昨日一放工就第1時間番到屋企睇開幕啦...呵...俾我想像中好睇呀,好多特別既節目呀...呵...希望中國隊加油努力呀,咁當然唔少得既就係我地香港隊啦...係咪...?呵....

昨日一看就已經看到點幾呀,呵..所以今朝一訓就訓到10點幾先捨得起身呀,原先諗住到附近既圖書館架.但係一見到出面咁鬼好陽光我都有少少怕怕,因為我要到既圖書館我係想唔搭車行去架,可惜佢係冇任何既遮擋情況,咁所以我唯有放棄啦....等晏少少先睇下再去唔去行下....呵....

今日又係番工既日子,今日同昨日真係差好多呀,今日都算係幾好天,可能為左迎接奧運掛...呵...不過而家出面就勁大雨呀,不過唔緊要啦,大家都唔會出街架啦..都咁晏呀..而家都已經係成11點幾仲邊有人出街吖,等佢好好咁落飽佢啦......

今日我阿姐又送左堆難題俾我,仲要係俾左個05年既野俾我,我真係好想多謝佢囉....痴線架..3年前既野都仲未解決不突止仲要而家叫我幫佢解決,真係多謝哂呀.........

8號風球又出現啦,今年都真係幾多呢D呀,呵....不過咁..對於打工仔黎講又真係唔錯既...因為又可以休息一日啦....嘻....咁當然我都唔例外啦...我都可以承機抖番下呀,不過今日放工原本有個meeting,我諗可能都要取消啦...因為都唔知阿風球留係度幾耐呀...呵...可能改聽日啦,等我聽日打番俾人地問下先.....

前日收到助養女兒俾我既信,因為呢幾日都好忙,所以趁今日有休息既時間就可以拎出黎看啦,呵...我收到佢既信好開心呀,因為我其實都有一段時間冇寫信俾佢,我呢個所誦既養媽自問都唔係幾稱職,又唔可以成日都同女兒有溝通,希望黎緊既日子都可以做番再好少少....當我睇左佢封信之後我突然間覺得好慚愧呀,女兒在一個咁惡劣又偏遠既地方努力咁為自己既將來拼命同埋奮鬥,但係我自己竟然身在咁幸福既香港係度自怨,實在有些覺得不好意思呀,既然年紀少少既女兒都可以咁努力做得咁好,我都唔會輸俾佢架,我都要好似佢咁努力為自己加油打氣,P.S. My Dear Daughter, 我唔會輸俾你架,我都會好似你咁努力

今日都唔可以話叫做忙...但係爭少少中招,今日真係要多謝個同事佢郎左我呀,唔係我實俾阿姐罵呀...雖然我同呢位同事都冇咩兩句,我地都好少講野,但係今日多得佢問一問問題,否則我真係跌落黃泉都似呀....多謝哂呀....

今日又有飛車事件,真係慘呀,要等半個鍾頭先有車呀...希望聽日唔好係咁就得啦...否則就慘啦........

今日師妹約左我行街,嘩...勁曬呀,曬到個人都冇咩心機呀,呵....不過我地都行得好開心,佢都有買到野呀,佢仲不停咁問我買唔買野呀,我就冇咩特別野想買...所以我今日係冇收獲架...哈哈,今日我係負責聽佢講野架,因為佢有好多野同我講,其實都好既,如果佢唔講出黎屈係個心度咪仲衰,而家佢講出黎可能好D架.....起碼對佢黎講係好事先啦...到佢講哂既時候佢仲要反問番我有冇野同佢講,呵...又問我而家做得好唔好,其實我真係冇咩野想講呀,因為我都唔知由邊度講起呀,同埋我真係唔想講太多呀,講左都冇咩用既....所以我都係決定唔講,我自己做到既就做啦....呢個係我而家暫時既總結呀...

今日約左Yuki去左行街街呀,我地首先去左行西九龍中心,我梗係有執到野啦....仲要係我最鍾意既Lip Gloss a....唔係Yuki阻止我,我可能唔止買左兩枝呀,係呢度要多謝佢呀...呵...我今日呢兩枝Lip Gloss真係抵呀,夾埋都係15蚊喳....可恣大家都覺得會驚,咁平會唔會有事架...我又唔係太擔心呀,講真吖...呢D通常都唔會有太大問題既...係有事既一早有啦..係咪..邊驚得咁多,同埋我去到旺角見到佢地賣同款既要38蚊呀....差咁多既都唔明點解呀,可能西九龍唔係好多人行掛...呵..唯一既解釋係咁囉,我今日既友獲只係咁多喳...呵...反而我朋友既收獲就多過我啦...呵...大家都行得好開心就真既...我地今日都行左好多路呀....我地行完西九龍再行埋深水埗既批發店鋪,不過我地都冇收獲,再沿經太子係個度一間有貓貓既樓上cafe食tea,我仲同貓貓玩呀...開心開心,雖然有幾隻都訓左呀,有隻仲要用好凌厲既眼神瞪住我呀,我都唔怕佢架...呵...最緊要可以同佢地玩麻...佢地都好可愛好得意呀,呢間野好得,雖然野食麻麻地,但杯奶茶好好飲呀...正....

話咁快又到左8月份啦...時間過得越快我就越擔心呀,我擔心我要搵幾耐先搵到我自己想做既野呢...?今日有間公司打俾我叫我去interview可惜我推左佢呀,其實我都唔想架,因為佢要我office hour內去見,我唔可以架麻...咁樣做太張揚啦..係人都知我咩事啦...所以我係個冇辦法既情況下先至推,今日打俾我個個係外國女人呀,呵..佢都幾好人架,佢仲話叫我寫低佢既電話號碼,如果辦公時間內可以見既就打俾佢,呵....好得呀佢....好開心呀,聽日約左個朋友仔去行街呀,我地諗住去一D批發既店鋪到看看有冇平野執呀....開心開心笑笑笑笑

今日有個同事last day a...但我冇同佢地出去食午飯呀,因為我帶左飯呀,加上我同佢都唔熟呀,所以應該唔緊要既....不過都要多謝呢位同事呀,佢呢幾日臨走過左我地office個邊幫我地執定準備要搬既野,整理下個堆又殘又舊既file真係好多謝佢呀....(佢不嬲都係在倉個邊做架)呢幾日臨走個邊又搬左所以佢咪搬左過黎幫我地手囉....再一次係呢度說一聲唔該哂呀...呵....