今日好充實呀,行到腳都痛埋呀,幾勁呀,今日同阿媽飲左茶之後我地就開始我地既行程啦....我地首先行既係sogo(因為落雨我地又唔想濕身所以行D有雨避既地方)我地淨係行樓下買野食個層都行左成兩個小時呀,幾鬼誇張呀...呵...跟住我地買完之後就行左去女人街,然後就再行埋citysuper跟住我地就去左味千食拉麵,我話俾你地知,我食埋今次我打死都唔會再食呢間野架,勁難食呀,不知所謂既叉燒,又唔知俾左咩湯底我,好油呀,唉...救命啦總知食完之後第1個感覺....

我地食埋拉麵就番屋企,番到屋企既時候都已經6點鍾啦....幾勁呀....你地話犀利嗎...?

今日睇左一套日劇係講醫生架,有時候都真係覺得生命好無奈同埋無常呀,今日可能同你一齊有講有笑,到左第2日佢可能已經不在你既身邊離去左大家,你地話人生真係幾咁無奈吖...所以有時候想做既就要去做(咁當然唔係犯法野啦...)有理想都就要盡力去試呀....

頭先同個朋友傾開偈,佢同我講話我冇放棄繼續往前,其實我都要多謝佢架,佢都有幫我唔少忙架,起碼我成日想搵人傾偈既時候佢都會俾我搵到先啦...其實唔單上佢既,仲有好多朋友係呢段時間不停咁幫忙同埋開解啦...佢話我硬淨,呵...其實我有時候都會累架,我都有想抖下停落黎既諗法,但我知道呢一刻絕對唔係時候囉....我亦都有我既憂慮同埋煩惱,但我知道畢竟呢個都係我既人生我既路,我唔可以暫停,因為人人都會為佢自己既將來而努力,相信我自己都一樣,我都要為我既將來而奮鬥,所以我先至咁努力,我都希望大家同我一樣唔好放棄呀.....加油!! 奸爸爹~!!!　　

一連12集既日劇話咁快就睇哂啦....呵...雖然個結局係sad ending但都可以既...都幾值得看下架....嘻...我都明白到原來為自己心愛既人做屍體防腐的確真係幾鬼殘忍架,呢個絕對係要去到另一個境界先可以做到呀....但男主角最後幾經辛苦排除左心理既問題到最後都可以幫佢愛既人完成左呢個心願,好叻呀.....

話咁快9月就開始左啦....唔覺唔覺今年都已經過左一大半啦....時間真係過得好快呀,唔知點解今日突然間有咁既感慨呀,怪....可個禮拜就同幾個朋友仔約好左食飯呀,因為今個月有兩個好朋友佢地玩牛一呀....呵...提早同佢地說一聲生日快樂先...雖然真係早左D,其實係早好多呀,佢地兩個都係月中架....講定唔怕架麻...正所謂禮多人不怪呀,嘻............希望好事自然來呀........

呢幾日都睇緊一套幾特別既日劇,之前都冇用過呢個題材,其實套戲係圍繞住死人化妝師架,你地話個題材係唔係特別啦,唔睇唔講真係唔知原來幫1個已過世既人化妝咁考功夫架,又要幫佢按摩又要幫佢用藥水和血液交換,真係唔可以睇少架,真係越看越好看呀,呵....

聽日可以休息一日唔駛上堂啦,我聽日有時間都要溫一溫佢呢幾日所教既野呀,我硬係覺得有幾份notes我可以唔駛理架,之不過咁,唉..都係看定啦,費時我阿姐發傻起上黎唔知會問咩問題架麻....佢真係當正我咩都識架,成日教野又勁快呀,不過我EQ話俾我知我唔會輸俾佢架,我唔會怕佢架....

今日同昨日一樣都繼續要上training a....不過上埋聽日星期五就可以抖啦...因為星期五個堂唔駛我去上呀,我就有時間可以研究下課堂上面既野,因為遲下go live之後就應該唔會咁得閒架啦...今日放左課堂之後番到去自己位同我隔離個同事傾左一陣呀,佢星期五有堂上呀,所以我地兩個好似交換生咁呀,呢幾日就得佢一個坐係度,到左星期五就得我一個坐係呢度....呵....好搞笑呀,不過聽日有時間我都要問下個trainer少少問題呀,因為有部份都未太明,聽日得閒就要問個明白先得呀,因為我阿姐淨係俾左個email我而咩都冇說呀...有時候我都覺得我呢個阿姐幾鬼得架...我地可以唔駛講野都溝通到架...真係掂呀

今日都係繼續上training....不知幾鬼充實呀,都唔知幾開心呀....又有野可以學,都不知幾好呀.......

今日都幾忙架..皆因我只係得上午時候空閒呀,下午個陣我就要全力出動,呵...其實係去上堂啫...因為黎緊呢個禮拜我都要上training呀,都幾好架,又充實呀,學到既野遲下有排用呀(因為我工作上好需要呢個system)但係我今日特別覺得好感謝我之前個間公司(位於黃竹坑個間)因為呢間公司都係用SAP system ka.....yeah...good a.......今日我上堂個陣望番呢個system我真係一D都唔陌生呀....而且都幾鬼親切呀,嘻...可能我真係前世欠左呢個system呀,嘩哈哈....經過轉換幾間公司之後最終都要用番佢,你地話係唔係註定要同佢一齊共事吖....哈...

話咁快咁就到左8月尾啦....今年硬係覺得時間好快過,唔知係唔係人到中年就會咁諗既呢...?又或者年紀大啦....呵...

今日同Yuki去左times square看電影呀,之前咪話俾大家知我答問題贏左兩張飛既...呵...我就係去左同佢睇啦...今日我地兩個睇既係小新既卡通片呀,呵...勁正呀,好鬼搞笑呀,佢地全部都係用番亞視既原班人馬...佢地笑到我地在場人士死死下呀....嘻....睇完戲之後我地就過左旺角個邊食野同埋行街呀,我地兩個行到5點幾1 D收獲都冇呀,問你地勁唔勁呀,最勁既咪我地飲左杯排左半個鍾先買到既珍珠奶茶囉,勁甜呀....不過佢勝在夠大杯囉....哈....

頭先番到黎沖完個白白就走左去看一套片集,呢套劇係說關於醫生既故事架,都好感人架....而且今日呢一集其實都幾感慨架,面對住親人有病自己身為醫生而又唔可以幫佢動手術個種感覺一定好難受(佢做唔到手術係因為剛剛為左救一個實習醫生而斷臂呀),今日呢套戲令我感受最深既就係係急救既世界入面係冇如果同埋活著比什麼都來得重要呀.....希望大家都要明白呢個道理

已經食飽飽啦既我就早少少寫日記呀,雖然而家7點鍾都未夠,我已經食飽lu....great a.....今日都冇去街,同屋企人飲左茶之後就係屋企附近行下跟住就番屋企看書啦....上個禮拜朋友借左3本書俾我,今日我已經睇完左1本啦....呢本書叫做"其實戀愛該是這樣的"都係出自梁佩瑚既手筆....我唔會話呢本好好睇....只可以話可以接受同埋OK啦...但唔係最好囉....唔睇唔會可惜,但睇左又唔會蝕,係唔係好得呀我呢個形容....哈....今晚電視都應該唔會有特別野看架啦,因為都係圍繞住一班金牌奧運既我主來港,跳水我又睇唔到啦...都過左,唉....所以都係算啦....