嘩嘩嘩~ 好可愛呀~~去到酒吧.....做咩有隻 兔仔 行黎行去既 ?

以為自己眼花~~我都係第一次係酒吧見有兔女郎~又幾得意喎...

走去問老闆..... 哦~~~~ 原來係酒吧請番黎既卓頭 _~~

咁新鮮~就緊係睇多兩眼啦~ 再走去同隻兔仔傾下計~~

原來兔仔叫 阿CAT ,

起初佢只係幫哩間吧,做跳舞show既dancer,

佢老闆叫佢幫手做埋兔仔,而家佢除左,

每一晚佢都會係酒吧度以性感既兔仔裝,行黎行去做兔女郎侍應,

之外佢仲係哩度既主打dancer,逢 4,5,6 既 11點佢都會同另一個女仔,

係果度,開SHOW, 好多人都專登去撐佢地場睇佢地跳舞GA.....

佢大約5尺3至4吋,身材當然唔錯啦~ 仲一身性感既打扮,

配吊帶魚網絲襪,帶埋對耳仔~同條圓形既波波兔仔尾.....

加上佢坐唔定既性格,成日彈黎彈去 ~~

又真係一隻又惹火又可愛既兔仔 _{佢行過人人都會望多幾眼啦}!

老闆唸到咁既卓頭.....真係勁~

講到酒吧,相信大家一定都同朋友都去唔少,所以大家一定唔會覺得陌生啦 !

 大家去酒吧玩,都係至在一班朋友得閒聚埋一齊,傾下計,放鬆自己平日緊張既生活,盡情咁娛樂啫! 緊係最緊要開心 !

所以酒吧既環境對大家黎講好重要喎~!一入到去烏煙瘴氣, 三教九流 又 複雜既場,未入去都想調頭走嚕....真係搵鬼去咩 !

講真裝修唔洗一定要好靚,第一件事係要去到果度,自己感覺舒服,環境乾乾淨淨,個場熱鬧得黎又有氣紛,就可以開開心心咁玩啦 !

發現一間位於尖沙咀既 WONDER BAR , 間場就比到哩種舒服,又自然,令人有歸屬感再去的感覺 值得一讚 ! 員工親切友善,又好玩得,都帶動到整個場面熱熱鬧鬧,洋溢住好似節日一樣既果種使人高興的氣紛,就算人不多,氣紛依然令人感覺,自然輕鬆... ...記憶上沒幾多間酒吧~都一樣帶比我哩種感覺 !

除左哩樣之外~大家係咪覺得都未係好特別咋喎.......仲係玩得未夠高興GA....成班FRIEND玩都想玩多D新鮮感既話....

繼續睇我下篇啦~~睇落去就知哩間吧,有幾咁不一樣啦~!

其實成日都好佩服D人落BAR猜梅,坐係度由開始就一直猜未停過,

係咁飲成晚又唔醉果D人..我覺得真係好勁 !

我自己本身就好唔飲得果種,一枝半枝啤酒就可以醉GA喇！

所以我好少飲．．　因為唔飲得，就更少同人猜梅啦　

不過我成日就見到酒吧D靚女拳手,見我悶都叫埋我一齊玩,輸左我唔洗飲,佢地仲幫埋我飲,成晚不停咁猜,又唔貓...好勁喎 !成日都想佢地可以教我兩招 tim 　!好佩服佢地　~　！　

點知佢地一邊玩,都會一邊得意咁答我同一個既答案.：

〔　猜贏就唔洗飲啦！成晚人地都輸...佢地唔猜得,就要飲得喇  ！我無得飲又點會醉喎！哈哈哈　！　〕又係喎　！

突然間覺得自己好無用~~佢地個個都真係又猜得又玩得...我都想試下ga！