今日都唔可以話叫做忙...但係爭少少中招,今日真係要多謝個同事佢郎左我呀,唔係我實俾阿姐罵呀...雖然我同呢位同事都冇咩兩句,我地都好少講野,但係今日多得佢問一問問題,否則我真係跌落黃泉都似呀....多謝哂呀....

今日又有飛車事件,真係慘呀,要等半個鍾頭先有車呀...希望聽日唔好係咁就得啦...否則就慘啦........

今日師妹約左我行街,嘩...勁曬呀,曬到個人都冇咩心機呀,呵....不過我地都行得好開心,佢都有買到野呀,佢仲不停咁問我買唔買野呀,我就冇咩特別野想買...所以我今日係冇收獲架...哈哈,今日我係負責聽佢講野架,因為佢有好多野同我講,其實都好既,如果佢唔講出黎屈係個心度咪仲衰,而家佢講出黎可能好D架.....起碼對佢黎講係好事先啦...到佢講哂既時候佢仲要反問番我有冇野同佢講,呵...又問我而家做得好唔好,其實我真係冇咩野想講呀,因為我都唔知由邊度講起呀,同埋我真係唔想講太多呀,講左都冇咩用既....所以我都係決定唔講,我自己做到既就做啦....呢個係我而家暫時既總結呀...

今日約左Yuki去左行街街呀,我地首先去左行西九龍中心,我梗係有執到野啦....仲要係我最鍾意既Lip Gloss a....唔係Yuki阻止我,我可能唔止買左兩枝呀,係呢度要多謝佢呀...呵...我今日呢兩枝Lip Gloss真係抵呀,夾埋都係15蚊喳....可恣大家都覺得會驚,咁平會唔會有事架...我又唔係太擔心呀,講真吖...呢D通常都唔會有太大問題既...係有事既一早有啦..係咪..邊驚得咁多,同埋我去到旺角見到佢地賣同款既要38蚊呀....差咁多既都唔明點解呀,可能西九龍唔係好多人行掛...呵..唯一既解釋係咁囉,我今日既友獲只係咁多喳...呵...反而我朋友既收獲就多過我啦...呵...大家都行得好開心就真既...我地今日都行左好多路呀....我地行完西九龍再行埋深水埗既批發店鋪,不過我地都冇收獲,再沿經太子係個度一間有貓貓既樓上cafe食tea,我仲同貓貓玩呀...開心開心,雖然有幾隻都訓左呀,有隻仲要用好凌厲既眼神瞪住我呀,我都唔怕佢架...呵...最緊要可以同佢地玩麻...佢地都好可愛好得意呀,呢間野好得,雖然野食麻麻地,但杯奶茶好好飲呀...正....

話咁快又到左8月份啦...時間過得越快我就越擔心呀,我擔心我要搵幾耐先搵到我自己想做既野呢...?今日有間公司打俾我叫我去interview可惜我推左佢呀,其實我都唔想架,因為佢要我office hour內去見,我唔可以架麻...咁樣做太張揚啦..係人都知我咩事啦...所以我係個冇辦法既情況下先至推,今日打俾我個個係外國女人呀,呵..佢都幾好人架,佢仲話叫我寫低佢既電話號碼,如果辦公時間內可以見既就打俾佢,呵....好得呀佢....好開心呀,聽日約左個朋友仔去行街呀,我地諗住去一D批發既店鋪到看看有冇平野執呀....開心開心笑笑笑笑

今日有個同事last day a...但我冇同佢地出去食午飯呀,因為我帶左飯呀,加上我同佢都唔熟呀,所以應該唔緊要既....不過都要多謝呢位同事呀,佢呢幾日臨走過左我地office個邊幫我地執定準備要搬既野,整理下個堆又殘又舊既file真係好多謝佢呀....(佢不嬲都係在倉個邊做架)呢幾日臨走個邊又搬左所以佢咪搬左過黎幫我地手囉....再一次係呢度說一聲唔該哂呀...呵....

我突然間好想知道大家係唔係番工等放工架...唔知點解我個腦海突然好想問呢條問題呀....我呢排都有看番無線既劇集呀..之前我有看甜言蜜語啦...呵...我覺得幾好看呀,而家我又有睇家好月圓,呵...佢地幾個後生仔女做手語話佢地阿姨好鬼抵死呀...掂呀,特別係sa姨啦...好鬼得呀,唔止係得得地呀...我等緊阿卡出場架,應該聽日可以睇到啦...呵....開心開心..

今日又係一個星期既開始,咁當然會係最累同埋最眼訓既一日架啦...我其實都唔太明架,點解我會咁唔鍾意星期一架,可能就係因為又係一星期既開始同埋預告你又要番工既日子掛...呵....今日天氣真係勁熱呀,真係熱死人地個女呀,熱到爆呀,就連廁所都唔想行去呀,因為我地個洗手間在公司外面,同埋我地既廁所係不設冷氣架,唉...所以你地明點解我唔想去就係咁解囉....

昨晚一夜起幾次身,其實我有懷疑過自己根本就冇訓到呀,不過今朝又未至於好唔想起身,即係話我昨晚應該係有訓既,不過係訓得唔好囉,點算...又訓得唔好,呢個月都唔知已經係第幾次啦....再咁落去我真係驚自己會有抑鬱呀....好彩我都仲有野可以救到我,就係煲碟啦...呵...呢個真係咪講笑呀,萬試萬寧架....次次唔開心1拎套碟出黎睇就咩事都冇架,簡直就係仙丹炒藥呀.....

今日出面超熱呀....根本就諗唔到出街既理由呀...所以飲左茶之後就番屋企啦...加上昨日行左一整日,應該要係屋企抖下看碟呀...所以我今日係屋企就看番以前既碟呀,超好笑呀,笑死我呀.....勁搞笑呀,笑到隔離屋都聽到呀,嘻.........