text:陸寶

最近人氣回勇郭天王，雖然晨早plug 0左首信心爆棚大作 ”I am Aaron Kwok”, 但要去到家下先拍MV宣傳，可能阿郭天王忙啦，啱啱攞左金馬影帝，又拍緊譚師傅出山之作「父子」，12月初又要出新碟，忙時忙，碟幾時出都無所謂，MV就唔可以遲啦，唔係D K迷邊有得表演呀？係K場hit到擰冧把溫好過係流行榜擰冠軍啦大佬。阿郭天王個MV仲出動私伙，紅色百萬美金戰車，用以表達天王有火熱信念喎。咁呢個都應該算係百萬MV，同樣都係七個位0既大製作，近期就有林憶蓮0既「本色」，MV中請了包括五十多名舞蹈藝員、兩組佈景、準備了三套名裝示人，話就話七個位制製作費，但睇0黎睇去，都唔知果幾百粒使0左係邊？

講到百萬MV，我最得係陳慧琳首「phone殺令」，又有程小東執導，又有奚仲文做美指，Kelly又有三大特色做型：俠女、cyber look，同著錯和服做型。成個MV 0既焦點梗係阿Kelly擰住把刀周圍劈，劈完電話，又係中環週圍劈，跳過部名車凌空劈爆部靚車，部車係程大導割愛借出0黎比Kelly玩。不過睇完真係得啖笑，都唔明點周街劈，情歌啫，點解要凌空劈爆部車？！

你有公司揼本百萬，我有歌手自己掏腰包。余文樂為0左拍「晴天行雷」MV，就出動友情牌，搵新晉導演黃精甫執導，余文樂為0左個落雨效果，仲自己科水幾皮0野租水車，阿黃導演又週圍「碌卡」拍膊頭搵幫手，真係誠意可貴。但話時話，首歌叫「晴天行雷」，點解無行雷，反而有雨落？

百萬製作成為高品質MV 0既指標，但我就想問一句，有幾多唱碟可以有七個位數字0既製作費？

littleoslo(又係佢！)0既blog有一篇關於方大同新碟 "SOULBOY" 0既碟評。今年咁多新人之中，佢可能唔係最LOUD 0既一個，但係只要你聽過佢0既音樂，甚至好彩地已經聽過佢0既LIVE，你一定會記得佢0既聲音同埋佢聽得人好舒服0既音樂。

LINK

一眾網民 on 方大同:

http://hompy.netvigator.com/main/comments/djpatricia/Weblog/music_%E5%A4%9A%E8%AC%9D%E5%A4%A7%E5%90%8C?type=comment

http://myblog.hk/pccon.php?id=114&nid=8642&s=all&tid=297

平時大笑姑婆的小儀，原來文筆十分亮麗。他用reborn再生的角度，說了一個有關周國賢的文章。想看看在電台聽不到/看不到小儀的另一面。到她的blog看看吧。

LINK

Text：袁智聰

在那個無得唱K、無得上網的年代，每晚「電視劇撈飯」是從前港人的「純樸生活」集體回憶。電視精追電視劇，電視劇主題曲亦固然聽得滾瓜爛熟，也是何解當年的經典電視劇主題曲，迄今仍叫港人津津樂道、回味無窮。

正如明哥在<翡翠劇場>裡唱道：「用無敵旋律開餐/用肥皂長劇送飯」，那個年代，我們的確有過「營養豐富」的高質素電視劇主題曲來送飯；歌星們新碟有首可以「每晚熱播」的電視劇主題曲，其宣傳與促銷效用毫不下於被電台勁plug。

電視劇主題曲，就儼如一個「入屋」指標。家中還在唸幼稚園階段的小孩除了兒歌和卡通片主題曲外，能教他們琅琅上口的就是電視劇主題曲。甚至我相信電視劇主題曲是不少朋友在童年時代最早接觸到的「流行音樂」。

今天我不追看電視劇，但晚飯時段家中電視還是慣性收視地收看TVB，對當今的電視劇主題曲，也略懂一二。

據知TVB成立了自家的音樂製作部門，所以過去兩年間，劇集的主題曲和插曲，十居其九是交由片中主角親自演繹，實行肥水不流別人田，讓一眾小生與姐仔們越界當起歌星來，彷彿要建立其自成一派的「TVB系」歌曲。況且對於一位「藝人」來說，那總算是好事，起碼到外地走埠登台時，話晒有自己的歌，不用0下0下都執人口水尾，唱別人的歌而已。

問題是大部分小生與姐仔們本身都不是歌手出身，也聽不出有何音樂底子，他們的歌藝，誠然大多數只屬「唱K」水平，有些藝員的歌聲甚至是幾「另類」。打造出，就是一批不夠水準的新一代電視劇主題曲。要你一星期聽足五晚，其實幾難頂。

還是多得今天電腦音樂製作軟件發達，即使你怎樣五音不全，也可以把你的歌聲執得四四正正出來，包無走音，人人都一嘗歌星夢。

我們對昔日電視劇主題曲的集體回憶，是一首首有質素有份量的經典金曲；他朝這一代孩子對電視劇主題曲的回憶，就是一批唱的生生硬硬、無乜感情的「營養不良」之作。

想起上星期我家四歲半小兒突然失驚無神黎姿上身，以「哀怨」腔調唱出了幾句《胭脂水粉》主題曲，都幾驚嚇。這陣子，飯後還是早點帶他落街踢波為妙。

=======================

睇完可以去埋袁sir個網繼續讀音樂

詩君＠農夫

吃靈芝補品纖體修身，通常聽見的功效都是讓你年輕幾歲反老還童溝死仔/女云云。但前幾天小弟發現一個更方便快捷的方法 -- 買六同的首張大碟《Soulboy》。

自LMF拆伙、Jay-Z退休，很久沒有那種聽聞邊個邊個今日出碟，然後唔理銀包剩底幾多錢，立即帶備discman衝到最近那間CD鋪買番隻聽的感覺。唯獨六同於出碟當天的來電另小弟重拾舊夢，回到少年十下十下時。

全職做音樂之後，除了間唔中會窮到「訓」橋底之外，還多買了或download了很多不同音樂種類CD。聽別人的歌，目的通常是看看有甚麼東西可供「參考」，你知啦，天下文章一大…… 「參考」。

但老實說，在香港實在少有歌手或組合能令我們(農夫)這些玩rap的音樂人帶來衝擊；縱使現在大家都試圖去做一些較Hip Hop/R&B的音樂。但大部份都只是虛有其表、有形無實，因為沒有接觸開黑人音樂的創作人大多都不知道R&B的根在哪；無根草，長不大。

在大同的debut中，我們能找到Hip Hop/R&B最基本的東西----soul music。要做這種音樂無疑是在踩鋼線，因為它有別於pop/rock，沒有既定而搶耳的melody、沒有編曲豐富的音樂底；全曲只是一個loop到尾，與rap同出一轍，主要是看歌手如何以他的創意與音樂感令歌曲變得有趣，比較起來，soul music更考驗歌手的真材實料，所以一般包裝出來的偶像歌手根本沒可能玩到這種音樂。

大同叻在夠膽，掂在夠料。這張debut 大碟《Soulboy》要讚的地方太多，寫這篇碟評實在很大壓力，一來小弟較愛造謠生事，寫樂評通常評人多過評歌；二來<>作為大同的首張專輯已幾近無得彈，要彈的都是一些雞蛋裡的骨頭，無謂亂咁挑。唯獨那個叫人有點尷尬的封面……..

給《Soulboy》的評語：簡單直接的歌詞，感動得來全不作狀；實而不華的音樂，groovy得來耳根清靜。現在香港的音樂太多古靈精怪的粉飾包裝，令整件事情變得很虛假。所以大同一定要紅，讓更多人找回音樂的品味。

一直以來，很想在樂評/碟評內說這一句話，”這張唱片全碟推介”。

大同讓我認識到音樂是：沒有味精，更有味道。

=========================

睇完可以去埋C君@fama個hompy

方大同 - 大同的音樂世界 hompy

由網上走到電視再走到迪迪尼樂園，要選05年香港最大奇蹟之一，KellyJackie是入硬圍，擰硬獎的一個。

由免費的網上廣為流傳，到今日真金白銀出碟。究竟網上的能量是否可以轉化為銷量，令網絡音樂人可以專心做音樂，不再是興趣小組。姑勿論你喜歡他們音樂與否，KellyJackie& Royals的嘗試，希望是成功的，令更多香港的睡房音樂創作人可以找到一個方向。

littleoslo的blog內有首張EP短評，有興建趣的朋友請看看。

LINK

5條弦線，一個共鳴箱，圓圓笨笨的可愛做型....木結他可能是最常見的樂器。

不同樣貌外形的結他相信大家都見過不少。但你見過結他的內部嗎？平凡的外表，原來內裡的結構是如此複雜，又如此美麗。

LI GUITAR的BLOG，有些非常漂亮的結他內部的相。不捨得「打爆」自己結他的朋友，去看看吧！

LINK

text:陸寶

國 際 唱 片 業 協 會 香 港 分 會 昨 日 入 稟 法 院 ， 向 22 名 於 本 港 利 用 點 對 點 技 術 非 法 交 換 音 樂 的 網 民 展 開 民 事 索 償 ， 與 全 球 另 外 16 個 地 區 ， 同 時 間 展 開 打 擊 網 上 音 樂 侵 權 行 動 。
協 會 總 裁 馮 添 枝 表 示 ， 這 22 名 網 民 是 他 們 隨 機 於 網 上 搜 索 ， 發 現 他 們 提 供 過 百 個 音 樂 檔 案 供 人 下 載 ， 當 中 更 有 未 出 版 的 歌 曲 。

馮 添 枝 表 示 ， 是 根 據 IP 地 址 去 鎖 定 這 批 網 民 。他 又 說 ， 業 界 過 去 推 行 各 種 教 育 ， 但 成 效 不 大 ， 唯 有 以 法 律 行 動 對 付 侵 權 者

喂！如果有係呢廿二烈士其中一人，擺封信出嚟睇睇好喎，我都想知封信寫D咩，好嚇人喎。唔係啦，我都係棄暗投明，一於應徵呢份工，
http://www.jobsdb.com/HK/EN/Job.asp?R=JDB062756821&38164

IFPI 請人捉BT/Winmx喎，如果請左我，第一個要捉咪係我自己乎？捉還捉，IFPI可唔可以教下我點先算犯法？非法Download mp3就一定唔啱，但究竟凈係download有無事呢？但係BT要一邊download一邊upload喎，咁算唔算我有份upload咖？有無人可以話我知？

我家下好似香港其他人一樣，用mp3機聽歌，我真金百銀去買cd，呢cd又落左protect，自己又轉唔到mp3，就算轉到都侵犯版權，我又唔能夠非法download，但我呢D普羅百姓可以點？唱片公司又唔出mp3碟，唔通個天會跌D mp3落泥比我，我而家唔係唔支持，我肯科水喎，但我點樣可以支持呀？

話時話，落係cd果D唔應該叫protect啦，叫降頭啦，用電腦聽cd會領野既！原來SONY BMG的CD入面的防抄技術個program有病毒，感染病毒己經衰啦，仲要透過email散發病毒，嘩！諸九族定連坐法啊？！使唔使咁狠毒呀老友？！

如果upload/download真係斷正比海關捉到，會唔會好似「古惑天皇」咁被判囚3個月啊？聽完D歌手講仲心寒：

古 巨 基 ： 「 真 係 好 到 爆 ， 始 終 係 全 球 第 一 宗 ， 算 係 一 次 警 惕 ， 佢 的 確 犯 法 ， 唔 係 講 笑 ， 真 係 要 坐 監 ， 今 次 真 係 做 到 警 惕 效 果 ， 如 果 有 人 再 犯 就 要 再 重 判 。 」

陳 奕 迅 ： 「 抵 死 ， 判 刑 輕 得 滯 ， 三 年 呀 ， 唔 好 ， 十 年 就 差 唔 多 ， 佢 係 剝 削 緊 我 ， 直 情 好 似 扯 我 頭 髮 咁 ， 你 諗 我 頭 髮 幾 珍 貴 ， 又 電 又 染 ， 連 頭 髮 毛 囊 都 扯 甩 埋 ， 生 唔 番 啦 ， 植 都 植 唔 番 落 去 ！

阿四哥之子撞車頂包都係判處監禁2星期,法官說當頭棒喝哦，天皇要重判十年？ 呢個咩世界？我都係聽收音機算把啦。