昨天一面，不其然問「什麼是緣，什麼是份?」

既然無份為何要有緣，兩人南轅北轍為何要相愛?

相愛後為何卻障礙重重無法携手皆老?

到底是天意還是人意?

放棄並不因為堅強…

是因太軟弱所以選擇逃避受傷，

我已經再無力承受一串又一串的感情挫敗..

所以我們才講 『再見』..

劇集有大結局，hompy有大結局，人生都有不同的大結果..只是結果有時好亦有時壞!

Hompy見證過亦引出過一段珍貴的感情，可惜hompy要劇終而剛巧這段感情亦畫上句號。最近開始清理日誌時，發覺很多東西人面依舊...但已面目全非。就像相片一樣人們以為留下了最好的回憶，回憶它的好處是大家永遠無法再觸碰所以美好，而現實因為尚在當前所以並不美麗而亦不會去珍惜。

美好的東西只能活在回憶當中，人生就是這樣充滿無奈，有時即使好好保養物件，時間仍然會鏽食它們，這便是無奈，只要曾經好好保養過的話即使壞掉也就不會遺憾。

唱片花掉了，留下的只會空轉...何不放掉沒有靈魂的唱片..

今日睇左巾國梟雄大結局，真係幾好睇。其實我好少追劇，因為無耐性慢慢追，不過大結局就多數都會睇，一套劇睇開頭、中間同結尾就會略知一二，所以好多細緻我其實係唔知既。

不過我鐘意呢套劇兩個主角從來都無開始過情人關係，只係保持係一段潛藏既情深，一段連當事人都無諗過既男女關係，或者係生係果d年代就連諗都唔敢諗，所以只可以用亦親亦友既關係去發展另一段不一樣既感情。

呢d先叫高層次既愛情關係，呢d就係童話中既愛情感覺，唔係果d白雪公主同白馬王子拖下手唱下歌就叫童話式既愛情，果d叫無知! 又或者係一個平民嫁比王族，果d都只不過中左六合彩咁啫!

童話中既愛情就係呢d無私無悔，一心一意用盡心用血去令自己心愛既人過得幸福同快樂! 但千其唔好意為因為自己唔肯盡力去愛同保護人，跟住放手比佢自己去揾幸福呢d叫偉大，其實係最無聊既做法，男人比較容易有呢種諗法! 其實放棄只代表你愛佢愛得太少，少到更本唔想付出所以就用希望你幸福呢個借口，實際係<<你死你賤，自己攪掂>>囉!

不過係呢個有性先有愛既現世代，都好難領略到呢d另一層次既滿足感!

世間什愛叫純潔 你甘願化振翅紅蝴蝶
飽經挫折 傷口淌血都不至會磨滅
世間什愛叫純潔 處在絕望仍力竭
留守最尾一起哪怕曆劫 

拍拖原來真係唔係兩個人既事，估唔到新時代都仍然會有現代版羅茱事件! 越來越覺得無信心，實在太多波折! 都咪話唔灰!

自從上次包完粽後就好似種金咁，不停有其他粽種出lei。前日開始有一隻好大隻的大頭粽出現係雪柜，大到好似面咁大好恐怖，見到都飽晒。琴日又有六隻新粽出現，三只甜三只咸。今日又出現左三只，一只係內地同事拎比我地既試下既，都出現得好正常!

但係...另外2隻就，係呀媽買番lei ! 我問佢咁多粽係到仲買?佢好理直氣壯咁話要試下買d好唔好食wor!!    ! 呢樣都未算絕...最絕係呀媽竟然買左廿隻咸蛋準備再包過!

睇怕端午果日我可以開檔賣粽!!!

今日又是傾盤大雨的一天，近幾天很多水蟻周圍飛，白蟻繁殖期到了，就曾泥土被雨水浸鬆時成千上萬破土而出，周不時有十多隻誤闖入屋內，那也沒法子唯有將它們消滅，否則被它們在屋內開支散葉可就慘!

今早早餐就是昨天的粽，先吃媽媽包的糯米多而綠豆少，可能很多人也不喜愛糯米多，但我喜歡。無論什麼餡料始終是將來一個美好回憶，所以很美味! 美味在我有一起參與整個過程，我的回憶不只糯米與綠豆之間，還有當中的對話和情景，很多事情我們以為還有很多明天，但是時間永遠便在我們忽略間流走，到一天醒過來時一切都無法挽回，留下一個又一個遺憾給自己在明天的禮物!

幫媽媽買餸後我就出發去新屋，也可順帶一隻粽子做午餐! 那裡將會是我人生中另一編新頁....

今日同呀媽一連氣包左二十隻粽，其實並唔算大製作。不過年年都會包，因為呢個係中國人傳統，買番黎既粽總係感覺差太遠，不是味道而是意義上。

出街食飯初初可能都會帶D驚喜，慢慢經常去的話就會生厭，但住家飯永遠都有家既味道，就算同一樣的餸每家每戶都有自既既味道，呢種味道足以維繫一個家庭既熱度。制作做節品時通常都會比較大陣容，所以平時好難會的起心肝整，只有節日到時就好似起身番工鬧鐘響時一樣，沒有推托既餘地，要在節日前做好所有東西。

我永遠都會記得細個時屋企炸油角煎堆同包粽子既情形，呢D係其中一樣最深刻既回憶，所以現在人們放棄呢D傳統體驗，其實係好可惜既事情。

今日包粽時比呀媽指指點點，呀媽好興奮咁，因為平時好多嘢因為年老關係都會做唔到或無咁好，呢樣嘢令佢拾回成功感。因為佢真係包得快過我同叻過我好多!

琴日真係好開心因為找回一個好耐無見既好朋友，耐到幾乎以為呢個朋友已經消失左。原來它還生存只是有時會處於睡眠狀態，存在著但不著痕跡…

將來會發生什麼事大家都不會知道，但今天我所知道的是....我還是愛他，就是這麼簡單一個理由已足夠繼續維繫這段感情，明天的事何必想太多!