一定唔會返去,我已經諗掂,最壞打算就係唔做!

有幾句說話想同你講:真係唔好再浪費大家嘅時間喇,你有咩手段都無用架,因為主導權係我呀,我唔要係你分行做,你耐得我何咩?我就算唔做我都唔會返嚟,其實我真係覺得你要檢討吓你自己啦,唔好成日覺得啲同事有問題,如果你無問題的話,試問又點會係短短3個月裡面有成6 ,7個同事辭職呀,唔好再自欺欺人啦!

今年8月我就係呢間公司第10個年頭喇,呢10年我真係得到咗好多, 同時亦失去咗好多!如果有人問我:[你後悔嗎?]喺兩年前我可以第一時間答佢唔會,因為當時我好鍾意我嘅工作、我嘅同事甚至對自己嘅將來好有希望。

但好痛心嘅係如果你而家問我,我會好猶豫咁話俾你知我好想離開、好想走因為我覺得喺呢度做嘢好唔開心、好失望,但係內心依然對分行傳有一絲嘅憧憬、一絲嘅希望。

無奈嘅係~~我係呢間行嘅一份子;

無奈嘅係~~有一班唔團結、唔合作嘅同事;

無奈嘅係~~有一個喜歡被擦鞋嘅老闆;

無奈嘅係~~有一個瞎子嘅老闆;

無奈嘅係~~有一個無用嘅老闆;

無奈嘅係~~只要你唔同流合污,你就係一個異人;

無奈嘅係~~我得到咗甲狀腺病(情緒病的一種);

無奈嘅係~~自己開始失去動力、失去要求!!

坦白的,如果你付出咗10年嘅時間,得到嘅就係如此,你會開心嗎?你還會有鬥志嗎?

各位親朋好友:大家嘅關心真的令我好感動,但係亦唔想詭大家,現階段真係無法令心情平靜下來,個人實在是非常煩燥、困擾,可能現階段嘅表現或者係言語間會得失各位,希望大家可以體諒、以及諒解!!

各位愛我同關心我嘅親朋好友,今日好開心咁同大家講,我終於都重生喇,我可以放低支枴杖做返個正常人喇!!

回想返由30/12/06入院到今日,呢段時間真係我人生最難過嘅時間! 作為一個運動員,又或者係一個無時停嘅人,呢種恐怖嘅感覺真係好得人驚,內心嘅恐懼係無辦法用文字去表達架!喺最初入院嗰2星期裡面,好坦白講我真係一天比一天絕望架,因為連醫生咁專業嘅人都揾唔到原因,甚至係無辦法去醫,當時我真係好低落,每當夜晚一個人嘅時候就係喊,自己根本接受唔到自己會變成咁樣,每當諗到之後嘅路就會失控, 好驚我往後嘅日子就會咁過! 好在到最後都可以揾到個原因!!

出院之後以為一切都好喇,但係行動始終都未能完完全全咁康復,有一段時間甚至係覺得無乜進展添,成日都要攞住支枴杖真係好麻煩,同埋最憎就係啲人嘅目光,真係好無禮貌架,試過有一次同埋我同事個女出去行街,啲人用啲好歧視嘅目光望住我,個小朋友差啲想走過去鬧佢呀!!哈哈.....

點都好啦,所有嘢總算過去喇,由今日開始就係我重生嘅一日,希望往後嘅日子都可以好好咁生活啦!!

開心---一個好似好易做到嘅事,但係原來一啲都唔容易!

人愈大就愈難有呢種感覺,可能係因為接觸嘅人同事都愈來愈多,睇嘅嘢亦都愈來愈唔同,但係若果一直咁落去的話,後果一定會不堪設想!!

真係好想好似以前咁,每一日都過得好開心,好積極!!身邊好多人成日都同我講,我個人太過固執,好多時都好堅持己見,但係咁真係有問題嗎?我想都有一定嘅程度的,但係我的堅持又真的是錯誤嗎?自己付出了咁多嘅時間同精神,但換來這個結果(得到呢個病同埋呢個前景)又有人會明白我嗎?我明白付出唔一定同結果成正比,但係又真的會有這麼大的出入嗎?坦白的,我真係好唔甘心,我真的覺得好痛,努力嘅結果未必一定係好,但都未至於如此吧!!

現在真的對自己所做嘅事開始動揺,開始分別唔到對與錯,開始對人有戒心(包括我身邊嘅朋友)呢一切一切嘅感覺都好恐怖,當一個人每日都生活在惶恐之中,還可以得到快樂嗎??

呢幾日係我最低落嘅時間,無論係私事定公事都好唔開心,真係可以唔諗嗎??係一定唔得架!!!!

你知道嘛??真係好痛...好似抖唔到氣...但無能為力...唯有等待...但係要幾耐??希望可以好快吧!!

我有幾痛你知道嘛??你明白嘛??你感受得到嘛??希望再有機會讓你知道我已經改變了!!

弟兄姊妹                  主唱:草蜢

 在妳眼中的我
 就像個要疼愛的小子
 做什麼都有妳能倚靠
 亦耐心聽我愛情史
 若我覺得需要便任我痛快放聲呼叫
 在電話聽我每事傾訴
 絕未當做無聊

當承受不起的苦
 有妳呵護
 當難自禁地慶幸
 隨時來為我歡呼

 誰可以比
 從沒有擔心與猜忌
 默默承諾我
 來做我最敬重知己
 誰可以比
 從沒有呼天與搶地
 便是憑運氣
 能遇上妳
 還幸有妳

 *REPAT*

 妳有我欠缺的眼光
 妳有勸慰我的秘方
 永沒壓力
 隨我喜歡怎幹
 妳就像童年那道動人陽光

給最開心的人

窮途末路之時　我急需的是妳聲音
每當天色昏沉　妳就像太陽為我暖身
對於朋友　妳的細心
已足夠花去半數時間
尚有精神娛樂大家　從沒離群

情路段段不幸　妳用辦法沒有上心
慣於利用經驗　叫身邊的人勇敢
對於情感　妳很有心
卻未曾聽過妳埋怨
為了打救旁人幸福　沒時間傷心

＊感激妳　最開心的人
　陪伴著我每個無眠夜深
　用妳笑聲　修補我不幸
　過濾失落重獲信心

　只不過　誰為妳認真
　習慣了悲哀中救傷的妳
　沒法放開　開心的責任
　抱著心事無人問　壯烈犧牲＊

每當落淚之前　妳可找誰聽妳說話
每當熱鬧之後　妳最想誰為妳留下
記得那天　妳失了蹤
我頓時驚覺我未能夠
像妳一半有耐性　為旁人操心

REPEAT＊

多得妳　最開心的人
陪伴著我　每個難熬夜深
用妳笑聲　粉飾了天地
告別失望　無懼氣溫

只不過　誰為妳著緊
習慣了悲哀中救傷的妳
沒法放開　開心的責任
抱著心事無人問　壯烈犧牲

若妳想哭　即管放心吧　我不會過問
妳可盡情在我肩膊哭泣　做個凡人