哈哈....哈佬喂快樂呀咁多位朋友仔....今日我就真係忙啦...忙到我都冇咩點坐係自己個位度呀,因為我今日淨係去上training都上左一日呀,幾鬼眼訓呀上堂上到,今日我地午飯既時候去左一間酒樓食呀,事關今日有個大粒既人佢光榮退休呀,所以公司幫佢搞左個farewell呀,我亦都今日都知道在我附近有個同事佢就黎last day la..佢就月尾先last day,但係今日都有個同事last day ka...但我同佢唔熟...所以唔緊要啦,都唔大問題呀對於我黎講...因為佢都走,但係就黎走個個我都同佢有兩句既...呵...好搞笑呀,佢同我投訴我阿姐呀,呵...其實我都有同佢講你同我投訴都冇用呀,我自己都自身難保呀,原來唔講唔知我阿姐成日俾氣佢受,唉..真係辛苦哂佢呀,佢仲要好抵死咁話而家到我受,唉...真係不坎一提呀....諗起都呆左呀...驚驚....

聽日一早又要去上堂,點解我咁多堂要上架....唉....呵...不過算啦...都好過俾阿姐黑面既...我寧願去上堂啦....

今日下午都去左上堂呀,不過今日個人好似心不在玄咁呀,都冇咩點聽,10月2號個system go live都唔知識唔識做呀...死得...呵..不過在我而言,煮到埋黎就食啦...呢個世界冇野話唔得既...見咩打咩...實行過5關斬6將啦....(唔知以為我去打仗呀)呵..........聽日公司有個人佢退休呀,上個禮拜出左個email叫我地聽日下午去食飯,當係同佢farewell呀,我諗呢餐就唔駛錢既,但係唔知點解我都唔係太想去,可能呢D就係所謂既政治飯啦....唉....算啦...都冇得走架啦...呢餐飯食硬架啦....只係希望聽日快快食完佢啦....

號外號外呀,各位,我想問下大家如果有朋友你地係做會所或者係做酒店既請與小妹聯絡一下吖....小妹有問題想問問呀....勞煩哂咁多位朋友仔.....多謝多謝....你地係既話記得同我聯絡呀,因為關乎小妹既終生架...唔該....

今日係懷舊劇之日呀,都冇出過去呀,除左過香港仔買洗con水之後就冇去到第2度啦...番到屋企之後就播番之前已經睇過既劇集,今日睇既就係轉角遇到愛,同埋近期都幾流行既劇,其實懷舊劇昨晚都已經有開始啦...呵...不過昨晚就係看換換愛同埋愛情魔髮師,都係抽黎看啫...唔係睇哂咁多集,睇哂咁多集除非我唔訓啦.....雖然看過,但係而家睇番都覺得好開心同埋幾好睇架....開心開心笑....

今日我真係做左一件好鬼誇既事情呀,就係今日我同我阿媽,姑媽仲有大姨幾個人在一日之內飲左兩次茶,你地話係唔係傻左吖...事緣第一餐個間茶樓好鬼唔掂,D野食1係就冇味,1係就勁甜,1係就連雪氣都未過,問你地驚唔驚,食到大家都唔想再食落去,於是乎大家決定放棄唔再食,去行下街,好啦,到大家行完街街買哂佢地想買既野之後呢,佢地就開始話肚餓啦,所以佢地就決定再去飲茶,不過唔同既係今次係飲下午茶,但都有唔同既係好食好多囉D野,呵....

所以我今日好似參加左勁食大賽同埋睇女人shopping團咁囉....嘻...因為我冇買野麻....

今日放工後冇番屋企住呀,因為今日約左個同事陪佢去買野俾佢媽咪,加上佢又要幫同事買護膚產品呀,呵...所以我今晚既角色就變左導遊啦....勁呀,我真係掂架,咪講笑呀,我同佢離開左公司之後就番左佢住既酒店先,跟住我地去左食飯先呀,佢勁贊我帶佢去食既店鋪呀,佢話真係勁好味呀,佢話平時唔太食飯佢都要食番半碗呀,好彩喳,我幾驚佢唔鍾意食呀...呵...我都係跟佢想食既野黎帶佢去食架啦...同佢食飯呢段時間我地有傾有講呀,佢好搞笑架,傻傻更更架...但係做起事上黎就好認真同埋好得,唔講真係唔知呀,佢唔係好大個架喳,但係佢好識諗呀,佢已經計畫好哂佢黎到30歲點樣,30-40歲要點樣,佢既計畫已經諗到60歲啦....好鬼得呀.....

我駛唔駛好似佢咁要諗諗呢...?呵...

今日收到個帶有開心但有煩惱既電話....真係唔知點算好...再諗下先...或者我會諗得通呢...?

係啦...咁多位朋友仔,我剛剛在facebook開左account a....大家有既話就留言俾小妹啦...我可以add大家呀....

好開心呀,聽日蛇口落黎我地公司工作既同事約左我聽日行街街呀,希望我會幫到佢啦,因為佢想買野俾佢媽咪呀,佢叫我帶佢行下,因為香港佢都唔係太熟路呀,呵....希望我呢個導遊令佢覺得滿意啦....

今日下午收到個消息之後搞到我成個下午都唔開心呀...冇哂心機呀,不過都要唔該哂話我知既朋友,好彩我放左工之後番到屋企樓下都仲可以排到隊呀....安樂哂呀....不過都仲未得呀,聽日仲要排多次呀,今日只係拎到籌喳,慘呀....

今日同蛇口既同事傾偈呀,我地而家每日都有傾閒偈既習慣,其實咁做都好架因為咁樣我可以學到普通話既發音,原來發正個音都唔係一件易事黎架,我今日都學到一點兒呀,真係要多謝佢,而我就教佢講我地香港人既白話囉,呵...大家互相幫助呀,希望我冇教壞佢啦...我呢幾個月都會有普通話老師呀,開心開心笑笑笑...(如果我冇俾人炒既話),我地仲交換左msn既address a.....heheh........

頭先剛剛睇完套卡通片先寫日記呀....呵...好好笑架...

今日唔開心呀,做錯野阿姐黑面呀,算啦....自己衰既,唔問多句,搞到咁,無言.....今日大家都冇咩心機做野呀,好老實,因為大家都預左佢今日會掛8號風球,但係冇諗過佢咁晏先掛啫...就算冇得放半日都諗住放1日架麻....可謂吖...唔係大家咁諗....