已經食飽飽啦既我就早少少寫日記呀,雖然而家7點鍾都未夠,我已經食飽lu....great a.....今日都冇去街,同屋企人飲左茶之後就係屋企附近行下跟住就番屋企看書啦....上個禮拜朋友借左3本書俾我,今日我已經睇完左1本啦....呢本書叫做"其實戀愛該是這樣的"都係出自梁佩瑚既手筆....我唔會話呢本好好睇....只可以話可以接受同埋OK啦...但唔係最好囉....唔睇唔會可惜,但睇左又唔會蝕,係唔係好得呀我呢個形容....哈....今晚電視都應該唔會有特別野看架啦,因為都係圍繞住一班金牌奧運既我主來港,跳水我又睇唔到啦...都過左,唉....所以都係算啦....

好開心呀,有兩日假放呀,勁掂呀.....嘻....不過冇朋友得閒陪我去行街睇戲同埋食飯啦...慘...算啦,我就留係屋企睇我朋友借俾我既書啦...呵....

頭先番到屋企我同我阿媽又再出過街,不過我地都係出香港仔食壽司,去惠康換watch同埋我去拎番眼鏡順手在眼鏡88個邊換左隻杯呀,呵....開心開心,不過未有得拎呀,要訂呀,等佢番左貨我先會再去拎呀.....

頭先一路看家好月圓一路打日記,實在好搞笑呀,特別鍾意阿卡架,呵...仲有管家仔呀,佢地兩個都好好呀,掂呀.....

今日係公司睇緊一堆training material,準備下個禮拜既training,唉...一諗到下個禮拜既training簡直又興奮又緊張呀,興奮既係終於可以唔駛再看住個份manu正式上堂,等我解開一齊疑問,但緊張既係我上完呢個training我諗我既惡夢應該要開始啦....我又要開始打仗啦...不過咁,人生每每都要接受挑戰架啦...咁當然小妹我都唔例外啦..唯有希望既就係唔好過住咁瘋顛既生活啦........ 

我講番昨日個度先,結果我都冇需要大家既幫忙呀,其實唔係冇需要既,只係暫時唔駛,因為我阿姐怪怪的,佢俾我做個個唔駛用vlookup住架,可能遲下先,不過我今日都有少少唔開心架,佢俾我做既野我都做得唔太岩呀,所以我下午就埋頭苦幹研究希望下次佢叫我做既時候我會做得岩啦....呵...

今日番到屋企個陣上網見到個朋友仔,佢同我講話佢就黎請我飲想搵我做姐妹,我覺得好開心呀,好替佢高興呀,雖然佢未話我知日子,但係我已經幫佢諗定穿咩衫啦...有deep v la....low cut嘩...諗起都開心呀(梗係啦,又唔駛我穿既)呵....但係我叫佢預定3個月前通知我呀,我要做人情呀,因為我出年可能要做伴娘架麻...個度都要一大筆呀,真係咪講笑呀,所以都係小心叫佢地俾定個時間我好D,呵.....開心開心笑笑笑.....恭喜哂你呀Oliver.....

我早排在now入面答岩左問題呀,佢地送左兩張小新既電影戲飛俾我呀,唉...呢套係卡通片黎架,點會有人肯同我去看呀,噢,我又唔想浪費左張戲票呀,點算好呀......

今日我阿姐教我野,但我唔明白點解佢成日都選人地就食飯同埋就放工既時間殺入黎搵我架,唉....仲要講到鬼死咁快呀,真係呆哂呀,我諗佢要改善下呀,呵...佢今日教我野個陣真係超快呀,佢仲俾左份野我叫我聽日交俾我,真係大獲呀,我而家不停搵人求救呀,希望有善長人翁會幫下我手啦,聽日個份野我都唔知點算好呀,究竟excel入面既vlookup點用架,真係想死呀,唉.....如果我聽日真係搞唔掂份野既話我就唯有同我阿姐投降啦....不過我都要多謝我幾個朋友仔呀,佢地都話聽日叫我send份野俾佢地佢地幫我做,我真係好多謝佢地呀,我會聽日再嘗試下架啦....(但我都會叫佢地幫左我先呀...呵...)

今日有個朋友佢打電話俾我同我傾偈,我知佢抑壓左好耐架啦,我都明白而家好多工作都係好辛苦同埋好大壓力,我係呢度都奉勸大家要識得減壓呀,同朋友仔傾下又好,去做下運動出身汗又好,點都好啦,一定要減壓呀,我自己又何嘗唔係覺得壓力大吖....我既壓力係來自自己同埋真係驚力有不遞,呢個實在令人擔心呀,究竟點做好呢..?點做先可以令到自己冇咁大壓力同埋可以唔好成日去諗呢..?個腦點先可以唔去諗咁多呢..>?我諗我同我朋友都要諗諗....因為我同佢既壓力都唔細,朋友...我地都要努力呀...!!!

今日節目真係好鬼豐富呀,首先我就同Yuki去左一間快餐店食早餐,跟住我地就搭車去康怡睇戲呀,我地兩個今日看既就係我的機械人女友,呵...好得呀,好好笑呀,係最尾有少少唔係太明呀,不過都唔會影響左我對套戲既評價既....大家都可以去看看呀,女主角都幾靚架,呵...掂呀,佢之前做過既戲有"營之光"呀,都幾鬼得意架佢係戲入面,所以佢所做既戲都可以值得一看架....

睇完戲之後我地就行街街,行左太古城中心同埋吉吉島啦...然後我地行完之後都仲好早,於是我地兩個就落埋Causeway Bay行埋,呵..開心呀,跟住我地兩個仲去左一間我地對佢期望都幾大既日式放題店入面食野呀,唉...點知好鬼失望呀我地,唔知係唔係我地對佢期望大左呢..?我覺得佢既野食麻麻地之餘仲有D太salt啦,加上又少野食叫呀,實在感到失望呀,俾左162真係覺得唔多抵呀,呢間野係網上都幾受好評架,就係俾佢騙左呀,唉...失望呀

今日好早就俾人嘈醒左呀....呵...記住呀,係俾人嘈醒呀....不過算啦,我知佢都唔想既...算啦...

今日我配左眼鏡啦...呵...有新眼光啦..好開心呀,不過都未有得拎呀,要過多幾日先有得拎呀...唔怕啦,我都係諗住得閒番工既時候唔想帶con既時候就帶既...唔錯,我都幾保護自己對眼架...開心開心笑笑笑....聽日約左個朋友仔去看我的機械女友呀,好緊張呀,唔知好唔好看呢...?