唉....中國女排輸左呀...好想咸呀,不過我知佢地盡左力架啦,希望佢地都唔好唔開心啦,因為仲有比賽架,希望佢地快快回復完氣啦...好力向前呀,我相信大家都會繼續支持中國女排架....努力呀....加油

今日放左工去左西環同埋上環行街(因為今晚舅母做節叫埋我地出街食呀),今晚好多人一齊食飯呀,大家都食得好好好開心呀...嘻....,我行街仲買左件衫同埋套睡衣呀,嘩..好鬼靚架套睡衣,而且又唔係貴呀,都係35蚊喳....呵,勁抵呀....掂呀....開心開心.....

哈....多謝阿June既支持先呀....今日番到公司真係忙到嘔呀,可能又因為我上午冇番既原因啦...我同事佢好搞笑囉,佢見到我就話做咩事番黎呀,唔番去好好休息,但跟住佢下一句就話你係度我地就唔駛做到踢哂腳啦....都唔知佢想點呀原來個Sirdy個衰野佢冇過到去幫手,唔怪得知佢地做到顛鬼左咁滯啦...好彩今日都可以頂得住喳,唔係真係唔知點算好呀

今日淨係上午出左去我跟住成日都係屋企過啦....梗係啦,我要坐住係屋企看歷史性時刻麻....晶晶同埋吳敏霞拎金牌咁大件事wor...梗係要係屋企睇啦....係咪...?真係好鬼得呀,真係睇住佢地由第2round到最尾呀(因為第1round無記冇播...)掂呀,真係由頭就帶到尾呀...好鬼得呀....呵....好開心呀.....

早幾日收到國泰打俾我叫我去見地勤呀,我個心又15同埋16啦...我咁樣係因為我諗緊去唔去見好...但我又怕..要請假見,好煩.....煩爆呀

昨日一放工就第1時間番到屋企睇開幕啦...呵...俾我想像中好睇呀,好多特別既節目呀...呵...希望中國隊加油努力呀,咁當然唔少得既就係我地香港隊啦...係咪...?呵....

昨日一看就已經看到點幾呀,呵..所以今朝一訓就訓到10點幾先捨得起身呀,原先諗住到附近既圖書館架.但係一見到出面咁鬼好陽光我都有少少怕怕,因為我要到既圖書館我係想唔搭車行去架,可惜佢係冇任何既遮擋情況,咁所以我唯有放棄啦....等晏少少先睇下再去唔去行下....呵....

今日又係番工既日子,今日同昨日真係差好多呀,今日都算係幾好天,可能為左迎接奧運掛...呵...不過而家出面就勁大雨呀,不過唔緊要啦,大家都唔會出街架啦..都咁晏呀..而家都已經係成11點幾仲邊有人出街吖,等佢好好咁落飽佢啦......

今日我阿姐又送左堆難題俾我,仲要係俾左個05年既野俾我,我真係好想多謝佢囉....痴線架..3年前既野都仲未解決不突止仲要而家叫我幫佢解決,真係多謝哂呀.........

8號風球又出現啦,今年都真係幾多呢D呀,呵....不過咁..對於打工仔黎講又真係唔錯既...因為又可以休息一日啦....嘻....咁當然我都唔例外啦...我都可以承機抖番下呀,不過今日放工原本有個meeting,我諗可能都要取消啦...因為都唔知阿風球留係度幾耐呀...呵...可能改聽日啦,等我聽日打番俾人地問下先.....

前日收到助養女兒俾我既信,因為呢幾日都好忙,所以趁今日有休息既時間就可以拎出黎看啦,呵...我收到佢既信好開心呀,因為我其實都有一段時間冇寫信俾佢,我呢個所誦既養媽自問都唔係幾稱職,又唔可以成日都同女兒有溝通,希望黎緊既日子都可以做番再好少少....當我睇左佢封信之後我突然間覺得好慚愧呀,女兒在一個咁惡劣又偏遠既地方努力咁為自己既將來拼命同埋奮鬥,但係我自己竟然身在咁幸福既香港係度自怨,實在有些覺得不好意思呀,既然年紀少少既女兒都可以咁努力做得咁好,我都唔會輸俾佢架,我都要好似佢咁努力為自己加油打氣,P.S. My Dear Daughter, 我唔會輸俾你架,我都會好似你咁努力

今日都唔可以話叫做忙...但係爭少少中招,今日真係要多謝個同事佢郎左我呀,唔係我實俾阿姐罵呀...雖然我同呢位同事都冇咩兩句,我地都好少講野,但係今日多得佢問一問問題,否則我真係跌落黃泉都似呀....多謝哂呀....

今日又有飛車事件,真係慘呀,要等半個鍾頭先有車呀...希望聽日唔好係咁就得啦...否則就慘啦........

今日師妹約左我行街,嘩...勁曬呀,曬到個人都冇咩心機呀,呵....不過我地都行得好開心,佢都有買到野呀,佢仲不停咁問我買唔買野呀,我就冇咩特別野想買...所以我今日係冇收獲架...哈哈,今日我係負責聽佢講野架,因為佢有好多野同我講,其實都好既,如果佢唔講出黎屈係個心度咪仲衰,而家佢講出黎可能好D架.....起碼對佢黎講係好事先啦...到佢講哂既時候佢仲要反問番我有冇野同佢講,呵...又問我而家做得好唔好,其實我真係冇咩野想講呀,因為我都唔知由邊度講起呀,同埋我真係唔想講太多呀,講左都冇咩用既....所以我都係決定唔講,我自己做到既就做啦....呢個係我而家暫時既總結呀...