左我生日前我對一個人說過我想結婚,但他說我只是一時唔開心先會講d咁既野,但係到左前幾日,真係人話要同我結婚,我的感覺是開心,但我亦都知道她只係講笑的,而係多日來的工作,令我不能念得太多,直到今日,天空下了一場雨,我的身體就不知不覺地,跟着雨點而行,都好耐未試過,有一種咁自由既感覺了,我就好似聽到雨的聲音,被雨點灑在面上,令我感到個人清醒左,我念我要既唔係結婚,而係我想搵一個可以愛我同關心我既人係我身邊,令我得已成長.仲記得第一次失戀的時候,我係一個下著雨的晚上,由大埔行到沙田,然後又行番屋企,那時都係只有雨點陪著我過的.

一連三日既夜班工作已經完成,total三天只係訓左十二個半鍾.........想死,但係唔知點解,今晚我仲想返工,可能近來生意唔係敢好,日日都係得一兩單野做,真係搵左都唔就養車,話咁快就已經半年,生意都係麻麻,一係多到做唔到,一係就無野做,日日就好似d人搵女朋友咁,得過等字,我念再係咁樣的話,我都係真係要放棄了.

原來可以痛,可以哭,都係一件好事,心裡的不安,話我知,我失去的是愛,當我發現自己變得懶惰的時候,我去問自己,得到的答案是因為我已經失去了愛,現在的我沒心痛,沒眼淚,有的只是一個空洞身軀,每天的生活只有工作,工作再工作,其實如果我話今年的生日,我係一D都唔開心,一D都唔快樂,咁你地會點,我唔係話有你地陪我所以我唔開心,而係我發覺我既生活已經唔存在開心兩個字,生日快樂原來係假的,點解我的生日會一D快樂都無,點解我的生活係咁平淡,點解...............................,我好掛住愛一個人的感覺.

今年既生日終於過了,問心個句,有開心,也有唔開心,好平淡,26號當晚朋友唔多,但係都玩得幾開心,而到最尾,我既結果都係醉左,直到30號晚,一到十二點的時候連續幾個電話的祝福,雖然沒有太大的驚喜,但係我都覺得開心(因為打黎的人年年都會打比我的),唯一的問題係,有兩個年年都同我講生日快樂的人,今年無打比我,佢地一個直到下午先打比我,而另外一個重竟然唔記得,唉......................真失望,直到晚上,我又同阮,泡和一個遲左好多好多先打比我的人去左食泰國菜,味道唔錯,而個老闆仲勁好人,請左我地飲酒,食完後,送左個fd番屋企,之後自己一個人去左海濱度飲,總結是開心,因為有豪,Dick,叮噹,k.k.,阮,泡,肥蟲,兆康,基,馬仔,文文...........................等等陪我過 ,而唔開心的是,和我最耐的朋友,沒和我慶祝,我最想見的人,沒有出現,等等

今個月既30號就係我的生日,已經決定左26號,即係星期六係尖沙咀既bar度搞生日,原本想係今年既生日度,叫曬d朋友同一d耐無見既朋友出黎見下面既,但係世事既野總係不能盡如人意,因為好多人都話唔黎,搞到我都有d唔想搞,不過唔得,因為已經約好左一些人,所以點都要去,記得前年既生日願望係希望明年的生日,我可以有一個女朋友陪我過,點知願望唔靈,而且上年既生日,我因為心情唔係太好,所以都無約人出黎玩,但係到生日個日,就突然有好多fd走左出黎,所以嗰晚都玩得幾開心,但係今年就唔知了,女朋友一樣係無,最想見既人,我到而家都無勇氣叫佢黎,而有幾多朋友會黎,我到而家都未知,但係今天係我媽媽的生日,一如以往,一家人去左唱k,至於玩得開唔開,ok啦,起碼可以一家人坐係度,唱下歌,講下笑咁啦,細路已經搬左出去住,一個月先番黎一兩次,而我因為工作,所以好多時佢番到黎,我都訓左,所以都好小可以同佢講下野,而今日見到佢,我都有問下佢近來點,佢話ok,但係我都搬過出去住,我又點會唔知佢點吖,以前我搵萬幾蚊一個月,我都唔夠用,佢而家得個六,七千又點會夠用吖,最後都係個句,有事就打比我啦,一世人兩兄弟,無計啦,你地話係唔係???

都有一陣子無打日記了,無計啦,工作上日日都咁忙,不過都有事發生,話說星期六,我的朋友同我搞生日,點解咁早???因為有個朋友,25號就要番英國,所以咪提早搞囉,嗰晚去到西灣河集合的時候,比我見到佢,雖然我係好想見到佢,而去到西灣河的時候,我都有念過,我會唔會見到佢呢,點知我真係見到,但係唔知點解,我無叫佢,連望我都只係望左一眼,咁佢就走左,佢既出現令到當晚生日的我,不知如何笑著過,整晚自己一個人,念咩,唔知,唔開心d咩,我都唔知,只係一個人係度飲,終於到走的時候,我也沒有笑過.(有時當流星出現時,我們會十分開心,但係光輝閃過的時候,人就變得無奈,機會是天給我的,可是我沒有勇氣.

一個問題,沒有答案,問我也沒用.我跟本唔知道,如果我知,我會說出來,但係妳問的,就係我一直所念的,我自己都無答案,咁我又點答呢?:em_22

兄妹般關係 萬勿暴露情感
待我好 畢竟真的太笨
抱緊你 只恐加添責任
回絕你 惟恐孤單要忍

知道不可能 我也有權愛慕
無論智慧永遠次人一等
陪在你左右得到單戀的毒癮
你怕我浪費感情 無用費心

無論愛跟被愛 誰也沒有自由
感動過其實更難受
完全奉獻不論薄酬 慚愧地在托著頭
用愛換來內疚