以為我去左影私影呢 ! 其實呢張係我今日去左拍 <蠍子>既時候慧慧不停幫我影既靚相黎架! 哈哈 ! 真係好似私影咁影左百幾張相呢 ! 呢度係一個好靚既教堂黎架 ! 係香港仔個邊 ..不過我唔知係邊度黎架  !! 

你地估下我係乜野角色?? 結尾開估 !

連廁所都唔放過呢 ! 好在慧慧好有興趣係咁影我相咋 !   

比個全身你睇 , 估一估係乜角色啦 !

嘩 ! 有死人丫 ...

仲有隻斷腳丫 !

好喇 ! 開估喇 ! 嘻嘻 ! 其實我既角色係 ... 護士 !!  正確黎講係私家看護 ! 但套衫似殺手多d !! Kakaka ! 呃到你呢 ! 不過套衫真係好靚 ,好鐘意呢 ! 

朋友們 ! 唔駛擔心喇 ! 我已經恢復正常喇 ! 好多謝你地係我最失落既時候為我帶黎咁多歡樂 ! 多謝大籮同桐既愛心朱古力呢 !

各位 : 我開了新Blog  http://hk.myblog.yahoo.com/katrinatsang57

多多支持喔 !!! 而呢邊 .. 應該都會繼續update既 !! 2邊一齊Update!! 

3.2

我同桐分別Casting完之後Join埋大籮 ! 3癲S 又一齊喇 ! 桐小姐終於買左好多野喇 !哈哈~ 而我都比大籮呢隻魔鬼不停引誘我買野 ! 好在最後都只係買左對鞋~ 嘻嘻 ! 我地去左元氣食壽司 ! 叫左一碟三文魚刺身 ! 猜包剪揼 ,贏左可以食一塊 !! 不嬲都猜輸既我竟然食左3塊 , 而大籮生連輸5舖添 ! 哈 ! 好鐘意同佢地一齊玩d小玩意 ~ 之後仲去左食糖水 , 玩層層疊 ,真係好Enjoy呢d生活架 ! 謝謝  !

3.3

呢日去左同家姐既朋友仔屋企拜年 ~ 都識左好多年喇 ! 睇住我大 !

同一日, 一D唔開心既事就發生喇 .. 唉 ..  自此之後 , 由好開心既我又再一次變番個好愁既卡千娜 ..

3.4 (日)

呢日我同就黎識左10年既好朋友芝姐去左林村許願樹 !

唉..曾經都比我破壞既許願樹 .. 而家已經要五花大綁喇!心痛..

而家許願唔再係拋而係好似日本咁掛喇 .. 

希望能夠靈驗啦 !

3.4 (夜)

到夜晚去左補祝Grace既 Birthday !!

夜晚仲去左Osman家反添~ 學識左玩13張 ! 仲贏錢添 !! Kakaka..

3.5

呢一日倫生日 一齊入左白石BBQ ! 都幾好玩架 !不過仍然都係心情唔好 ..唔係太投入啦 !! 夜晚仲打通宵牌 , 桐小姐仲係我屋企過夜第二日一齊上堂添 !! 呢2次學都失晒水準 .. 唉 .. 水乜鬼準丫 .. 失敗 ..

3.7

尋日同桐小姐上完堂四圍行之後 番到屋企好早21:30就訓教喇 .. 一訓訓到今日下午14:00 .. 心情唔好都係訓教好 ..

今日約左LinG上黎我家打邊爐 ! 訓醒之後就落街買定野食同買料煲湯 ~ 木瓜雪耳煲雞 ! 正 ! LinG都話好味架 ! 成功 !!

我地兩個人食勁多野 ..  足足可以食多餐 ~ Hahaha ..

雖然近期Downdown地 ..但每一日都有好多好朋友陪住我 ! 感謝主 !  我真係好珍惜架 !

3月1日

呢一日同桐小姐去左Casting , 之後一齊亂闖又一城喇! 當然唔少得新朋友仔大籮啦 !! Hahaha!! 3個人不停食食食 行行行 , 最利害就係桐小姐冇買過野丫 !!   3個癲既走埋一齊真係勁好玩勁開心呢 ! 大籮我同你一樣都想日日咁開心架 ~~

嘻嘻 ~  竟然冇同大籮影添 !

反完之後番屋企換衫 ! 夜晚出去睇EO做Show 丫 !! 正正正 !!

你地越黎越有魅力丫 !!! 勁 !! 加油 ! 今晚超正丫 ! 太鐘意睇佢地做Show喇 !

做完Show , 好多Fans圍住佢地影相 ! 費事比YEE話我扮Fans啦 !   Kakaka ! 所以都係上左車先同佢地影 !

YEE實問點解少左個 想話我偏心呢 .. 係因為Eddie冇上車囉 ~ ! Kekeke !

下面呢張係今日識既令令攝影師Carmen影架 ! 超Pro !

今日真係超開心! Keep 住丫 !!

8婆仔 ! 多謝你肯為我做一d野呢 !! 嘻嘻 !

呢排都幾多節目 ! 而且又有番瘋狂購物症 !! 買完又心情特別好喎!!不過唔夠桐小姐利害 . 5分鐘買左個袋 !

好耐之前係花墟買左3粒種子番黎 , 上個月終於發芽喇 !

07.1.31

07.2.25

07.2.28

點知開花發現原來我一開始買錯左種子... hahaha .. 明明種屈金香, 點知變左風信子 !! 不過睇住佢地一路開花 !證明我之前咁比心機種佢地係冇白費架 ~ 佢地令我明白比d心機, 比d耐性 好多野都會結果架 ! 努力工作 !! 嘻嘻 !

近期睇到好多朋友都拍拖lu ! 恭喜晒 !! 自己 .. 算啦 !明白愛情事業暫時都係唔適宜共存 (不過仍然期待  ) 

ZoeSham ! 大家一齊努力啦 ! 

尋日24號上左船拍TvC , 好有滿足感呢 ! 新一年第一單Job就係做自己鐘意既野 ! 相信今年一定好運接住黎  !!

雖然前幾日有件事影響得好利害 , 但我身邊有好多好朋友支持同關心 , 好快我就可以再次投入工作喇 !! 以下所有零食係好錫我既小諭買比我開工食架 ! 多謝你 !!全部都係我鐘意食架仲有好多Kitty 添!!!

呢一日我真係好開心 , 做自己想做既野  ! 好Enjoy !

幾有型 ! 好耐未著過既魚網絲襪配晚裝 !

今日又有開心2件事 ! 唔通真係事業與愛情係唔能夠共存既 ?

尋日番屋企前有d小插曲 ..

有個人同我搭同一架車番屋企 .. 連落既站都一樣 ..一直都較敏感既我 , 一定會留意住呢個人 , 直至落車後見到佢行既路同我唔同即較為放心 .. 點知行行下突然呢個人 hi 我 , 我好想開口罵佢 , 但我只係啤一啤佢就繼續行 .. 佢繼續講 :「我冇惡意架 , 只係想傾下計 」 What The Fu Xk !!! 行緊路傾乜計.. 我一直唔敢行番屋企 , 直至我見佢行去第2個方向然後消失為止 .. 雖然我較為敏感 , 但至少今次我既警覺性係o岩架 !! 唉.. 以後番屋企真係要更小心至得 ..  

因為「你」我放棄了這個 "你"
因為 "你" 我選擇了這個「你」

因為「你」我自己一個人生活
因為 "你" 我不再一個人生活

因為「你」我開心了一年
因為 "你" 我開心了四年

因為「你」我勤力了積極了
因為 "你" 我成長了

因為「你」我學會獨立
因為 "你" 我學會倚靠

因為「你」我經常哭了
因為 "你" 我經常後悔了

因為「你」我知道原來人是要為目標奮鬥
因為 "你" 我知道原來人安安定定也挺好

因為「你」讓我知道壞男人很受歡迎
因為 "你" 讓我知道好男人很討人喜愛

這兩個 「你」"你" 完全不同性格 .. 為何我會愛上這二人 ?
然而這兩個 「你」"你" 已經離開了我 .. 我會習慣嗎?

雖然「你」"你"已離我很遠 ,但我要感謝這二人 ,「你」"你"在我生命中佔有很重要的地位 ．是「你」"你"令我學會很多東西 .. 謝謝 ..

聽到Janice既歌睇左歌詞  好想送 「你」 愛才   呢首歌 ..而 "你" 會係   愛你還愛你 .. 

恭喜發財 ! 搵多D搵多D搵多D ! 踏入豬年送你豬樣兩個 !! Kakaka ..

年初二成班一齊去唱K ! 勁好玩 !! 有笑爆組合 小燕姐同Betty 「滾」 ! 笑到肚都痛 .. 有花絮架 , 不過應當事人要求唔好Post出黎 , 免得笑到人人都碌地 !! Kekeke !

其實唱K前仲去左佢地度拜年 ! 原來一個家可以係咁開心架 ! 好開心新一年可以去人地家感染一下家庭既滋味 ! Auntie 真係笑到我碌地呢 !

年初一媽咪又唔係HK , 咁就轉移番我家姐屋企啦 ! 打麻雀發左新年財呢 ! 好意頭  $88 !! 今年仲唔發 !!Kakakakaka .. 打完麻雀同姑媽打邊爐 ! 正 !! 海鮮火鍋餐 !! 美味 !

呢幾日好開心 ! 每日都有唔同節目 !!汀橋陪住我既朋友仔兼8婆仔呢  ! 

好的開始 

呢個情人節最意外係 .. 我收到電腦台呢 !! Hahaha..

第一次情人節收電腦台做禮物咋 ..  其實呢份係遲來的入伙禮物黎既 ..  終於可以係電腦台上用電腦

夜晚去左維園行花市 . 好多收穫  ..

上年開始年年都買既桃花

孖寶兄弟個 1UP 丫 !

好令既枕頭袋

望真D .. 金豬牌米丫 ! 像真度90% !! 得米 Lu !

呢個係炸芒果雪糕 都幾好味 ~ 不過盛惠 $ 28 .. 超貴 ..