今日過得都好鬼快…不過就好鬼眼訓呀…希望今晚我可以做得到早少少訓啦…呵….(都幾難…而家剛剛按左去收費台睇我們這一家,花師奶超好笑呀…今日好慘呀…食飽飯洗碗個陣發現廁所門開唔到(因為我地係要用key開門架)供用既係咁上下…但係佢反鎖左超慘呀…搞到我兩頭唔到岸呀,唉…又落左樓下搵殘廁諗住洗左先,點知樓下既廁所又要鎖匙,唉…真係慘呀…諗住落番自己既倉個度借廁所,拎哂所有野準備落14樓既時候,真係要講個頂字呀,個廁所冇事啦..又開得番門啦..等我行左幾次先冇事,真係想殺人呀….

今日過左一個好忙碌既禮拜一呀,但係又好鬼充實呀覺得....開心開心,希望快快到禮拜5啦...因為今個禮拜我番5日喳..好鬼開心呀,我由於時間關係都已經諗好左禮拜五同埋禮拜六既節目啦...係唔係好犀利呢..?講開去玩,我有個朋友仔叫我地陪佢去玩個種一日團呀...呵...我係時候要召集朋友仔啦...等我得閒就要搵下佢地先得...

呢幾日都冇寫,大家可能以為我已經冇再留係度...其實未係既...一日未關我一日都會係度既...你地放心啦...睇開我日記既朋友仔如果我搵到新屋我一定會攏出黎話俾你地知等你地好好咁再欣賞我寫既野架....呢幾日冇寫,所以今日寫多次啦...嘩哈哈..你睇下我對你地幾鬼好...

哈哈...昨晚放左工同個朋友仔去左唱歌仔呀....我今個月淨係去唱K都去左4次呀...好鬼激呀....另外今日同兩個朋友去左飲下午茶,跟住其中有一個又話下個禮拜不如去唱歌呀...佢話我同佢都好多年冇唱過,我所以諗都唔諗就應承佢,佢又真係講得冇錯呀,我同佢真係好鬼多年冇唱過啦....好恐怖呀...我上個月冇唱歌既quota今個月都用埋呀...呵....今個月真係好鬼誇呀,我仲要俾小玉話我呀,問我係唔係去練歌開演唱會呀..好鬼衰呀佢...呵...

今日check email先知道原來我既日記將會在10月5號就會自動終止架啦....請各位好鬼可愛既朋友仔留意呀,其實唔係我唔想寫,而係pccw 同韓國個邊合作開既hompy and avaitar既合作需要終止,所以都冇計啦,只可以講冇辦法呀,呵....唔怕啦...我可能會搵下第2個地方再寫過咁你地又可以見到我啦...呵...人人常歡笑不要眼淚掉...正呀呢句歌詞....

今日番完教會進行完聖餐之後就同阿爸阿媽食左大x樂之後就番屋企啦...原先邐 住訓架..點知Full完個靚靚 mask之後訓唔著呀,所以都係算啦...咪上下網睇下阿師妹借俾我既雜誌咁囉,聽日我就可以還番俾佢啦...開心開心....

tomorrow is another good day la....every body....Yeah...!!!

我今日有個朋友仔生日呀...祝佢生日快樂...

今日放左工同左我同事去左食野同埋行街,佢仲買到野呀,真係好鬼開心呀,呵....不過我地未去掃貨個陣我地傾左好多野呀.....(梗係講緊公司是非啦...)哈哈....都有正面野講下既...我都覺得公司有進步過既(係某兩三個地方...)如果個system都轉埋會更好囉....不過唔駛諗啦,都唔會多架啦關於呢方面....阿妹原先想繼續傾落去架,但係我阻止左佢呀,因為我知道如果佢繼續傾落去我地唔駛去行街架啦...而佢都唔會有收獲呀...呵...不過好彩今日去食野既地方冇趕我地走喳...呵...唔該哂呀真係(係因為間野冇咩人呀,可能係因為今日係禮拜六啦...)我地係金鳳食飽野之後就落番CWB,跟住我地就開始我地既血拚大行動呀(其實係佢血拚,呵...)不過我今日都發現左樣野,係某情況下我真係睇唔到金融海嘯呀,因為好鬼多人買野駛錢呀...呵...或者係我眼花又或者根本佢地就唔係香港人啦...不過其實佢地肯買野對於香港黎講都係一件好事黎既

hehe....good evening咁多位朋友仔...今日好鬼開心呀,因為今日放工之後就約左小玉去唱K呀,好鬼開心呀,一黎可以見到佢啦...因為好耐冇見過佢架啦....二黎俾手信佢呀而且我仲有支酒送俾佢飲既....三黎佢又有個袋送俾我呀...你地話我地既見面係唔係一舉幾得吖..?直情係正tim啦...

唔講你地唔知,我今次係第一次同小玉去唱歌呀...原來佢唱歌真係超正呀,我一估就中啦..我估咩野,我一估就估佢以前係唱過合唱團呀...俾我估中左啦...好鬼叻呀我,我話你地知吖..原來我地兩個一唱起歌可以真係好鬼顛架...我地兩個仲扮twins唱歌呀,我地兩個簡直係顛左啦...(不過小玉話我顛過佢呀....都唔知係唔係架...呵..)今晚真係要多謝小玉呀,因為今晚佢做老闆架..佢請我唱歌兼夾食自助餐當係我既生日禮物(包埋個袋架...)好鬼愛佢架(我成日都咁樣同佢講架)佢都開始唔多理我啦...嘩哈哈...開心開心...不過聽日又要開工吖...佢嫌唱得唔夠候呀,可能係因為今日係禮拜五啦..都好多人等房架我地走個陣見到,算啦...我都已經約左佢下次啦....我地實行再做一隊開心顛'S先至得(好彩我地兩個臨走都有唱左幾首twins既歌仔呀,唔係就真係浪費左)

First of all....多謝Rex今日請我地食糖呀,其實原本佢請我地食糖就唔駛寫出黎架,但係佢今日請我地食既糖就係街冇得賣架....所以即係話我地係第一個食到呀...呵..所以就要趁機多謝佢啦...隻綠茶糖好鬼正呀....好重茶味呀...好正....

聽日唔得閒睇轉角遇到愛真係有少少可惜呀...呵...雖然我自己已經睇過,但係而家睇番亞視播番一樣都覺得勁搞笑呀...開心開心....