今日好搞笑呀....我地D同事不停係度講聽日一定係8號風球呀,勁搞野呀,我今日收到個call有個客佢打黎落完個柯打之後佢同我講話星期一先送貨啦,聽日多數都9號風球架啦....我聽完之後真係笑左出黎呀,呵...好搞笑呀佢,今日我都幾有食神架,Terrance出左街見客之後就打番黎叫我唔好走住,因為佢買左野俾我地食呀(佢叫我唔好走住係驚我一夠鍾就閃左)我係好盡時閃個種黎架麻...呵...加上今日有個sales manager佢過左澳門呀,佢番黎既時候仲買左葡撻俾我地食呀...仲要熱辣辣架(我地一咬落口仲研究佢究竟係邊度買架,冇理由係澳門買番黎仲可以熱架麻...)呵....真係成個謎呀

今日好搞笑呀,今日我公司班sales佢地講緊黎緊event既搞作,佢地諗緊點樣吸引人黎去看麻,結果佢地諗之餘仲要有笑場,聽到笑到我死呀,實在好搞笑呀,呵....不過我都知佢地辛苦架啦,諗下搞笑野都好正常既....

今日真係忙到爆呀,又要做番平日要做既野之餘仲要開始幫手執野,因為黎緊月尾就要搬啦...所以大家都開始清緊D平時唔會執既野,我今日都係執左1箱喳...都唔敢諗呀,執到幾多就幾多啦...因為真係好鬼多野呀,又唔知可唔可以唔要呀,令人懊惱呀,so bad a..........

今日好罕有地冇帶飯呀,呵....我同左幾個同事出左去食飯呀,嘩...咪講笑呀,笑鬼死我呀佢地,笑到我都停唔到呀,都唔知自己究竟係笑飽定係食飽架...但係今日大家真係得好開心呀,嘻...

好開心呀,今日中國對俄羅斯好勁呀,佢地好勁呀,3比1成為左大贏家呀...黎緊都要繼續努力呀,加油呀

哈.....今日有個同事佢好搞笑呀,佢走埋黎同我講,佢係上個禮拜遞左信啦...佢話佢會做夠一個月就走啦...真係慘呀,又走一個,點解會咁架呢..?真係百思不得奇解呀,不過呢個已經唔到我諗啦,我而家可以做既就係諗左自己先呀...好開心呀,呢幾日都應該會食阿麥仔做早餐呀,正...同埋最好既就係唔駛諗食咩野麻..因為日日都諗其實都幾煩架...

今日一放工就搭公司樓下既小巴去旺角呀,嘩..你都咪話呀,簡直係勁呀,快到嚇死你呀,15分鍾就已經到左目的地呀,好得人驚呀,我去到旺角整好D野仲有時間可以去買自己所需既日用品呀,呵...幾開心呀,又唔駛下次自己特登出去抽到一袋二袋呀,你地知啦,抽住咁重既沖涼液好慘架麻,點行街呢...所以今日趁經過入左貨都係明智架....

今日真係勁曬呀,真係曬到媽咪都未必認得我呀....呵....好恐怖呀,曬到都冇心機在街上逗留呀,所以我都係決定留在家中呀...呵..開心開心笑笑笑......但係我都唔會悶呀,因為我頭先已經看左一本旅遊書啦,而家剛剛開始看左一集卡通片,勁呀....今日都應該會咁過啦..點都好過落街曬吖.........

哈...我今日真係過得好充實呀,等我話俾大家知我結果今日做左咩啦...我今日做既同昨日所說既都幾相似架,咁當然有唔同啦...呵....今日一早就要起身同阿婆飲茶,跟住我就去左買沖涼毛巾,然後就去左做facial,再跟住就去左影證件相(其實諗住影定可能有用麻....唔駛到時搵起上黎就冇呀....),跟住就去左圖書館借左幾本書,跟住最後就番左屋企睇書啦....好快咁就睇左一本啦....開心開心,不過靜靜雞話俾你地知一樣野吖,本書我睇到差唔多完既時候我發現左樣野呀,就係原來我之前睇過架...但可能太耐所以結果唔太記得呀...呵..係唔係好搞笑呢...?我今日睇既係"等他一天說愛我",都唔錯架,大家都可以考慮一下睇呀,所以我今日都過得好充實呀....嘻....

今日中國女排又輸左俾美國隊,唉..好鬼慘呀,我真係唔知可以講什麼好呀...慘呀,我聽日放假好開心呀,但係我聽日會好忙呀,因為我已經諗好哂自己要做咩啦...首先我要去銀行啦,跟住就要去配眼鏡,同埋我要去買褲番工呀,因為有時候唔想穿裙既話我都可以穿下西褲麻...(當然我順手可以睇埋牛仔褲呀,呵...)要入定貨呀,跟住我仲要買定兩條沖涼毛巾傍下身呀,嘻....聽日應該有排忙呀....跟住有時間既話我都要去染番個頭先呀...呵...諗起都開心呀....

我有時候真係唔明點解公司個system點解可以成鬼日都死機架,下午入一大堆野入搞掂哂所有野,點知個會計部5點幾就黎同我講話唔得,佢要run一次部機跟住下午既野要由頭入過回,我真係開始做到冇咩心機呀,好煩呀,今個禮拜已經第3日啦...我都唔知可以做咩野呀,真係灰到爆呀...........