原本諗住搞掂完adidas果d sample諗住可以抖下，點知今日又整多十幾批，其實做野都唔係好辛苦，我寧願多d野做，只不過係李小姐成日發癲，唔係又鬧係又鬧，咩都睇唔順眼，攪到我地好大壓力，唔知佢幾時究竟心情唔好，成日好似要睇佢面色做人咁，有時真係好佩服自己，點解可以頂得順佢4年咁耐，開始比佢攪到有d心理唔平衡，個心真係好攰，就黎支持唔住，好想離開呢個鬼地方。但好似又冇咩出路咁，點算呀？

今日整咗個甜品，係最成功既一次....哈！個成功既甜品就係忌廉泡芙cream puff喇！個個都話好味，真係好有成功感同滿足感。好想同大家分享下，如果大家都想整，可以照以下既做法。

忌廉泡芙

材料：〈蛋黃忌廉醬〉

• 
  
  牛奶  250 毫升


• 
  
  鮮忌廉  150 毫升


• 
  
  糖  50 克


• 
  
  粟粉  15  克


• 
  
  麵粉  15 克


• 
  
  蛋黃  3 隻


• 
  
  無鹽牛油  1 茶匙


• 
  
  雲呢拿香油  數滴

做法：

1. 
   
   蛋黃、糖倒入個大碗。
   
   
2. 
   
   以打蛋器迅速攪勻至軟滑。
   
   
3. 
   
   篩入麵粉和粟粉，續打成糊狀，再拌入雲呢拿香油。
   
   
4. 
   
   牛奶煮熱，然後逐少加入麵糊中。
   
   
5. 
   
   以打蛋器迅速攪勻。
   
   
6. 
   
   麵糊倒回小鍋中。
   
   
7. 
   
   以大火加熱，改用橡皮杓用力攪至熟透。(但小心煮燶)熄火加入牛油，繼續攪勻王牛油完全融化，然後待涼一陣，再放入雪櫃，雪半小時。
   
   
8. 
   
   取出已冷卻的半凝固蛋糊。
   
   
9. 
   
   以打蛋機打至柔軟。
   
   
10. 
    
    鮮忌廉以打蛋機打至八成鬆發，以橡皮杓拌入蛋糊中。
    
    
11. 
    
    最後，翻攪拌勻。蛋黃忌廉醬就完成喇！

泡芙材料：

• 
  
  牛奶  250  毫升
  
  
• 
  
  麵粉  150 克
  
  
• 
  
  無鹽牛油  80 克
  
  
• 
  
  糖  50 克
  
  
• 
  
  蛋(連蛋白)  4-5隻(打勻)
  
  
• 
  
  雲呢拿香油  數滴
  
  
• 
  
  糖粉(即糖霜)  適量

做法：

1. 
   
   牛奶、牛油、糖和鹽倒入小鍋以慢火煮熱至完全融化，加入雲呢拿香油，熄火。
   
   
2. 
   
   倒入已篩麵粉，以打蛋器迅速攪勻。
   
   
3. 
   
   以中火再加熱，改用橡皮杓攪勻。
   
   
4. 
   
   約1分鐘熄火，成熟透的麵糰。
   
   
5. 
   
   麵糰移至大碗，逐少加入蛋汁。
   
   
6. 
   
   不斷打圈翻攪。
   
   
7. 
   
   不斷加入蛋汁及攪勻，直至橡皮杓挑起麵糰能呈三角形。
   
   
8. 
   
   麵糰用擠花袋盛載，擠在牛油紙上(擠成一個波形)。
   
   
9. 
   
   噴少少水係波形麵糰上。
   
   
10. 
    
    先以200°C焗15分鐘，再轉180°C再焗10分鐘，待涼。
    
    
11. 
    
    以小刀將泡芙撗切成一半。
    
    
12. 
    
    擠蛋黃忌廉醬於半塊泡芙上。
    
    
13. 
    
    放上泡芙頂部，灑上糖粉。完成

終於都返黎喇！睇返個hompy之前打既野原來已經係年幾前既事，原來時間真係可以過得咁快，呢年幾做過咩、又有d咩轉變呢？唔......搬返屋企住啦、剪短咗頭髮啦、加咗人工啦、公公生日一家人去咗唱k慶祝、不停咁周圍去搵好野食啦、公公驗到有cancer、去旅行啦、見唔到BB 14日啦、婆婆生日一家人齊齊整整慶祝、公公心臟病入咗醫院、BB比賽拎咗獎.......仲有好多好多......咁究竟開心多d，定唔開心多d呢？連我自己都唔知......！

你今日心情好好，因為連你老細都讚成你出去闖闖，見識多ｄ野，你老細都知道你唔係跳槽去第二間公司，而係真係轉行，你老細都撐你，咁你聽到都鬆口氣啦，唔駛再諗點同佢解釋你決定唔做呢件事啦。

呢個幾禮拜，公司雖然好多野做，但係做得好開心，可能係因為自從麥生走咗之後，李小姐心情平伏咗，無發脾氣不特只，我地仲有講有笑，做野完全無壓力，李小姐成日都讚，話ｄ野跟得好好，我諗做咗咁耐，最開心都係而家，我都好希望往後既日子都可以係咁，你話幾完美呢。

呢排我地既話題都係圍繞你轉工既問題，其實你已經決定咗，諗好晒，我都唔駛再為你擔心，我都知道你做事都好有計劃好有分寸，咁我就放心喇。

今日聽你講，你終於都決定咗唔做，聽你講完你番說話，其實我都知你有你既難處，知道呢間公司同呢行前景都唔係咁好，好難做落去，好似要繼續做落去又會好o徒時間，你問我會唔會支持你既決定，我精神上一定會支持你，但實際上我其實唔係咁認同你既想法，想聽聽我意見嗎？我覺得首先你要認真想想，你究竟係咪真係唔會再做呢行，還是只不過係唔想做呢間公司呢？你亦都要明白一樣野，除咗你呢行之外，其實其他既行業都好可能有機會要北上工作，我諗呢個係香港既趨勢，咁或者你真係想轉行既話，咁你又要諗諗有ｄ咩係會岩自己去做，又或者自己想去做ｄ咩呢？咁你諗到既時候，又要再去諗下自己首先需唔需要去進修先呢？我覺得一邊做一邊進修會比較好ｄ，咁樣會好過貿貿然話轉工就轉工。你亦都要明白到，到你要轉行既時候開頭係一定會好辛苦，咩都要由低做起，或者又會辛苦好多年既時間先可以有成績出黎。其實以你而家２５歲，我覺得都未至於你講到再o徒多幾年時間係呢間公司或者呢行就會咩時間都無晒，到時可能想轉行就更加難。其實最後都係果句，仲有兩個月既時間，好好比自己再諗清楚ｄ，究竟自己係想點。我講呢ｄ都係想比ｄ意見你，無論你最後既決定係點，我都一樣會支持你架。