昨晚同幾個朋友去左食飯呀,因為10月份有個朋友生日我地昨晚係同佢補祝既....希望佢鍾意昨嶜我地為佢選既個間餐廳啦...

講開昨晚真係好好笑呀,笑到肚仔都痛埋呀....因為昨晚既話題實在係太經典啦...亦都唔會想像到有人會將自己咁寶貴既牙齒咁樣對待佢....同埋我都唔會想像到有人穿住和服番工既樣子囉....我地昨晚食飽飽之後再轉移第2個地方,就係麥記啦...我地結果係麥記一坐就坐到11點40分,勁呀...坐左幾乎2個小時,同埋笑足兩個小時囉....同埋我發覺左樣野,就係我地昨晚個枱係最嘈架.....嘻...希望冇嘈到其他人啦....

今日一早起身就去左線面跟住到銀行,我話你地知,我整完呢兩樣野都已經差唔多12點半啦....跟住我就番屋企買野食煲劇同埋睇左兩本旅游書,所以其實我今日都過得幾充實架,加上又唔駛點樣駛錢...幾好呀...唔錯...講開旅遊書,我今日睇左有曼谷同埋宜蘭,雖然曼谷我冇得去,但係冇得去都可以睇下吖...睇下咪當係去左囉...都唔錯呀,至於宜蘭呢...佢就係介紹佢當地既美食呀...嘩..睇住呢本書我幾乎流哂口水呀....正...

至於今日睇電視睇左一個訪問既節目,佢地兩個好搞笑,都係單身而未有男朋友,佢地又係朋友,佢地又有好多野都好相似好一致,加上穿鞋既size一樣,佢地都話將來大家冇伴既話就佢地住在一起互相照顧,真係好似我昨晚個幾個朋友講既野一樣,我地昨晚都有討論過呢樣野,我有個朋友都話佢第時1個人既時候就要點點點...我有個朋友就話你唔會一個人架,因為有我同埋另一敆陪你麻...呵...其實呢個問題我都有諗過架,我自己都會諗如果我第時1個人我都要點點點....我都為自己諗左架啦...平常心囉....要面對既始終都要面對呀,又唔會話邊個冇左邊個唔得既.....

P.S.大家有冇發覺我今日既日記特別長呀,呢排寫親既都係得一兩句....呵...

今日收到個冇諗過既電話....個一刻真係呆左,但好快定一定神之後就要作出決定.....

今日好犀利呀,同阿媽食左兩間壽司店呀,事緣佢未試過公仔頭個間壽司店(你地自己諗啦....)但係佢覺得都係有顏色個間好食D所以佢就想去番個間,但係我地坐低左唔可以酩走左去架麻....於是乎我地就要係呢間食少少先,跟住就再去佢想去個間再食過呀...係唔係好勁呢...?

今日真係唔係講笑呀,我既食飯時間只係得20分鍾,因為食飽飯洗好碗之後又要再做過呀....因為實在有太多野未做完同埋未完成,所以咪唯有要趕工囉....今日一夠鍾就即刻閃左啦...我阿姐都冇我乎呀,可能佢唔鍾意架,但我唔理得佢咁多,因為今日我約左6點鍾見工呀,但係我諗今次都係陪跑既狀態多,多數都未必成功呀,因為通常見日本公司既都未必成事架...佢地通常都係想要員工曾經在日本公司入面做過既咁就會比較吃香囉....所以算吧啦....

哈哈...點呀你地...學哂未呀首歌仔,可以同我一齊唱未呀...?我等住你地架....我地要一齊唱架麻....

今日難得一日假期我留守係屋企....咁梗係煲劇啦...咪講笑呀,唔好浪費左D Time ma.....hehe............

今日我想教大家唱隻歌仔呀....我係一套戲入面學番黎架,真係好好笑架...我今日聽完真係笑到我停唔到呀...等大家一齊跟我學唱吖....我會放大歌詞俾大家架啦....呵...一齊學吖...諗起都開心呀,大家一齊唱既情景,歌詞如下:  蔣老太太有塊地呀,咦吖咦吖哦....她在這裡養小雞呀,咦吖咦吖哦,牠在這裡,牠在那裡,咦吖咦吖哦....蔣老太太有塊地呀,咦吖咦吖哦....她在這裡養小豬呀,咦吖咦吖哦,牠在這裡,牠在那裡,咦吖咦吖哦....

你地要好好學呀...學完之後我地一齊唱呀...呵.....

今日真係忙到嘔哂白泡呀....連廁所都冇咩點去,因為樣樣都話趕既,究竟咩係唔趕架呢...?唯有星期三再做啦...今日都算乖架...做到7點先走(因為我星期3唔可以留堂呀,所以今日咪做耐少少而家唯有星期三個朝早少少番去再做囉),我走既時候都係做左一細半,而個份file係佢六點幾個陣俾我架...佢可能以為自己請左個超人番黎呀,佢諗住個頭俾我我就可以個頭做好俾佢,阿姐唔知係唔係覺得我好得閒呢,佢上個禮拜俾我個份野我都未整哂,佢今日又俾左個excel file入面既data叫我搞啦....真係有時候唔係好明老闆諗D乜架,不過咁,我明既話我可能做左佢個位啦....我而家可以做既就係個個file做一D,呢個file又做一D塞住佢把口先....

今日真係化身做煲劇天后呀,不過唔煲劇可以做D咩架...出面落雨落到咁恐怖呀,安在家中唔好咩...?

平日既我都會煲一D台劇或者日劇,但今日我一反常態煲緊一套長篇而且仲要係古裝既劇呀,問你地驚唔驚...?所以話人會變係岩架(呢句說話),人其實日日都係度變緊架啦....

P.S...小寶,10蚊抵俾架,去買黎看啦.....包你鍾意看呀,加上你咁鍾意看呢類片,唔怕呀...你實鍾意呀再者戲入面好多人你都會認識呀...

今日同個朋友仔去左玩呀,玩足成日呀,我地由朝頭早10點45分出發到晚上呀,成身都散哂呀(淨係我,呵..我唔知我朋友呀),其實我地今日都冇特別野做過,今日既行程全部都係小妹諗架,呵...希望朋友仔會覺得OK啦...等我講下我地今日既行程俾大家聽下先...

我地首先就係去左九龍灣個邊唱K Lunch,啦...嘩..都唔係貴呀,我地12點唱有drink任飲同埋沙律任食,又有小食任拎,計埋加1我地都係1人65蚊,都唔係貴吖...仲可以唱到2小時10分鍾,掂呀,跟住我地原先諗住去打保齡球架,但礙於今日都幾貴呀(以前係一局計,而家係每小時計呀),所以我地放棄左而選擇左行街,呵...行完街都已經係6點鍾...跟住我地就去左食上海野,開心開心....食飽飽之後我地就一齊搭車番屋企啦....我番到屋企仲可以看到台慶既亮燈儀式呀,幾勁呀....

其實我仲有野未講完呀,我唔記我左同新準媽咪說聲happy birthday a.....Carrie,因為佢都係10月4號生日架....

哈...今日收到siu ma ma既來電呀,佢問我去唔去amy媽屋企打邊爐呀,但我推左佢呀,唔怕啦,話定大茄都唔出現呀,多我1個都唔多啫...呵...其實我唔去有重要原因架,因為我聽日約左個朋友仔呀,聽日係佢大個女既日子,係呢度祝佢生日快樂,身體健康,呵...

我頭先諗左好多聽日同佢慶祝既節目呀,呵....我先至發覺原來香港人既假期節目黎黎去去都係個幾種架,係呢度都希望佢會滿意我聽日幫佢安排既節目啦....

好開心呀,終於等到星期五晚啦...我淨間就可以聽到梁榮忠既節目啦...真係好好笑架,我1號國慶個日唔駛番工,前一晚聽佢個節目,真係作死呀,越聽越精神呀,因為實在好鬼好笑呀,根本笑到都訓唔到呀,結果我成個節目聽哂都仲係訓唔到,因為真係好精神呀聽到....呵....

生日快樂呀....Yuki小姐...........