今日睇睇下漫畫，發現左一句說話好適合我…

『雜草就是不夠顯眼、不過它們能忍受無數次的踐踏…而且越踐踏就越強。』呢句話的確好似師叔講個句『石頭』的比喻…

『你只係一個石頭，無論你點努力，你都只係一個石頭，無可能可以同鑽石比、只不過如果你肯努力、不斷去打磨…你都會成為一個耀眼既石頭、一個比未經打磨的鑽石更耀眼既石頭。』

我覺得自己真係好適合用『雜草』或者『石頭』去比喻自己…不過我希望自己真係可以成為一個『打磨過既石頭』、『不顯眼但強悍的雜草』

下一次的比賽巳經決定左勒，3月26日…我既目標只有一個…嬴

完左、亦都輸左勒…今次我最後一次打-60kg 既比賽始終都係輸左…雖然係都做驘左一場先輸，不過始終都係攞唔到獎…係我心目中都係輸…再加上連自己都覺得兩場都打得唔好…浪費左辛辛苦苦減左個半月磅既努力…雖然天尉師兄話我可能因為減得太勁所以今次習中唔到精神、發揮唔到應有既水準…唉

完左勒…以後我唔會再打-60kg 既級別啦…升上一級打-66kg…日後可能會俾打-60更加辛苦，不過路只有一絛，如果想繼續打柔道、想進步就只有行呢絛路…可以做既只有再俾心機d練、俾以前更加努力…希望成績真係可以好d啦，不過自己真係無咩信心…始終自己覺得自己無論係感情、柔道都係一個 loser，試問一個 loser 點會對未知既未來有信心呢??宜家只有不停加操…希望可以咁樣令到自己有d信心…

之前1月2日同成班師兄弟(當然有女仔啦)去左師父祈福間屋度玩…老實講玩就無咩點玩…主打都係食同傾計，不過由於自己重要減磅，所以食就無我份…嗚嗚…見到佢地食得好鬼好食…個個都食到抱著個肚走…好難受ar!!!!第一次打邊爐係打個"打"字…夾著件野食又無得食…唯有夾俾人食law…

不過同師父傾計的確好開心…連自己有好多好多唔想或者無諗住同人講既野都講埋…不經不覺由7點幾傾到第二朝7點幾…當中天尉師兄，阿恕同咖倫都講左好多佢地既建議同睇法 (其實阿生師兄都有在場，不過全程佢都無講過野)。不過最估唔到既係師父同我講既野，我諗都無諗過師父會講D咁既野…當然其中都講中我心裡面既野…令到我係當眾落淚…其中feel到師父同一班師兄都好想build up我個信心，我明白佢地個苦心架…不過講真信心真係唔係一下只就可以build up到，anyway 我真係好多謝你地對我既關心同照顧，可以因為我既事講足幾個鐘…我諗你地唔係傻既、就一定係極級無聊勒…不過你地俾我feel到你地好緊張我、好想我開心…你地俾到一家人既感覺…多謝你地…我愛你地ar!!!!

重有3日就比賽勒…減磅終於到左最後階段…好彩上磅都算OK，重差半 kg 就無問題啦…身體狀況都算OK，宜家只有繼續 keep 住自己既訓練，希望可以打好個比賽…事關今次會將會係我最後一次打 -60kg級，我唔想呢次比賽會有任何遺憾…不過我真係好想有人可以同我打氣、同我講加油…當然最希望係你同我講一聲 "加油"、一聲就足夠勒…

近日不斷努力咁減磅，only foucs 係自己決定既"地獄式減磅"呢種方法…不過的確係好辛苦…一路減磅一路發現左d問題…

呢排發現自己d舊傷原來未好返哂，肩膀、左右腳都開始痛…好彩既係…都唔算好痛，都忍到既…宜家只係希望可以順利減得成個磅…重有around 2kg…加油!!!!!!!

遲d 1月8號將會可以打色帶賽，呢個係我從烏茲別克返黎之後第一個比賽，自從去左烏茲別克，見識到咩叫專業，咩叫認真練習之後，同其他人之間既距離。呢期個心好雄，好想練好d，好想打出d成績出黎…所以呢排特登去學新招、轉打法…( 呢度好多謝阿榮同師父好有耐性去train 我 )

不過今次比賽我需要減4kg、的確係有d麻煩…加上我決定今次減磅同以前既方式有d唔同…今次我唔會減去重量訓練…一方面繼續重量訓練去加強自己既力量、一方面去跑步減水…的確呢個方法係辛苦過以前剩係減水…不過我諗比賽要有成績，呢種減磅方法係可能最好，最有效既…

可能今日減得太盡、谷得太盡…攪到自己好似有d病，有d感冒…頭重腳輕，有d頭痛…當然自己立刻食藥啦…始終好想有個女朋友可以照顧下我…只須要問下我病成點巳經好足夠啦…可惜我無呢個人…唉…

由烏茲別克返黎巳經有4日啦，呢次出國比賽真係令我見識到好多好多野…最難得既係識到一班唔同國家既朋友、亦令我知道咩叫做國家級既練習…好有鼓舞作用!!!!!!!!!!!

由烏茲別克皇帝般既生活返到黎宜家係香港奴隸般既生活，今日開始"正式"返工，又開始我既"麥記"生活…一日三餐都係食麥記既生活…好彩呢種生活最多都係捱多8日，之後我就會離開呢種生活，不過最令我唔捨得既係一班好抵死，對我好好既同事…我愛你地ar!!!!!

今日最始凍啦…不過我覺得原來分左手得返我一個人既冬天，係可以凍得咁過份…個心情凍得咁冷清…

好耐無寫日記啦…呢十幾日實在太忙，忙到連訓都無時間訓…好彩終於完左啦…宜家只須要專心準備個比賽就得啦…

可能之前實在太忙、練習又少、休息時間就更加少…之前練左兩堂，都令個我十分之累，覺得自己無氣無力，有d力不從心…可能再加上個傷重未完全好返哂，令到自己未能夠練到自己既目標…希望出發前既呢幾日會好d，練得好d…

雖然出發去烏茲別克打呢個比賽，連自己都無諗過可以攞到獎牌。不過的確係一個好難得既經驗，感覺上係我人生既新一頁，希望可以係一個好既新一頁。只希望可以打好呢場比賽，唔想有任何遺憾…

傷養得7–8成，特訓明日就要從新開始…一定要俾心機，比以前更加認真﹗﹗