Text : 馮禮慈

Kenny G "Rhythm and Romance" Live in Hong Kong
Date & Time (Fri) 9 May 2008 at 8pm Venue AsiaWorld-Arena

Famous saxophonist Kenny G is returning to Hong Kong once again to play his latest music . The concert will take place on May 9 at Asia-World Expo Arena. Kenny G is attempting something new this time – by adding in Latino flavours such as Samba, Salsa, Tango and even Bossa Nova.

Text : 馮禮慈
 
Gracenote 是間網上音樂專門公司，提供不少資料調查與其他服務，iTunes, WinAMP, Windows Media Player 的音樂資料都是Gracenote提供的。 Gracenote最近公佈了大中華地區和亞洲區人們聽音樂的取向與口味，值得一看。
 
Gracenote公佈最近中國（未計台灣）最受歡迎頭九名歌手藝人順序為：
周杰倫、
王力宏、
SHE、
The Beatles、
莫扎特、
Linkin Park、
Avril Lavigne、
濱崎步、
王菲。
 
頭十張最受歡迎專輯中，周杰倫佔了三名。
 
台灣最受歡迎頭十名歌手藝人順序為：
周杰倫、
莫扎特、
The Beatles、
濱崎步、
貝多芬、
王若琳、
Linkin Park、
巴哈、
蔡依林、
孫燕姿。
 
周杰倫在海峽兩岸都是No。1歌手。古典作曲家莫扎特、貝多芬和巴哈都入圍，可見古典音樂有好多人聽。另一值得提的是台灣新人王若琳，才剛推出了其首張專輯，即成為台灣Top 10歌手。犀利！
 
 
馬來西亞
馬來西亞最受歡迎頭歌手藝人順序為：
Avril Lavigne、
Linkin Park、
周杰倫、
My Chemical Romance、
Backstreet Boys、
Siti Nurhaliza、
Maroon 5、
Muse、
Ungu
Westlife。
 
 
新加坡  
 Gracenote公佈最近新加坡最受歡迎歌手藝人順序為：
周杰倫、
孫燕姿、
Linkin Park、
張學友、
SHE、
Hillsong、
Westlife
Avril Lavigne。
周杰倫又排第一。
     
印度
印度的受歡迎歌手順序為：
Linkin Park、
Backstreet Boys、
AR Rahamn、
Pink Floyd、
Kishore Kumar、
Bryan Adams、
Kaustubh.Com、
Enrique Iglesia、
Jagjit Singh
 Metallica。
頭十名中只有四位是印度歌手，其他的全是外國樂隊， Pink Floyd仍上榜，服未。
 
    至於日本和南韓，最受歡迎的幾乎全是當地歌手藝人。
  
    至於香港，大概由於香港面積小和入口太少，Gracenote並沒有香港的數字。
 
    從以上各地的統計，可見到：周杰倫橫掃中、台、馬來西亞和新加坡，肯定是華語音樂地區最受歡迎歌手，大大拋離對手。不過，在Gracenote同一榜上，周杰倫往往出現兩次，而這錯誤並非出現一次，而是重複出現，顯然Gracenote在統計上是有錯。大家睇下作為參考就夠。要看詳細Gracenote調查結果，請到：http://www.gracenote.com/map/

TEXT:陸寶

一般打工仔，做咗幾年野，悶悶地心思思就想轉下工，諗住有新環境可能無咁悶，但係係香港做歌手就最惡搞，通常一兩張碟唔掂就要揾定後路，如果夠上鏡既都可能轉到做演員拍劇，如果繼續發展平平，拍劇都唔掂就就要拍烏蠅囉。比著以前，可以過台灣發展，但家下港星唔吃香，寶島土產歌星仲有價有市過港星，仲有幾多個好似郭天王咁，憑著一張俊臉係台灣發跡，紅到番奄過嚟香港，成為隻手可熱得嚟又唔失身…份0既天王。無計咪唯有向北望，但北上發展又唔係個個頂得順，所以好多人做唔夠幾年就要準備轉行，唔係做到無人想睇先走就真係太遲，始終光榮結業馨香好多。

曾經睇過某一集「志雲飯局」，曾志偉就以「雙槍理論」勉勵佢個寶貝仔，全因為阿仔想入電影圈，但曾志偉就話入行前要有兩手準備，如果無戲開，唔可以停晒手等運到，最好有多一瓣野可以餬口。我相信呢個理論都好啱各位新晉歌手使，而家係人都知齋出唱碟係無咩$$$賺，所以應該唱歌之餘搞下其他細藝，我個人就覺得功夫加唱歌大有作為，oh! Shit! 俾人用咗條橋添！

如果係一個女歌手想轉行，就比較容易，但係老闆唔俾你走，要告到你甩褲呢？咁就要揾個大靠山啦，而且最好揾阿李生，假若李生肯開水喉支持，你既生命直頭得到重生一樣。不過，世間上仲淨番幾多個李生，而且一日未結成夫妻，一日都未上岸，所有野都好唔穩陣，所以應該快D行埋，由歌手轉型做闊太，你睇下葉玉卿幾上等，唔唱歌嫁咗人之後生活幾豪，坐私人飛機由花旗國飛返香港，一來一回使咗勁多個零。聽聞下次葉玉卿同佢先生，會坐穿梭機上月球同「明周」影封面，大家記住要留意。

這邊廂有人因為公司要節源，就唯有轉攻讀設計，被迫設計一下自己0既前途，那邊廂有人想退又唔退，自動提出齋退出香港娛樂圈，嘗試過九龍果邊揾食。其實退出都有好處，過多十年八載，又可以出番山掘下金，成個人立即又生猛番晒，大家當年為你歡呼過0既歌粉絲又勁開心，你睇下嗰5位差唔多四張野0既中佬，今年仍然以New Kids on the Block之名出0黎reunion，大佬！80’s boy band喎，今年係邊年話？！NKOTB都要翻奄，可想而知「見好收」係一個唔錯0既生存之道。順帶一提，成員Jonathan Knight停止咗演藝生涯之後，現職地產發展商，可以話轉型轉得幾成功，歌手們要學下野，唔好以為淨係可以做保險經紀得架。

有人迫住要轉型，有人漏夜趕K場，你睇下崔建邦，做做下勁歌主持，又要客串下唱番兩咀。唱緊0既又無得唱，唔唱得0既又走去唱，係咁0既循環底下，會有邊個肯甘心俾$$$買碟？難怪齋買唱片維持唔到生計。

Text：袁智聰

上星期看《World Wide Bape Heads Live Show 2008 In Hong Kong》，由Nigo領軍的Teriyaki Boyz與Pharrell的N*E*R*D與Kanye West難得地同場演出，而以Full Band兼有雙鼓手上陣的N*E*R*D之表演又絕頂精采，本來這是一件很潮很型很酷的事。

誰不知在入場時，大會竟悉心地向觀眾派發吹氣Bong Bong棒，於是整晚在場內就”Bong”過不停，成件事當堂無咁型。

Bong Bong棒，就是一樣相當之”Un-cool”的東西，太過港式演唱會及群眾文娛活動的產物——不知從何時開始，由那些聖誕新年倒數活動到某些歌星演唱會或大型音樂活動(如音樂頒獎典禮)，大會皆準備了吹氣Bong Bong棒向觀眾派發，以為現場氣氛製造「掌聲如雷」的熱烈效果。當然，無啦啦有嘢派俾大家，皆因這些Bong Bong棒通常都有Spoonser嘛。

正如昔日的港式演唱會，總少不了觀眾們揮動瑩光棒的場面；那麼現在則有拍打Bong Bong棒。總之是一棒在手，睇演唱會也份外好Feel。這些都是港產演唱會的獨有風景，在外國包你揾唔到。

於是，本來是演出時拍手鼓掌位，所聽到已不是人肉「啪啪聲」，而變成了”Bong Bong”聲敲打。

其實我也幾討厭Bong Bong棒這東西。一來那”Bong Bong”聲好刺耳；二來前面觀眾高舉Bong Bong棒，定必阻礙後面觀眾視線，三來唔環保，製造了大堆塑膠垃圾；四來最怕前後左右有人係又”Bong”唔係又”Bong”，跟著歌拍和但又甩哂拍——我不是要求每位看演唱會的觀眾都是節奏感音樂感十足，但用上Bong Bong棒打拍子而又甩拍的話，便分外出事。

一場演唱會，觀眾們送上人氣鼎盛的掌聲與歡呼聲，絕對有著現場氣氛推波助瀾的作用。問題是當掌聲已由”Bong Bong”聲代替時，所有鼓掌與拍和，也彷彿顯得機械化起來，有欠人性化之感覺。

在這個高清的年代，倘若若干年後大抵會有人煞有介事地分析——在舊日的演唱會現場專輯裡聽到的掌聲是「啪啪聲」，但後來卻換上成為”Bong Bong”聲，原來是一種俗稱Bong Bong棒的吹氣棒敲打出來是也。

Text : 馮禮慈

有隊中國樂隊叫吹波糖。
 
你會以為是女子偶像派性感歌舞組合。原來不是，吹波糖是搖滾樂隊，來自廣東，男子組，唱粵語。
 
吹波糖玩的不是吹波糖音樂，他們玩Indie Rock、Pop Rock，以青春為賣點，處處突顯燃燒青春及反叛定位。
 
不過，拿《青春殘酷物語》作為專輯名字，未免不夠新鮮。「青春殘酷物語」這六個字，在各類型作品中，已被用過不知幾多幾多次了。
 
而吹波糖樂隊成立了已十年！嘩，成立了已十年，成員年紀大概不會太小了吧？還「青春殘酷物語」？還吹波糖？是不是太老成了？
 
撇開這些不談，純純粹粹講音樂，吹波糖還可以聽，他們的音樂有一定的青春感，有能量，幾有力，唔錯。聽吹波糖的歌，令人想起早期Beyond（有幾多隊華語樂隊能完全不受Beyond影響呢？）還有一點點花兒樂隊的感覺，還有好少好少的五月天。但到底吹波糖能發展出自己的聲音，不太似別人，算係o甘啦。
 
吹波糖的弱點是歌詞。太文藝了。有時太過小女孩，有點肉麻呀。
 
總結：吹波糖看來要想想走較成熟一點的路線了。要大多幾年，還吹甚麼波糖？

即聽  吹波糖《青春殘酷物語》

Text : 黃志淙

有些觀賞經歷是不能代替的。
戲院大銀幕看一些影像壯觀的電影，比起家庭影院，始終震撼得多。
在電影節看了Sean Penn執導的《Into The Wild》（浪蕩天涯），男主角Christopher獨自闖蕩美國荒野及阿拉斯加的公路歷程，箇中的啟發及感動，再配上Eddie Vedder（Pearl Jam樂隊主音）的音樂和歌聲，感染力超強。
另外一齣以Bob Dylan為題的有趣野心之作《I’m not There》（七個尋找卜戴倫的角色），超越一切音樂傳奇電影的創作手法。不同角色演繹之中，以Cate Blanchett女扮男裝最為觸目。要了解60年代反戰民歌傳奇不斷重新反思及定位，要明白音樂怎樣帶動解放世界，這是重要一課。Bob Dylan的經典作如＜Times They Are A’ Changing＞、＜Blowing in the Wind＞、＜Like a Rolling Stone＞、＜Knocking on Heaven’s Door＞等，是任何年代、任何地方的年青人都要聽的作品。

現場音樂會，同樣亦屬於CD及DVD等不能取代的音樂生活／文化／經驗。
看了Khalil方大同的音樂會，他真的一天一天在進步，未來無可限量。還記得04年在這裡替他監製他的第一個Solo Concert，當時，心情已感到無限興奮，因為難得遇上一位如此年青、全能、真誠的音樂人。

天氣漸暖，差不多可以進行下水禮的同時，Live繼續熱鬧。
World Wide Bape (10/4)是潮人和Hip Hop迷的熱切期待。相比上次在西九看Kanye West時，此風肯定再進一步熱熾了。正式改名叫Pop TV Arena的西九露天場地，英倫新浪漫不老傳奇Duran Duran在12/4的再度登場，肯定是“80’s人”聚舊之夜，新一代想見識英式型格Band Sound，亦絕不能錯失。
5月天，美國波士頓Pop Rock新員Click Five在Star Hall(20/5)的音樂會，可讓大家見證，靚仔band仔，不一定無料，事關在Berkelee音樂學院出身，並非等閒之輩。事實上，他們的大碟《Modern Minds & Pastimes》好聽得來很實淨。
至於喜歡＜You’re Beautiful＞這首前兩年世界數碼下載冠軍歌曲，主唱者James Blunt將於5月15日首次於港開騷。
五月的異國風情，還有日本Visual Rock Band L’Arc-en-Ciel。90年代尾，他們和Luna Sea及Glay等都曾瘋魔不少樂迷，indie band中模仿者亦不乏。
當然，French May法國五月，每年都帶來驚喜。當年有Emilie Simon，今年則有Keren Ann (12/5)，喜歡詩意派、低潮沉默創作音樂，她定能打動您。另一個選擇Maxence Cyrin (8/5)，他以鋼琴翻玩電子樂篇章，把DM、Massive Attack、Moby ，Daft Punk和Aphex Twins等樂曲，彈出新味道。

近日聽了很多興奮新碟，值得推介的：
R.E.M ＜Accelerate＞
－回勇狀態，重磅搖擺，火氣十足。

Rolling Stones＜Shine a Light＞
－馬田史高西斯親近挑選自己的心水滾石名曲，為紀錄片電影配樂，增添紀念價值。

Sergio Mendes＜Encanto＞
－與Will.i.am及Fergie再玩Crossover，巴西大師集中玩Samba及Bossa Nova，熟練開心，暑假提早來臨。

Yael Naim＜New Soul＞
－一首Mac book air的廣告主題曲，令這位猶太裔女樂手一舉成名。大碟並非全然討好，但單曲及MV的清新可喜，真令人想入「飛飛」。

Panic at the disco＜Pretty Odd＞
－一隊深受披頭四影響的樂隊，由Las Vegas錄製到倫敦Abbey Road Studios錄弦樂及混音，完全致敬式地投入60年代最偉大Band Sound的境界，誠意、功力及效果都令人滿意。

Rolling Stones＜Shine a Light＞

Yael Naim＜New Soul＞

Text : 馮禮慈

     快聽！快快聽！快聽Michael Learns To Rock 的新歌“ I Walk This Road Alone”！
     這是首改編歌--------是外國改編中文歌的歌！
     我們聽中文歌改編外國歌聽得多，甚少甚少聽到外國歌改編中文歌。聽到外國歌改編中文歌，自然會感到高興。

    Michael Learns To Rock新歌“ I Walk This Road Alone”新歌改編自崔健的《一無所有》！
崔健你聽過未？崔健是中國搖滾教父，他的《一無所有》是中國搖滾開天闢地之頭號No。1歌曲，如今Michael Learns To Rock將這歌改成英文唱出，保留搖滾風格，唱英文，聽落另有一番風味，是Michael Learns To Rock向崔健與中國搖滾致敬之作。

   聽到外國樂隊向崔健致敬，是崔健之光，我為他感到高興。
   當然，只得一個半個外國歌改編中文歌例子，這說不上是華語樂壇甚麼成就或大突破。不過到底這是個好開始，值得高興和支持。希望我們陸續有其他華語歌能有其他突破。下一個可能是你。

    另一被收編的華語流行曲，是---------光良的《童話》。
光良《童話》被韓國歌手金亨中及風景先後翻唱，最近還被日本歌手中孝介翻唱成日本版，此曲收錄在中孝介專輯《花間道》中。要想聽這日本版《童話》，大家可找市面上的精選雜錦CD《冬日戀人》，日本版《童話》就收錄於這Cd之中。據悉，新加坡新人Aliff Aziz也再改編及翻唱了《童話》。
光良的《童話》，真係Hit到爆燈。查實光良為梁靜茹創作的《勇氣》，早前也被安七炫與吳建豪組成的“Kangta &Vanness” 改編成韓文版。

所以話，只要你有料，那會怕無人聽/無人知/無人要？

Michael Learns To Rock -《I Walk This Road Alone》

崔健 -《一無所有》

中孝介 -《童話 (Tong Hua)》

text:陸寶

好衰唔衰今次本人遲晒大到，八點半先到亞洲國際博覽館，好彩去到仲未開波，但由停車場行去會場閒閒地都要成10分鐘，沿途就不停咁嗌咪話「表演將會演出，觀眾請盡早入場」，但想快都快唔到，我都無劉翔跑得咁快，仲要好衰唔衰行到中途唔嗌咪，十幾秒後就真係吹雞開波，場外聽到有音樂奏起，真係「手心又係肉，左手又係肉」，趕到我呀！？

入到場館，現場觀眾剛剛起哄，一個二個企晒起身，high到不能，後排人士紛紛博大霧衝上前，我一路行一路就見呢觀眾好似走鬼咁。我唯有揾番自己個位，定一定驚先，現場工作人員已經失魂落魄，係咁意指個方向，係茫茫人海中，好不容易先揾到第二個帶位，完全聽唔到佢講咩，因為現場音樂太大聲，手指係咁意揚一揚，示意係嗰頭，但所有人企晒起身，係要用特異功能加X光眼，先有機會揾到自己個位。於是乎，我就只好跟住人潮行上前，由後排行到中前排位置，一於化身成攝石人，見有位就攝，攝到位之後我就知點解觀眾要上前，個會場都無任何螢光幕，如果坐係後排，只係會見到5個疑似Maroon 5成員表演，完全睇唔出邊個打邊個，分分鐘揾幾個中國人扮都仲得。

開頭雖然有少少混亂，個個企晒係樓梯、通道到睇，無幾耐就有「實Q」出現驅散，叫做有番秩序(不過亂企都幾好氣氛) ，但原來是次演唱會有另一大貢獻：超爆音響，真係振耳欲聾嗰隻，每當音樂一起，基本上無可能同到隔離個朋友用說話溝通，咬耳仔都聽唔得清楚，有時maroon 5會玩首歌長D，首歌臨完嗰陣都會Jam番下先，但嗰支電吉他真係直插入我塊耳膜，搞到我完場時成耳仔勁「轟」，返歸後久久都未能回服正常，成晚都做聾耳陳。

不過個演唱會真係好精采，觀眾反應勁爆，對m5首首歌都耳熟能詳，現場所見，入場都幾多老外，不停咁隊啤酒之餘，最後仲high到騎膊馬，連Maroon 5個主音Adam都話去過好多地方表演，香港人就最投入，仲話會番奄再來香港，下次仲會學多D廣東話添，作為一個外國演唱會埋齋仲要出奇地有兩次encore，你都咪話我地觀眾唔冧。

即聽Maroon 5 最新大碟《1.22.03 Acoustic》