係岩岩過左去呢個星期都算黑仔.... 每逄個日要出街總去不成 唔係落雨 行雷 閃電 就眼仔發炎 一係朋友仔有要事... 等等.... 仲要係有三次都換好衫 出得門口個隻 激鬼死~! 所以近排有個口頭蟬 連個天都唔鍾意我啦 唉~! 出唔到去都算 連我至錫既小點都曳完一次又一次 大個仔啦 開始由BB 到小朋友 學識曳曳 仲要學識發我脾氣 攪到我勞氣非常 差唔多成個禮拜 都留守佢係天台 冇落過黎屋企 淨係聽到佢d 好似BB 咁呱呱叫喊聲 好好笑架

話咁快又年尾啦~! 係呢個時刻 我決定出年將我間洗衣舖轉營 賺番少少頂手費 轉我多年黎都想開Boutique 至少我會有心機做先 一直以黎開呢間舖都唔係我所願 唔係因為媽咪 我都唔會去開... 開呢間舖頭原意攪番好同佢關係... 可惜事與願為 關係仲差左 跟住落黎我就開始冇心機去做 所以決定出年創造番我個希望 理想 希望會成功啦~! 

哼~! 唔制呀 諗住出年1月去下西藏 搭下西藏鐵路 點知... 原來鐵路會封閉架.... 冇得搭 咁去黎做咩喎  冬天天氣個邊夠哂凍 好鬼夠feel 架 夠哂激 而且係岩岩開發完未被變質呢段時間去就最好啦 但呢家唯有取消 要延期 好失望.... 呀!!!! 唯有呢家去首爾滑雪先啦 雖然刺激性欠奉 但都可以係個邊留意下行程 有冇適合衫引入番香港第日售賣 所以會係個邊逗留多一,二日 會係件好事黎

P.s 嘻~~ 打左咁耐都係時間攰攰地啦 等我又去下打下麻雀仔先 下次再黎憶述過啦~! Bye  

１,２,３,４,５,６,７.....１８,１９日.... 足足１９日冇update Ｂｌｏｇ _~
又做左19日懶豬 係咪冇上網定電腦壞左呢... 通通都錯... 祇係一上網就掛住開呢個MSN.... 同呢個[明星三缺一]囉 卡卡

但呢段時間發覺自己真係改變左 生活上 思想上 都唔同 冇左以前個種爛玩 好勝 生活充實左 唔再好似以前咁淨係識掛住去玩 GD! 連自己都覺得滿意 下個星期五 我仲學泰拳呀!! 好期待好興奮又好驚 哈哈 但講俾佢地聽 個個都好愕然咁 驚我學識後會成日郁手郁腳用佢地黎試拳咁話喎 卡卡~! 正傻瓜 

....um 可惜今日天陰陰 預算今日返大陸玩 奇實都唔知去唔去得成 希望夜d天氣會好轉些 最怕就係地濕濕咁周圍去 仲要係大陸啵 驚地又濕會仲污穢 如果真係去唔成 就好好留係屋企回憶下呢19日內事好好咁寫番落黎 呵呵    

大腦堆積很多問題 呢幾日終於都好好想通  

明白呢刻自己需要咩 唔需要咩
我唔想再為拍拖而拍拖 唔想因為玩而玩 落黎我想隨心而做
最想就係為自己好好而過 開心 舒服 日子

過往事已過 雖然唔好受 但轉角度睇 認清楚自己 經歷完 唸通完 覺得自己成熟左 平靜左  應該說句多謝才對

雖然有d事曾存有懷疑 但好好仔細諗 好與壞奇實自己都好清楚 唔好因為某d人 而影響之間關係

過去啦 過去啦 心結 疑問 亦解開不少 雨後彩虹出現啦
 但願真正的我亦開始復活

今日終於都同左隻衰豬睇e~生 原來係皮膚病 有齊四種咁多 會傳染其他狗仔 小點豬要隔離啊....
心痛死

叫隻衰豬唔同芫茜玩 實悶鬼死佢 又要用藥水沖涼 浸身 佢最唔鍾意沖涼同水架啦... 呢家仲要一個禮拜2次 佢實憎死 希望小點豬快d好 唔好再咁痕痕 皮膚靚靚生番d毛毛   

開心係要自己去搵 唔會自然送上 好多事都已經發生完 坐係度唔開心都係徒然 不如努力面向明天 令每一日過得開心 精彩 還更好~!

以前曾經一句話 亦是常常掛在口邊 可惜咁耐都漸漸忘記 開心日子要過 唔開心日子亦要過 點解唔揀開開心心日子咁過 路係自己去揀 點解偏偏選擇一條唔開心路 唔開心事每個都會發生 我又何必為已過去事而執著

今晚好想搵人傾下計 好想搵人ee~哦哦下

個心好唔舒服好亂又唔係話好煩又唔係 即係點.....

自己知點做 但又總係好想搵人不吐不快 凡人煩人 真係冇錯.....

哈... 連自己都覺得自己煩

我睇得感情太重要 成日都俾呢d事牽住 奇實我應該放精神去其他 唔應該成日掛住感情
大個女~! 唔可以成日掛住男男女女事

好多事仲等住我去做..... 唉....

覺得自己真係好冇用.....

11月1日零晨5點天氣報告: 氣溫24度 天氣乾燥 吹清勁北至東北風
 一號戒備信號 又現正生效

所以請朝早起身朋友仔們 著多件衫 以免天氣忽冷忽熱而病倒+上萬聖節狂歡後 唔夠訓而導至抵抗力下降 所以請加 注意 注意 !
而且極有可能相信 今日係今年入秋以黎最涼一日   

                                   
         哈佬喂各位請盡慶狂歡 ∩_∩ 今晚夜~!